ပြည်ပကို ပင်လယ်ရေကြောင်းလမ်းမှ ဖေဖော်ဝါရီပထမသီတင်းပတ်အတွင်း မှာ နနွင်း ၁၆၅ ဒသမ ၄၅ တန်ကို တင်ပို့ခဲ့ပါတယ်။ ဒီတစ်ပတ်မှာ အိန္ဒိယနိုင်ငံကို တန် ၅၀၊ မလေးရှားနိုင်ငံကို ၈၆ ဒသမ ၅ တန်၊ စင်ကာပူနိုင်ငံကို ၂၈ တန်နဲ့ ကိုရီးယားနိုင်ငံကို သုည ဒသမ ၉၅ တန်တင်ပို့ခဲ့တယ်လို့ သိရပါတယ်။ ဒီတစ်ပတ် မှာ မလေးရှားနိုင်ငံကို အများဆုံး တင်ပို့ခဲ့ပါတယ်။ FOB ဈေးက တစ်တန်ကို ကန် ဒေါ်လာ ၃၈၅ ဝန်းကျင်သာရရှိခဲ့တယ်လို့ သိရပါတယ်။ ကာလတူကာလဖြစ်တဲ့ ၂၀၁၂ ဖေဖော်ဝါရီပထမသီတင်းပတ်အတွင်း နနွင်းတင်ပို့တန်ချိန်က ၁၅ တန်သာ ရှိခဲ့တာကြောင့် ယခုနှစ်မှာ နနွင်းတင်ပို့မှုပိုခဲ့ပါတယ်။ ယခင်သီတင်းပတ်နဲ့ ယှဉ်ရင် လည်း ဒီတစ်ပတ်မှာ ၄၉ တန် တင်ပို့နိုင်ခဲ့ပါတယ်။ နနွင်းတင်ပို့မှု ကန်ဒေါ်လာ ခြောက်သောင်းကျော် ဝင်ငွေရရှိခဲ့ပါတယ်။            MIRT (DOT)

ရှမ်းချင်းက ဒီတစ်ပတ်လည်း ပြည်ပဝယ်လိုအားမရှိသေးပါဘူး။ ပြည်ပဝယ် လက်တွေက ထပ်ပြီးဝယ်ယူမှု မရှိတာကြောင့် ဈေးကလည်း ၂၀၀ ကျပ်နဲ့ ၃၀၀ ကျပ်မှာသာ ပတ်ချာလည်နေပါ တယ်။ ပြည်ပဝယ်လက် မရှိပေမဲ့ ပြည်တွင်းသုံးတွေ ကတော့ ပုံမှန်ဝယ်ယူနေတာကြောင့် အရောင်းအဝယ်ကတော့ ပုံမှန်ဖြစ်နေတယ်လို့ လည်းသိရ ပါတယ်။ ချင်း (စို)ကလည်း အတော်များများ ကျန်နေပါသေးတယ်။ ချင်း (စို) ဈေးကောင်းနေလို့ ချင်းခြောက်အဖြစ် မလုပ်တာကြောင့်လည်း ချင်းစိုတွေ က လက်ကျန်များနေတာလို့လည်း သိရပါတယ်။ အောင် ပန်းဈေးကွက်မှာ ချင်း (စို) ဈေးကအညံ့စဆိုရင် ၂၀၀ ကျပ်၊ ၂၂၀ ကျပ်၊၂၅၀ ကျပ်၊ချင်းကောင်းကတော့ တစ် ပိဿာ ၂၈၀ ကျပ်၊ ၃၀၀ ကျပ်ဈေးရှိပြီး၊ ချင်းခြောက်ကတော့ တစ်ပိဿာ ၁၁၀၀ ကျပ်၊ ၁၂၀၀ ကျပ်ဈေးနဲ့ ဈေးငြိမ်နေပါတယ်။ ဟိုပုံးဈေးကွက်ကိုတော့ ချင်း (စို) က အဝင်များလာတယ်လို့သိရပါတယ်။ ၅ ရက်တစ်ဈေးကို ပိဿာချိန် ၄၀၀၀ ခန့် အဝင်ရှိနေပါတယ်။ ဒီနှစ်ဟိုပုံးချင်းက အထွက်နှုန်းအတော်လျော့သွားတယ်လို့သိရပါတယ်။ မိုးမရွာ တာရယ်၊ မြေ ငလျင် လှုပ်တာရယ်ကြောင့် ချင်းအခြေတွေ ပြတ်ထွက်ကုန်ပြီး ဥတွေလည်း မကြီးနိုင်တော့ တာကြောင့် အထွက်နည်းသွားတာလို့ ဒေသခံတွေထံကသိရပါတယ်။ ဟိုပုံးမှာ ဒီတစ်ပတ်ချင်းဈေးက ပယ်ချင်းဆိုရင် တစ်ပိဿာ ၁၆၀ ကျပ်၊ ချင်းကောင်းက ၂၂၀ ကျပ်၊ ၂၃၀ ကျပ်နဲ့ ချင်းခြောက်က ၁၁၀၀ ကျပ်ဈေးရှိတယ်လို့ သိရပါတယ်။ ဧဧခိုင်-တောင်ကြီး

