Background
ဈေးဆက်အေးနေတဲ့ ပြည်မတ်ပဲဈေးကွက် သြဂုတ်လရဲ့ အစရက် ပြည်ပဲဈေးကွက်မှာ မတ်ပဲဈေး ယခင်တစ်ပတ်ထက် အေးလာခဲ့တယ်လို့ သိရပါတယ်။ ပြည်ပွဲရုံများသို့ ပဲအဝင်ပါးလာခဲ့တယ်လို့ သိရပါတယ်။ ရန်ကုန်ဝယ်လက်အဝယ်ရှိပြီး တစ်နေ့ကို အိတ် ၃ဝဝ-၄ဝဝ ခန့်အဝယ်ရှိခဲ့ပါတယ်။ မြို့တွင်း ဝယ်လက်ကတော့ နေ့စဉ်အရောင်းအဝယ်မရှိဘဲ တချို့ ရက်မှာ သာ အရောင်းအဝယ်ဖြစ်တာကို တွေ့ရပါတယ်။ ရန်ကုန်ဘုရင့်နောင်သို့ ပဲခူးတိုင်း ဒေသကြီး အနောက်ဘက်မှ ပဲစီးဆင်းမှုကတော့ တစ်နေ့ကို အိတ် ၃ဝဝဝ ခန့်သာ တင်ပို့မှုရှိတယ်လို့ သိရပါတယ်။ မိမိအေး
မတ်ပဲ FOB အရောင်းအဝယ် ပုံမှန်ရှိ ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ဇူလိုင်လ ၂၉ ရက်မှ သြဂုတ်လ ၄ ရက်အတွင်း FOB စာချုပ်ချုပ်ဆိုနိုင်မှုမှာ တန် ၁၆ဝဝဝ ရှိခဲ့ပါတယ်။ ဇူလိုင် ၂၂ ရက်မှ ၂၈ ရက်အတွင်း FOB စာချုပ်ချုပ်ဆိုမှုမှာလည်း တန်ချိန် ၁၆ဝဝဝ ကျော်ဖြစ်လို့ ယခင်အပတ်အတိုင်း ပုံမှန်အရောင်းအဝယ်ရှိတယ်လို့ ဆိုရမှာဖြစ်ပါတယ်။ ပို့ကုန်ဝင်ငွေ ကန်ဒေါ်လာ တစ်ယူနစ်တန်ဖိုး ဈေးကျဆင်းလာတာရယ်၊ အိန္ဒိယ က မတ်ပဲဈေး လျော့ဝယ်တာရယ်ကြောင့်ယခုတစ်ပတ်မတ်ပဲ FAQ ဈေးလျော့တာ တွေ့ရပါတယ်။ အိန္ဒိယမှာ စက်တင်ဘာပဲအသစ် ပေါ်ကာနီးလေဝယ်ယူမှု ဈေးအေး လေဖြစ်ကြောင်း သိရပါတယ်။ ရန်ကုန် FOB ဈေးများကိုယခင်တစ်ပတ်နှင့် နှိုင်း ယှဉ် ဖော်ပြလိုက်ပါတယ် ဒေါ်လာ/တန် မတ်ပဲ(FAQ) မတ်ပဲ(SQ)၄-၈-၁၁ ၇၅ဝ-၇၆ဝ ၈၄ဝ-၈၆ဝ၂၈-၇-၁၁ ၇၅၅-၇၇၅ ၈၄ဝ-၈၆ဝMIRT(MAPT)
