မျိုးအတွက် V2  ပြန်ဝယ်                 ၂ဝ၁ဝ-၂ဝ၁၁ ခု စစ်ကိုင်းတိုင်းဒေသကြီးအတွင်း ကုလားပဲစိုက်ပျိုး လျာထားဧက ၃ ဒသမ ၆၈ သိန်းအနက် ၂ ဒသမ ၈ဝ သိန်းစိုက်ပြီးလို့ ၇၆ ရာခိုင်နှုန်းကျော် စိုက်ပျိုးပြီးဖြစ်ပါတယ်။ စိုက်ပျိုးရန်ကျန်တဲ့ ရေဦး၊ ဒီပဲယင်း၊ တန့်ဆည်မြို့နယ်များရှိ တောင်သူအချို့က မုံရွာမြို့ပေါ်ရှိ ကုန်သည်များထံ ကုလားပဲဖြူလုံးကြီး V2 စိုက်ပျိုးရန်မျိုးများ လာရောက်ဝယ်ယူကြောင်းသိရပါတယ်။                 တိုင်းအတွင်းသာမက မန္တလေးတိုင်းဒေသကြီးရှိ ကျောက်ဆည်မြို့မှ တောင်သူများပါ လာရောက်ဝယ်ယူကြောင်းသိရပါတယ်။ မုံရွာကုန်စည်ဒိုင်မှာ တစ်ရက်လျှင်ပျမ်းမျှ တင်း ၉ဝ ခန့် အရောင်းအဝယ်ဖြစ်ပါတယ်။ ၂ဝ၁ဝ ခု ဒီဇင်ဘာ ၂၁ ရက်အတွင်း ကုလားပဲဖြူလုံးကြီး V2 တစ်ပိဿာ အနိမ့်အမြင့်ဈေးမှာ ၁၂၁၁ ကျပ်၊ ၁၂၅၃ ကျပ် ဈေးအသီးသီးနဲ့ ရောင်းဝယ်ခဲ့ကြပါတယ်။                                                                             သန်းသန်းတင် 

လက်လီအဝယ်ရှိလို့ အိန္ဒိယ ကုလားပဲဈေးမြင့်တက်          အိန္ဒိယနိုင်ငံမှာ လာမယ့်လပွဲတော်အတွက် လက်လီဆိုင်များနဲ့ ပဲခွဲစက် များက အဝယ်တိုးတက်လာသလို ကြိုပွိုင့်ဈေးလည်းမြင့်တက်လာတာ ကြောင့် အင်ဒိုရီဈေးကွက်ကုလားပဲလက်ငင်းဈေး တစ်တန်ကို ရူပီး ၃ဝဝ (ကန်ဒေါ်လာ ၆ ဒသမ ၆၄) မြင့်တက်ပြီး ရူပီး ၂၃၉ဝဝ-၂၄ဝဝဝ (ကန်ဒေါ်လာ ၅၂၉-၅၃၁) ဈေးဖြစ်ခဲ့တယ်လို့ သိရပါတယ်။ NCDEX  မှာ ဇန်နဝါရီလ ကုလားပဲစာချုပ်ဈေး ဟာ ရူပီး ၃၄ဝ (ကန်ဒေါ်လာ ၇ ဒသမ ၅၂) မြင့်တက်ပြီး ရူပီး ၂၅၈၃ဝ (ကန်ဒေါ်လာ ၅၇၂) ဖြစ်ခဲ့ပါတယ်။ အလားတူ မွန်ဘိုင်းဆိပ်ကမ်းမှာ သြစတြေးလျ ကုလားပဲဈေးလည်း တစ်တန်ကို ရူပီး ၂၅ဝ (ကန်ဒေါ်လာ ၅ ဒသမ ၅၃) မြင့်တက်ပြီး ရူပီး ၂၅၂၅ဝ (ကန်ဒေါ်လာ ၅၅၉) ဖြစ်ခဲ့တယ်လို့ သိရပါတယ်။ နိုင်ငံတစ်ဝန်း ကုလားပဲလက်ကျန်များ လျော့ကျခြင်းနဲ့ လှောင်လက်များ ကလည်း လက်ကျန်များ ရနိုင်သလောက် ထိန်းထားပြီး ဈေးအမြင့်နဲ့ ရောင်းချ နေတာကြောင့် လက်ငင်းဈေးကွက်ရော ကြိုပွိုင့်ဈေးပါ လာမယ့်လများအထိ မြင့်တက်နေဦးမယ်လို့ ခန့်မှန်းကြပါတယ်။ သြစတြေးလျမှာ ကုလားပဲများ ပျက်စီး တဲ့ သတင်းများနဲ့ ကနေဒါ၊ သြစတြေးလျတို့က တင်သွင်းမှု လျော့နည်းခြင်း တို့ ကြောင့် ရောင်းလိုအားနဲ့ ဝယ်လိုအား မမျှတမှုကိုဖြစ်စေပြီး ဈေးနှုန်းကို ပိုမိုမြင့် တက် စေတယ်လို့ ကုန်သည်များက ဆိုပါတယ်။ယမင်းခင်၊ှSources: business line

