Background
မုံရွာကုန်စည်ဒိုင် မေလ လကုန်ပတ် ကုလားပဲဈေးကွက်အနေနဲ့ ထိုင်ဝမ်နဲ့ 929 ဝယ်လက်အေးသွားပေမဲ့ V2 ကတော့ အဝယ်အရောင်းအားကောင်းနေဆဲဖြစ် တယ်လို့ ပွဲရုံရပ်ကွက်ကဆိုပါတယ်။ ဝယ်လက်အားဖြင့် V2 ကို ရန်ကုန်သမားအဆွဲများပြီး၊ မုံရွာကုန်စည်ဒိုင်ဈေး ကွက်မှာ တစ်ရက် အိတ် ၁၀၀၀ ဝန်းကျင် အရောင်းအဝယ်ဖြစ်ခဲ့ပါတယ်။
ယခင်တစ်ပတ်က အိန္ဒိယပြည်တွင်းကုလားပဲဈေးမာခဲ့ရာမှ ယခုတစ်ပတ် အတွင်းမှာ ယင်းဈေးအမြင့်နဲ့ တည်ငြိမ်နေတာ တွေ့ရပါတယ်။ ကြိုပွိုင့်ဈေးကွက်မှာ တော့ ဈေးမြင့်တက်ခဲ့တယ်လို့ သိရပါတယ်။ နိုင်ငံတကာ ကုလားပဲဈေး ကွက်တွေ ဖြစ်တဲ့ သြစတြေးလျမှာ အစောပိုင်းစိုက် ကုလားပဲအထွက် လျော့ကျဖွယ်ရှိတဲ့အပြင် ပါကစ္စတန်မှာလည်း ပဲအထွက်သိသိ သာသာကျဆင်းပြီး ဥပုသ်လရာသီဝယ်လိုအား မြင့်တက်တာကြောင့် ကုလားပဲ ဈေးကောင်းနေပါတယ်။
ပြည်တွင်းဈေးကွက်တွေမှာ ကုလားပဲလက်ကျန်နည်းလာပြီဖြစ်လို့ FOB ဈေးကွက်မှာ အရောင်း\အဝယ် ဖြစ်မှုေ ရာ ပြည်ပတင်ပို့မှုပါ ယခင်သီတင်းပတ်ထက် လျော့ကျခဲ့ပါတယ်။ ပင်လယ်ရေကြောင်းကတင်ပို့မှု အနေနဲ့ မေလ ၂၁ ရက်မှ ၂၅ ရက် အတွင်း ကုလားပဲရိုးရိုး၊ ကုလားပဲဖြူလုံးကြီး စုစုပေါင်း တန်ချိန် ၄၆၀၀ ကျော် တင်ပို့နိုင်ခဲ့ကြောင်း သိရပါတယ်။
အိန္ဒိယနိုင်ငံမှာဆောင်းနဲ့မိုးသီးနှံကာလအကြား နွေပဲမျိုးစုံ စိုက်ပျိုးထုတ်လုပ်မှုဟာ ယခင်နှစ်ထက် ၁၀ ဆနီးပါး ပိုမို မြင့် တက်ပြီး၊ ယခုရာသီမှာတန်ချိန် တစ်သန်းဝန်းကျင်ထိ ထွက်ရှိနိုင်တယ်လို့ သိရပါတယ်။ ၂၀၁၀-၁၁ မှာ ပဲမျိုးစုံ စုစုပေါင်း တန် ချိန်၁၈ သန်း ထုတ်လုပ်ခဲ့ပါတယ်။ တောင်သူအများစုဟာ မိုးရာသီစိုက်ပျိုးမှု မစတင်မီ ၎င်းတို့မြေများကို ထိန်းသိမ်းထားလိုတဲ့ အတွက် နွေလများမှာ ပဲမျိုးစုံတန် တစ်သိန်းခန့် ထုတ်လုပ်လေ့ရှိပါတယ်။
အိန္ဒိယပြည်တွင်းမှာ နွေစိုက်ပဲတီစိမ်းတွေ အသစ်ဝင်လာပြီဖြစ်လို့ ပြည်တွင်းပဲဈေးအနည်းငယ် လျော့ကျခဲ့ပါတယ်။ ဒါပေမဲ့ ပြည်ပက တင်သွင်းတဲ့ ပဲတီစိမ်း၊ ပဲတီရွှေဝါဈေးကတော့ ငြိမ်နေပါတယ်။ နွေပဲတီစိမ်း စိုက်ပျိုးမှုက ယခင်နှစ်ထက် ပိုမိုပေမဲ့ မဒ္ဒရာပရာဒေ့ရှ်မှာတော့ ရေသွင်းဖို့ ပြဿနာရှိလို့ ပဲအထွက်က တစ်ဧကကို ကီလို ၅၀၀-၈၀၀ အတွင်းသာ ထွက် နိုင်တယ်လို့ သိရပါတယ်။
