နယ်စပ် ရော်ဘာလည်း ဈေးကောင်းရနေ                  ဖေဖော်ဝါရီလ ၂ ရက်မှ ၈ ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်၊ ချင်းရွှေဟော်နယ်စပ်နဲ့ မြိတ်နယ်စပ်ကုန်သွယ်ရေးစခန်းများမှ ရော်ဘာအဆင့်စုံ ၃၃၇ တန်၊ တန်ဖိုးအားဖြင့် ကန်ဒေါ်လာ ၁ ဒသမ ၂၇ သန်းဖိုး တင်ပို့နိုင်ခဲ့ပါတယ်။နယ်စပ်အလိုက် တင်ပို့မှုတွေကတော့ မူဆယ်မှRSS-1   ၂ တန်၊RSS-3  ၁၂ တန်၊RSS-5 ၄၅ တန်၊ MSR-20  ၁၃၂ တန်နဲ့ MSR-50  ၆၉ တန်၊ ချင်းရွှေဟော်မRSS-1 ၄၈ တန်ကျော်၊RSS-3 ၁၈ တန်ကျော်နဲ့ မြိတ်မှ RSS-5 ၁ဝ တန်အသီးသီးဖြစ်ပါတယ်။မွန်နဲ့ ကရင် ပြည်နယ်များနဲ့ တနင်္သာရီတိုင်းဒေသကြီးက ထွက်ရှိတဲ့ ရော်ဘာများကို တင်ပို့နေ ခြင်းဖြစ်ပါတယ်။ ယခင်အပတ်က ၆၆၄ တန် နယ်စပ်စခန်းများက တင်ပို့နိုင်ခဲ့တဲ့အတွက် ယခုအပတ်မှာ တန် ၃ဝဝ ကျော် တင်ပို့မှု လျော့နည်းခဲ့ပါတယ်။ တစ်ဘက်နိုင်ငံမှာ စက်မှုလုပ်ငန်းများအတွက် ရော်ဘာလိုအပ်ချက်ရှိတာကြောင့် ဝယ်လိုအား ရှိလာမှာ ဖြစ်သော်လည်း ယခုအပတ်မှာ တရုတ်နှစ်သစ်ကူးကာလနဲ့ တိုက်နေတဲ့အတွက် ရော်ဘာတင်ပို့မှုလျော့နည်းခဲ့ရခြင်း ဖြစ်ပါတယ်။မိမိဘက်ဈေးမြင့်တက်နေသော်လည်း တစ်ဖက်နိုင်ငံဈေးများ ပြောင်းလဲမှုမရှိပါဘူး၊ နှစ်နိုင်ငံပေါက်ဈေးများကို နှိုင်းယှဉ်ဖော်ပြပေးလိုက်ပါတယ်                                                    မိမိဘက်(ကျပ်/တန်)                     တစ်ဘက်နိုင်ငံ(ဒေါ်လာ/တန်)                           ယခု            ယခင်           ပြောင်းလဲမှု    %          ယခု            ယခင်    ပြောင်းလဲမှု       %RSS(3)        ၄၂၆၃၇၈၅       ၄ဝ၉၂၈၄၅       ၁၇ဝ၉၄ဝ       ၄          ၄၈၆၁        ၄၈၆၁                            -RSS(5)        ၄၁၅ဝ၇၈၅        ၃၈၆ဝဝ၁၅      ၂၉၁၇၇ဝ       ၇          ၄၇၈၅        ၄၇၈၅                            -MIRT (DOBT)

လက်လီသမားများဖြင့် အရောင်းအဝယ်ဖြစ်နေတဲ့ ပဲနောက်                 ယခုတစ်ပတ် ပြည်ဈေးကွက်မှာ ပဲနောက်သီးနံှဈေးဟာလည်း ပဲတီစိမ်း ဈေးနဲ့အတူ တစ်တင်း ၂၈ဝဝဝ ကျပ်ဖြင့် ဈေးငြိမ်လျက်ရှိပါတယ်။ ပဲနောက်သီးနံှမှာ အဝင်မရှိတော့ပေမဲ့ လက်ကျန်ပဲများအား လက်လီသမားများဖြင့် အရောင်း အဝယ်ဖြစ်နေကြောင်းသိရပါတယ်။ ယခင်နှစ် ဖေဖော်ဝါရီလအတွင်း တစ်တင်း ၃၂ဝဝဝ ကျပ်ထိ ဈေးကောင်းရပေမဲ့ ယခုနှစ်မှာတော့ တစ်တင်း ၂၈ဝဝဝ ကျပ်ဖြင့် သာ အရောင်းအဝယ်ဖြစ်နေကြတယ်လို့ သိရပါတယ်။        ခင်ဆွေဝင်း

