ပြီးခဲ့သည့် ရက်သတ္တပတ်အတွင်းက ကျဆင်းခဲ့သည့် ပြည်တွင်းရွှေဈေးများ သည် ယခုတစ်ပတ်တွင် ပြန်လည်မြင့်တက်လာခဲ့သော်လည်း ဈေးကွက်ပိတ်ရက်ဖြစ် သည့် သောကြာနေ့တွင် ပြန်လည်ကျဆင်းလာခဲ့သည်။
ကမ္ဘာ့ရွှေဈေးများ ကျဆင်းလာသဖြင့် ပြည်တွင်းရွှေဈေးများ ကျဆင်းလာရ ခြင်းဖြစ်သော်လည်း ပြည်တွင်းငွေလဲနှုန်းများ အနည်းငယ်မြင့်တက်နေသဖြင့် ကျဆင်းသင့်သလောက် မကျဆင်းခဲ့ကြောင်း ရွှေဈေးကွက်အတွင်းမှ သိရသည်။

       ပြည်ပွဲရုံများသို့ ယခုတစ်ပတ်အတွင်း ကျိုင်းတုံ၊ တောင်ကြီးတို့မှ ကြက်သွန်ဖြူ အိတ်များ ပုံမှန်ဝင်ရောက်လျက်ရှိနေပါတယ်။ ပြည်ဒေသပွဲရုံများနဲ့ ဈေးများမှာ အရောင်းအဝယ်အေးပြီး ဈေးနှုန်းများကျဆင်းလျက်ရှိနေပါတယ်။
ယခုတစ်ပတ် ကြက်သွန်နီဖြူ ဈေးနှုန်းတွေကတော့ ပွဲရုံအိတ်ဆွဲဈေး တစ် ပိဿာ (ရှမ်းစ) ကျပ် ၂၃၀၀(ကြူကုတ်စ)ကျပ်၁၆၅၀ဈေးတို့ဖြစ်ပြီး လက်လီ တစ် ပိဿာဈေး(ရှမ်းစ ကျပ်၂၈၀၀နှင့် (ကြူကုတ်) ကျပ် ၂၂၀၀တို့ဖြင့် ရောင်း ချလျက်ရှိ နေပါတယ်။ ပွဲရုံတွင် တစ်ရက်လျှင်အိတ်၂၀၀နီးပါးခန့်သာ အရောင်းအဝယ်ဖြစ်လျက်ရှိကြောင်းလည်းသိရပါတယ်။

နီနီဝင်း

      ကရင်ပြည်နယ်၊ ဘားအံမြို့ စားသုံးသူရေးရာဦးစီးဌာန၊ ပြည်နယ် ဦးစီးမှူးရုံးတွင် နိုဝင်ဘာလ ၂၃ ရက်က မြန်မာနိုင်ငံ ကုန်သည်များနှင့်စက်မှု လက်မှုလုပ်ငန်းရှင်များအသင်းချုပ် အထွေထွေ အတွင်းရေးမှူး ဦးအောင် ကြ ည်စိုး၊ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုး ထုတ်လုပ်တင်ပို့ ရောင်းချသူများအသင်း အတွင်းရေးမှူး ဦးကျော်သူနှင့် ကရင် ပြည်နယ် ကုန်သည်များနှင့် စက်မှု လက်မှုလုပ်ငန်းရှင်များ အသင်းဥက္ကဋ္ဌ နှင့် အမှုဆောင်များသည် ကရင်ပြည်နယ်အတွင်း သစ်သီးဝလံနှင့် ပန်းမန် ကဏ္ဍ ဖွံ့ဖြိုးတိုးတက်ရေးအတွက် တွေ့ဆုံ ဆွေးနွေးခဲ့ကြပါသည်။ တွေ့ဆုံပွဲတွင် မြန်မာနိုင်ငံ ကုန်သည်များနှင့် စက်မှုလက်မှုလုပ်င