မြန်မာ-တရုတ်နယ်စပ်ရှိ မူဆယ်၊ လွယ်ဂျယ်နဲ့ချင်းရွှေဟော်နယ်စပ်ကုန်သွယ် ရေးစခန်းများမှ ကန်ဒေါ်လာ ၄ ဒသမ ၂၆၇ သန်းကျော်တန်ဖိုးရှိ ပြောင်းဖူးစေ့များ ကို မူဆယ် မှ ၁၀၇၄၀ တန်ခန့်၊ လွယ်ဂျယ် မှတန် ၂၀၀ နဲ့ ချင်းရွှေဟော်မှ ၁၃၄၅ တန်ခန့်၊ စုစုပေါင်း ၁၂၂၈၅ တန်ခန့်ကို အောက်တိုဘာလ ၁၇ ရက်မှ ၂၃ ရက်ထိကာလအတွင်းမှာ အပို့ရှိခဲ့တယ်လို့သိရပါတယ်။ ယခင်အပတ်တင်ပို့မှုနဲ့ နှိုင်း ယှဉ်လျှင် တန် ၁၀၅၀ ကျော်လျော့နည်းခဲ့ပါတယ်။ ပိဿာ ၃၀ ပါပြောင်းတစ်အိတ် ကို ၉၅ ယွမ်မှ ၁၀၁ ယွမ်ဝန်းကျင်ဈေးရလျက်ရှိပါတယ်။ နှစ်ဖက်မြေပြင်ပေါက်ဈေး များကို ယခင်အပတ်နဲ့နှိုင်းယှဉ်တဲ့အခါ မိမိဘက်ဈေးကျ ခဲ့ပြီး တစ်ဖက်နိုင်ငံဈေးမှာမူ ပြောင်းလဲမှုမရှိတာ တွေ့ရပါတယ် -

ရန်ကုန် FOB နဲ့ အိန္ဒိယဈေးကွက် ပဲမျိူးစုံဈေးနှုန်း အပြောင်းအလဲ
၁၉-၁၀-၂၀၁၂                                              ဒေါ်လာ/တန်

စဉ်
ပဲအမျိူးအမည်
တောင်အမေရိက
ဥရုဂွေး
အာဂျင်တီးနား

11/10
18/10
ပြောင်းလဲမှု
11/10
18/10
ပြောင်းလဲမှု
11/10
18/10
ပြောင်းလဲမှု

1
မတ်ပဲ
630
630

645
670

773
-

2
ပဲစင်းငုံ
720
710

768
755

773
-

3
ပဲတီရွှေဝါ
840
900

980
1076

980
1001

4
ကုလားပဲဖြူလုံးကြီး
760
740

857
887

871
902

 
*မှတ်ချက်။ ရန်ကုန် FOB ဈေးနှုန်းများမှာ အနိမ့်ဈေးများသာဖြစ်ပါသည်။
အိန္ဒိယဒေလီဈေးကွက် ပဲတီရွှေဝါဈေးမှာ ချန်နိုင်းဈေးကွက်ပေါက်ဈေးဖြစ်ပါသည်။

မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ အောက်တိုဘာလ ၁၀ ရက်မှ ၁၆ ရက်ထိကာလအတွင်းမှာ ကန်ဒေါ်လာ သုည ဒသမ ၂၄၅ သန်းတန်ဖိုးရှိ သကြား ညို ၂၁၃ တန်ခန့်နဲ့ သကြားဖြူ ၂၀၂ တန်အပို့ရှိခဲ့ရာ ယခင်အပတ်တင်ပို့မှုထက် သကြားညို ၈၉ တန်ကျော်နဲ့ သကြားဖြူ ၁၇၄ တန်အပို့ပိုခဲ့တဲ့အတွက် ယခုအပတ် မူဆယ်မှ သကြားပို့အားကောင်းလျက်ရှိပါတယ်။               MIRT(DOBT)

