မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာသုညဒသမ ၀၉၉၇ သန်းတန်ဖိုးရှိ စွန်တာနီ/ပြာ ၁၅၃ တန်ကို အောက်တိုဘာလ ၂၄ ရက်မှ ၃၀ ရက်ထိ ကာလအတွင်းမှာ တစ်ဖက်နိုင်ငံသို့တင်ပို့ခဲ့ရာ ယခင်အပတ်တင်ပို့မှုထက် ၁၂၅ တန်အပို့ပိုခဲ့ပါတယ်။ ယခုအပတ်အတွင်း မူဆယ် ၁၀၅ မိုင်မှ ကန်ဒေါ်လာ သုည ဒသမ ၀၅၅ သန်းတန်ဖိုးရှိထောပတ်ပဲ ၉၅ တန်ကျော်နဲ့ကန်ဒေါ်လာ သုည ဒသမ ၀၀၄ သန်းတန်ဖိုးရှိ ပဲနီကြား ၄ တန်ခွဲလည်း အပို့ရှိခဲ့သေးတယ်လို့သိရပါ တယ်။ MIRT(DOBT)

ယခုနိုဝင်ဘာလဆန်း ပြည်ဈေးကွက်မှာ မတ်ပဲသီးနှံကို မျိုးပဲသမားများအဝယ်ရှိသလို လိုင်းသမားလည်း အဝယ်ရှိနေ ခဲ့ပါတယ်။ ကောက်စောစပါးရိတ်သိမ်းထားတဲ့ လယ်မြေများ မှာ မတ်ပဲစိုက်ပျိုးနေကြပြီဖြစ်လို့ မျိုးပဲသမားများ တစ်ရက် အိတ် ၂၀ ကျော် ၃၀ အထိအဝယ်ရှိခဲ့ပြီး မျိုးပဲတစ်တင်း ၁၇၀၀၀ ကျပ်ဖြင့် အရောင်း အဝယ်ဖြစ်ခဲ့သလို ရန်ကုန်ဝယ် လက်ကလည်း အဝယ်ရှိပြီး တစ်တင်း ၁၅၅၀၀ ကျပ်ဖြင့် တစ်ရက် အိတ် ၂၅၀ မှ ၃၀၀ ကျော် ရောင်းချနိုင်ခဲ့ပါတယ်။ မျိုး ပဲသမားများကတော့ အရည်အသွေး လိုက်ပြီး ဝယ်ယူကြ တဲ့အတွက် ဈေးမြင့်ခဲ့ခြင်းဖြစ်ကြောင်း သိရပါတယ်။

အိန္ဒိယပြည်တွင်းဈေးကွက်များမှာ ပဲခွဲစက်များနဲ့ ကုန်သည်များ အရောင်းအဝယ်အေးတဲ့အတွက် ဒီတစ်ပတ် လည်း ပဲမျိုးစုံဈေးအေးနေပါတယ်။ ဒါ့အပြင် ပဲပုပ်ထွက်ရှိနေပြီ ဖြစ်လို့ကုန်သည်များက ရောင်းဝယ်မှုကျဆင်းတဲ့ ပဲမျိုးစုံနဲ့ ပဲမျိုး စေ့အစား ပဲပုပ်ကို ပြောင်းလဲရောင်းဝယ်ခြင်းကလည်း ပဲဈေး ကိုကျဆင်းစေတယ်လို့သိရပါတယ်။ ကုလားပဲအနေနဲ့ စိုက်ပျိုး မှု တိုးတက်မယ့် အလားအလာရှိပြီး ပြည်တွင်းဝယ်လိုအား ကျဆင်းတာကြောင့် လက်ငင်း ဈေးပါကျဆင်းနေပါတယ်။ ပွဲတော်က လာမယ့် ရက်အနည်းငယ်အတွင်းမှာရှိလို့ ဒီပါဝလီ အတွက် လက်ကားဝယ်ယူမှု ပြီးဆုံးသလောက် ရှိနေပြီဖြစ်ပြီး ပြည်တွင်းဈေးကွက်တွေမှာ လက်လီ ဝယ်ယူမှုလောက်သာရှိ မယ်လို့ ခန့်မှန်းကြပါတယ်။

လက်ရှိမိုးရာသီ ရိတ်သိမ်းစဉ် အတွင်း ပိုးကျရောက်မှု ကြောင့် ပဲစင်းငုံ ထုတ်လုပ်မှု ၁၀ ရာခိုင်နှုန်းဝန်းကျင်  ကျဆင်း မှာ ဖြစ်လို့ အိန္ဒိယနိုင်ငံရဲ့ ပဲမျိုးစုံတင်သွင်းမှုအပေါ် မှီခိုရမှုဟာ ယခုနှစ်မှာပိုမိုလာနိုင်တယ်လို့ သိရပါတယ်။ ပဲမျိုးစုံ တင် သွင်း မှုဟာ စုစုပေါင်းနှစ်စဉ်လိုအပ်ချက်ရဲ့ ၁၅ ရာခိုင်နှုန်း ဝန်းကျင် ခန့်ဖြစ်တဲ့ တန်ချိန် ၂ ဒသမ ၅ သန်းနဲ့ ၃ ဒသမ ၅ သန်း အကြားရှိနေပါတယ်။ Assochan  မှ ခန့်မှန်းရာမှာ ၂၀၁၂-၁၃ အတွင်းအိန္ဒိယပဲမျိုးစုံ ဝယ်လိုအားဟာ တန်ချိန် ၂၁ သန်း ခန့်၊ ၂၀၁၃-၁၄ မှာ တန်ချိန် ၂၁ ဒသမ ၄၂ သန်းနဲ့ ၂၀၁၄-၁၅ မှာတန်ချိန် ၂၁ ဒသမ ၉၁ သန်းအထိ မြင့်တက်မယ်လို့ ဆိုပါတယ်။