Background
ရန်ကုန် FOB ဈေးကွက် ကုလားပဲအဝယ်လျော့ ရန်ကုန်တိုင်းဒေသကြီး (ဘုရင့်နောင်) ကုန်စည်ဒိုင်မှာ ယခင်သီတင်းပတ်က FOB အရောင်းအဝယ် တန်ချိန် ၁ဝဝဝ နီးပါးဖြစ်ခဲ့ပေမဲ့ ယခုသီတင်းပတ် (ဇွန်လ ၄ ရက်မှ ၁ဝ ရက်) အတွင်းမှာတော့ တန်ချိန် ၇၂ဝ သာ အရောင်းအဝယ်ဖြစ်ခဲ့တယ် လို့ သိရပါတယ်။ ပြည်ပဝယ်လိုအားရှိပေမဲ့ ကုန်သည်ကြီးများလက်ထဲမှာ လက်ကျန် လျော့နည်းတာကြောင့် FOB ဈေးအနည်းငယ်ပိုလာတာတွေ့ရပါတယ်။ ဇွန်လ ၃ ရက်နေ့ FAQ တစ်တန် ကန်ဒေါ်လာ ၇၉ဝ-၈၅ဝ ရှိရာမှ ဇွန်လ ၁ဝ ရက်မှာ ကန်ဒေါ်လာ ၈၃ဝ-၈၅ဝ ဖြစ်ခဲ့ကြောင်း သိရပါတယ်။ MIRT- MAPT
ကုလားပဲဖြူလုံးကြီး တင်ပို့မှု ပြန်လျော့လာ ယခင်သီတင်းပတ်များက ကုလားပဲဖြူလုံးကြီး အပတ်စဉ် တန် ၃ဝဝဝ ကျော် တင်ပို့မှု ရှိခဲ့ရာမှ ယခုသီတင်းပတ်မှာ (ဇွန်လ ၂ ရက်မှ ၈ ရက်)တော့ တန်ချိန် ၁၄ဝဝ ခန့်ကို လျော့ကျလာခဲ့ပါတယ်။ မေလ တစ်လလုံး တင်ပို့မှုအနေနဲ့ ကုလားပဲဖြူလုံးကြီး တန်ချိန် ၁၅ဝဝဝ ကျော်ရှိပြီး ယခင်နှစ်မေလမှာ တင်ပို့မှု မရှိသလောက် နည်းတာ တွေ့ရပါတယ်။ ယခုဘဏ္ဍာနှစ် ဇွန်လ ၃ ရက်နေ့အထိ တင်ပို့ပြီးစီးမှုအနေနဲ့ တန်ချိန် ၂ သောင်းကျော်ရှိပြီး ယခင်နှစ် ကာလတူက တန်ချိန် ၅ဝဝ ခန့်သာ တင်ပို့မှုရှိခဲ့တဲ့ အတွက် ယခုနှစ်မှာ သိသိသာသာ တင်ပို့အားကောင်း လာခဲ့တာတွေ့ရပါတယ်။ ကုန်သည် လက်ကျန်လျော့လာပြီဖြစ်လို့ လာမယ့် သီတင်းပတ်တွေမှာလည်း တင်ပို့မှု အားပျော့ဖွယ် ရှိတယ်လို့ ခန့်မှန်းကြပါတယ်။ MIRT- MAPT