အရောင်းအဝယ်သွက်တဲ့ မုံရွာပဲစင်းငုံ              စစ်ကိုင်းတိုင်းဒေသကြီးအတွင်း အရောင်းအဝယ်အသွက်ဆုံး သီးနံှမှာ ပဲစင်းငုံသီးနံှဖြစ်ပါတယ်။ စစ်ကိုင်းခရိုင်၊ မုံရွာခရိုင်၊ ရွှေဘိုခရိုင်နဲ့ နယ်စုံမှ ပဲစင်းငုံများ မုံရွာမြို့သို့ ဝင်ရောက်ပါတယ်။ စီးထွက်မှုအနေနဲ့ ဇန်နဝါရီလအတွင်း ရန်ကုန်ကို တင်း ၂၃ဝဝဝ ကျော်၊ မန္တလေးကို တင်း ၂ဝဝဝဝ ကျော်၊ ပခုက္ကူကို တင်း ၂၃ဝဝ ကျော်နှင့် ဖေဖော်ဝါရီလ ပထမပတ်အတွင်း မန္တလေးကို တင်း ၁ဝဝဝဝ ကျော်စီးထွက်ခဲ့ပါတယ်။ ရန်ကုန်ဝယ်လက်နဲ့ လှောင်လက်သမားများရဲ့ ဝယ်ယူမှုသွက်လို့ မုံရွာ ကုန်စည်ဒိုင်မှာတစ်ရက်ပျမ်းမျှ ပဲစင်းငုံအသစ် တင်း ၇၅ဝဝ ကျော်နဲ့ အဟောင်း တင်း ၇ဝဝ ကျော်အရောင်း အဝယ်ဖြစ်ကြောင်း ကုန်စည်ဒိုင်သတင်းရပ်ကွက်က သိရပါတယ်။ ယခုအပတ်အတွင်း ကုန်စည်ဒိုင်ပေါက်ဈေး ပဲစင်းငုံ တစ်ပိဿာ အနိမ့်၊ အမြင့်ဈေးမှာ အဟောင်း ၉၅ဝ ကျပ်-၁ဝဝဝ ကျပ်၊ အသစ် ၁၁၁ဝ ကျပ်-၁၁၄ဝ ကျပ်ဈေးအသီးသီးနဲ့ ရောင်းဝယ်ခဲ့ကြောင်း သိရပါတယ်။                                         သန်းးသန်းးတင်

ဈေးအေးလာတဲ့ စစ်ကိုင်းက စွန်တာနီ               မုံရွာကုန်စည်ဒိုင်မှာ ၂ဝ၁၁ ခု ဇန်နဝါရီလဆန်းမှာ စွန်တာနီ (ပဲနီလုံးရိုး) တစ်ပိဿာ ၁၁၇၅ ကျပ်မှ လကုန်ပိုင်းမှာ ၉၇၅ ကျပ်၊ ဖေဖော်ဝါရီလ ပထမပတ်မှာ ၈၅ဝ ကျပ်သို့ဈေးအေးသွားကြောင်း သိရပါတယ်။ ဘုတလင်၊ ကနီ၊ ယင်းမာပင်၊ ပုလဲ၊ ဆားလင်းကြီး၊ ချောင်းဦး၊ မြောင်မြို့နယ်များမှ စွန်တာနီအသစ်မပေါ်ခင် အဟောင်းများကို ထုတ်ရောင်းလို့ မုံရွာမြို့ကိုအဝင်လှိုင်၍ ဈေးအနည်းငယ် အေးသွားကြောင်း ကုန်သည်တစ်ဦးမှ ပြောပါတယ်။ တိုင်းဒေသကြီးအတွင်းမှ ဇန်နဝါရီလအတွင်း ရန်ကုန်သို့ စွန်တာနီ တင်း ၆ဝဝ ကျော်၊ မန္တလေးသို့ တင်း ၂၃ဝဝ ကျော်နှင့် ဖေဖော်ဝါရီလ ပထမပတ်အတွင်း ရန်ကုန်သို့ တင်း ၂ဝဝ ကျော်စီးထွက်ခဲ့ပြီး မုံရွာကုန်စည်ဒိုင်မှာ တစ်ရက်ပျမ်းမျှတင်း ၃ဝဝ ခန့်အရောင်း အဝယ်ဖြစ်ကြောင်း သိရပါတယ်။                                                  သန်းးသန်းးတင်