ဈေးကွက်စီးပွားရေးသတင်း

ပြည်ပရင်းနှီးမြှုပ်နှံမှုများ ပြုလုပ်ရာတွင် အမေရိကန်ဒေါ်လာအပြင် တရုတ်ယွမ်ငွေဖြင့်ပါ လက်ခံသွားမည်ဖြစ်ကြောင်း မြန်မာနိုင်ငံရင်းနှီး မြှုပ်နှံမှုကော်မရှင်က ထုတ်ပြန်ထားသည်။

မြန်မာနိုင်ငံတော်ဗဟိုဘဏ်အနေဖြင့် နိုင်ငံတကာနှင့် ရင်ပေါင် တန်းနိုင်ရန် ငွေသားမဲ့ငွေပေးချေမှုစနစ် (Cashless Payment System) ဆောင်ရွက်လျက်ရှိပြီး ယင်းသို့ ငွေသားမဲ့ငွေပေးချေမှုစနစ် ကို စနစ်တကျ အောင်မြင်အောင် ဆောင်ရွက်နိုင်ရန်အတွက် နိုင်ငံတကာတွင် ဆောင် ရွက်အောင်မြင်နေသည့် အိန္ဒိယ၊ ထိုင်းနှင့် စင်ကာပူတို့ကို လေ့လာ၍ အားသာချက်များအားလုံးကို စုစည်းဆောင်ရွက်နိုင်ခဲ့ကြောင်း မြန်မာ နိုင်ငံတော်ဗဟိုဘဏ်က ထုတ်ပြန်ထားသည်။

မြန်မာ့ပြောင်းအား လာမည့် ဖေဖော်ဝါရီလတွင် ထိုင်းနိုင်ငံသို့ အခွန်ကင်းလွတ်ခွင့်ဖြင့် တင်ပို့နိုင်ရေး ပြင်ဆင်လျက်ရှိ ကြောင်း သိရသည်။ မြန်မာ့ပြောင်းကို ထိုင်းနိုင်ငံသို့ အခွန်ကင်းလွတ်ခွင့်ဖြင့် ဖေဖော်ဝါရီ ၁ ရက်မှ သြဂုတ် ၃၁ ရက်အထိ  တင်ပို့ရန် ပြင်ဆင်နေခြင်းဖြစ်သည်။
ထိုင်းနိုင်ငံသို့ မြန်မာ့ပြောင်း တင်ပို့ရာတွင် ရန်ကုန်ဆိပ်ကမ်းမှ ဗန်ကောက်ဆိပ်ကမ်းများသို့ လည်းကောင်း၊ ကော့သောင်း-ရနောင်းလမ်းကြောင်းမှ လည်းကောင်း၊ တာချီလိတ်လမ်းကြောင်းမှလည်းကောင်း တင်ပို့နေခြင်းဖြစ်သည်။

နိုင်ငံတော် စီမံအုပ်ချုပ်ရေးကောင်စီ လမ်းညွှန်မှုဖြင့် ဆီစက်လုပ်ငန်း များဖွံ့ဖြိုးရေးချေးငွေရန်ပုံငွေမှ အတိုးနှုန်းသက်သာသော ချေးငွေများကို ထုတ်ချေးပေးမည်ဖြစ်ကြောင်း ဆီစက်လုပ်ငန်းများဖွံ့ဖြိုးရေး ချေးငွေစီမံခန့် ခွဲမှုလုပ်ငန်းအဖွဲ့က အသိပေးထားကြောင်း သိရသည်။ 
ဆီစက်လုပ်ငန်းများဖွံ့ဖြိုးရေးချေးငွေအတွက် လုပ်ငန်းသုံးလှည့်ပတ် ရင်းနှီးငွေအတွက် ချေးငွေအနည်းဆုံး ကျပ်သိန်း ၁၀ဝ မှ အများဆုံး ကျပ် သိန်း ၅၀ဝ၀ ထိ၊ မတည်ရင်းနှီးငွေအတွက် ချေးငွေ အနည်းဆုံး ကျပ်သိန်း ၂၀ဝ မှ အများဆုံး ကျပ်သိန်း ၅၀ဝ၀ ထိ ထုတ်ချေးမည်ဖြစ်သည်။

မန္တလေးမြို့တွင်းသို့  ကြံထွက်ရှိရာ ဒေသများဖြစ်ကြသည့် ကသာ၊ ထီးချိုင့်၊ တွင်းငယ်၊ မတ္တရာမြို့အနီးရှိ တံငါးရွာ၊ ပြင်ဦးလွင်၊‌ ကျောက်မဲဒေသတို့မှ ထွက်ရှိသည့်ကြံများ ဝင်ရောက်မှု မရှိသော် လည်း သကြားများ ဈေးကျလျက်ရှိသည်။