အရည်အသွေးပေါ်မူတည်၍ အရောင်းအဝယ်ဖြစ်တဲ့ ပြည်ပဲတီစိမ်း           ယခုတစ်ပတ် ပြည်ဈေးကွက်အတွင်း ပဲမျိုးစုံဈေးနှုန်းများကျဆင်းလျက်ရှိရာ ပဲတီစိမ်းဈေးနှုန်းမှာလည်း ယခင်အပတ်ကထက် ဈေးကျသွားခဲ့ပါတယ်။ ယခုတစ်ပတ်အတွင်း ပဲတီစိမ်းဈေးမှာ ပဲအရည်အသွေးပေါ်မူတည်၍ အရောင်း အဝယ်ဖြစ်နေကြပါတယ်။ ပဲတီစိမ်းအရည်အသွေးမှာ အစိမ်းရောင်တောက်သည့်ပဲအမျိုးအစားဖြစ်ပါက တစ်တင်း ၂၆ဝဝဝ ကျပ်၊ ပဲအရောင်မှိန်ပါက ၁ တင်း ၂၂ဝဝဝ ကျပ်ဖြင့် တစ်ရက်ကို အိတ် ၅ဝဝ ကျော် အရောင်းအဝယ်ဖြစ်လျက်ရှိပါတယ်။ ဒေသတွင်း မြို့နယ်များနှင့် မကွေးတိုင်းဒေသကြီးဖက်မှ နေ့စဉ်အဝင်ရှိသလို ရန်ကုန်သို့ တင်ပို့မှုအနေဖြင့် ယခုလ တတိယ ပတ် အထိ အိတ် ၄၉ဝဝ ကျော်နဲ့ မန္တလေးတိုင်းဒေသကြီးသို့ အိတ် ၈ဝဝ ခန့် တင်ပို့ခဲ့ကြောင်း သိရပါတယ်။                                ခင်ဆွေဝင်း

 မန်းဝယ်လက်အဆွဲပိုတဲ့ မုံရွာပဲတီ              ယခုတစ်ပတ် မုံရွာကုန်စည်ဒိုင် ပဲတီစိမ်းဈေးကွက်အနေနဲ့ နယ်ပစ္စည်း အဝင်ပုံမှန်ရှိခဲ့သလို မန်းအဆွဲ အနည်းငယ် ပိုလာခဲ့ပေမဲ့ ဈေးအနည်းငယ် အေးသွားတယ်လို့ ဆိုပါတယ်။ ပြီးခဲ့တဲ့ တစ်ပတ်ထက် တစ်တင်း ၁၅ဝဝ ကျပ်ခန့် လျော့နည်းခဲ့ပြီး ယခု ရက်ပတ်မှာ ပဲတီစိမ်းကြီးတစ်တင်း ၂၃ဝဝဝ ကျပ်နဲ့ ပဲတီစိမ်း သေးတစ်တင်း ၁၉ဝဝဝ ကျပ်ဈေးမှာ တန့်နေခဲ့ပါတယ်။ အရောင်း အဝယ်အားဖြင့် မုံရွာ ကုန်စည်ဒိုင်မှာ ဒေသခံခွဲစက်သမားပဲလက်လီသမားနဲ့ မန်းဝယ်လက်တွေက အဆွဲပိုလို့ တစ်နေ့ အိတ် ၅ဝဝ ခန့် ဖြစ်ခဲ့ပြီး ဒီရက်ပတ်အတွင်း မုံရွာကုန်စည်ဒိုင် နယ်မြေကနေ မန္တလေးဈေးကွက်ကို ပဲတီစိမ်းတင်း ၄ဝဝဝ နီးပါး စီးထွက် သွားခဲ့တယ်လို့ သိရပါတယ်။                                                                                                                         ထွန်းလှိုင်