Background
ပါကစ္စတန်ဈေးကွက်ကို ပဲတီစိမ်းတန်ချိန် ၃ဝဝဝကျော် တင်ပို့နိုင် ယခင်သီတင်းပတ်က ပင်လယ်ရေကြောင်း တင်ပို့မှု တန်ချိန် ၃ဝဝဝ ကျော်သလို ယခုတစ်ပတ် (စက်တင်ဘာ၃ဝ မှ အောက်တိုဘာ ၆ ရက်)အတွင်းမှာလည်း ပါကစ္စတန်ကိုတင်ပို့ဖို့ စင်ကာပူဝယ်လက်တွေ အဝယ်ရှိလို့ တန်ချိန် ၃ဝဝဝ ကျော်တင်ပို့နိုင်တာတွေ့ရပါတယ်။ အိန္ဒိယပြည်တွင်း ဈေးကွက်တွေကို ပဲအသစ်တွေဝင်လာပြီဖြစ်လို့ အိန္ဒိယဝယ်လက်ကတော့ မြန်မာပဲတီစိမ်းကို အဝယ်လျော့နေတယ်လို့ သိရပါတယ်။ စက်တင်ဘာလ တစ်လလုံး တင်ပို့မှုကို ကြည့်မယ်ဆိုရင် တန်ချိန် ၁၁ဝဝဝ ကျော်ရှိတာကြောင့် ပြီးခဲ့တဲ့ သြဂုတ်လ တင်ပို့မှု တန်ချိန် ၉၇ဝဝ ထက် သိသိသာသာ ပိုတာတွေ့ရပါတယ်။ ဒါပေမဲ့ ၂ဝဝ၉ ခုနှစ် စက်တင်ဘာလ တင်ပို့မှုမှာ တန်ချိန် ၂ဝဝဝဝ နီးပါးရှိတာကြောင့် ကာလတူတင်ပို့မှု လျော့ကျတာ တွေ့ရပါတယ်။ ပြည်တွင်းဈေးကွက်တွေမှာ အရောင်းအဝယ်အေးတာကြောင့် ရန်ကုန် FOBဈေးလည်း ပြန်လျော့လာ တာတွေ့ရပါတယ်။ ပဲတီစိမ်း(အညာ) ပခုက္ကူ ပဲတီရွှေဝါအသေး၇-၁ဝ-၁ဝ ၈၆ဝ-၈၈ဝ ၉၅ဝ-၉၆ဝ ၁၁၂ဝ-၁၁၃ဝ၁-၁ဝ-၁ဝ ၈၈ဝ-၈၉ဝ ၁ဝဝဝ-၁ဝ၁ဝ ၁၁၂ဝ-၁၁၃ဝMIRT (MAPT)
တင်ပို့မှု ယခင်အပတ်ကထက် ထက်ဝက်ကျော်လျော့ကျ စက်တင်ဘာလ နောက်ဆုံးပတ်မှာ ပဲတီစိမ်း ၆ဝ၂ တန် တန်ဖိုးအားဖြင့် ကန်ဒေါ်လာ ဝ ဒသမ ဝ၃၆ သန်းဖိုး တရုတ်နိုင်ငံသို့မူဆယ် နယ်စပ်မှ တင်ပို့နိုင်ခဲ့ပါတယ်။ ယခင်အပတ်က ၁၂ဝ၃ တန်တင်ပို့ခဲ့တာမို့ ယခုအပတ်တင်ပို့မှုက ထက်ဝက်ကျော်နီးပါး လျော့နည်းခဲ့တာဖြစ်ပါတယ်။ စက်တင်ဘာလအတွင်းမှာ ပဲတီစိမ်း ၃၇၃၆ တန်နဲ့ ပဲတီစိမ်း လုံးခြမ်း ၄၂၈ တန်တင်ပို့နိုင်ခဲ့တယ်လို့ သိရပါတယ်။ ဧပြီလမှ စက်တင်ဘာလအထိ ဘဏ္ဍာနှစ်ဝက်ကာလမှာတော့ ပဲတီစိမ်း တန်ချိန် ၆၉၅ဝဝ ကျော်နယ်စပ်စခန်းများမှ တင်ပို့ထားပြီး ဖြစ်တယ်လို့ သိရပါတယ်။ ယခုအပတ်မှာ မိမိဘက်မြေပြင်ပေါက်ဈေးက ၉၂ဝ၃၁၄ ကျပ်ဖြစ်ပြီး ယခင်အပတ်ကထက် ၄၃၆ဝဝ ကျော် ဈေးပိုမိုခဲ့ပါတယ်။ တစ်ဘက်နိုင်ငံဈေးကတော့ ၁ဝ၁၁ ဒေါ်လာရှိပြီး