ပဲလွန်းဖြူ ပြည်ပတင်ပို့မှု တန် ၁၅ဝ သာရှိ                 ဇူလိုင်လ ၁ဝ ရက်မှ ၁၆ ရက်ထိ တစ်ပတ်အတွင်း ပင်လယ်ရေကြောင်း က ပဲလွန်းဖြူတင်ပို့မှုဟာ တန်ချိန် ၁၅ဝ ခန့်သာရှိတာ တွေ့ရပါတယ်။ ယခင် သီတင်းပတ်များက တန်ချိန် ၄ဝဝ မှ ၁ဝဝဝ အတွင်း တင်ပို့မှုရှိခဲ့ရာမှ ယခု တစ်ပတ်မှ သိသိသာသာလျော့ကျ တင်ပို့ခဲ့တာ တွေ့ရပါတယ်။ ပြည်တွင်းလက် ကျန် လျော့နည်းလာတဲ့အတွက် ပြည်ပ အဝယ်ရှိသလောက် တင်ပို့နိုင်ခြင်း မရှိတော့ကြောင်း သိရပါတယ်။ ယခု တစ်ပတ်တင်ပို့တဲ့ နိုင်ငံများကတော့ စင်ကာပူ၊ အိန္ဒိယနဲ့ ကိုရီးယား တို့ကို ဖြစ်ပါတယ်။ ဇူလိုင်လ ၁၄ ရက်နေ့အထိ လက်ရှိဘဏ္ဍာနှစ်အတွင်း ပဲလွန်းဖြူ စုစုပေါင်း တန်ချိန် ၁၂၅ဝဝ ခန့်ရှိပြီး ယခင်ဘဏ္ဍာနှစ် ကာလတူက တန်ချိန် ၁၁၅ဝဝ ခန့် တင်ပို့မှုရှိခဲ့တာတွေ့ရပါတယ်။                      MIRT - MAPT

   တစ်ပတ်အတွင်း ပဲစင်းငုံ FOB တန် ၃ဝဝဝ ခန့် အဝယ်ရှိ                  ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်မှာ ယခုတစ်ပတ်အတွင်း ပဲစင်းငုံ ကို FOB အဝယ်တန် ၃ဝဝဝ ခန့်သာ စာချုပ်နိုင်ခဲ့တယ်လို့ သိရပါတယ်။ ယခင်သီတင်းပတ်က ဝယ်လိုအားကောင်းခဲ့ပြီး ပြည်ပအဝယ်တန် ၆ဝဝဝ ကျော်ခဲ့ရာ မှ ယခုတစ်ပတ်မှာ အဝယ်ပါးသွားတယ်လို့ သိရပါတယ်။ အိန္ဒိယဈေးကွက်တွေမှာ လက်ကျန်များတဲ့ သတင်းတွေအပြင် မိုးပြန်လည်ရွာသွန်းလာလို့ ပဲစိုက်ပျိုးမှု ပြန်လည်သွက်လာခြင်းတွေက ဝယ်လက်တွေ အဝယ်အေးစေခဲ့တာဖြစ်ပါတယ်။ ဇူလိုင်လ ၁ ရက်မှ ၂၁ ရက်အထိ ပဲစင်းငုံအရောင်းအဝယ်စာချုပ်ချုပ်ဆိုမှုဟာ တန်ချိန် နှစ်သောင်းနီးပါးရှိတာ သိရပါတယ်။ ရန်ကုန် FOB ပဲစင်းငုံနီဈေးကတော့ ယခင်သီတင်းပတ်များအတိုင်း ဇူလိုင်လ၂၁ ရက်မှာလည်း ပဲစင်းငုံနီ FAQ တစ်တန် ကန်ဒေါ်လာ ၆၂ဝ-၆၄ဝ၊ ပဲစင်းငုံဖြူနီ၊ အဖြူ FAQ တစ်တန် ကန်ဒေါ်လာ ၅၂ဝ- ၅၄ဝ နဲ့ ငြိမ်နေပါတယ်။ MIRT - MAPT

ပြည်မတ်ပဲဈေး ခပ်အေးအေး              ပြည်ပဲဈေးကွက်မှာ ဇူလိုင် ဒုတိယပတ်က မတ်ပဲဈေးငြိမ်နေခဲ့ရာမှ ဇူလိုင် တတိယပတ်မှာတော့ ပဲတစ်တင်းကို ၁၆၅ဝဝ ကျပ်ထိဈေးလျော့လာခဲ့တယ်လို့ သိရပါတယ်။ ယခုတစ်ပတ်ပြည်ပွဲရုံများသို့ မကွေးတိုင်းဒေသကြီး အောင်လံမှ တစ်နေ့ ကို ပဲအိတ် ၃ဝဝ ခန့်အဝင်ရှိပြီး အကျဘက်ကိုသာဦးတည်နေတဲ့ ပဲဈေးမှာ ရာသီဥတုကလည်း မိုးရွာမှုများနေတာကြောင့် ဈေးပိုအေးနေတယ်လို့ သိရပါတယ်။ ရန်ကုန်ဝယ်လက်အဝယ်ရှိပြီး တစ်နေ့ကို အိတ် ၃ဝဝ-၄ဝဝ ခန့်အရောင်း အဝယ်ဖြစ်ကာ ပြည်ပွဲရုံများမှ ရန်ကုန်ဘုရင့်နောင်သို့ နေ့စဉ်အိတ် ၅ဝဝ ခန့်တင်ပို့မှု ရှိတယ်လို့ သိရပါတယ်။ မိမိအေး

ဒီတစ်ပတ် မတ်ပဲသင်္ဘောအတင်လျော့               ယခင်သီတင်းပတ်များက မတ်ပဲသင်္ဘောတင်ပို့မှု တန်ချိန် ၂ဝဝဝဝ ဝန်းကျင်ထိ တင်ပို့မှုရှိခဲ့ရာမှ ဇူလိုင်လ ၁ဝ ရက်မှ ၁၆ ရက်အတွင်းမှာတော့ တန်ချိန် ၁၁ဝဝဝ ကျော်ကို လျော့ကျတင်ပို့လာပါတယ်။ အိန္ဒိယဝယ်လက်များ ၎င်းတို့နိုင်ငံမှာ ပဲ စိုက်ပိုျးဖို့ ရာသီဥတုပြန်လည် ကောင်းမွန်လာတဲ့အတွက် ပဲအဝယ်လျော့သွားတာ ကြောင့်လို့ သိရပါတယ်။လက်ရှိဘဏ္ဍာနှစ် ဇူလိုင် ၁၄ ရက်နေ့အထိ မတ်ပဲတင်ပို့ပြီးစီး မှုဟာ တန်ချိန် နှစ်သိန်းနှစ်သောင်းကျော်ရှိပြီး ယခင်နှစ်ဘဏ္ဍာနှစ်ကာလတူက တင်ပို့ခဲ့တဲ့ တန်ချိန် တစ်သိန်းခွဲခန့်ထက် ပိုမိုနေတာတွေ့ရပါတယ်။ ယခုသီတင်းပတ် တွေမှာလည်း အရောင်းအဝယ် အေးတာကြောင့် လာမယ့်အပတ် ပဲတင်ပို့မှုမှာ အနည်းငယ် လျော့ကျဖွယ်ရှိတယ်လို့ ခန့်မှန်းကြပါတယ်။   MIRT - MAPT