ယခုအပတ် မူဆယ် ၁ဝ၅ မိုင်မှ နှမ်းရောင်စုံ တန် ၆၇ဝ ကျော်အပို့ရှိ                 မူဆယ် ၁ဝ၅ မိုင် ကုန်သွယ်ရေးဇုန်မှတစ်ဖက်တရုတ်နိုင်ငံသို့ ဇူလိုင်လ ၂၇ ရက်မှ သြဂုတ်လ ၂ ရက်ထိကာလအတွင်း ကန်ဒေါ်လာ ဝ ဒသမ ၈၈ သန်း တန်ဖိုးရှိ နှမ်းရောင်စုံ ၆၇၂ တန် အပို့ရှိခဲ့ပါတယ်။ နှမ်းဖြူ ၄၂၂ တန်ကျော်၊ နှမ်းနက် တန် ၄ဝခန့်နဲ့နှမ်းဖြူအခွံချွတ် တန်၂၁ဝ အသီးသီး တင်ပို့ခဲ့တာဖြစ်ပါတယ်။ဇူလိုင်လအတွင်းမှာ နှမ်းတင်ပို့မှု ၃၄၇၅ တန် ရှိပြီး ယခင်ကာလတူမှာ ၄၈၄၇ တန်တင်ပို့ခဲ့တဲ့အတွက် ယခုနှစ် ဇူလိုင်လတင်ပို့မှုဟာ ၁၃၇၂ တန်လျော့နည်း ခဲ့ပါတယ်။ ယခုနှစ် ဧပြီလမှ ဇူလိုင်လကုန်ထိ နယ်စပ်မှ နှမ်း ၅၁၉၄ တန်သာ အပို့ရှိခဲ့ပြီး ယမန်နှစ်ကာလတူမှာ ၁၁၁၇၁ တန်တင်ပို့နိုင် ခဲ့တာဖြစ်ပါတယ်။ အိန္ဒိယနဲ့ အာဖရိက အချို့နိုင်ငံများမှ နှမ်းများပိုမိုသက်သာသောဈေးနဲ့ တရုတ်ဈေးကွက်ကို ဝင်လာတဲ့ အတွက် မိမိတို့ နှမ်းတင်ပို့မှု လျော့ကျရတယ်လို့ ကုန်သည်အချို့က သုံးသပ်လျက်ရှိပါတယ်။ မိမိဘက်နဲ့ တစ်ဘက်နိုင်ငံ နှမ်းဈေးများကို နှိုင်းယှဉ် ဖော်ပြပေးလိုက်ရပါတယ်                                 မိမိဘက်(ကျပ်/တန်)                       တစ်ဘက်နိုင်ငံ(ဒေါ်လာ/တန်)                    ယခု           ယခင်      ပြောင်းလဲမှု    %     ယခု      ယခင်    ပြောင်းလဲမှု   %နှမ်းဖြူ       ၈၇၁၈၈၈      ၈၆ဝ၂၈ဝ     ၁၁၆ဝ၈      ၁     ၁၂၇၂    ၁၂၃၈           ၃၄        ၃နှမ်းနက်       ၉၈ဝ၂၁၄    ၉၉၃၈၂ဝ     ၁၃၆ဝ၆      ၁     ၁၄၅၈    ၁၄၇ဝ          ၁၂         ၁MIRT (DOBT)

နယ်စပ်မှအပို့ ပုံမှန်ရှိနေတဲ့ ပဲပုပ်စေ့                   မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ ၁၇၂၅ဝ တန်ဖိုးရှိ ပဲပုပ်စေ့၂၅ တန် ဇူလိုင်လ ၂ဝ မှ ၂၆ ရက် ကာလအတွင်း အပို့ရှိခဲ့ပါတယ်။ ယခင်အပတ်ကလည်း ၂၅ တန်သာ အပို့ရှိခဲ့တာမို့ ပဲပုပ်အပို့ ပုံမှန်ရှိနေ တာဖြစ်ပါတယ်။ ဇူလိုင်လအတွင်းမှာ ပဲပုပ် ၆၅ တန် နယ်စပ်မှတင်ပို့ထားပြီး ဖြစ်ပါတယ်။ ရှမ်းပြည်နယ်တောင်ပိုင်း၊ ရှမ်းပြည်နယ်မြောက်ပိုင်းနဲ့ မန္တလေး တိုင်းဒေသကြီးထွက် ပဲပုပ်စေ့များကို မူဆယ်နယ်စပ်မှ တင်ပို့နေတာဖြစ်ပါတယ်။ မိမိဘက်နဲ့ တစ်ဖက်နိုင်ငံ မြေ ပြင်ပေါက်ဈေးများကို နှိုင်းယှဉ် ဖော်ပြ ပေးလိုက်ရပါတယ်          မိမိဘက် (ကျပ်/ တန်)ယခု            ယခင်      ပြောင်းလဲမှု    %၄၆၉၁၂၁   ၄၆၉၃၆၂    ၂၄၁           ဝ .