Background
လက်ကျန်နည်း ပေမဲ့ ဗီယက်နမ်သကြားတင်ပို့နေ ဗီယက်နမ်ပြည်တွင်းသကြားထုတ်လုပ်သူများမှ ရောင်းချမှုနည်းပေမဲ့ ယခုနှစ် မှာ တရုတ်နိုင်ငံကို သကြား အမြောက်အမြား တင်ပို့တယ်လို့ အစိုးရအရာရှိများက ပြောကြားပါတယ်။ မကြာသေးခင်က တရုတ်နိုင်ငံကို တန်ချိန် တစ်သိန်းဝန်းကျင်နဲ့ ယခင်ကာလများထက် အမြင့်ဆုံးပမာဏနဲ့ ရောင်းချခဲ့တယ်လို့ စိုက်ပျိုးရေးနဲ့ ကျေးလက်ဖွံ့ဖြိုးရေး ဒုတိယဝန်ကြီး Bui Ba Bong မှ ဟိုချီမင်းမြို့တော်မှာ ဇူလိုင်လ ၁၅ ရက်နေ့ပြုလုပ်တဲ့ အစည်းအဝေး မှာ ပြောကြားခဲ့ ပါတယ်။ ပြည်တွင်းကုန်သည်များဟာ မေလကစပြီး လစဉ်အိမ်နီးချင်းနိုင်ငံကို သကြား တန် ၃ဝဝဝဝ တင်ပို့ခဲ့ကြောင်း Bui Ba Bong ကုမ္ပဏီမှ ဥက္ကဌ Phan Thi Sum က ပြောကြားပါတယ်။ အဲဒီသကြားများ ထဲမှာ ပြည်တွင်းထုတ်တဲ့ သကြား များနဲ့ ထိုင်းနိုင်ငံက တင်သွင်းတဲ့ သကြားများပါဝင်တယ်လို့ ဆိုပါတယ်။ ပြည်တွင်း ဝယ်လိုအား မြင့်မား တာကြောင့် ပြည်ပတင်ပို့ မှုဟာ ဈေးနှုန်းကို ကြီးမြင့်စေတယ် လို့လည်း ထပ်လောင်းပြောကြားခဲ့ပါတယ်။ တရုတ်နိုင်ငံဟာ ဆောင်းလယ်ပိုင်း ပွဲတော်တိုင်အောင် သကြားဆက်လက်ဝယ် ယူမှာဖြစ်လို့ ဗီယက်နမ် သကြားဈေး က အမြင့်မှာဆက်ရှိနေမယ်လို့ ဆိုပါတယ်။ ပြည်တွင်းသကြားဈေးဟာ တစ်ကီလိုကို ၁ ဒေါ်လာ ဝန်းကျင်ရှိနေပါတယ်။ ဗီယက်နမ် သကြားထုတ်လုပ်သူများ လက်ထဲမှာ လက်ရှိသကြားလက်ကျန်တန်ချိန် ၃၄၇၇ဝဝ ရှိနေတယ်လို့ တရားဝင်စာရင်းများ မှာ ဖော်ပြထားပါတယ်။ တန်ချိန် ၁၄၂ဝဝဝ တင်သွင်းမှုနဲ့ ပေါင်းစပ်လိုက်မယ်ဆိုရင် အဲဒီပမာဏက အောက်တိုဘာလ တိုင်အောင် ပြည်တွင်းပျမ်းမျှဝယ်လိုအားကို ပြည့်မီမယ်လို့ ဆိုပါတယ်။ ပြည်တွင်းဈေးကွက်မှာ အလုံအလောက်ရောင်းချနိုင်ဖို့ သကြားတန်ချိန် ၂၅ဝဝဝဝ တင်သွင်းဖို့ စက်မှုလက်မှုနဲ့ ကုန်သွယ်ရေးဝန်ကြီးဌာနက ဖေဖော်ဝါရီလ အတွင်းမှာ ပြည်တွင်းကုမ္ပဏီများကို နှစ်စဉ်ကိုတာ သတ်မှတ်ခဲ့ပါတယ်။ ဧပြီလမှာ ပြည်တွင်းထုတ်လုပ်သူများက