မုံရွာစိမ်းကြီး ဈေးကွက်အရောင်းအဝယ်သွက်နေဆဲ ပဲတီစိမ်းကြီးဈေးကွက်ဟာ ဇွန်လပထမပတ် မုံရွာကုန်စည်ဒိုင် ပဲဈေးကွက်အတွင်း အရောင်းအဝယ် အားအကောင်းဆုံး ပဲအဖြစ် ဆက်လက်ရပ်တည်နေပါတယ်။ နယ်အဝင်ပမာဏနဲ့ မန်းအဆွဲတို့ မျှတညီညွတ်နေတာ ပေါက်ဈေးကတော့ ယခုတစ်ပတ်ထဲမှာ အနိမ့်ဆုံး တစ်တင်း ၂၇ဝဝဝ ကျပ်မှ အမြင့်ဆုံး ၂၉ဝဝဝ ကျပ်ဖြစ်ပေါ်ခဲ့ပြီး တစ်ရက်နဲ့ တစ်ရက်ဈေးအတက် အကျ တစ်တင်း ၁ဝဝဝ ကျပ်ဝန်းကျင်ရှိခဲ့တယ်လို့ ကုန်သည်အသိုင်းအဝန်းက ပြောပါတယ်။ ပြီးခဲ့တဲ့ မေလအတွင်းက တစ်တင်း အမြင့်ဆုံးဈေး ၃၁ဝဝဝ ကျပ်ကို မမီပေမဲ့ ယခုပေါက်ဈေးဟာ တောင်သူတွေ သင့်တင့်တဲ့ အကျိုးအမြတ်ရှိတဲ့အတွက် အခုလို နယ်ပစ္စည်းအဝင်သွက်လာတာဖြစ်တယ်လို့ ပွဲရုံရပ်ကွက်က ဆိုပါတယ်။ မုံရွာကုန်စည်ဒိုင် ပဲတီစိမ်းအရောင်းအဝယ်အနေနဲ့ ယခု တစ်ပတ်အတွင်း တစ်ရက်ပျမ်းမျှ အိတ် ၂ဝဝဝ မှ ၃ဝဝဝ ကြားအရောင်းအဝယ်ဖြစ်လျက်ရှိတယ်လို့ ဈေးကွက်က ဆိုပါတယ်။ ထွန်းလှိုင်
ပဲခူးတိုင်းဒေသကြီးအတွင်း မိုးပဲတီစိမ်းများ စိုက်ပျိုးပြီ ပဲခူးတိုင်းဒေသကြီးအနောက်ပိုင်း ပြည်၊ ပေါက်ခေါင်း၊ ပန်းတောင်းမြို့နယ်များတွင် မိုးပဲတီစိမ်းသီးနံှကို အများဆုံး စိုက်ပျိုးကြပြီး ယခုဇွန်လအတွင်း ဧက ၁ဝဝဝ နီးပါးခန့် စိုက်ပျိုးပြီးစီးခဲ့ပြီဖြစ်ပါတယ်။ ယခင်နှစ်က မေလအတွင်း မျိုးလက်ကျန်မရှိတဲ့ တောင်သူများမှ ဝယ်ယူမှုများရှိတဲ့အတွက် မျိုးပဲတီစိမ်းဈေးမှာ တစ်တင်းကို ၅ဝဝဝဝ ကျပ်ထိဈေးကောင်းရခဲ့တာကို တွေ့ရပါတယ်။ ယခုနှစ်အတွင်း မျိုးပဲလုံလောက်စွာရှိကြတဲ့အတွက် ပဲဈေးကွက်အတွင်း မျိုးပဲဝယ်ယူမှုများမရှိကြဘူးလို့ ပွဲရုံများမှ သိရပါတယ်။ ယခင်နှစ် ပဲတီစိမ်းပေါ်စ မေလတွင် တစ်တင်း ၂၆ဝဝဝ ကျပ်ဖြင့် ဈေးဖွင့်ခဲ့ကြပြီး ယခုနှစ်မှာတော့ ပဲဈေးကွက် အတွင်း ပဲမျိုးစုံဈေးနှုန်းများမှာ ယခင်နှစ်ဈေးကို မမီကြတဲ့အတွက် ပဲတီစိမ်းဈေးမှာလည်း ယခင်နှစ်အဖွင့်ဈေးကို မီမလားဆိုတာ စောင့်ကြည့်ရမှာဖြစ်ပါတယ်။ ခင်ဆွေဝင်း