ယခင်အပတ်ဈေးအတိုင်းပြောင်းလဲမှု မရှိဘူးလို့ သိရပါတယ် မိမိဘက်(ကျပ်/တန်) တစ်ဘက်နိုင်ငံ(ယွမ်/တန်)ပဲတီစိမ်း ယခု ယခင် ပြောင်းလဲမှု ရာခိုင်နှုန်း ယခု ယခင် ပြောင်းလဲမှု ရာခိုင်နှုန်းပဲတီစိမ်း ၉၂ဝ၃၁၄ ၈၇၆၆၃၃ ၄၃၆၈၁ ၅ ၁ဝ၁၁ ၁ဝ၁၁ -ြွှှုျ (ီဥြွှ)
မျိုးအတွက်အဝယ်ရှိလာတဲ့ မတ်ပဲ ပဲခူးတိုင်းဒေသကြီး အနောက်မှာ ဆောင်းသီးနံှတစ်ခုဖြစ်တဲ့ မတ်ပဲကို ပဲစိုက်တောင်သူများအဓိကထားပြီး စိုက်ပျိုးတာကို တွေ့ရပြီး ၂ဝ၁ဝ-၂ဝ၁၁ အတွက် မတ်ပဲလျာထား စိုက်ဧက ၅၁၅၈၁၁ ဧကရှိတာကို တွေ့ရပါတယ်။ မတ်ပဲစိုက်တဲ့ ရာသီနီး လာပြီဖြစ်လို့ ပြည်မြို့ရဲ့ ပတ်ဝန်းကျင်ဒေသမှ ပဲစိုက်တောင်သူများ မတ်ပဲမျိူးများကို ဝယ်ယူ နေကြပြီဖြစ်ကြောင်း သိရပါတယ်။ ပဲမျိူး တစ်တင်းကို လက်ကားဝယ်ယူရင် ၂၆ဝဝဝ ကျပ်ဈေးရှိပြီး လက်လီ ဝယ်ယူသူများ ကတော့ ပဲတစ်တင်းကို ၂၇ဝဝဝ ကျပ်ဈေးနဲ့ ဝယ်ယူရတယ်လို့ သိရပါတယ်။ဝယ်ယူတဲ့ မျိုးတွေကတော့ အထွက်နှုန်းကောင်းစေတဲ့ ဒေသမျိးနဲ့ ရေဆင်း ၂၊ ရေဆင်း ၃ မျိုးတွေ ဖြစ်တယ်လို့ သိရပါတယ်။ တင်ပို့ဖို့ အရောင်းအဝယ်လုပ်တဲ့ မတ်ပဲဈေးကတော့ မိုးရာသီနဲ့အပြိုင် အေးနေတာကိုတွေ့ရပါတယ်။ စက်တင်ဘာလရဲ့ ဒုတိယပတ်မှာတော့ ပဲတစ်တင်း ကို ၂၅၂ဝဝ ကျပ်ဈေးနဲ့ ဈေးငြိမ်နေတာကို တွေ့ရပါတယ်။ ရန်ကုန် ဝယ်လက် ကလည်း အဝယ်အေးနေပြီး မြို့တွင်းပဲကုန်သည်များကလည်း တစ်နေ့ကို ပဲ တစ်တင်းခွဲအိတ် ၁၅ဝ-၂ဝဝ သာ အရောင်းအဝယ် ရှိတယ်လို့ သိရပါတယ်။ ရန်ကုန် ကို စီးဆင်းတဲ့ ပဲအိတ်အရေအတွက်ကတော့ တစ်နေ့ကို အိတ် ၈ဝဝ လောက်သာ တင်ပို့တယ်လို့ သိရပါတယ်။ မိမိအေး
လက်ကျန်နည်းပြီးဈေးအနည်းငယ်မြင့်လာတဲ့ ဟင်္သာတပဲဈေးကွက် မတ်ပဲဈေးကတော့ ဟင်္သာတဈေးကွက်မှာ အနည်းငယ်မြင့်တက်လာ ပါတယ်။ ယခင်တစ်ပတ်က ပိဿာ ၂ဝ တစ်တင်းကို ၂၅၇ဝဝ ကျပ်နဲ့ အရောင်း အဝယ်ဖြစ်ခဲ့ပြီး ယခုအပတ်မှာတော့ မတ်ပဲဈေးမှာ ၂၅၈ဝဝ ကျပ်ဈေးသို့ အနည်း ငယ် မြင့်တက်လာပါတယ်။ ယခုအချိန်အခါဟာ ကုန်သည်များလက်မှာ ပဲလက်ကျန်နည်းသွားပြီး တောင်သူအချို့မှာလည်း မိုျးပဲလောက်သာ ကျန်ရှိပါတော့ တယ်။ ပဲရောင်းဝယ်မှုအနေနဲ့ နေ့စဉ်ဖြစ်ပေါ်နေတဲ့ ဈေးများဖြင့် တစ်ပတ်အတွင်း ပျမ်းမျှတစ်တင်းခွဲအိတ် ၅ဝဝဝ ခန့် တင်ပို့တယ်လို့ သိရပါတယ်။အေးအေးခိုင်
