သြစတြီးယားနိုင်ငံရှိ စူပါမားကတ် များတွင် အော်ဂဲနစ်အသီးအနှံများကို ကျယ်ကျယ်ပြန့်ပြန့် ရောင်းချလျက်ရှိရာ အော်ဂဲနစ်ပန်းသီးသည် နံပါတ်တစ် ဝယ်လိုအားအများဆုံးဖြစ်ကြောင်း သိရှိ ရပါသည်။
၂၀၁၄ ခုနှစ်ရဲ့ ဇန်နဝါရီလ ၂၂ ရက်မှ ၂၈ ရက်တာ ကာလအတွင်း မြန်မာ-တရုတ်နယ်စပ်ရှိ မူဆယ်(၁၀၅) မိုင် ကုန်သွယ်ရေးဇုန်မှ ကန်ဒေါ်လာ ၂၃၁၈ တန်ဖိုးရှိတဲ့ စပျစ်သီး ၁၉ တန်ကို စတင်တင်ပို့ခဲ့ပါတယ်။ ဒါ့အပြင် ကန် ဒေါ်လာ ၂ ဒသမ ၈၄၆ သန်းတန်ဖိုးရှိ ဖရဲသီး ၂၁၅၅၇ တန်ခွဲ၊ ကန်ဒေါ်လာ သုည ဒသမ ၁၇၂ သန်း တန်ဖိုးရှိ သခွားမွှေး ၈၄၀ တန်ကျော်နဲ့ကန်ဒေါ် လာ သုည ဒသမ ၂၂၅ သန်းဖိုးရှိ ဆီးသီး ၁၅၈၄ တန်တို့ကိုလည်း တင်ပို့နိုင်ခဲ့ပါ တယ်။
သခွားမွှေးရဲ့ မူလမျိုးဟာ တရုတ် နိုင်ငံမှဖြစ်ပြီး မူဆယ်မှတစ်ဆင့် မိမိတို့ နိုင်ငံအတွင်းကို တင်သွင်းခဲ့ခြင်း ဖြစ်ပါ တယ်။ မိမိနိုင်ငံမြေလတ်ပိုင်း ဆောင်း ရာသီနဲ့ ကိုက်ညီပြီး တရုတ်နိုင်ငံမှာ အအေးပိုလို့ မဖြစ်ထွန်းနိုင်ခြင်းကြောင့် မိမိတို့နိုင်ငံတောင်သူများအတွက်သေချာ တဲ့ဈေးကွက်၊ မြင့်မားတဲ့ဈေးနှုန်းကို ရရှိ ခြင်းကြောင့် ယခုအခါ သခွားမွှေးကို မန္တလေးတိုင်းဒေသကြီးအတွင်းကျောက် ဆည်၊ တံတားဦး၊ မြစ်သား၊ စဉ့်ကိုင် မြို့နယ်များမှာတွင်တွင်ကျယ်ကျယ်စိုက် ပျိုးနေကြပါပြီ။
စစ်ကိုင်းတိုင်းဒေသကြီးရဲ့ ပြည်ပ တင်ပို့သစ်သီးဝလံတွေထဲကအရင်းအနှီး များလှတဲ့အစေ့မဲ့ဖရဲကို တစ်စိုက်မတ် မတ်စိုက်ပျိုးထုတ်လုပ်နေတဲ့ ဘိုမြင့်သူ ကုမ္ပဏီအနေနဲ့ ယခုနှစ်ဖရဲရာသီမှာ အစေ့မဲ့ဖရဲကို မုံရွာခရိုင်အတွင်း မုံရွာ၊ ဘုတလင်၊ ချောင်းဦးမြို့တွေနဲ့ စစ်ကိုင်း ခရိုင် မြောင်မြို့နယ်တွေမှာ ဧက ၁၅၀၀ ခန့်အထိ တိုးချဲ့စိုက်ပျိုး နိုင်ခဲ့တယ်လို့ သိရပါတယ်။