ဝ၅တစ်ဘက်နိုင်ငံ (ဒေါ်လာ/တန်)  ယခု          ယခင်    ပြောင်းလဲမှု       %  ၆၈၁          ၆၈၁            -              -MIRT (DOBT)

နှမ်းဈေးအေးလာ                  စစ်ကိုင်းတိုင်းဒေသကြီးအတွင်း ၂ဝ၁၁-၁၂ ခုနှစ် မိုးနှမ်းစိုက်ဧက ၄ ဒသမ ၅၁ သိန်းကျော်အနက် ၄ ဒသမ ၅၆ သိန်းကျော် ၁ဝ၅ ရာခိုင်နှုန်းစိုက်ပျိုးပြီးကြောင်း သိရပါတယ်။ မုံရွာဈေးကွက်မှာ ယခုရောင်းဝယ်နေတာက နွေနှမ်းခေါ် ရေသွင်းစိုက်ပျိုးပြီးထွက်ပေါ်ခဲ့တဲ့ နှမ်းများဖြစ်ပါတယ်။ မုံရွာခရိုင်၊ ရွှေဘိုခရိုင်၊ စစ်ကိုင်းခရိုင်ရှိ မြို့နယ်စုံမှ နွေနှမ်းများ မုံရွာကုန်စည်ဒိုင်သို့ တစ်ရက်ကိုတင်း ၅ဝဝ နဲ့ ၁ဝဝဝ ကြား ဝင်ရောက်လာလို့ ဈေးအနည်းငယ် အေးလာကြောင်း ကုန်စည်ဒိုင် သတင်းရပ်ကွက်က သိရပါတယ်။ မုံရွာကုန်စည်ဒိုင်မှာ ဇူလိုင်လဆန်းက နှမ်း တစ်ပိဿာပေါက်ဈေးများမှာ နှမ်းညို ၁၁၆၇ ကျပ်၊ နှမ်းဖြူ ၁၂၆၇ ကျပ်၊ နှမ်းဆီ လက်ကား၂၆ဝဝ ကျပ်၊ လက်လီ ၂၇ဝဝ ကျပ်မှ ဇူလိုင်လ ၂၆ ရက်နေ့မှာ နှမ်းညို ၁၁ဝဝ ကျပ်၊ နှမ်းဖြူ ၁၁၃၃ ကျပ်၊ နှမ်းဆီ လက်ကား ၂၁၅ဝ ကျပ်၊ လက်လီ ၂၃ဝဝ ကျပ်သို့ ဈေးအေးခဲ့ကြောင်း သိရပါတယ်။ ယခုလအတွင်း စစ်ကိုင်းတိုင်း ဒေသကြီးမှ မန္တလေးသို့ နှမ်းဖြူ၊ နှမ်းညို တင်း ၁ဝဝဝ ကျော်စီးထွက်ခဲ့ကြောင်း သိရပါတယ်။ သန်းသန်းတင်

 ထုတ်လုပ်မှု ကျဆင်းဖွယ် ရှိပြီး ဝယ်လိုအားမြင့်တက်နိုင်၍ စားအုန်းဆီကြမ်း ဈေးမာ                       လာမည့်လများတွင် ထုတ်လုပ်မှု ကျဆင်းဖွယ်ရှိသည့် အခြေအနေကြောင့် ပြီးခဲ့သော ဗုဒ္ဓဟူးနေ့(ဇူလိုင် ၂၇ရက်)က မလေးရှားကုန်စည်ဒိုင်တွင် စားအုန်းဆီ ကြမ်းကြိုပွိုင့်အရောင်းအဝယ်ဈေးမှာ မြင့်တက်ခဲ့သည်။ အမေရိကန်နိုင်ငံ ၏ ေြွကးမြီ ပြဿနာ အပေါ် ကာလရှည်ကြာစွာ စိုးရိမ်မှုများကိုအခြေခံ၍ စားအုန်းဆီထုတ်လုပ် မှုလျှော့ချမည့် အလားအလာအခြေအနေများကြောင့် စားအုန်းဆီကြမ်းဈေး