ယခုတစ်ပတ် မတ်ပဲတင်ပို့မှုလျော့ မတ်ပဲပြည်ပသင်္ဘောတင်ပို့နိုင်မှုမှာ ဇူလိုင် ပထမပတ် ၂ ရက်မှ ၈ ရက်အတွင်း တန် နှစ်သောင်းတင်ပို့ခဲ့ပြီး ဒုတိယပတ် ၁ဝ ရက်မှ ၁၆ ရက်အတွင်း တန် ၁ ဒသမ ၁ သောင်းကျော်တင်ပို့ခဲ့ကာ တတိယပတ် ၁၇ ရက်မှ ၂၃ ရက်အတွင်း တန် ၂ ဒသမ ၂ သောင်းခန့် တင်ပို့နိုင်ခဲ့ပါတယ်။ ယခုဇူလိုင်နောက်ဆုံးပတ် ၂၄ ရက်မှ ၃ဝရက်အတွင်းတန် ၁ ဒသမ ၇ သောင်းကျော် တင်ပို့နိုင်ခဲ့ကြောင်း သိရပါတယ်။ လက်ရှိ ၂ဝ၁၁-၂ဝ၁၂ ဘဏ္ဍာနှစ် ဇူလိုင် ၂၉ ရက်ထိ မတ်ပဲတင်ပို့ပြီးစီးမှုမှာ တန်ချိန် ၂ ဒသမ ၆ သိန်းခန့် တင်ပို့နိုင်ခဲ့လို့ ယခင်နှစ်ကာလတူတင်ပို့ခဲ့တဲ့ တန်ချိန် ၁ ဒသမ ၇ သိန်းခန့် ထက်ပိုမိုတင်ပို့နိုင်တာတွေ့ရပါတယ်။ အိန္ဒိယက ပဲအသစ်တွေ ထွက်လာတော့မှာဖြစ်လို့ ဝယ်လိုအားနည်းလို့ လာ မယ့် သီတင်းပတ်တွေမှာ တင်ပို့မှု တိုးတက်နိုင်ဖွယ်မရှိဘူးလို့ ခန့်မှန်းကြပါတယ်။ MIRT- MAPT
ပြောင်းဖူးစေ့ တန် ၃၆၈ဝဝ နယ်စပ်မှ အပို့ရှိ မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ ၉ ဒသမ ၆၉၄ သန်း တန်ဖိုးရှိ ပြောင်းဖူးစေ့ ၃၄၆၄၅ တန်၊ ကန်ဒေါ်လာ ဝ ဒသမ ၆၇ဝ သန်းတန်ဖိုးရှိ နံှစားပြောင်း တန် ၂၂ဝဝ ကျော်၊ ကန်ဒေါ်လာ ၆ ဒသမ ၅ဝ သန်းတန်ဖိုးရှိ ပြောင်း ကြိတ်ဖတ် ၆၅ တန်ကို ဇူလိုင်လ ၂ဝ ရက်မှ ၂၆ ရက်ထိ ကာလအတွင်း အပို့ရှိခဲ့ပါတယ်။ ယခင်အပတ်ကထက် ပြောင်းဖူးစေ့ ၂၅၉၁၇ တန်နဲ့ နံှစားပြောင်း ၁၅၇၆ တန် ပိုမိုတင်ပို့နိုင်ခဲ့ပါတယ်။ မန္တလေးနဲ့ စစ်ကိုင်းတိုင်းဒေသကြီးကထွက်ရှိတဲ့ ပြောင်းဖူးစေ့နဲ့ နံှစားပြောင်းများကို မူဆယ် ၁ဝ၅ မိုင် ကုန်သွယ်ရေးဇုန်မှ တင်ပို့နေတာဖြစ်ပါတယ်။ တစ်ဘက်နိုင်ငံပြောင်းဈေးများ ပြောင်းလဲမှု မရှိသော် လည်း မိမိဘက်မှာ နံှစားပြောင်း ဈေးအနည်းငယ်မြင့်တက်ပြီး ပြောင်းဖူးစေ့ဈေး ကတော့ အနည်းငယ် ကျလျက်ရှိပါတယ်။ မိမိဘက်နဲ့ တစ်ဘက်နိုင်ငံပြောင်းဈေး များကို နှိုင်းယှဉ်ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၁၁၁၆၅ ၂၁၁၂၆၃ ၉၈ ဝ .ဝ၅ ၂၉၄ ၂၉၄ - -နံှစားပြောင်း ၂၁၃ဝ၇၈ ၂၁၂၅၆၁ ၅၁၇ ဝ .၂ ၂၉၄ ၂၉၄ - -MIRT (DOBT)
