ပြည်ဈေးကွက်အတွင်း ထောပတ်ပဲမှာ လက်ကျန်မရှိသလောက်ဖြစ်ခဲ့ပြီး ဈေးနှုန်းကတော့ တစ်တင်းကို ၂၆ဝဝဝ ကျပ်ထိ အရောင်း အဝယ်ဖြစ်နေပါတယ်။ လက်ကားဈေးမှာ ၂၅၅ဝဝ ကျပ်၊ လက်လီဈေးမှာ ၂၆ဝဝဝ ကျပ်ဖြင့် ရောင်းဝယ်ခဲ့ကြပြီး ယခုရက်ပိုင်းတွင် ရန်ကုန် ဝယ်လက်များ အဝယ်ရှိတယ်လို့ သိရပါတယ်။ ရန်ကုန်ဝယ်လက်များအဝယ်ရှိလာသော်လည်း ပဲလက်ကျန်မှာ မရှိသလောက်ဖြစ်ခဲ့တဲ့အတွက် ဒေသတွင်း လက်လီသမားများနဲ့သာ ရောင်းဝယ်ခဲ့ကြရသဖြင့် တစ်ရက်ကို အိတ် ၂ဝ ခန့်သာ အရောင်းအဝယ်ဖြစ်ခဲ့တယ်လို့ သိရပါတယ်။                                                                                                                         ခင်ဆွေဝင်း

  ယခုတစ်ပတ် မုံရွာကုန်စည်ဒိုင် ကုလားပဲဈေးကွက်ဟာ ပြီးခဲ့တဲ့ရက်သတ္တပတ်ကထက် တစ်တင်း ၂ဝဝ ကျပ်မှ ၄ဝဝ ကျပ်ခန့်ဈေးပိုရပြီး ကုလားပဲ (တိုင်ပေ) ၂ဝဝဝဝ ကျပ်နဲ့ ဗွီတူး ၂ဝ၄ဝဝ ကျပ်အသီးသီး ဈေးတန့်နေပါတယ်။ ကုလားပဲ ရိုးရိုးကတော့ ယခင်အပတ်က တစ်တင်း ၁၉၅ဝဝ ကျပ်ထိ ရောက်ခဲ့ပြီး ယခုအပတ်မှာတော့ ဈေးမဖွင့်နိုင်လို့ အရောင်းအဝယ်မဖြစ်ခဲ့ကြောင်း သိရပါတယ်။     ဒီရက်ပတ်မှာတော့ မုံရွာကုန်စည်ဒိုင်မှာ ဒေသတွင်းကလုပ်ငန်းသမား တွေအပြင် မန္တလေးနဲ့ ရန်ကုန် အဝယ်ရှိလို့ တစ်ရက်အိတ် ၇ဝဝ နီးပါး အရောင်း အဝယ်သွက်ခဲ့တယ်လို့ ပွဲရုံရပ်ကွက်ကဆိုပါတယ်။ သြဂုတ်လ ၁၆ ရက်နေ့က ၂၅ ရက်နေ့အထိ မုံရွာကုန်စည်ဒိုင်နယ်မြေက ထပ်ဆင့်တင်ပို့စီးဆင်းမှုအနေနဲ့ မန္တလေးကို တင်း ၃ဝဝဝ ခန့်နဲ့ ရန်ကုန်ကို တင်း ၂ဝဝဝ ခန့် ရှိခဲ့ကြောင်း သိရပါတယ်။                                                                                                                                                                           ထွန်းလှိုင်

မန်း V2 ဈေးကွက်မှာ အရင်တစ်ပတ်က တစ်ပိဿာကို ၁ဝ၅၇ ကျပ်နဲ့ အရောင်းအဝယ်ဖြစ်ခဲ့ပြီး၊ ဒီတစ်ပတ်မှာတော့ ၁၇ ကျပ်ဝန်းကျင်ဈေးမြင့်လာကာ တစ်ပိဿာကို ၁ဝ၇၄ ကျပ်နဲ့ အရောင်းအဝယ်ဖြစ်ခဲ့ပါတယ်။ ဒေသတွင်းသို့ စစ်ကိုင်းတိုင်း၊ မုံရွာ၊ မြင်းမူနဲ့ ဆားတောင်တို့မှ တစ်ပတ်အတွင်း အိတ် ၈ဝဝ ခန့် ဝင်ရောက်လာခဲ့ပြီး၊ ဒေသတွင်းလှောင်လက်သမားများရဲ့ ရောင်းဝယ်မှုရှိသလို ရန်ကုန် ဝယ်လက်သို့ တစ်ပတ်အတွင်း အိတ် ၅၃ဝဝ ခန့် တင်ပို့နိုင်ခဲ့ကြောင်း သိရပါတယ်။                                                                                                                                                                    ချိူချိူမြင့့််

     ယွမ်ဈေးကျဆင်းနေသော်လည်း  ပဲတီစိမ်းဈေးက အရောင်းအဝယ်သွက်မနေဘဲ မှန်မှန်အေးအေးသာ ဖြစ်နေပါ တယ်။ ထွက်လာတဲ့ ပဲတီစိမ်းများက အရည်အသွေးအမိုျးအမိုျးဖြစ်နေလို့ ဈေးနှုန်းလည်း အမိုျုးမိုျးနဲ့ ရောင်းဝယ်နေကြပါတယ်။ အညိုဖောက်များတဲ့ပဲက အောက်ဈေးဖြစ်ပြီး အရည်အသွေးကောင်းအရောင်လှတဲ့ ပဲကဈေးကောင်းရပါတယ်။ တရုတ်လက်ကလည်း အဝယ်အေးနေလို့ တရုတ်ကိုတက်နေတဲ့ ပဲလည်းမှန်မှန်ပဲ သွားနေပါတယ်။ ပဲတီစိမ်းဈေးက ပြီးခဲ့တဲ့ တစ်ပတ်အတွင်းမှာ တစ်ပိဿာကို ၁၂၄၄ ကျပ်က ၁၈၃၁ ကျပ်ကြားဈေးဖြစ်ပေါ်ခဲ့ပြီး၊ ယခုတစ်ပတ်အတွင်း ၁၂၄၄ ကျပ်မှ ၁၆၁၈ ကျပ်အတွင်း ဈေးဖြစ်ခဲ့တာတွေ့ရပါတယ်။ ခူးဆွတ်နေတဲ့ ပဲတီစိမ်းသမားတွေအတွက်တော့ မိုးကြောင့် နည်းနည်း ခက်နေကြကြောင်း တွေ့ရပါတယ်။                                                                                                                                                                                                 မျိူးသူ