ပြည်မှာ ပဲဈေးငြိမ်ပြီး အရောင်းအဝယ်အေးနေ             ၂ဝ၁ဝ ခုနှစ် ယခင်နှစ် ပဲစင်းငုံ ပိဿာ ၂ဝ တစ်တင်းကို ကျပ် ၃၃၃ဝဝ ထိ ဈေးကောင်းရခဲ့သော်လည်း သြင်္ကန်ပိတ်ရက်များကြောင့် အရောင်း အဝယ်အေး နေခဲ့ပြီး ဧပြီလနောက်ဆုံးပတ်မှာ တစ်တင်းကို ၃၅ဝဝဝ ကျပ်ထိ ဈေးကောင်းရခဲ့တယ်လို့ သိရပါတယ်။ ယခုနှစ် ၂ဝ၁၁ ခုနှစ် ဧပြီလအစမှာတော့ ပိဿာ ၂ဝ တစ်တင်းကို ၁၉၅ဝဝ ကျပ်ဈေးရှိပြီး အရောင်းအဝယ်အေးနေပါတယ်။ ယခင်နှစ် ဈေးနှင့်ယှဉ်လျှင် ယခုနှစ်ဈေးမှာ ဈေးကောင်းမရသေးတာကြောင့် အရောင်း အဝယ်အေးနေခြင်းဖြစ်ကြောင်း သိရပါတယ်။ ယခုတစ်ပတ်ဈေးအနေဖြင့် တစ် တင်း ကို ၁၉၅ဝဝ ကျပ်ဖြင့် ဆက်လက်ဈေးငြိမ်နေပြီး အရောင်းအဝယ်အေး လျက် ရှိကြောင်း သိရပါတယ်။ ဆုမွန်ဆွေ

်ပင်လယ်ရေကြောင်း တင်ပို့မှု သိသိသာသာမပိုလာ                ပင်လယ်ရေကြောင်းက သြင်္ကန်မတိုင်မီ ပဲမျိုးစုံ တင်ပို့မှု သိသိသာသာ မြင့်တက်လာပေမဲ့ ပဲစင်းငုံကတော့ တန်ချိန် ၃၅ဝဝ ကျော်နဲ့ ပုံမှန်သာ တင်ပို့ခဲ့တာ တွေ့ရပါတယ်။ အဓိကတော့ အိန္ဒိယဝယ်လက် အဝယ်နှေးတာကြောင့် လို့ သိရပါတယ်။ မတ်လတစ်လလုံး တင်ပို့မှုအနေနဲ့ တန်ချိန် ၁၉ဝဝဝ ခန့်သာရှိပြီး ဖေဖော်ဝါရီလမှာ တန်ချိန် ၂၂ဝဝဝ ကျော်ရှိခဲ့ပါတယ်။ ၂ဝ၁ဝ မတ်လမှာတော့ တန်ချိန် ၁၅ဝဝဝ ခန့်သာ တင်ပို့မှုရှိခဲ့လို့ ယခုနှစ်ကာလတူမှာ အနည်းငယ်ပိုလာ ခဲ့ပါတယ်။ လက်ရှိပြည်တွင်းဈေးကွက်တွေမှာ အိန္ဒိယပဲဈေးကျပြီး အဝယ်အေးတဲ့ ဂယက်ကြောင့် ဈေးလျော့ကျနေပါတယ်။ ဝယ်လက်တချို့ကလည်း တစ်တန် ကန်ဒေါ်လာ ၁ဝဝ ခန့်ကွာတဲ့ ရှမ်းစကိုသာ အဝယ်အနည်းငယ် ရှိတယ်လို့ သိရပါတယ်။ ရန်ကုန် FOB  ဈေးများကတော့ သြင်္ကန်မတိုင်မီဈေးနှုန်းအတိုင်း ပဲစင်းငုံနီ တစ်တန်ကို ကန်ဒေါ်လာ ၈၅ဝ-၈၇ဝ အဖြူနဲ့ ဖြူနီတစ်တန်ကို ကန်ဒေါ်လာ ၇၆ဝ-၇၈ဝ ပြောင်းလဲမှု မရှိဘူးလို့ သိရပါတယ်။ MIRT(MAPT)