မတ်ပဲတင်ပို့မှု တန်တစ်သောင်းအောက် လျော့ အိန္ဒိယဈေးကွက်တွေကို မတ်ပဲအသစ်တွေ ဝင်ရောက်လာပြီဖြစ်လို့ မြန်မာနိုင်ငံက တင်သွင်းမှုလျော့ကျခဲ့တဲ့ အတွက် စက်တင်ဘာလ ၃ဝ ရက်မှ အောက်တိုဘာလ ၆ ရက်အထိ ယခုတစ်ပတ်အတွင်း မတ်ပဲတင်ပို့မှုဟာ တန်ချိန် တစ်သောင်းအောက်ကို လျော့ကျလာခဲ့ပါတယ်။ ပြည်ပဝယ်လက်တွေက စက်တင် ဘာလ လောက် အဝယ်မသွက်ပေမဲ့ နည်းနည်းနဲ့ မှန်မှန်တော့ အဝယ်ရှိတယ်လို့ သိရပါတယ်။ ပြည်ပကို စက်တင်ဘာအတွင်း တင်ပို့မှုဟာ တန်ချိန် ၄၈ဝဝဝ ခန့်ရှိပြီး သြဂုတ်လမှာ တန်ချိန် ၅၄ဝဝဝ ခန့်တင်ပို့ခဲ့တာတွေ့ရပါတယ်။ ယခင်နှစ် စက်တင်ဘာလ တင်ပို့မှုအနေနဲ့ တန်ချိန် ၄ဝဝဝဝ ကျော်သာရှိတဲ့အတွက် ယခုနှစ် ကာလတူ တင်ပို့မှု ပိုမိုခဲ့တာတွေ့ရပါတယ်။ ရန်ကုန် FOB ဈေးများ ယခင် တစ်ပတ်နဲ့ ယခုတစ်ပတ် နှိုင်းယှဉ်ဖော်ပြလိုက်ပါတယ် ဒေါ်လာ/တန် မတ်ပဲ(FAQ) (SQ)၇-၁ဝ-၁ဝ ၉၄ဝ-၉၅ဝ ၁၁၁ဝ-၁၁၂ဝ၁-၁ဝ-၁ဝ ၉၂ဝ-၉၃ဝ ၁ဝ၉ဝ-၁၁ဝဝMIRT(MAPT)
စိုက်ဧရိယာမြင့်တက်ပြီး ပဲအဝင်များလာလို့ အိန္ဒိယ မတ်ပဲဈေးဆက်လက်ကျဆင်း အိန္ဒိယ မဟာရပ်ရှတရာဒေသကို မတ်ပဲအသစ်များ ဝင်ရောက်မှု တိုးတက်လာပြီဖြစ်ပြီး ပဲစိုက်ဧရိယာက ယခင်နှစ်ထက် သိသိသာသာမြင့်တက်လို့ ဈေးကွက်များမှာ ဈေးဆက်လက်ကျဆင်းခဲ့တယ်လို့ သိရပါတယ်။ အိန္ဒိယ တောင်ပိုင်းမှာ မိုးကောင်း နေခြင်းက ပဲစင်းငုံနဲ့ မတ်ပဲထွက်ရှိမှု ပိုမိုကောင်းမွန် လာစေမှာဖြစ်ပါတယ်။ ဒါ့အပြင် ပြည်ပက တင်သွင်းမှုများခြင်းကလည်း ဈေးမတက်အောင် ထိန်းထားသလို့ ရှိနေပါတယ်။ ဒေလီလက်ငင်းဈေးကွက်မှာ မတ်ပဲ FAQ တစ်တန်ကို ရူပီး ၄၅ဝဝဝ (ကန်ဒေါ်လာ ၁ဝ၁ဝ) မှ ရူပီး ၄၄၅ဝဝ (ကန်ဒေါ်လာ ၉၉၉) ကို ကျဆင်းခဲ့တယ်လို့ သိရပါတယ်။ ယမင်းခင်၊Sources: P T I