ပခုက္ကူကုန်စည်ဒိုင်ရဲ့ စားဖိုဆောင်သုံးသီးနှံဖြစ်တဲ့ ကြက်သွန်နီ အဝင်အထွက် စာရင်းတွေကို လေ့လာရရင် ၂၀၁၂ ခုနှစ်၊ အောက်တိုဘာ ၁ ရက်မှ ၁၉ ရက်ထိ အဝင်ပိဿာချိန်ပေါင်း ၃၄၁၀၀၀ ရှိပြီး၊  မန္တလေးကို အထွက်ပိဿာချိန် ၃၀၅၅၅၊ ရန်ကုန်ကို အထွက်ပိဿာချိန် ၇၂၇၃၀ ရှိတော့ အထွက်စုစုပေါင်းက ၁၀၃၂၈၅ ပိဿာရှိပါတယ်။ အဝင်အထွက် စာရင်းအရ အောက်တိုဘာ ၁ ရက်မှ ၁၉ ရက်ထိ မှာပဲ ပခုက္ကူမှာ ပိဿာချိန် ၂ သိန်းကျော် ကျန်ပါတယ်။ ယခင်လက်ကျန် တော် တော်များများရှိနေခဲ့ပြီး၊ နယ်တွေမှာလည်း လက်ကျန် များနိုင်တယ်လို့ အသင်းရဲ့ ဒုတိယဥက္ကဌ ဦးလေးသိမ်းက  ခန့်မှန်းပြောဆိုပါတယ်။ လက်ကျန်ကြက်သွန် တွေအနေနဲ့ အရောင်ပျက်တာ၊ အခွန်လန်တာတွေတော့ဖြစ်နေပြီလို့လဲ ပြောပါ တယ်။ ဈေးနှုန်းတွေအနေနဲ့ အောက်တိုဘာ ၁ ရက်မှ ၅ ရက်အတွင်း တစ်ပိဿာ ၆၀၀ ကျပ် - ၅၀၀ ကျပ် - ၄၀၀ ကျပ်ပုံမှန်ကနေပြီး၊ တက်ရိပ်သန်းပြီးလာပါတယ်။ ၁၉ ရက်နေ့မှာ တစ်ပိဿာ ၇၀၀ ကျပ် - ၆၀၀ ကျပ် - ၅၀၀ ကျပ်ဖြစ်ခဲ့ပြီး၊ ကြား ရက်တွေမှာ တစ်ပိဿာ ၇၅၀ ကျပ် - ၆၅၀ ကျပ် - ၅၅၀ ကျပ်ဈေးတွေ ဖြစ်ခဲ့ တာကိုလည်း လေ့လာရပါတယ်။ ပခုက္ကူဈေးပတ်ဝန်းကျင်မှာ လက်လီအနေနဲ့ တစ် ပိဿာ ၈၅၀ ကျပ် - ၇၅၀ ကျပ် - ၆၀၀ ကျပ်ထိ စုပုံပြီး ရောင်းနေတာကိုလည်း တွေ့ရပါတယ်။ ဒီအထဲမှာ  ဥကိုစိုက်တဲ့ မြိတ်စားကြက်သွန်၊ ကြက်သွန်မြိတ်တွေ လည်း ကြိုကြားကြိုကြားတွေ့နေရပါတယ်။ ယခင်က တင်ပြခဲ့သလို လှောင်ကြက် သွန်ရဲ့ သက်တမ်းဟာ တစ်လကျော် နှစ်လနီးပါးသာ ကျန်သလို အရည်အသွေးညံ့ ရမယ့် အချိန်လည်းဖြစ်ပြန်၊ မြိတ်စားကြက်သွန်ဥစိုက်ကလည်း များများထွက်ပေါ်ဖို့ အရိပ်အရောင်ပြနေပြီဆိုတော့ စားဖိုဆောင်သုံးသီးနှံ ကြက်သွန်နီရဲ့ အရောင်း အဝယ်အဖို့ လျှင်မြန်သွက်လက် အရောင်းထွက်ဖို့လိုနေပြီဆိုတာ သုံးသပ်တင်ပြ ရပါတယ်။                                 မြင့်ဦး - ပခုက္ကူ