ကမ္ဘာမှာ ကြံအများဆုံးစိုက်ပျိုးထုတ်လုပ်တဲ့ ဘရာဇီးလ်မှာ မိုး ရွာသွန်းမှုများခြင်းကြောင့် သကြားဈေးနှုန်းတွေ ၆လ အတွင်း အမြင့် ဆုံးဈေးနှုန်းကိုရောက်ရှိခဲ့တယ်။ ဇူလိုင် ၅ ရက်က နယူးယောက်မှာ သကြား ကြိုပွိုင့်ဈေးနှုန်းတွေက တစ်ပေါင်ကို ၂၂ ဒသမ ၆၉ ဆင့် (တစ်တန်ကို ကန်ဒေါ်လာ ၅၀၀ ဝန်းကျင်) အထိ ရောက်ရှိလာ တယ်။

    မြန်မာ-တရုတ်နယ်စပ်ရှိ မူဆယ် ၁၀၅ မိုင်နဲ့ ချင်းရွှေဟော်နယ်စပ်ကုန်သွယ် ရေးစခန်းများမှ ကန်ဒေါ်လာ ၁ ဒသမ ၉၂၉ သန်းတန်ဖိုးရှိ ပြောင်းဖူးစေ့ ၆၇၂၃ တန်ကျော်ကို ဇူလိုင် ၄ ရက်မှ ၁၀ ရက်ထိကာလအတွင်းမှာ တင်ပို့မှုရှိခဲ့ပါတယ်။ ယခင်အပတ်နဲ့နှိုင်းယှဉ်ပါက တန်ချိန် ၁၁၈၀ ကျော် တင်ပို့မှုလျော့ နည်းခဲ့ပါတယ်။ တစ်ဖက်နိုင်ငံမှ ပြောင်းတင်သွင်းမှုအား ကိုတာ သတ်မှတ်ထားခြင်း၊ တစ်ဖက်နိုင်ငံရဲ့ စိစစ်တားဆီးမှု အခြေအနေကိုကြည့်ပြီး တင်ပို့ရခြင်းတို့ကြောင့် ပြောင်းတင်ပို့ မှု လျော့နည်းရတယ်လို့ သိရပါတယ်။ နှစ်ဖက်မြေပြင် ပြောင်းဈေးများတော့ ယခင် အပတ်ထက် ပိုမိုလျက်ရှိပါတယ်။ ယခင်အပတ်နဲ့ ယခုအပတ်ပေါက်ဈေးများကို နှိုင်းယှဉ်ဖော်ပြပေးလိုက်ရပါတယ်-

    မန္တလေးတိုင်းဒေသကြီးက ကြက်သွန်နီအများဆုံးထွက်တဲ့ မြင်းခြံခရိုင်က တောင်သူများအနေနဲ့ ဈေးကွက်ကို ကြက်သွန်နီတင်ပို့မှုနည်းပါးလျက်ရှိပါတယ်။ ပြီးခဲ့တဲ့ ဇွန်လအထိ ကြိုက်ဈေးမရလို့ ဈေးကွက်ကို အဝင်နည်းပါးခဲ့ သလို ယခုရက်များမှာ ဈေးအနည်းငယ်ပိုလာခဲ့ပေမယ့်လည်း အဝင်နည်းနေဆဲဖြစ်ပါတယ်။ မန္တလေးတိုင်းဒေသကြီး အတွင်း ကြက်သွန်နီ ထွက်ရှိတဲ့ မြင်းခြံ၊ တောင်သာ၊ မိတ္ထီလာ၊ မလှိုင်၊ ပျော်ဘွယ်၊ မြစ်သားမြို့များမှ ရန်ကုန်ကို တစ်ရက် ပိဿာ ၆၀၀၀၀ - ၇၀၀၀၀ ဝန်းကျင်နဲ့ ပုံမှန်တင်ပို့နိုင်တာတွေ့ရပါတယ်။ လက်ရှိပေါက်ဈေးကတော့  ထိပ်စ တစ်ပိဿာ ၄၈၅ ကျပ် - ၅၁၀ ကျပ်၊ အလတ်စ ၄၆၀ ကျပ် - ၄၃၅ ကျပ်၊ အသေးစ ၃၈၅ ကျပ် - ၄၁၀ ကျပ်နဲ့ ယခင်လကထက် တစ်ပိဿာ ၁၀ ကျပ်သာဈေးပို လာပြီး ဈေးငြိမ်နေ တယ်လို့ သိရပါတယ်။မြင့်နိုင်

    ဒီနှစ် မန္တလေးဝယ်လက်တွေက ဟိုပုံးနနွင်းကို ကျောက်ဆည်နနွင်းထက် ပိုပြီးကြိုက်နေတယ်လို့သိရပါတယ်။  ဟိုပုံးနနွင်းက အသားကျစ်ပြီး အရောင်ကလည်းလှတာကြောင့် ဈေးကွက်ပိုဝင်နေတယ်လို့လည်းဆိုပါတယ်။ ဈေးကွက်မှာ အဝင်ကနည်းနေ ပေမဲ့ လက်ကျန်ကတော့ အတော်ကျန်နေသေးတယ်လို့ သိရပါတယ်။ တချို့ ခြံရှင်တွေက ဈေးမကိုက်လို့ မရောင်းကြသေး ပါဘူး။ လုပ်အားခက တစ်ရက်ကို ၂၀၀၀ ကျပ်ပေးနေရတာကြောင့် ဒီထက်ဈေးပိုကောင်းလာမှ ဖော်ရောင်းကြမယ်လို့လည်း သိရပါတယ်။ ဒီတစ်ပတ် ဟိုပုံးနနွင်း တစ်ပိဿာ ၇၃၀ ကျပ်ဈေးရှိပါတယ်။