ယခင် ကတည်းက မြင့်တက်ဖို့ဖြစ်ခဲ့ပါသည်။ လတ်တလောတွင် မလေးရှား ဘာဆာကုန် စည်ဒိုင် ၌ အောက်တိုဘာကြိုပွိင့် အတွက် စားအုန်းဆီကြမ်းတစ်တန်၏ ရောင်းဈေး မှာ သုည ဒသမ ၄ ရာခိုင်နှုန်းမြင့်တက်ပြီး မလေးရှားရင်းဂစ် ၃၁၃ဝ (အမေရိကန်ဒေါ်လာ ၁ဝ၅၅)ဖြင့် အရောင်းအဝယ်ဖြစ်ခဲ့သည်။ ကုန်သည်များ အနေဖြင့် ကြာသပတေးနေ့(ဇူလိုင် ၂၈ဂက်)တွင် ကျင်းပမည့် သြစတြေးလျနိုင်ငံ ဆစ်ဒ္ဒနီမြို့ ကွန်ဖရင့်တွင် ဟင်းသီးဟင်းရွက်အဆီဆိုင်ရာ နာမည်ကျော် လေ့လာဆန်းစစ်သူ ပညာရှင် Dorab Mistry  ၏ စားအုန်းဆီထုတ်လုပ်မှုနှင့် ဈေးနှုန်းအခြေအနေ အပေါ် သဘောထားမှတ်ချက်များကို စောင့်ဆိုင်းလျက်ရှိကြောင်း ကုန်သည်များက ပြောကြားသည်။                     ဇူလိုင်လကုန်နှင့် သြဂုတ်လအတွင်း စားအုန်းဆီတင်ပို့မှုမြင့်တက်နိုင်ကြောင်း ကမ္ဘာ့ ပဲပုပ်ဆီဈေးကွက်တွင် ဈေး ချရောင်းချလာမှုအပေါ် တရုတ်နှင့်အိန္ဒိယကုန်သည်များမှ အခွင့်အရေးတစ်ရပ်အနေဖြင့်ရယူ၍ စားအုန်းဆီပိုမိုတင်သွင်းလာဖွယ် ရှိနိုင်ကြောင်း စင်ကာပူအခြေစိုက် ပို့ကုန်လုပ်ငန်းရှင်တစ်ဦးက ပြောကြားသည်။ ယခုနှစ်အတွင်း မလေးရှားနှင့် အင်ဒိုနီးရှားတို့မှ စားအုန်းဆီ အလံျှအပယ်ထုတ်လုပ်ခဲ့မှုကြောင့် ကမ္ဘာ့ပဲပုပ်ဆီပေါက်ဈေးထက် တစ်တန်လျင် ဒေါ်လာ ၁၇ဝ လျှော့ ၍ ရောင်းချခဲ့ရပြီး၊ ယခင်နှစ်နှင့်နှိုင်းယှဉ်ပါက ၁၄ ရာခိုင်နှုန်းကျဆင်းခဲ့သည့် အခြေအနေဖြစ်ပါသည်။ နောက်လာမည့်ရက်သတ္တပတ်တွင် စတင်မည့် ရာမာဒန် ဥပုသ်လကြောင့် ဆီအုန်းလုပ်သားများ၊ ရိတ်သိမ်းေြွခလှေ့သူများ လုပ်ငန်းခွင်မှ နားမည့်အခြေအနေရှိ၍ လာမည့်သြဂုတ်လတွင် စားအုန်းဆီထုတ်လုပ်မှု အထိုက် အလျောက်ကျဆင်းနိုင်ကြောင်း ကုန်သည်များနှင့် ဆီအုန်းစိုက်ပျိုးထုတ်လုပ်သူများ က ခန့်မှန်းကြသည်။ လက်ငင်းဈေးကွက်တွင် သန့်စင်ပြီး စားအုန်းဆီတစ်တန်၏ သြဂုတ်လ ကြိုပွိုင့်ဈေးမှာ ၅ ဒေါ်လာမြင့်တက်၍ ၁၁၇၅ ဒေါ်လာဖြင့် ဈေးအဆို ပြုခဲ့ကြောင်း စားအုန်းဆီကြမ်း၏ ချက်ချင်းသင်္ဘောတင်ဈေးမှာ တစ်တန်လျင် ၁ဝ ရင်းဂစ်မြင့်တက်၍ ၃၁၆ဝ ရင်းဂစ် (အမေရိကန်ဒေါ်လာ ၁ဝ၆၅)ရှိခဲ့ကြောင်း သိရသည်။ TAK, Source: Malaysia Palm Oil Board