 သြင်္ကန်အလွန် ဈေးအေးသွားတဲ့ ဟင်္သာတမတ်ပဲ                ဟင်္သာတ ပဲဈေးကွက်တွင် မတ်ပဲဈေးမှာ သြင်္ကန်မတိုင်မီ ယခင်တစ်ပတ်က တစ်တင်းလျှင် ၂၂၃ဝဝ ကျပ်နဲ့ အရောင်းအဝယ်ဖြစ်ခဲ့ပြီး၊ သြင်္ကန်အလွန် ယခု အပတ်မှာ တစ်တင်းကို ၂၁၅ဝဝ ကျပ်နဲ့ အရောင်းအဝယ် ဖြစ်နေပါတယ်။ ဟင်္သာတခရိုင်အတွင်းရှိ လေးမျက်နှာ၊ အင်္ဂပူ၊ မြန်အောင်မြို့နယ်များမှလည်း တစ်ရက် မတ်ပဲအိတ် ၁ဝဝဝ ခန့် အဝင်ရှိတယ်လို့သိရပါတယ်။ မတ်ပဲဈေးအေး သွားသော်လည်း ယခင်တစ်ပတ်ထက် ပိုပြီးအဝင်များ အရောင်းသွက်နေကြောင်း သိရပါတယ်။ ဟင်္သာတမှ ရန်ကုန်ဈေးကွက်သို့ ပဲစီးထွက်မှုအနေနဲ့ နေ့စဉ်ပျမ်းမျှ အိတ် ၂ဝဝဝ မှ ၂၅ဝဝ ခန့် တင်ပို့မှုရှိတယ်လို့သိရပါတယ်။             အေးအေးခိုင်

ယခင်တစ်ပတ်ထက် မတ်ပဲတင်ပို့မှု တစ်ဆပိုလာ                   သြင်္ကန်မတိုင်မီ သီတင်းပတ်အတွင်း ပင်လယ်ရေကြောင်းက မတ်ပဲတင်ပို့မှု ပိုလာခဲ့ပါတယ်။ ယခင်သီတင်းပတ်များက တန် ၅ဝဝဝ ကျော်သာ တင်ပို့မှု ရှိခဲ့ရာမှ ဧပြီလ ၅ ရက်မှ ၁၁ ရက်အတွင်းမှာတော့ တန်ချိန် တစ်သောင်းကျော်ထိ တင်ပို့ လာခဲ့ပါတယ်။ အိန္ဒိယအဝယ်ရှိခဲ့ပြီး ပိတ်ရက်များကြောင့် တွန်းတင်လာခဲ့သလို ပြည်တွင်းဈေးကွက်မှာလည်း အရောင်းအဝယ်အဖြစ်များပြီး ဈေးမြင့်လာခဲ့ပါတယ်။ မတ်လ တစ်လလုံးတင်ပို့မှုအနေနဲ့ တန်ချိန် ၃၂ဝဝဝ ခန့် ရှိပြီး ဖေဖော်ဝါရီလ မှာ တန်ချိန် ၃ဝဝဝဝ ကျော်တင်ပို့ခဲ့တာတွေ့ရပါတယ်။ ၂ဝ၁ဝ ခုနှစ် မတ်လ တင်ပို့မှုကို ကြည့်ရာမှာတော့ တန်ချိန် ၅၆ဝဝဝ ထိ တင်ပို့နိုင်ခဲ့လို့ ယခုနှစ် ကာလတူမှာ တန်ချိန် ၂ သောင်းကျော် လျော့ကျတင်ပို့ခဲ့တာတွေ့ရပါတယ်။ ဈေးကွက်များ အတွင်း သြင်္ကန်မတိုင်မီကစပြီး တောင်သူတွေ ရောင်းအားများလာလို့ သြင်္ကန်အပြီးမှာ မတ်ပဲဈေး ပြန်အေးလာခဲ့တယ်လို့ သိရပါတယ်။ FOB အရောင်းအဝယ်ဖြစ်မှု ကတော့ ပုံမှန်ရှိတယ်လို့ ကုန်သည်တစ်ဦးက ဆိုပါတယ်။ ဧပြီလ ၂၂ ရက် ရန်ကုန် FOB ဈေးများကတော့ ယခင်ဈေးအတိုင်း မတ်ပဲ FAQ တစ်တန်ကို ကန်ဒေါ်လာ ၉၁ဝ-၉၂ဝ နဲ့ SQ တစ်တန်ကို ကန်ဒေါ်လာ ၁ဝ၆ဝ- ၁ဝ၈ဝ အသီးသီးဖြစ်တယ်လို့ သိရပါတယ်။ MIRT - MAPT