ဖေဖော်ဝါရီလ ၂ ရက်မှ ၉ ရက်နေ့အတွင်းမှာ ပါကစ္စတန်နိုင်ငံကို ၅၆ ဒသမ ၃၂ တန်နဲ့ အိန္ဒိယနိုင်ငံကို ၂၅ ဒသမ ၅ တန်ကို ပင်လယ်ရေကြောင်းလမ်းမှ တင်ပို့ခဲ့ပါတယ်။ ယခင်သီတင်းပတ်မှာ တန်ချိန် တစ်ရာကျော်တင်ပို့ခဲ့တာကြောင့် ဒီတစ်ပတ်မှာ တန်ချိန် ငါးဆယ်ကျော်အပို့လျော့ခဲ့ပါတယ်။ ကာလတူကာလဖြစ်တဲ့ ၂၀၁၂ ဖေဖော်ဝါရီ ပထမပတ် အတွင်းမှာ ချင်းတင်ပို့မှုပျောက်ခဲ့တာကြောင့် ဒီနှစ်မှာ တင်ပို့မှုပိုခဲ့တယ်လို့ ဆိုရပါမယ်။ ယခုတစ်ပတ်ချင်းတင်ပို့မှုမှ ရရှိခဲ့တဲ့ ဝင်ငွေက ကန်ဒေါ်လာ နှစ်သောင်းကျော်ရှိခဲ့ပါတယ်။                   MIRT (DOT)

မြန်မာ-တရုတ်နယ်စပ်ရှိ မူဆယ်၊ ချင်းရွှေဟော်နဲ့ လွယ်ဂျယ်နယ်စပ်ကုန်သွယ်ရေးစခန်းများမှ ဇန်နဝါရီလ ၂၃ ရက်မှ ၂၉ ရက်ထိကာလအတွင်းမှာ ကန်ဒေါ်လာ ၇ ဒသမ ၄၂၃ သန်းတန်ဖိုးရှိ ရော်ဘာအဆင့်စုံတန်ချိန် ၂၆၁၀ ကျော်တင်ပို့ နိုင်ခဲ့ပါတယ်။ယခင်အပတ်က တန်ချိန် ၁၉၇၀ ကျော်သာတင်ပို့နိုင်ခဲ့တဲ့အတွက် ယခင်အပတ် ကထက် တန်ချိန် ၆၄၀ ကျော် ပိုမို တင်ပို့နိုင်ခဲ့ပါတယ်။ စခန်းအလိုက်တင်ပို့ နိုင်မှုတွေကတော့ မြန်မာ-တရုတ် နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၁၃၆ သန်းဖိုးရှိ RSS-1 ၄၅ တန်ခန့်၊ ကန်ဒေါ်လာ ၁ ဒသမ ၂၈၉ သန်းဖိုးရှိ RSS-3 ၄၄၂ တန်ခန့်၊ ကန်ဒေါ်လာ ၁ ဒသမ ၀၈၂ သန်းတန်ဖိုးရှိ MSR-20  ၃၈၅ တန်ကျော်၊ ကန်ဒေါ်လာ သုည ဒသမ ၁၆၀ သန်းတန်ဖိုးရှိ MSR-50 ၅၇ တန်ခန့်၊ ချင်းရွှေဟော်နယ်စပ် ကုန်သွယ်ရေးစခန်းမှ ကန်ဒေါ်လာ ၂ ဒသမ ၇၄၈ သန်းတန်ဖိုးရှိ RSS-3 ၉၈၃ တန်ကျော်၊ ကန်ဒေါ်လာ ၁ ဒသမ ၇၂၆ သန်းတန်ဖိုးရှိ MSR-20  ၆၀၂ တန် ကျော်၊ လွယ်ဂျယ်နယ်စပ်ကုန် သွယ်ရေး စခန်းမှ ကန်ဒေါ်လာ သုည ဒသမ ၂၈၂ သန်းတန်ဖိုးရှိ ရော်ဘာအဆင့်စုံ ၁၀၂ တန်ကျော်အသီးသီးတင်ပို့ခဲ့ပါတယ်။ ဇန်နဝါရီလတစ်လလုံးမှာတော့ ကန်ဒေါ်လာ ၂၀ ဒသမ ၈၅၄ သန်း တန်ဖိုးရှိ ရော်ဘာအဆင့်စုံတန်ချိန် ၇၄၄၀ ကျော်တင်ပို့ နိုင်ခဲ့ပါတယ်။ ယခုအပတ်မှာရော်ဘာဈေးနှုန်းများပြောင်းလဲမှုမရှိတာကိုတွေ့ရပါတယ်။ မိမိဘက်နဲ့ တစ်ဖက်နိုင် ငံမြေပြင် ပေါက်ဈေးများကိုဖော်ပြပေးလိုက်ရပါတယ် -