သိုလှောင်လက်ကျန် မြင့်တက်နေခြင်းနဲ့ ရင်ဆိုင်နေရ ကြောင်းတင်ပြမှုအပေါ်အခြေခံပြီးဝန်ကြီးဌာနကသြဂုတ်လတိုင်အောင် တင်သွင်းမှု ရပ်တန့်ဖို့ ဆုံးဖြတ်ခဲ့ပါတယ်။ ဒါပေမဲ့ သကြားထုတ်လုပ်သူများဟာ ယခုအခါမှာ ရောင်းချဖို့ သကြားမလုံ လောက်မှာကို စိုးရိမ်နေကြပါတယ်။ တရုတ်နိုင်ငံကို သကြားတင်ပို့မှု တရားမဝင်တဲ့ ပမာဏတွေနဲ့ တင်ပို့ခြင်းနဲ့ ပြည်တွင်းသကြား စားသုံးမှုမြင့်တက်ခြင်းဆိုတဲ့ အကြောင်းအရာများစွာကြောင့် ပြည်တွင်းရောင်းချမှုနဲ့ လိုအပ်ချက်ကို ခန့်မှန်းဖို့ ခက်ခဲနေတယ်လို့ စိုက်ပျိုးရေး နဲ့ ကျေးလက်ဖွံ့ဖြိုးရေးဝန်ကြီးဌာန ဝါရင့်အရာရှိ တစ်ဦး ဖြစ်တဲ့ Doan Xuan Hoa က ပြောကြားပါတယ်။ ယမင်းခင်Source: Thanh Nien News
ယခုအပတ်နယ်စပ်မှ ပြောင်းအပို့လျော့ ဇူလိုင်လ ၁၃ ရက်မှ ၁၉ ရက်အထိ ကာလအတွင်း မူဆယ်နယ်စပ်မှ ကန် ဒေါ်လာ ၂ ဒသမ ၄၄၁ သန်းတန်ဖိုးရှိ ပြောင်းဖူးစေ့ ၈၇၂၈ တန်ကျော်နဲ့ ကန်ဒေါ် လာ ဝ ဒသမ ၁၉၂ သန်းတန်ဖိုးရှိ နံှစားပြောင်း ၆၃၃ တန်ကျော် တင်ပို့မှုရှိခဲ့ပါတယ်။ ယခင်အပတ်ကထက် တန် ၂၃ဝဝ ခန့်လျော့နည်းတင်ပို့ခဲ့ပါတယ်။ ပြောင်းကြိတ် ဖတ်မှုန့်များလည်း ယခုအပတ်မှာ စပြီး ပို့နေတာတွေ့ရပါတယ်။ ကျပ် ၁၄ သန်း တန်ဖိုးရှိ ပြောင်းကြိတ်ဖတ်မှုန့် တန်၁၄ဝ တင်ပို့ခဲ့တာဖြစ်ပါတယ်။ မိမိဘက် ပြောင်း ဈေးများကျနေသော်လည်း တစ်ဘက်နိုင်ငံဈေးများ ပြောင်းလဲမှုမရှိဘူးလို့ သိရပါ တယ်။ မိမိဘက်နဲ့ တစ်ဘက်နိုင်ငံမြေပြင်ပေါက်ဈေးများကို နှိုင်းယှဉ် ဖော်ပြ ပေး လိုက်ပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %နံှစားပြောင်း ၂၁၁၂၂၄ ၂၁၄၅၆ဝ ၃၃၃၆ ဝ .ဝ၂ ၂၉၄ ၂၉၄ - -ပြောင်းဖူးစေ့ ၂၁၃၅၉၅ ၂၁၆၇၇ဝ ၃၁၇၅ ၁ .၅ ၂၉၄ ၂၉၄ - -MIRT (DOBT)