ယခင်အပတ်ထက် ပြောင်း တန် ၄ဝဝ ကျော်ပင်လယ်ရေကြောင်းမှ တင်ပို့မှု ပိုမို ဇူလိုင် ၁၇ မှ ၂၃ ရက်ထိကာလအတွင်း ပင်လယ်ရေကြောင်းမှ ပြောင်း တန်ချိန် ၃၁၁ဝ တန်၊ တန်ဖိုး ကန်ဒေါ်လာ ဝ ဒသမ ၈၉၃ သန်းဖိုး တင်ပို့နိုင်ခဲ့ပါတယ်။ ယခင်အပတ်က တန် ၂၇ဝဝ ကျော်တင်ပို့ခဲ့တာကြောင့် ယခုအပတ်မှာ တန် ၄ဝဝ ခန့်ပိုမိုတင်ပို့နိုင်ခဲ့ပါတယ်။ တင်ပို့တဲ့ နိုင်ငံတွေကတော့ ဗီယက်နမ်၊ အိန္ဒိယ၊ စင်္ကာပုူနဲ့ အာရပ်စော်ဘွားများပြည်ထောင်စု တို့ဖြစ်ပါတယ်။ နယ်စပ်ကနေ တော့ တန် ၉ဝဝဝ ကျော်တင်ပို့နေတာ တွေ့ရပါတယ်။ FOB (ရန်ကုန်) ဈေးနှုန်း ကတော့ ပြောင်းလဲမှုမရှိဘဲ တစ်တန်ကို ကန်ဒေါ်လာ ၂၉ဝ မှ ၃၁ဝ ကြားဈေး ရလျက်ရှိပါတယ်။ KZW
လာမဲ့ကာလများ မှာ ရော်ဘာတင်ပို့မှု အားကောင်းလာတော့မည် မူဆယ်နဲ့ ချင်းရွှေဟော်နယ်စပ်မှ တရုတ်သို့ ၂ဝ၁၁ ခုနှစ် ဇူလိုင်လအတွင်း ကန်ဒေါ်လာ ၁ဝ သန်း ကျော်တန်ဖိုးရှိ ရော်ဘာ ၂၃၈၅ တန်တင်ပို့ခဲ့ပါတယ်။ ၂ဝ၁၁ ခုနှစ် ဧပြီလမှာ ရော်ဘာဈေး ၃၃ဝဝဝ-၃၂၅ဝဝ ယွမ်ထိရှိခဲ့ပြီး မေလတွင် ၃ဝဝဝဝ-၂၉ဝဝဝ ယွမ်၊ ဇွန်လတွင် ၂၉ဝဝဝ-၂၈ဝဝဝ ယွမ်၊ ဇူလိုင်လတွင် ၂၈၅ဝဝ-၂၈ဝဝဝ ယွမ်ထိ ကျဆင်းလျက်ရှိပါတယ်။ မိမိဘက်ပြည်တွင်းဈေး မှာလည်း RSS တစ်ပေါင်လျှင် ၁၅ဝဝ ကျပ်၊ ဇွန်လတွင် ၁၄ဝဝ ကျပ်၊ ဇူလိုင်လတွင် ၁၃ဝဝ ကျပ်သို့ ကျဆင်းလျက်ရှိသော်လည်း ယွမ်ငွေဈေး ဇွန်လ ဒုတိယပတ်လောက်ကစပြီး ပြန်လည်မြင့်တက်ခဲ့ခြင်း၊ ယခင်ဝယ်ယူ သိုလှောင်ထားသူများ တင်ပို့မှုပြုလာခြင်း တို့ကြောင့် ဇွန်လမှာ မေလထက် ရော်ဘာတင်ပို့မှု အနည်းငယ် ပိုမိုလာခဲ့ပါတယ်။ လအလိုက် ရော်ဘာတင်ပို့မှု တွေကတော့ ဧပြီလမှာ ၃၃၅၇ တန်၊ မေလမှာ ၂၇၈၆ တန်၊ ဇွန်လမှာ ၂၈၃၇ တန်နဲ့ဇူလိုင် ၂၆ ရက်ထိမှာ ၂၃၈၅ တန်အသီးသီးဖြစ်ပါတယ်။ဇူလိုင်လအတွင်းမှာ တင်ပို့မှုကိုကြည့်မယ်ဆိုလျှင် လဆန်းပိုင်းမှာ တင်ပို့မှုနည်းခဲ့ ပေမဲ့ လလယ်ခန့်မှစပြီး တင်ပို့မှုမြင့်တက်လာလျက်ရှိတာ တွေ့ရပါတယ် ကာလ တန်ချိန် ပိုတင်သည့်တန်ချိန် တန်ဖိုး(ကန်ဒေါ်လာ)ပထမပတ် ၂၃၂ - ၁ .ဝ၆၃ဒုတိယပတ် ၂၉၅ + ၆၃ ၁ .၃၆၉တတိယပတ် ၅ဝ၂ + ၂ဝ၅ ၂ .၂၄၇စတုတ္ထပတ် ၁၃၅၅ + ၈၅၃ ၅ .၉၈၆ တစ်ဖက်နိုင်ငံယွမ်ဈေးမြင့်တက်လာတာနဲ့အမျှ လာမဲ့လများမှာလည်း တစ်လပျမ်းမျှ တန် ၂၈ဝဝ နဲ့ ၃ဝဝဝ ကြားတော့ တင်ပို့နိုင်မှာဖြစ်ပါတယ်။ ယခင်နှစ်ကာလတူများကို ကြည့်လိုက်မယ်ဆိုလျင်လည်း သြဂုတ်၊ စက်တင်ဘာ၊ အောက်တိုဘာလ များမှာ တန် ၂၈ဝဝ မှ ၃၈ဝဝ ဝန်းကျင်၊ နိုဝင်ဘာ၊ ဒီဇင်ဘာများမှာ တန် ၄ဝဝဝ မှ ၅ဝဝဝ ကျော်ဝန်းကျင်ထိ အပို့ရှိခဲ့တာတွေ့ရ တဲ့ အတွက် လာမဲ့ကာလများအတွက် ရော်ဘာတင်ပို့မှု အားကောင်းလာတော့မှာဖြစ်ကြောင်းသုံးသပ်တင်ပြလိုက်ရပါတယ်။ MIRT (DOBT)
ရော်ဘာတန် ၁၃၃ဝ ကျော် တရုတ် နယ်စပ်မှအပို့ရှိ မူဆယ် ၁ဝ၅ မိုင် ကုန်သွယ်ရေးဇုန်နဲ့ ချင်းရွှေဟော်နယ်စပ်ကုန်သွယ်ရေးစခန်းများမှ ကန်ဒေါ်လာ ၅ ဒသမ ၉၈၆ သန်းတန်ဖိုးရှိ RSS-3 တန် ၂ဝ နဲ့ မူဆယ်နယ်စပ်မှ RSS-3 ၆၇၉ တန်ကျော်၊ RSS-5 ၂၁၃ တန်၊MSR-20 ၃၅၇ တန်နဲ့MSR-50 ၆၅တန် စုစုပေါင်း ၁၃၁၅ တန် အပို့ရှိခဲ့ပါတယ်။ ယခင်အပတ်ကထက် ရော်ဘာ ၈၃၃ တန် ပိုမို တင်ပို့မှု ရှိခဲ့ပါတယ်။ ယခင်အပတ်က မြိတ်နဲ့ မူဆယ် နယ်စပ်များမှ တင်ပို့ခဲ့တာဖြစ်ပြီး ယခုအပတ်မှာတော့ မူဆယ်နဲ့ ချင်းရွှေဟော် နယ်စပ်များမှ တင်ပို့ခဲ့တာဖြစ်ပါတယ်။ မူဆယ်နယ်စပ်မှ RSS-3 ၄၅၈ တန်၊RSS-5 ၁ဝ၈ တန်၊ MSR-20 ၂၅၁ တန်နဲ့ MSR-50 ၆၅ တန် ပိုမိုတင်ပို့နိုင်ခဲ့ပါတယ်။ ယခုအပတ်မှာ ရော်ဘာဈေးများ မိမိဘက်ရော တစ်ဘက်နိုင်ငံမှာပါ ဈေးများ မြင့်တက်လျက်ရှိပါတယ်။ မိမိဘက်နဲ့ တစ်ဘက်နိုင်ငံရော်ဘာ မြေပြင်ပေါက်ဈေးများကို နှိုင်းယှဉ်ဖော်ပြ ပေးလိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS-3 ၃၄ဝ၇၆၆၁ ၃၄ဝ၆၄၃၆ ၁၂၂၅ ဝ .ဝ၄ ၄၄ဝ၉ ၄၃၃၂ ၇၇ ၂RSS-5 ၃၁၉ဝ၁၃၁ ၃၁၇၆၈၇၁ ၁၃၂၆ဝ ၃ .၄ ၄၃၃၂ ၄၂၅၄ ၇၈ ၂MIRT(DOBT)
ဒီတစ်ပတ် ပင်လယ်ရေကြောင်းက တန် ၃ဝဝ ကျော် တင်ပို့နိုင် ဇူလိုင် ၁၇ မှ ၂၃ ရက်ထိကာလအတွင်း ပင်လယ်ရေကြောင်းမှ ရော်ဘာ ၃၆၁ တန်၊ တန်ဖိုး ကန်ဒေါ်လာ ၁ ဒသမ ၅၈၆ သန်းဖိုး တင်ပို့နိုင်ခဲ့ပါတယ်။ ဇွန်လကုန်ပိုင်းမှစ၍ ရော်ဘာတင်ပို့မှု သိသိသာသာလျော့နည်းခဲ့ပြီး ယခုမှ တန် ၃ဝဝ ကျော်ပြန်လည် တင်ပို့နိုင်ခဲ့တာဖြစ်ပါတယ်။ ပင်လယ်ရေကြောင်းတင်ပို့မှုကျခဲ့ပေမဲ့ နယ်စပ်မှ တန် ၅ဝဝကျော် တင်ပို့ခဲ့ကြောင်း သိရပါတယ်။ FOB (ရန်ကုန်) ဈေးနှုန်းကတော့ RSS-3 တစ်တန်ကို ၄၅ဝဝ ဒေါ်လာ၊RSS-5 တစ်တန်ကို ၄၄ဝဝ ဒေါ်လာနဲ့ MSR-20 တစ်တန်ကို ၄၅ဝဝ ဒေါ်လာအသီးသီးဖြစ်ကြောင်းသိရပါတယ်။ KZW
ဈေးကွက် ခဲျ့ထွင်လာတော့မယ့် ဘုတလင်ထန်းလျက် စစ်ကိုင်းတိုင်းဒေသကြီး ဘုတလင်မြို့နယ်ရှိ အုတ်ဖို၊ သခွတ္တနယ်၊ ကွမ်အုံ၊ မြို့သစ်ချောင်း၊ ဂွေးပင်ကျင်းနဲ့ ကြို့ကုန်း ကျေးရွာတွေမှာ ထန်းတောပေါများသလို ထန်းလျက်ချက် လုပ်ငန်း လုပ်ကိုင်သူလည်း ပေါများကြပါတယ်။ ယခုရာသီမှာ ထန်းမရာသီဖြစ်ပြီး ထန်းရည်ချိုအထွက်လျော့လို့ ထန်းလျက်ချက်လုပ်ငန်းအားနည်းခဲ့ပေမဲ့ ထန်းလျက် အညိုတစ်ပိဿာ ၄၅ဝ ကျပ်နဲ့ ထန်းလျက်ဖြူ တစ်ပိဿာ ၆၅ဝ ကျပ်ရဖို့ အသင့်အတင့် အကျိုးအမြတ်ရှိခဲ့ကြောင်း ဆိပ်သာကန်ကျေးရွာက ထန်းလျက်ဖိုပိုင်ရှင် ဦးဖိုးတာက ပြောပြပါတယ်။ ကျေးလက်ဒေသဖွံ့ဖြိုးတိုးတက်ရေးလုပ်ငန်းနဲ့ ကျေးရွာ တစ်ရွာထုတ်ကုန်တစ်မျိုး (OVOP) ဆောင်ရွက် နိုင်ရေး လုပ်ငန်းအတွက် စီးပွားကူးသန်းဝန်ကြီးဌာန ပြည်ထောင်စု ဝန်ကြီး ဦးဝင်းမြင့်နှင့် စစ်ကိုင်းတိုင်းဒေသကြီး ဝန်ကြီးချုပ် ဦးသာအေးတို့ ကွင်းဆင်းစစ်ဆေးစဉ်က ထန်းလျက်တောင်သူ လုပ်ငန်းရှင်များ အစုအဖွဲ့ ဖွဲ့၍ အစုငွေ ထည့်ဝင်မှုအပေါ် အတိုးနှုန်းသက်သာစွာဖြင့် ချေးငွေအရင်းအနှီး ထုတ်ပေးမှာ ဖြစ်လို့ ထန်းတောင်သူတွေ တစ်ညီတစ်ညွတ်တည်းစုစည်း ဆောင်ရွက်ဖို့ လုံ့လစိုက်ထုတ်နေကြတယ်လို့ သိရပါတယ်။ ထွန်းလှိုင်
အထွက်နှုန်းတိုး၍ သိုလှောင်အားကောင်းသောကြောင့် နနွင်းဈေးဖိအားနှင့် ရင်ဆိုင်နေရ လာမယ့်ရာသီမှာ အထွက်နှုန်းတိုးနိုင်ဖွယ်ရှိပြီး သိုလှောင်မှုလည်းမြင့်မားတာကြောင့် နနွင်းဈေးနှုန်းအတွက် ဖိအားတွေ ရှိနေကြောင်း သိရပါတယ်။ ဝယ်သူတွေက ဈေးကျတာကို စောင့်နေတဲ့အတွက် ဝယ်လိုအားလည်း ကျဆင်းနေကြောင်း သိရပါတယ်။ အလားတူပို့ကုန်လည်း ကျဆင်းနေတာကြောင့် ဈေးကွက်အေးနေတယ်လို့ သိရပါတယ်။ လာမယ့်ကာလအထိ ဈေးကွက်အားနည်းနေနိုင်ပြီး ဝယ်လိုအားကလည်း ယခုအချိန်မှာ မကောင်းဘဲ သိုလှောင်ရုံတွေမှာရှိတဲ့ လှောင်ကုန်တွေကလည်း စိုးရိမ်နေရကြောင်း ကုန်ပစ္စည်းဝန်ဆောင်မှုလုပ်ငန်းများက ပြောကြားပါတယ်။ ယခုရာသီမှာ မနှစ်ကထက် စိုက်ပျိုးချိန် နောက်ကျပြီး မိုးကောင်းတာကြောင့် အထွက်နှုန်း တက်နိုင်ကြောင်း အချို့အစီရင်ခံစာများမှာ ဖော်ပြထားပါတယ်။ အဓိကနနွင်း စိုက်တဲ့ အင်ဒရာပရာဒေ့ရှ်မှာ မကြာသေးခင်ကာလက မိုးကောင်းတဲ့အတွက် မနှစ်ကလိုပဲ အထွက်နှုန်းကောင်းမယ်လို့ လေ့လာ သူများက ပြောပါတယ်။ အင်ဒရာပရာဒေ့ရှ်မှာ နနွင်းစိုက်ဧရိယာတဖြည်းဖြည်းများပြားလာကြောင်း စိုက်ပျိုးရေးဝန်ကြီးဌာနက ပြောပါတယ်။ နိုင်ငံတစ်ဝန်းမှာ ၂ဝ၁၁ ဇူလိုင်မှာ နနွင်းစိုက်ဧရိယာ ဟက်တာ ဝ ဒသမ ၂၃ သိန်းရှိပြီး ယခင်နှစ် အလားတူကာလက ဟက်တာ ဝ ဒသမ ၁၉ သိန်းရှိကြောင်း သိရပါတယ်။ နနွင်းသစ်တွေက ဇန်နဝါရီလလယ်မှာ စတင်ပေါ်ပြီး မတ်လမှ ဇွန်လ တိုင်အောင် အဆက်မပြတ်ထွက်ကြောင်း သိရပါတယ်။ တမီနာဒူးစိုက်ပျိုးရေးတက္ကသိုလ်ရဲ့ ခန့်မှန်းချက်အရ ၂ဝ၁ဝ-၂ဝ၁၁ မှာ ၅ဝ ရာခိုင်နှုန်းမှ ၅၅ ရာခိုင်နှုန်းအထိ အထွက် တိုးခဲ့ပြီး အိတ်ပေါင်း ၇ဝ သိန်းထွက်ရှိခဲ့ကာ သာမန်နှစ်မှာ အိတ်ပေါင်း ၄၅ သိန်းထွက်ရှိကြောင်း သိရပါတယ်။ အိန္ဒိယရဲ့ နနွင်းတင်ပို့မှုက ၂ဝ၁ဝ-၂ဝ၁၁ မှာတန်ချိန် ၄၉၂၅ဝ ရှိပြီး ၂ဝဝ၉-၂ဝ၁ဝ နဲ့ နှိုင်းယှဉ်ရင် ၃ ရာခိုင်နှုန်း ကျဆင်းခဲ့ကြောင်း ဟင်းခတ်အမွှေးအကြိုင်အသင်းမှ ပြောကြားပါတယ်။ ရေတိုကာလမှာ ပြည်တွင်းပြည်ပ ဝယ်လက်တွေနဲ့ စိုက်ပျိုးတဲ့ ဒေသမှာ မိုးရွာသွန်းမှုပေါ်မူတည်ပြီး နနွင်းဈေးနှုန်းအတက်အကျဖြစ်နိုင်ကြောင်း အစီရင်ခံစာများမှာ ဖော်ပြထားပါတယ်။ ရေရှည်မှာတော့ ပြည်တွင်းဈေးကွက်မှာ နနွင်းသိုလှောင်မှုနဲ့ နီဇမ်မာဘတ်နဲ့ အီရိုဒီတို့လို အဓိကစိုက်ပျိုးတဲ့ ဒေသတွေရဲ့ စိုက်ဧရိယာကိုကြည့်ပြီး ဆုံးဖြတ်ရမှာဖြစ်တယ်လို့ သိရပါတယ်။ ဝယ်လိုအားအရတော့ ဆေးဝါးနဲ့ အလှကုန်တွေမှာ အသုံးများလာတဲ့အတွက် သုံးစွဲမှုတိုးတက်လာတာ တွေ့ရပါတယ်။ ကုန်ပစ္စည်းထုတ်လုပ်မှုနဲ့ ကုန်သွယ်ရေးမှာတော့ အိန္ဒိယက အမြင့်ဆုံးဖြစ်ပြီး ကမ္ဘာ့ ဈေးကွက်မှာ အကြီးဆုံးရောင်းသူဖြစ်ကြောင်း သတင်းရရှိပါတယ်။ KZ W ,Source: finencial express