ကော်ပိုရေးရှင်းများ ပြန်လည်ဖွဲ့ စည်းတည်ဆောက်မှုကို အကောင် အထည်ဖော်ဆောင်ရွက်ရာမှာ ဗဟို ဘဏ်ရဲ့ ငွေကြေးရိုက်နှိပ်ထုတ်ဝေခွင့် အာဏာကို ဂရုစိုက် အသုံးပြုသွားဖို့ တောင်ကိုရီးယား ဗဟိုဘဏ် BOK အုပ်ချုပ်ရေးမှူး လီဂျူယောင်းက သတိ ပေးပြောကြားခဲ့ကြောင်း ယွန်းဟပ် သတင်းမှာဖော်ပြပါတယ်။လီက ဂျာမနီနိုင်ငံမှာ ကျင်းပနေ တဲ့ ၁၉ ကြိမ်မြောက် အာဆီယံ+၃ဘဏ္ဍာ ရေးဝန်ကြီးများနဲ့ ဗဟိုဘဏ်အုပ်ချုပ် ရေးမှူးများ အစည်းအဝေးကို တက် ရောက်လျက်ရှိပါတယ်။ တောင်ကိုရီး ယားနိုင်ငံရဲ့ ကော်ပိုရေးရှင်းများ ဖွဲ့စည်းမှုပြန်လည်တည်ဆောက်ရေး အစီအစဉ်ရဲ့ ရည်ရွယ်ချက်က ဗဟို ဘဏ်ရဲ့ ငွေကြေးဆုံးရှုံးနိုင်မှု အခြေ အနေကို အနိမ့်ဆုံးဖြစ်အောင် ထိန်း သိမ်းထားဖို့ဖြစ်ကြောင်း အဲဒီအစည်း အဝေးရဲ့ အလွတ်သဘော တွေ့ဆုံပွဲမှာ လီက သတင်းထောက်တွေကို ပြောပါ တယ်။ ''ငွေကြေးရိုက်နှိပ်ထုတ်ဝေနိုင်တဲ့ ဗဟိုဘဏ်ရဲ့ အခွင့်အာဏာကို အသုံး ပြုဆောင် ရွက်မယ်ဆိုရင် ကြောင်းကျိုး ညီညွတ်ပြီးဘဏ်ရဲ့ ငွေကြေးဆုံးရှုံး နိုင်မယ့်အခြေအနေ အနည်းဆုံးဖြစ် အောင် ဆောင်ရွက်ရပါမယ်။ ဒါကကျွန်တော်တို့ရဲ့အခြေခံမူဖြစ်ပါတယ်'' လို့ လီကပြောပါတယ်။ ဒီလိုရိုက်နှိပ်ထုတ်ဝေမယ့်အစား ဘဏ်ရဲ့ မတည်ရင်းနှီးငွေ ပြန်လည် ဖြည့်ဆည်းရေးရန်ပုံငွေကို အသုံးပြုဖို့ လိုကြောင်း၊ ဘဏ်တွေရဲ့ ကြံ့ခိုင်မှုနဲ့ တိုင်းပြည်စီးပွားရေး အထောက်အကူ ပြုမှု စွမ်းဆောင်ရည်ကို မြှင့်တင်ပေးဖို့ ၂၀၀၉ ခုနှစ်က ဆောင်ရွက်ခဲ့တဲ့ ရန်ပုံ ငွေသုံးစွဲမှုကိုရည်ညွှန်းပြီး သူကပြောပါ တယ်
Background