ပင်လယ်ရေကြောင်း အပို့ကျ ဇူလိုင်လ ၁ဝ ရက်မှ ၁၆ ရက်အထိကာလအတွင်း ပင်လယ်ရေကြောင်းမှ ပြောင်းတန်ချိန် ၂၇၂ဝ တန်၊ တန်ဖိုးကန်ဒေါ်လာ ဝ ဒသမ ၇၈၄ သန်းဖိုးတင်ပို့ ခဲ့ကြပါတယ်။ ယခင်အပတ်က တန် ၆ဝဝဝ ကျော် တင်ပို့ခဲ့တာကြောင့် တင်ပို့မှု လျော့နည်းခဲ့တယ်လို့ ဆိုပါတယ်။ တင်ပို့တဲ့ နိုင်ငံတွေကတော့ ဗီယက်နမ်၊ စင်ကာပူ၊ အိန္ဒိယ၊ အင်ဒိုနီးရှားနဲ့ ဖိလစ်ပိုင်နိုင်ငံတို့ ဖြစ်ပါတယ်။ ပင်လယ်ရေကြောင်းအပို့ကျ ပေမယ့် နယ်စပ်ကတော့ တန် ၈ဝဝဝ ကျော် ပုံမှန်တင်ပို့နေတာတွေ့ရပါတယ်။ FOB ရန်ကုန်ဈေးကတော့ပြောင်းလဲမှုမရှိပဲ တစ်တန်ကို ကန်ဒေါ်လာ ၂၉ဝ မှ ၃၁ဝ ကြားဈေးရလျက်ရှိပါတယ်။ KZW
တာယာဝယ်လိုအားတိုး၍ ရော်ဘာပိုမိုတင်သွင်းဖွယ်ရှိ ကမ္ဘာ့စတုတ္ထအကြီးဆုံး ရော်ဘာထုတ်လုပ်သူဖြစ်တဲ့ အိန္ဒိယနိုင်ငံရဲ့ ရော်ဘာတင်သွင်းမှုက ယခုနှစ်မှာ ကား ရောင်းချနှုန်းတက်လာပြီး တာယာနဲ့ လက်အိတ်တွေလဲ ဝယ်လိုအားကောင်းတာကြောင့် ၁၃ ရာခိုင်နှုန်း ခန့်မြင့်တက်ဖွယ် ရှိတယ်လို့သိရပါတယ်။ ယခုနှစ်ဧပြီလ ၁ ရက်နေ့ကစပြီး ဝယ်လိုအားတန်ချိန် နှစ်သိန်းလောက်အထိမြင့်တက်နိုင်ပြီး ယခင်နှစ်ကတန်ချိန် ၁၇၇၄၈၂ တန်သာ ရှိကြောင်း မော်တော် ကားတာယာထုတ်လုပ်သူများအသင်း(ATMA) ရဲ့ညွှန်ချုပ် က ပြောကြားခဲ့ပါတယ်။ ဧပြီမှ ဇွန်လအထိ ၃ လတာအတွင်း ရော်ဘာသွင်းကုန် ၁ဝ ရာခိုင်နှုန်းမြင့်တက်ခဲ့ပြီး ၄၂၉၂၉ တန်ရှိကြောင်း ရော်ဘာအသင်းမှ ထုတ်ပြန်ချက်များမှာပါရှိပါ တယ်။ ဇွန်လတစ်လတည်းကို ဝယ်လိုအား ၆ဝ ရာခိုင်နှုန်း တက်ခဲ့ပြီး တန်ချိန် ၁၉၁၁၈ တန်ရှိကြောင်း သိရပါတယ်။ လွန်ခဲ့တဲ့နှစ်ကလည်း တိုကျိုကုန်စည်ဒိုင်မှာ အိန္ဒိယရဲ့ ရော်ဘာ ဝယ်လိုအား ၄၄ ရာခိုင်နှုန်းမြင့်တက်ခဲ့ပြီး MRF နဲ့ အပိုလို တာယာအပါအဝင် အိန္ဒိယတာယာထုတ်လုပ်ရေးတွေရဲ့ စရိတ်မြင့်တက်ခဲ့ကြောင်း သိရပါတယ်။ ကမ္ဘာ့ရော်ဘာဈေး ကျဆင်း နေပေမယ့် အိန္ဒိယမှာ အဝယ်လိုက်နေတာကြောင့် ပြည်တွင်းဈေးကတော့ မကျဘူးလို့သိရပါတယ်။ တာယာကုမ္ပဏီအများစု ကတော့ ရော်ဘာအထွက်နှုန်းကျတဲ့ ပထမနှစ်ဝက်မှာ တင်သွင်းဖို့ အစီအစဉ်တွေရှိကြောင်းATMA ရဲ့ညွှန်ချုပ်ကပြောကြား ခဲ့ပါတယ်။ တိုကျိုကုန်စည် ဒိုင်မှာတော့ ဒီဇင်ဘာလအတွက် စာချုပ်ဈေးနှုန်းက