မလေးရှား BP ကုမ္ပဏီမှ ကမ္ဘောဒီးယားတွင်ရော်ဘာစိုက်မည်                   မလေးရှားနိုင်ငံမှ BP  ပလပ်စတစ် လုပ်ငန်းကုမ္ပဏီက ကမ္ဘောဒီးယားနိုင်ငံမှာ မကြာမှီရော်ဘာ စိုက်ပျိုးရေးလုပ်ငန်းစတင်ဖို့ အတွက် ကမ္ဘောဒီးယားအစိုးရရဲ့ ထောက်ခံချက်ကို စောင့်မျှော်နေကြောင်း သိရပါတယ်။ BP လုပ်ငန်းက ကမ္ဘောဒီးယားမှာ မြေလွတ်မြေရိုင်းပေါြွကယ်ဝတဲ့အပြင် ကုန်ကျစရိတ်သက်သာတာကြောင့် ရော်ဘာစိုက်ပျိုးရေး ဆောင်ရွက်ဖို့ ဆုံးဖြတ်ခဲ့ခြင်း ဖြစ်ပါတယ်။ လာမယ့် (၁ဝ) စုနှစ်ကာလမှာ ရော်ဘာအလားအလာက ဆက်လက်ကောင်းနေနိုင်ကြောင်း ကုမ္ပဏီမန်နေဂျာက ပြောကြားခဲ့ပါတယ်။ မလေးရှားမှာ ဆီးအုန်းစိုက်ပျိုးမှုများပြားတဲ့အတွက် ရော်ဘာစိုက်ဖို့မြေနေရာခက်ခဲကြောင်းနဲ့ အချို့ နေရာဒေသတွေမှာ စိုက်ပျိုးမြေရှိပေမယ့် ရော်ဘာစိုက်ဖို့သင့်တော်တဲ့ မြေအမျိုးအစားမဟုတ်ကြောင်း ၎င်းကပြောကြားပါတယ်။ တကယ်လို့ စိုက်ပျိုးခွင့်ရမယ်ဆိုရင် ကမ္ဘောဒီးယားရဲ့ အရှေ့မြောက်ပိုင်းဒေသမှာ ရော်ဘာဟက်တာ (၁ဝဝဝဝ) စိုက်ပျိုးမယ်လို့သိရပါတယ်။BP  ပလတ်စတစ်ကုမ္ပဏီအနေနဲ့ ရော်ဘာစိုက်ပျိုးရေးကနေ အကျိုးရလဒ်မရှိပေမယ့် ပလတ်စတစ် ထုတ်ကုန်တွေအတွက် ရည်ရွယ်ပြီးစိုက်ပျိုးဖို့ဆုံးဖြတ်ခဲ့တာ ဖြစ်ကြောင်း သိရပါတယ်။ Source: The Star,KZW 

မူဆယ်နဲ့ ချင်းရွှေဟော်သာမက မြိတ်ကလည်း ရော်ဘာတင်ပို့နိုင်                   ဇွန်လ ၁ ရက်မှ ၇ ရက်ထိ ကာလအတွင်း မူဆယ်၊ ချင်းရွှေဟော်နဲ့ မြိတ်နယ်စပ်ကုန်သွယ်ရေးများက တစ်ဆင့် တစ်ဘက် နိုင်ငံသို့RSS-3  တန် ၇၆ဝ ကျော်နဲ့MSR-50 ၁၂၂ တန် တင်ပို့နိုင်ခဲ့ပါတယ်။ နယ်စပ်အလိုက် တင်ပို့နိုင်မှုများကတော့ မူဆယ်မRSS-3  ၄၁၅ တန်၊MSR-50 ၁၂၂ တန်၊ ချင်းရွှေဟော်RSS-3  ၂၄၅ တန်ကျော်နဲ့ မြိတ်မှ RSS-3  တန် ၁ဝဝ ၊ စုစုပေါင်း ကန်ဒေါ်လာ ၄ ဒသမ ၂၂၉ သန်းဖိုး တင်ပို့နိုင်ခဲ့ပါတယ်။ မူဆယ်နယ်စပ်အနေနဲ့ ယွမ်ဈေး အတက်အကျ ပေါ်မူတည်ပြီး တွက်ချေကိုက်မှုနည်းတဲ့အတွက် ယခုအပတ်မှာ ယခင်အပတ်ကထက် တန် ၁၂ဝ ကျော် လျော့နည်းတင်ပို့ခဲ့ပါတယ်။ နယ်စပ်စခန်းများအားလုံးရဲ့ တင်ပို့နိုင်မှုကတော့ ယခင်အပတ်ကထက် ၁၆၃ တန် ပိုမိုတင်ပို့နိုင်ခဲ့ပါတယ်။ မိမိဘက်နဲ့ တစ်ဘက်နိုင်ငံ ရော်ဘာမြေပြင်ပေါက် ဈေးများကို နှိုင်းယှဉ် ဖော်ပြပေးလိုက်ရပါတယ်                                               