မြန်မာ-တရုတ်နယ်စပ်ရှိ မူဆယ် ၁၀၅ မိုင်မှ ကန်ဒေါ်လာ ၁ ဒသမ ၅၈ သန်းတန်ဖိုးရှိ ပဲတီစိမ်း ၂၃၅၆ တန်ကျော်ကို မေလ၂၃ ရက်မှ ၂၉ရက်ထိကာလအတွင်းမှာတင်ပို့နိုင်ခဲ့တယ်လို့သိရပါတယ်။
ပင်လယ်ရေကြောင်းက ပဲတီစိမ်း၊ ပဲတီရွှေဝါ တင်ပို့မှုကတော့ ပုံမှန်ပမာဏအတိုင်းသာ သွားနေပါတယ်။ ယခင်တစ်ပတ် အလားတူ မေ၂၁-၂၅ ရက်အတွင်းမှာလည်းတန်ချိန် ၉၂၀၀ ကျော်သာတင်ပို့မှုရှိခဲ့ပါတယ်။အဓိကတော့ ဗီယက်နမ်မှတစ်ဆင့် တရုတ် ကို တင်ပို့မှုများကြောင်း သိရပါတယ်။ အိန္ဒိယဝယ်လက်တွေက ပြည်တွင်းမှာ ပဲတီစိမ်းအသစ်ထွက်နေလို့ အရည်အေ သွး ကောင်းတဲ့ ပဲတီရွှေဝါ တချို့သာ ဝယ်ယူမှုရှိတယ်လို့ သိရပါတယ်။
မေလ ၂၃ ရက်မှ ၂၉ ရက်ထိ ကာလအတွင်းမှာ မြန်မာ-တရုတ် နယ် စပ်ရှိ မူဆယ်မှ ကန်ဒေါ်လာ သုည ဒသမ ၀၄၈ သန်းတန်ဖိုးရှိ ပဲလွန်းဖြူ ၆၇ တန်ကျော်နဲ့ မြဝတီမှ ကန်ဒေါ်လာ သုညဒသမ ၀၂၀ သန်းတန်ဖိုးရှိ ပဲလွန်း ဖြူ တန် ၃၀ ကိုအပို့ရှိခဲ့ရာ ယခင်အပတ် က ထက် ၄၅ တန်ကျော်အပို့ပိုခဲ့ပါ တယ်။ မိမိဘက် မူဆယ် မြေပြင်ဈေး အနည်းငယ် မြင့်တက်လျက် ရှိပြီး တစ်ဘက်နိုင်ငံဈေးမှာ သုံးဒေါ်လာခန့် လျော့နည်း ခဲ့တယ်လို့ သိရှိ ရပါတယ်။
ပင်လယ်ရေကြောင်းက ပဲလွန်းဖြူ တင်ပို့မှုမှာ ယခင်တစ်ပတ်တင်ပို့တဲ့ တန်ချိန် ၉၀၀ ထက်ပိုပြီး ယခုတစ်ပတ် (မေလ ၂၁-၂၅ ) အတွင်းမှာ တန်ချိန် ၁၄၅၀ ခန့်ထိ ပိုမို တင်ပို့ခဲ့ပါတယ်။ ဒီတစ်ပတ်တင်ပို့တဲ့နိုင်ငံတွေကတော့ အိန္ဒိယ၊ ကိုရီးယား၊ မလေးရှား၊ ဖိလစ် ပိုင်၊စင်ကာပူ၊ ထိုင်းနဲ့ ဗီယက်နမ်တို့ ဖြစ် ပါတယ်။
ပဲစင်းငုံစိုက်ပျိုးတဲ့ အိန္ဒိယနိုင်ငံပြည်နယ်များမှာ မိုးရွာသွန်းပြီး၊ သီးနှံထိခိုက်ခဲ့တဲ့ အတွက် ပြည်တွင်းပဲ အထွက်လျော့လာကာ လာမယ့်ကာလတွေမှာပဲစင်းငုံဈေးနှုန်း မြင့်တက်ဖွယ်ရှိနေပါတယ်။ ပြည်တွင်းဈေးကွက်များမှာ ပြည်ပတင်သွင်းပဲ အပေါ် မှီခိုရမှာဖြစ် လု့ိ ရူပီးတန်ဖိုး စံချိန်တင်ပမာဏကို ကျဆင်းနေခြင်းက တင်သွင်း ပဲဈေး တွေကြီးမြင့်လာဖို့ ဖြစ်နေပါတယ်။