တစ်တန်ကို ၄၈ဝ၈ ဒေါ်လာ ရှိတယ်လို့ သိရပါတယ်။ ဘရစ်စတုန်း၊ အပိုလိုနဲ့ MRF တာယာထုတ်လုပ်ရေးတွေကတော့ ဝယ်လိုအားတွေတက်လာတာကြောင့် ဒေါ်လာ သုံးဘီလီယံလောက် ထပ်မံရင်းနှီးမြှုပ်နံှမယ်လို့ ထုတ်လုပ်ရေးအုပ်စုများက ပြောကြားခဲ့ပါတယ်။ ကမ္ဘာ့ဒုတိယကားရောင်းချရဆုံး နိုင်ငံဖြစ်တဲ့ အိန္ဒိယဟာ ၂ဝ၁၅ မှာ ၂ ဆမကမြင့်တက်ပြီး အစီးရေ သုံးသန်းလောက် ထုတ်လုပ်ဖွယ်ရှိတာကြောင့် ရော်ဘာဝယ်လိုအား မြင့်တက်နေကြောင်း အစိုးရမှ ပြောကြားပါတယ်။ တာယာထုတ်လုပ်ရေး တွေရဲ့ အဓိကဝယ်လိုအားကတော့ ဘတ်စ်ကားနဲ့ ထရပ်ကားဈေးကွက်အတွက် ဖြစ်ကြောင်းသိရပါတယ်။ တခြားစီးပွားရေး လုပ်ငန်းတွေနဲ့ စိုက်ပျိုးရေးလုပ်ငန်းတိုးတက်ပြီး အခြေအနေကောင်းခဲ့ရင် မော်တော်ကားဝယ်လိုအားတွေ မြင့်တက်ဖွယ်ရှိပြီး ယခုဘဏ္ဍာနှစ်မှာ ကားရောင်းချရနှုန်း ၁ဝ ရာခိုင်နှုန်းမှ ၁၂ ရာခိုင်နှုန်းအထိ မြင့်တက်နိုင်ကြောင်း အိန္ဒိယ ကားထုတ်လုပ် သူများက ပြောကြားပါတယ်။ ဇွန်လအထိ ရော်ဘာ ထုတ်လုပ်မှု ၅ ဒသမ ၃ ရာခိုင်နှုန်း မြင့်တက်ခဲ့ပေမယ့် ဇူလိုင်လမှာ ရော်ဘာတင်သွင်းမှုမြင့်တက်နိုင်ကြောင်း ဗွှဗြ ရဲ့ ညွှန်ခုျပ်ကပြောကြားခဲ့ပါတယ်။ လွန်ခဲ့တဲ့လက ထုတ်လုပ်မှု ၄ ဒသမ ၁ ရာခိုင်နှုန်းတိုးတက်ပြီး ၅၉၂ဝဝ တန်ရှိခဲ့တယ်လို့ ရော်ဘာအသင်းရဲ့ စာရင်းများအရသိရပါတယ်။ Source; Financial express ,KZW
ယခုအပတ် နယ်စပ်မှ ရော်ဘာပိုတင်ပို ဇူလိုင်လ ၁၃ရက်မှ ၁၉ ရက်ထိနယ်စပ်ကုန်သွယ်ရေးစခန်းများမှ ကန်ဒေါ်လာ ၂ ဒသမ ၂၄၇ သန်းတန်ဖိုးရှိ ရော်ဘာ အဆင့်စုံ တန် ၅ဝဝ ကျော် တင်ပို့ခဲ့တဲ့အတွက် ပြီးခဲ့တဲ့အပတ်ကထက် တန် ၂ဝဝ ကျော် ပိုမိုတင်ပို့နိုင်ခဲ့ပါတယ်။ မူဆယ်နယ်စပ်မှ RSS-3 ၂၂၁ တန်ကျော်၊RSS-5 ၁ဝ၅ တန်၊MSR-20 ၁ဝ၅ တန်ကျော်နဲ့ မြိတ်နယ်စပ်မှ MSR-50 တန် ၇ဝ တင်ပို့ခဲ့တာဖြစ်ပါတယ်။ မူဆယ်မှ ယခင်အပတ်ကထက် တန် ၂၁ဝ ပိုမိုတင်ပို့ခဲ့ပြီး ချင်းရွှေဟော်နယ်စပ်မှ အပို့ မရှိသော်လည်း မြိတ်မှ အပို့ရှိခဲ့ပါတယ်။ မိမိဘက်နဲ့ တစ်ဘက်နိုင်ငံရော်ဘာဈေးများ အနည်းငယ်ကျလျက်ရှိပါတယ်။ မိမိ ဘက်နဲ့ တစ်ဘက်နိုင်ငံရော်ဘာ မြေပြင်ပေါက်ဈေးများကို နှိုင်းယှဉ်ဖော်ပြပေးလိုက်ပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS-3 ၃၄ဝ၅၈၂ဝ ၃၄၁၃၈ဝ၇ ၇၉၈၇ ဝ .၂ ၄၃၃၁ ၄၃၃၂ ၁ ဝ .ဝ၂RSS-5 ၃၁၇၆၂၆၉ ၃၁၈၄၃၅၈ ၇၇၈၉ ဝ .၂ ၄၂၅၄ ၄၂၅၅ ၁ ဝ .ဝ၂MIRT (DOBT)
ရော်ဘာအထွက်မရှိ၍ တင်ပို့မှု ကျဆင်း ဇူလိုင်လ ၁ဝ ရက်မှ ၁၆ ရက်ထိ ကာလအတွင်း ပင်လယ်ရေကြောင်းမှ ရော်ဘာတင်ပို့နိုင်ခြင်း မရှိတာ တွေ့ရပါတယ်။ ယခင်အပတ်ကတော့ တန် ၂ဝဝ ကျော် တင်ပို့ခဲ့တာကြောင့် တင်ပို့မှုကျဆင်းတယ်လို့ ဆိုရပါမယ်။ ပြည်တွင်းရော ပြည်ပပါ ရော်ဘာဈေးနှုန်းအနည်းငယ်တက်နေပြီး မိုးတွင်းကာလဖြစ်လို့ ရော်ဘာခြံများပါ ပိတ်ထားတဲ့အတွက် ရော်ဘာအထွက် မရှိတာကြောင့် တင်ပို့မှုကျဆင်းခြင်းဖြစ်ကြောင်း သိရပါတယ်။ ပင်လယ်ရေကြောင်း တင်ပို့မှုမရှိပေမယ့် နယ်စပ်ကုန်သွယ်ရေး ကနေ တန် ၅ဝဝ ကျော် တင်ပို့ခဲ့ပါတယ်။ FOB ရန်ကုန်ဈေးကတော့ ပြောင်းလဲမှုမရှိဘဲ RSS-3 တစ်တန်ကို ၄၄ဝဝ ဒေါ်လာ၊ RSS-5 တစ်တန်ကို ၄၃ဝဝ ဒေါ်လာနဲ့ MSR-20 တစ်တန်ကို ၄၄ဝဝ ဒေါ်လာ အသီးသီးဈေးပေါက်လျက်ရှိပါတယ်။ KZW
ဧပြီလမှ ဇွန်လအတွင်း ငရုတ်ကောင်းတင်ပို့မှု ၆ ရာခိုင်နှုန်း မြင့်တက်ခဲ့သည့် အိန္ဒိယ ၂ဝ၁၁-၂ဝ၁၂ ဘဏ္ဍာနှစ် ပထမလေးလပတ် အတွင်းမှာ အိန္ဒိယနိုင်ငံရဲ့ ငရုတ်ကောင်းအနက်တင်ပို့မှုက ၆ ရာခိုင်နှုန်းနီးပါးမြင့်တက်ခဲ့ကြောင်း နောက်ဆုံးထုတ်ဒေသ ဆိုင်ရာ ခန့်မှန်းချက်အရ သိရှိရပါတယ်။ ယခင်နှစ် အလားတူ ကာလက တန်ချိန် ၄၂ဝဝ တင်ပို့ခဲ့ရာမှ ယခုနှစ်မှာ ၄၄၆ဝ ကို တိုးတက်တင်ပို့ခဲ့တယ်။ ဗီယက်နမ်က ကမ္ဘာမှာ ဟင်းခတ် အမွေးအကြိုင် အများဆုံး ထုတ်လုပ်သူနဲ့ တင်ပို့တဲ့ နိုင်ငံဖြစ်ပြီး ဧပြီ လမှ ဇွန်လအတွင်း တန်ချိန် ၃၅ဝဝဝ ကျော်တင်ပို့ခဲ့ကြောင်း သတင်း ရရှိတယ်။ ဗီယက်နမ်ရဲ့ ယခုနှစ်ဇန်နဝါရီ လမှ ဇွန်လ အတွင်း ငရုတ်ကောင်းအဖြူနဲ့ အနက် နှစ်မျိုးစလုံး တင်ပို့မှုက တန်ချိန် ၆၈ဝဝဝ ရှိခဲ့တယ်။ မကြာခင် အင်ဒိုနီးရှားနဲ့ ဘရာဇီးတို့မှာ ငရုတ်ကောင်း ရိတ်သိမ်းတော့မှာဖြစ်ရာ လာမဲ့လ အနည်းငယ် အတွင်းမှာ ငရုတ်ကောင်းဈေးနှုန်းကို အဆုံးအဖြတ်ပေးသွားမှာဖြစ်တယ်။ အနောက်အာရှနဲ့ အီးယူမှ ဝယ်ယူ သူတွေက ဗီယက်နမ် ဈေးကွက် မှ ရှောင်ရှားနေတာကြောင့် ငရုတ်ကောင်းဈေးနှုန်း က တစ်တန်ကို ကန်ဒေါ်လာ ၅၅ဝဝ နီးပါးသာရှိတယ်။ ပြီးခဲ့တဲ့ ရက်သတ္တပတ်လေးပတ်အတွင်းမှာ ဗီယက်နမ် ငရုတ်ကောင်း အဓိက ဝယ်ယူသူမှာ အိန္ဒိယမှ တန်ဖိုးမြှင့် ပြုပြင်ထုတ်လုပ်သူတွေသာဖြစ်ကြောင်း သတင်းရရှိပါတယ်။ ဘရာဇီးရဲ့ ငရုတ်ကောင်း ရောင်းလိုအား မှာငြိမ်သက်လျက်ရှိပြီး B-Asta grade အမျိုးအစားကို ယခုနှစ်ကုန်ပိုင်းအထိ တစ်တန်ကို ကန်ဒေါ်လာ ၆၂ဝဝ နဲ့သာ ဆက်လက်ရောင်းချ သွားမှာဖြစ်ကြောင်း သတင်းရရှိပါတယ်။ အေးမွန်မွန်လှိုင်၊Source:commodityonline.com
ပြည်ပအဝယ်အော်ဒါအသစ်မရလို့ အိန္ဒိယနနွင်းဈေးကျဆင်း အိန္ဒိယနိုင်ငံ အီရော့ဈေးကွက်မှာ ဇူလိုင်လ ၂ဝ ရက်က နနွင်းလက်ငင်းဈေးတစ်တန် ရူပီး ၄ဝဝဝ (ကန်ဒေါ်လာ ၉ဝ ဒသမ ၂၂) ကျဆင်းခဲ့လို့ ထုတ်လုပ်ထားတဲ့ ပမာဏရဲ့ ၇ဝ ရာခိုင်နှုန်းကို မရောင်းချဘဲ ရှိနေတယ်လို့ သိရပါတယ်။ ကုန်သည်များ မှာ လွန်ခဲ့တဲ့ ၃ ရက်အတွင်း အဝယ်အော်ဒါမရရှိတာကြောင့် လက်ငင်းဈေးမှာ ဈေးအနိမ့်နဲ့ ကမ်းလှမ်းလို့ နနွင်းတောင်သူများဟာ သိုလှောင်မှုရဲ့ ၃ဝ ရာခိုင်နှုန်းသာ ရောင်းချမှုရှိတယ်လို့ အီရော့နနွင်းကုန်သည်များအသင်း ဥက္ကဌ မစ္စတာအာကေဗွီရာဗွီရှန်ကာမှ ပြောကြားပါတယ်။ လက်ရှိနှစ်အတွင်း နနွင်းအဝါမျိုးကို ဈေးမြင့်မယ်မှန်းပြီး တောင်သူတော်တော်များများ စိုက်ပျိုးကြလို့ နောက်နှစ်မှာ များများဝင်လာမယ်လို့ ဆိုပါတယ်။ ယခင်နှစ်က ထုတ်လုပ်မှု နိမ့်ကျတာကြောင့် တစ်တန်ကို ရင်းဂစ် ၁၇၅ဝဝဝ (ကန်ဒေါ်လာ ၃၉၄၇) ထိမြင့်တက်ခဲ့ပေမဲ့ ယခုနှစ်မှာ ဝင်ရောက်မှုများလာတာကြောင့် ဈေးနှုန်း