မိမိဘက်(ကျပ်/တန်)                 တစ်ဘက်နိုင်ငံ(ဒေါ်လာ/တန်)                   ယခု                 ယခင်      ပြောင်းလဲမှု      %      ယခု       ယခင်    ပြောင်းလဲမှု   %RSS -3      ၃၈၁၂ဝ၂ဝ     ၃၁၉၉ဝဝဝ     ၆၁၃ဝ၂ဝ     ၁၆      ၄၆၃၇     ၄၄၇၄     ၁၆၃         ၄RSS -5      ၃၆၉၅၉၃ဝ     ၃ဝ၈၇ဝဝဝ      ၆ဝ၈၉၃ဝ     ၁၆     ၄၅၆ဝ     ၄၃၉၆     ၁၆၄         ၄MIRT (DOBT)

မဒ္ဒရာပရာဒေ့ရှ်မှာ အအေးလှိုင်းဒဏ်ခံရတဲ့ တောင်သူများ ပဲအထွက်စံချိန်တင်မြင့်တက်                   အစောပိုင်းလအနည်းငယ်က အအေးလှိုင်းကျရောက်မှုကြောင့် ပဲမျိုးစုံ အထွက် ဆုံးရှုံးမှုဖြစ်ခဲ့တဲ့ အိန္ဒိယနိုင်ငံ မဒ္ဒရာပရာဒေ့ရှ်မှာ လက်ရှိပဲမျိုးစုံထုတ်လုပ်မှု ဟာ စံချိန်သစ်တင်ဖွယ်ရှိတယ်လို့ အာဏာပိုင်များက အတည်ပြုပြောကြားပါ တယ်။ အစောပိုင်းလများက ပဲစိုက်ဧရိယာအများစုမှာ နှင်းခါးရိုက်မှုကြောင့် ပဲစင်းငုံများ ပျက်စီးဆုံးရှုံးမှုအတွက် ငွေကြေးအထာက်အပံ့ ပေးဖို့ ပြည်နယ် ဝန်ကြီးချုပ် Shivraj Singh chouhan  က တောင်းဆိုခဲ့ပြီး နောက် ယခုလို ပဲအထွက်ပိုမယ်ဆိုတဲ့ သတင်းထွက်ပေါ်လာတာဖြစ်ပါတယ်။ ဗဟိုအစိုးရ ဥပဒေမှာ နှင်းခါးရိုက်ခြင်း၊ အအေးပိုခြင်းကြောင့် ပျက်စီးမှုကို သဘာဝဘေးကြောင့် ပျက်စီးတယ်လို့ ယူဆသတ်မှတ်ထားခြင်းမရှိတာကြောင့် ပဲစိုက်ပျိုးသူများကို ငွေကြေးအထောက်အပံ့မပေးခြင်းကို ပြည်နယ်ဝန်ကြီးမှ ပြစ်တင်ဝေဖန်ခဲ့ပါတယ်။ ပြည်နယ်ဝန်ကြီးဟာ လအနည်းငယ်အတွင်း ပြန်လည်ပေး ဆပ်ရမယ့် ချေးငွေရူပီး ၂၅ဝဝဝ သန်း (ကန်ဒေါ်လာ ၅၆၁ ဒသမ ၅ သန်း)ကို တောင်းဆိုခဲ့ပြီး ဝန်ကြီးချုပ် မန်မိုဟန်ဆင်းနဲ့လည်း ဆွေးနွေးပွဲများ အကြိမ်ကြိမ် ပြုလုပ်ခဲ့တယ်လို့ သိရပါတယ်။              ပြည်နယ်စိုက်ပျိုးရေး ထုတ်လုပ်မှု ကော်မရှင်နာနဲ့ လယ်သမားများ လူမှုဖူလုံ ရေး၊ စိုက်ပျိုးရေးဖွံ့ဖြိုး တိုးတက်မှုဌာန ဥက္ကဌ ပရာဆူရမ်ကလည်း ၎င်းအချက်များ မှန်ကန်ကြောင်း၊ သီးနံှထုတ်လုပ်မှု တိုးတက်နေပြီး စံချိန်တင်ထွက်ရှိလာနိုင် ကြောင်း ပြောကြားခဲ့ပါတယ်။ ယင်းပြည်နယ်ဟာ ပဲမျိုးစုံထုတ်လုပ်မှု အမြင့်ဆုံးမှာ ရှိနေပြီး ယခုနှစ်မှာ ပဲထုတ်လုပ်မှု တန်ချိန် ၅ သိန်း တိုးတက်ဖွယ်ရှိတယ်လို့ ဆိုပါတယ်။ ယခင်နှစ်က ပဲမျိုးစုံတန်ချိန် ၄၂၇၃ဝဝဝ ထွက်ရှိခဲ့ရာမှ ယခုနှစ်မှာ တန်ချိန် ၄၆၄၁ဝဝဝ ထိ တိုးတက်ထွက်ရှိဖွယ် ရှိတယ်လို့ ဆိုပါတယ်။ ၂ဝဝ၈-ဝ၉ ခုနှစ်အတွင်း ပဲမျိုးစုံတန်ချိန် ၃၇ဝ၉ဝဝဝ ထွက်ရှိခဲ့ပြီး ယခင်နှစ်က ၁၅ ရာခိုင်နှုန်း တိုးတက်ပြီး တန်ချိန် ၄၂၇၃ဝဝဝ ထိထွက်ရှိလာနိုင်တယ်လို့ ဆိုပါတယ်။ ယင်းပဲများအနက် ပဲစင်းငုံ တန်ချိန် ၃ဝ၈ဝဝဝနဲ့ ကုလားပဲတန်ချိန် ၃၃ဝ၄ဝဝဝ ပါဝင်တယ်လို့ သိရပါတယ်။ ကုလားပဲဖြူလုံးကြီး၊ ပဲစင်းငုံ၊ မတ်ပဲ၊ ပဲတီစိမ်းနဲ့ ပဲနီလေးတို့ဟာ မဒ္ဒရာပရာဒေ့ရှ်မှာ အဓိကစိုက်ပျိုးတဲ့ ပဲများဖြစ်ပါတယ်။ ယင်းပြည်နယ်ရဲ့ ပဲစင်းငုံထုတ်လုပ်မှုဟာ တစ်နိုင်ငံလုံးရဲ့ ၉၄ ရာခိုင်နှုန်းရှိပြီး ကုလားပဲကတော့ ၂၈-၃ဝ ရာခိုင်နှုန်းရှိတယ်လို့ သိရပါတယ်။               ယခင်နှစ် နှင်းခါးရိုက်မှုကြောင့် အဓိကပဲစင်းငုံစိုက်ပျိုးတဲ့ ခရိုင်အားလုံးနီးပါး ပျက်စီးခဲ့ရတဲ့အတွက် ပြည်နယ်စိုက်ပျိုးရေး အသုံးစရိတ်ထဲက ရူပီး ၁၃၅၉ဝ (ကန်ဒေါ်လာ ၃ဝ၅ ဒသမ ၂) ကို ပဲစိုက်ပျိုးသူတွေကို ထောက်ပံ့ခဲ့တယ်လို့ သိရပါတယ်။ ယမင်းရွှေစင်၊ Source: hindubusinessline

ထောပတ်ပဲနဲ့ မြေထောက်ပဲတင်ပို့မှု လျော့ကျလာ                  ယခုသီတင်းပတ်အတွင်း ပင်လယ်ရေကြောင်းက ထောပတ်ပဲနဲ့ မြေထောက်ပဲ တင်ပို့မှု လျော့ကျလာတာ တွေ့ရပါတယ်။ ယခင်သီတင်းပတ်များက ထောပတ်ပဲ တန် ၈ဝဝ ကျော်၊ မြေထောက်ပဲ တန် ၃ဝဝ ကျော်နဲ့ တင်ပို့မှုအားကောင်းခဲ့ရာမှ ယခုသီတင်းပတ် ဇွန်လ ၂ ရက်မှ ၈ ရက်အတွင်းမှာတော့ ထောပတ်ပဲ တန် ၂ဝဝ နဲ့ မြေထောက်ပဲ တန် ၂၅ဝ ခန့်သာ တင်ပို့မှု ရှိခဲ့တာတွေ့ရပါတယ်။ မေလ တစ်လလုံး တင်ပို့မှုအနေနဲ့ ထောပတ်ပဲ တန် ၄ဝဝဝ ကျော်၊ မြေထောက်ပဲ တန် ၁၈ဝဝ ခန့် ရှိပြီး ယခင်နှစ် ၂ဝ၁ဝ မေလအတွင်းမှာတော့ ထောပတ် ပဲ တန်ချိန် ၂၇ဝဝ ခန့်နဲ့ မြေထောက်ပဲ တန် ၇ဝဝ ကျော် တင်ပို့ခဲ့လို့ ယခုနှစ် မေလအတွင်း တင်ပို့မှုပိုခဲ့တာ တွေ့ရပါတယ်။ လက်ရှိဘဏ္ဍနှစ်အတွင်း ဇွန်လ ၃ ရက်နေ့အထိ တင်ပို့ပြီးစီးမှုအနေနဲ့ ထောပတ်ပဲတန်ချိန် ၆၇ဝဝ ခန့်၊ မြေထောက်ပဲ တန် ၃ဝဝဝ နီးပါးရှိပြီး ယခင်ဘဏ္ဍာနှစ် ကာလတူက ထောပတ်ပဲတန်ချိန် ၆ဝဝဝ နီးပါးနဲ့မြေထောက်ပဲတန်ချိန် ၂ဝဝဝ ကျော် တင်ပို့မှုရှိခဲ့တာ တွေ့ရပါတယ်။ လာမယ့် သီတင်းပတ်မှာတော့ တင်ပို့မှု ပြန်တက်လာနိုင်တယ်လို့ ခန့်မှန်းကြပါတယ်။ MIRT- MAPT