မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ် ရေးဇုန်မှ မေလ ၁၅ ရက်မှ ၂၁ ရက်အတွင်း ကန်ဒေါ်လာ ၁ ဒသမ ၄၄၄ သန်းဖိုးရှိတဲ့ စိန်တစ်လုံးနဲ့ ရွှေဟင်္သာသရက်သီးတန်ချိန် ၄၂၁၀ နဲ့ ချင်းရွှေဟော်မှ စိန်တစ်လုံးသီး ၁၈ တန်ခွဲကို ကန်ဒေါ်လာ သုည ဒသမ ၀၀၅ သန်းဖိုးတင်ပို့ခဲ့ပါတယ်။ ယခင်အပတ်က မူဆယ်မှ ၃၇၃၇ တန်နဲ့ ချင်းရွှေဟော်မှ ၇ တန် တင်ပို့ခဲ့တာမို့ ယခုအပတ် သရက်သီး တင်ပို့မှု ၄၈၄ တန်ပိုမိုခဲ့ပါတယ်။ မန္တလေးတိုင်းဒေသကြီး ကျောက်ဆည်၊ စဉ့်ကိုင်၊ ပုသိမ်ကြီးမြို့နယ်တွေက ထွက်ရှိတဲ့သရက် သီးတွေကို ရှမ်းပြည်နယ် မြောက်ပိုင်း မူဆယ်မှတစ်ဆင့် တရုတ်ပြည် သို့ တင်ပို့ ရောင်းချလျက်ရှိရာ နေ့စဉ်ကားအစီး ၁၀၀ နီးပါးအတက် ရှိနေတယ် လို့သိရှိရပါတယ်။ မန္တလေးမှ တင်ပို့တဲ့ သရက်သီးများကို မူဆယ် ၁၀၅ မိုင်ရှိ သစ်သီးပွဲရုံ များမှ တရုတ်ကုန်သည်တွေ အဝယ် သွက်နေပါတယ်။ အနံ့ အရသာနဲ့ပြည့်စုံတဲ့ သရက်သီးမျိုး များ ပြည်တွင်းစိုက်ပျိုး ထုတ်လုပ်ရာမှာ အောင်မြင်ဖြစ်ထွန်းလာခြင်း အတွက် ပြည်တွင်းရှိ သရက်သီးစားသုံးမှုကို ဖူလုံတဲ့အပြင် အရည်အသွေး ပြည့်မီတဲ့ သရက်သီးများကို ပြည်ပကို တင်ပို့ခြင်းဖြင့် နိုင်ငံခြားဝင်ငွေ ရရှိလာပြီး မြန်မာနိုင်ငံ အနှံ့အပြားရှိ သရက်စိုက် တောင်သူတွေလည်း ဝမ်းသာနေကြရပါတယ်။မော်မော်အောင်   MIRT (DCCA)

မြဝတီ-ရန်ကုန် ကုန်သွယ်မှုလမ်း ကြောင်းပေါ်မှာ မေလ ၉ ရက်မှ ၁၅ ရက်ထိ ၇ ရက် တာကာလ အတွင်းမှာ တော့ ကျပ် ၄၈၀၀၀၀တန်ဖိုးရှိ ပုစွန် နှစ်ကောင် တံဆိပ်စားဆီတစ် လီတာ၊ နှစ်လီတာပုံးများ ပါတဲ့ဆီဖာ ၄၀ကိုသိမ်း ဆည်းရမိခဲ့တယ် လို့ Mobile Team ထံကသိရှိရပါတယ်။ သိမ်းဆည်းရမိ ပစ္စည်းများဟာ ပိုင်ရှင်မဲ့များဖြစ် နေပါ တယ်။ စားဆီများကိုယခင်က တင်သွင်း ခွင့်မပြုသော်လည်းယခုအခါ ဖြေလျော့ ပြီးတင်သွင်းခွင့်ပေး ထားပြီးဖြစ်ပါတယ်။ ကျန်းမာရေးဦးစီးဌာန၊အစားအ သောက်နဲ့ဆေးဝါးကွပ်ကဲ ရေးဌာနရဲ့ စားသုံးရန်သင့်ကြောင်း (Fit for Human Consumption) ထောက်ခံချက် ရရှိကတင်သွင်းခွင့်ပြုထား ပြီးဖြစ်သော် လည်းအခွန်ရှောင်ရန် အလို့ငှာအ ကောက်ခွန်မဲ့သယ်ယူ စီးပွားရှာနေမှု များရပ်တန့်သင့်ပြီဖြစ်ကြောင်း အသိ ပေးပြောကြားလိုပါတယ်။လရ-၂ MTN