ပဲစင်းငုံနီဈေးအငုတ် ဝယ်သူရှိခိုက်ထုတ်ရောင်းနေ အောက်တိုဘာပထမပတ် မုံရွာပဲဈေးကွက်မှာ ပဲစင်းငုံနီ ဈေးဆက်လက် ကျဆင်းနေလျက်ရှိရာ တစ်တင်း ၁၈၆ဝဝ ကျပ်နဲ့ ရန်ကုန်အော်ဒါရှိတဲ့ ကုန်သည် အချို့ဝယ်ယူမှုရှိခဲ့တယ်လို့ ဈေးကွက်ကဆိုပါတယ်။ နောက် ၂ လကျော်ရင် ပဲစင်းငုံနီ အသစ် တွေပေါ်တော့မှာမို့ ကုန်သည်တွေအနေနဲ့ လက်ဝယ်သိမ်းထားဘို့ အခက် အခဲရှိလို့ ရန်ကုန်ဝယ်လက်ရှိတုန်း ထုတ်ရောင်း လျက်ရှိတယ်လို့ သိရပါတယ်။ နေ့စဉ် ပုံမှန်ရောင်းဝယ်မှုအနေနဲ့ တင်း ၃ဝဝ ဝန်းကျင်ရှိပြီး ရန်ကုန်၊ မန္တလေး၊ အဝယ် အော်ဒါ ရှိတဲ့နေ့မှာတော့ တင်း ၁ဝဝဝ မှ ၂ဝဝဝ ထိ အရောင်းအဝယ် ဖြစ်ခဲ့တယ်လို့ ပွဲရုံပိုင်ရှင်တစ်ဦးက ပြောပြပါတယ်။ ယခု တစ်ပတ်အတွင်း မုံရွာကုန်စည်ဒိုင်နယ်မြေက ပဲစင်းငုံနီစီးထွက်မှု အခြေအနေကို လေ့လာတဲ့အခါ မန္တလေးကို တင်း ၂၅ဝဝ ခန့်နဲ့ ရန်ကုန်ကို တင်း ၃၅ဝဝ ခန့် တင်ပို့ခဲ့ကြကြောင်း သိရှိရပါတယ်။ထွန်းလှိုင်
ဈေးလျော့အဝယ်ရှိတဲ့ ပြည်ပဲစင်းငုံ ယခုတစ်ပတ်ပြည်ဈေးကွက်မှာ ပဲစင်းငုံ ပိဿာ ၂ဝ တစ်တင်းကို ၁၉ဝဝဝ ကျပ်ဈေးဖြင့် အရောင်းအဝယ် ဖြစ်ခဲ့ကြတဲ့ အတွက် ယခင်အပတ်ထက် ကျပ် ၁ဝဝဝ ကျော်ခန့် ကျဆင်းသွားခဲ့ပါတယ်။ အိတ်စပို့သမားများ ဈေးလျှော့ အဝယ်ရှိခြင်း ကြောင့် ဈေးကျရခြင်းဖြစ်ကြောင်း သိရပါတယ်။ လက်ကျန်များပေမယ့် အချို့မှာ ကြိုက် ဈေးမရလို့ ထုတ်မရောင်းသလို ငွေလိုသူတစ်ချို့က ထုတ်ရောင်းနေတဲ့ အတွက် ပြည်ဈေးကွက်တွင် အရောင်းအဝယ် အသင့်အတင့်ဖြစ်ကြောင်း သိရပါတယ်။ ဆုမွန်ဆွေ
အိန္ဒိယပဲစင်းငုံဈေး တစ်လအတွင်း အနည်းငယ်မာလာ အိန္ဒိယပြည်တွင်းလက်ငင်းဈေးကွက်တွေမှာ တစ်လအတွင်း ပဲစင်းငုံ ဈေးအနည်းငယ်မာလာတာ တွေ့ရ ပါတယ်။ ပဲစင်းငုံစိုက်ဧရိယာ မနှစ်ကထက် အမြောက်အမြားပိုမိုပေမဲ့ အသစ်မထွက်သေးဘဲ လက်ကျန်များ ရောင်းချ နေတာ ဖြစ်လို့ ဈေးမကျသွားဘဲ အနည်းငယ်မာလာတာ ဖြစ်ပါတယ်။ ပြည်တွင်း ဈေးကွက် တွေမှာ လက်ကျန် အမြောက်အမြားရှိနေသေးတယ် ဆိုပေမဲ့လည်း တန်ဇန်းနီးယားနဲ့ မြန်မာနိုင်ငံတို့ကလည်း အနည်းငယ်စီ တင်သွင်းနေတာ တွေ့ရပါတယ်။ ပဲစင်းငုံအသစ် ဈေးကွက်ထဲမရောက်မီ အချိန်ထိတော့ ဈေးမာ နိုင်တယ်လို့ ခန့်မှန်းကြပါတယ်။ ယခင်လနဲ့ ယခုလ ကာလတူ ဈေးနှုန်းများ နှိုင်းယှဉ် ဖော်ပြလိုက်ပါတယ် ဒေါ်လာ/တန် မွန်ဘိုင်း ချန်နိုင်း၆-၁ဝ-၁ဝ ၇၉၆ ၈ဝ၁၆-၉-၁ဝ ၇၅၃-၇၅၈ ၇၅၃MIRT(MAPT)
မလေးရှားဆန်လက်ကျန်က ၆ လအတွက် အလုံအလောက်ရှိတယ် လို့ ဘားနပ်စ်ကဆို မလေးရှားနိုင်ငံရဲ့ ပြည်တွင်းဆန်ဖူလုံမှုဟာ ၃ဝ ရာခိုင်နှုန်းသာ ရပ်တည် နိုင်သေးပေမဲ့ လက်ရှိအကျပ်အတည်း ကာလအတွင်း မလေးရှားနိုင်ငံမှာ ဆန်လက် ကျန် ပမာဏဟာ ၅ လ၊ ၆ လအတွက် လုံလောက်နိုင်တယ်လို့ဘားနပ် ( Bernas) အကြီးတန်းမန်နေဂျာ အဇာဘင် အက်ဘ်ဒူလာ (Azhar bin Abdullah ) ပြော ကြားပါတယ်။ ကမ္ဘာ့ဆန် ဈေးကွက်အတွင်း ဆန်ရောင်းချမှု ငြိမ်သက်နေခြင်းက မလေးရှားနိုင်ငံအတွက် စိုးရိမ်စရာမဖြစ်နိုင်သေးပါဘူးလို့ ထပ်လောင်း ပြောကြား ပါတယ်။ မလေးရှားနိုင်ငံဟာ အခြားနိုင်ငံများမှ ၇ဝရာခိုင်နှုန်းဆန်တင်သွင်းမှုကို မှီခိုနေရ ပြီး အများစုကို ဗီယက်နမ်၊ ထိုင်းနဲ့ ပါကစ္စတန်တို့မှ တင်သွင်းနေရတယ်လို့ ဆိုပါတယ်။ နိုင်ငံရဲ့ ဆန်ထုတ်လုပ်နိုင်မှုဟာ မြေဆီလွှာရရှိနိုင်မှု၊ လယ်သမားဦးရေနဲ့ အခြားစီးပွားရေး အချက်အလက်များပေါ် မူတည်နေ ကြောင်း၊ ဘားနပ်အနေနဲ့ လယ်ကွင်း မရှိပေမဲ့ ထုတ်လုပ်မှုတိုးမြင့်ဖို့ လယ်သမားများကို အကူအညီ ပေးနိုင်ကြောင်း၊ ဒါပေမဲ့ လယ်သမားများနဲ့ အတူတကွ အလုပ်လုပ်နိုင်မယ့် ဆန်စက်များနဲ့ ချိတ်ဆက်မှုမရှိသေးဘူးလို့ ဆိုပါတယ်။ အမှန်တော့ ဆန် ထုတ်လုပ်မှုဟာ စားအုန်းဆီ၊ ရော်ဘာနဲ့ အခြား ငွေဖြစ်လွယ်တဲ့ သီးနံှများ ထုတ်လုပ်မှုရဲ့ ယှဉ်ပြိုင်မှုနဲ့ ရင်ဆိုင်နေရတယ်လို့ ဆိုပါတယ်။ ဒီလိုပြိုင်ဆိုင်မှုတွေရှိနေတဲ့တိုင် ဆန်ထုတ်လုပ်မှုမှာ နှစ်စဉ် ၂ ရာခိုင်နှုန်းမှ ၅ ရာခိုင်နှုန်းအတွင်း နှစ်စဉ်တိုးတက်မှုရှိတယ်လို့ ဆိုပါတယ်။ လမင်း၊ Sources: riceonline