အဆက်မပြတ် ကျဆင်းလာခဲ့ပါတယ်။ စက်တင်ဘာလတိုင်အောင် ဈေးမြင့်တက်လာမယ့် အလားအလာမမြင်ဘူးလို့ ရှန်ကာမှ ပြောကြားပါတယ်။ အလားတူ နီဇမ်မာဘတ်နဲ့ ဆင်းလီဈေးကွက်များမှာလည်း အိန္ဒိယမြောက်ပိုင်းကုန်သည်များက အဝယ်အော်ဒါ အကန့်အသတ်သာ ရှိလို့ ဈေးအကျ နဲ့ ရောင်းချနေတယ် လို့ ဆိုပါတယ်။ အီရော့နနွင်း ကုန်သည်များအသင်းရုံးမှာ နနွင်းဈေး တစ်တန်ကို ရူပီး ၄ဝဝဝ (ကန်ဒေါ်လာ ၉ဝ ဒသမ ၂၂) နဲ့ စပ်မျိုးနနွင်းဈေးက တစ်တန်ကို ရူပီး ၁ဝဝဝ (ကန်ဒေါ်လာ ၂၂ ဒသမ ၅၅) လျော့ကျခဲ့ပြီး နနွင်းလက်ချောင်းဈေး တစ်တန် ရူပီး ၅၁ဝ၆ဝ-၇၁၁၅ဝ (ကန်ဒေါ်လာ ၁၁၅၂-၁၆ဝ၅)၊ နနွင်းဥဈေး တစ်တန် ရူပီး ၄၈၁၉ဝ-၆၁၁၉ဝ (ကန်ဒေါ်လာ ၁ဝ၈၇-၁၃၈ဝ) ဈေးနဲ့ ရောင်းဝယ်ကြတယ်လို့ သိရပါတယ်။ ယမင်းခင်၊Source: businessline
ရှမ်းနနွင်းဈေး ခပ်အေးအေး ရှမ်းနနွင်းဈေးကလည်း ဒီတစ်ပတ်ခပ်အေးအေးပါပဲ၊ ပြီးခဲ့တဲ့ အပတ်က တရုတ်ဝယ်လက်တွေ နနွင်းခါးကို ပရဆေးဖော်ဖို့ ဝယ်ယူကြပေမဲ့ ဒီတစ်ပတ်မှာတော့ အနည်းငယ်မျှသာ ဝယ်ယူနေကြတယ်လို့ သိရပါတယ်။ ပင်လောင်း၊ ပေါင်းလောင်းက ထွက်တဲ့ နနွင်းဖြူတွေကတော့ လက်ကျန်တွေများနေပြီး တောင်သူ၊ လှောင်လက်တွေ ဆီမှာ ပိဿာချိန် သိန်းဂဏန်းခန့် ကျန်နေပါသေးတယ်။ လက်ကျန်များပေမဲ့ စိုက်တာကတော့ အရင်နှစ်တွေလိုပဲ ပြန်စိုက်ကြပါတယ်။ ပြည်တွင်းသုံး အမှုန့်ကြိတ်ဖို့ အတွက် နနွင်းဝါ၊ ပရဆေးဖော်ဖို့ နနွင်းဖြူတွေကိုသာ လက်လီ နည်းနည်းပါးပါးဝယ်ယူနေကြတယ်လို့ နနွင်းပွဲရုံတွေက သိရပါတယ်။ ပင်လောင်း၊ ပေါင်းလောင်း နနွင်းတွေက လက်ကျန်သိန်းဂဏန်းခန့် ကျန်ပေမဲ့ ဆင်တောင်နနွင်းကတော့ သောင်း ဂဏန်း လောက်သာ ကျန်တော့တယ်လို့ သိရပါတယ်။ ဒီတစ်ပတ် အောင်ပန်းဈေးကွက်မှာ နနွင်းဈေးတွေက ပင်လောင်းနနွင်း ဆိုရင်ဈေးမရှိ သလောက် ဖြစ်နေပြီး အဖြူစဆိုရင် ၃ဝဝ ကျပ်၊ အဝါစဆိုရင် ၈ဝဝ ကျပ်သာရှိပါတယ်။ ဆင်တောင်နနွင်းက တစ်ပိဿာ ၃ဝဝဝ ကျပ်ရှိပြီး ဟိုပုံးနနွင်းက တစ်ပိဿာ ၁၈ဝဝ ကျပ်ဈေးရှိပါတယ်။ ဧဧခိုင်