မြန်မာ-တရုတ်နယ်စပ်ရှိ  ချင်းရွှေဟော်ကူးသန်း ရောင်းဝယ်ရေး စခန်းမှ မေလ ၁ ရက်မှ ၇ ရက်အတွင်း ကန်ဒေါ်လာ သုည ဒသမ ၀၀၄သန်း တန်ဖိုးရှိတဲ့ စိန်တစ်လုံးသရက်သီး ၁၈ တန်ကို စတင် တင်ပို့နိုင်ခဲ့ပါတယ်။ မူဆယ် ၁၀၅ မိုင်ကူးသန်း ရောင်းဝယ်ရေးဇုန် ကလည်း ယခုအပတ်မှာကန်ဒေါ်လာသုည ဒသမ ၇၁၇သန်း တန်ဖိုး ရှိတဲ့ ရွှေဟင်္သာ၊ စိန်တစ်လုံးနဲ့ သရက်သီးအကြမ်းသီးတွေကို ၂၁၄၉ တန်ကျော်တင်ပို့ခဲ့ပါတယ်။ သရက်သီး ရာသီချိန်ဖြစ်တာကြောင့် ယခုအပတ် ၁၁၂ တန်ကျော် ယခင်အပတ်ထက် ပိုမိုတင်ပို့လာနိုင် တာ တွေ့ရပါတယ်။သရက်သီးအကြမ်းသီး ၁ ကီလိုကို မူဆယ် ၁၀၅ မိုင်သစ် သီးဝလံကုန်စည်ဒိုင်မှာ ၂ ဒသမ ၆ ယွမ် - ၆ ယွမ် ဈေးပေါက် နေတယ်လို့သိရပါတယ်။    မော်မော်အောင်  MIRT (DCCA)

မြန်မာ-တရုတ်နယ်စပ်ရှိ ချင်းရွှေဟော်ကူးသန်းရောင်းဝယ်ရေးစခန်းမှ မေလ ၁ ရက်မှ ၇ ရက်အတွင်း ကန်ဒေါ်လာ သုည ဒသမ ၂၁၃ သန်းတန်ဖိုးရှိ ဝဥခြောက် ၁၁၅ တန်တင်ပို့ခဲ့ပါတယ်။ အလားတူ မူဆယ် ၁၀၅ မိုင် ကူးသန်းရောင်းဝယ်ရေးဇုန်မှလည်း ကန်ဒေါ်လာ သုည ဒသမ ၁၂၁ သန်းဖိုးရှိတဲ့ ဝဥခြောက် ၆၅ တန်ကျော် ကိုတင်ပို့နိုင်ခဲ့တယ်လို့သိရပါတယ်။ ယခင်အပတ်ကမူဆယ်မှသာ တန် ၂၀ ကျော်တင်ပို့နိုင်တာမို့ ယခုအပတ် ဝဥခြောကိုပိုမိုတင်ပို့လာပါတယ်။ "ဝဥ" ကို တရုတ်နိုင်ငံမှာ မုန့်၊ ခေါက်ဆွဲ၊ အသားတုလုပ်ရာမှာ အသုံးပြုကြသလို တိုင်းရင်းဆေးဝါးကုန်ကြမ်းအနေနဲ့လည်းသုံးကြတယ်လို့သိရပါတယ်။           မော်မော်အောင် MIRT (DCCA)