ပဲတီစိမ်း တန် ၂၄ဝဝ ကျော် ယခုအပတ်တင်ပို့မှု ပိုမို ဇွန်လ ၁ ရက်မှ ၇ ရက်ထိ ကာလအတွင်း မူဆယ် (၁ဝ၅) မိုင် ကုန်သွယ်ရေးဇုန်မှ ကန်ဒေါ်လာ ၇ ဒသမ ၈၃ သန်း တန်ဖိုးရှိ ပဲတီစိမ်း ၇၃၇၄တန်ကျော်တင်ပို့နိုင်ခဲ့ပါတယ်။ ယခင်အပတ်ကထက် ၂၄၅၁ တန် ပိုမိုတင်ပို့နိုင်ခဲ့တယ်လို့ သိရပါ တယ်။ ရာသီဥတု ပူလာပြီဖြစ်လို့ တစ်ဖက်နိုင်ငံဝယ်လိုအား မြင့်တက်ခဲ့တာဖြစ်ပါတယ်။ မြေပြင်ဈေးများကို နှိုင်းယှဉ်သော အခါ ယခင်အပတ်ထက် လျော့နည်းလျက်ရှိတာတွေ့ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု % ပဲတီစိမ်း ၁ဝ၂၆၂၂၃ ၁၁၄၇၅ဝဝ ၁၂၁၂၇၇ ၁၂ ၁၂၇၅ ၁၃၆၈ ၉၃ ၇MIRT (DOBT)
ပဲတီစိမ်း ပြည်ပအဝယ်ပါး အရောင်းအဝယ်လျော့ ရန်ကုန်တိုင်းဒေသကြီး ကုန်စည်ဒိုင်(ဘုရင့်နောင်) မှာ ယခုတစ်ပတ်အတွင်း တရုတ်ဝယ်လက်များ ပဲတီစိမ်း အဝယ်ပါးလာ တယ်လို့ သိရပါတယ်။ ပြည်ပအဝယ်ပါးလို့ ရန်ကုန် FOB ဈေးကွက်မှာ အရောင်းအဝယ်စာချုပ်နိုင်မှု ပမာဏလည်း ယခင် သီတင်းပတ်များထက် လျော့ကျတာတွေ့ရပါတယ်။ ဇွန်လ ၄ ရက်မှ ၁ဝ ရက်အထိ တစ်ပတ်အတွင်း ပဲတီစိမ်းအညာရွှေဝါ တန် ၂ဝဝဝ နီးပါးနဲ့ ပဲတီစိမ်း တန်ချိန် ၅ဝဝ ကျော်သာ အရောင်းအဝယ်ဖြစ်ခဲ့ပြီး ဇွန်လ ၁ ရက်မှ ၁ဝ ရက်အတွင်း စုစုပေါင်း ပဲတီစိမ်း၊ အညာ တန်ချိန် ၄၄ဝဝ ခန့်သာ အရောင်းအဝယ်ဖြစ်တယ်လို့ သိရပါတယ်။ ဒါပေမဲ့ ရန်ကုန် ၤဥြ ဈေးမှာတော့ ရွှေဝါဈေးယခင်သီတင်းပတ်ထက် အနည်းငယ် ပိုလာတာ တွေ့ရပါတယ်။ တန်/ ဒေါ်လာ ပဲတီစိမ်း (အညာ) ပဲတီရွှေဝါအသေး ပဲတီရွှေဝါအကြီး၁ဝ-၆-၁၁ ၁ဝ၅ဝ-၁ဝ၇ဝ ၁၂ဝဝ-၁၂၂ဝ ၁၃ဝဝ-၁၃၂ဝ၃-၆-၁၁ ၁ဝ၅ဝ-၁ဝ၇ဝ ၁၁၇ဝ-၁၁၉ဝ ၁၂၇ဝ-၁၂၉ဝMIRT(MAPT)
ပဲတီစိမ်း သင်္ဘောအတင် တန် ၃ဝဝဝ အောက်ကျဆင်းလာ ပင်လယ်ရေကြောင်းက ပဲတီစိမ်းသင်္ဘောတင်ပို့မှု ယခင်သီတင်းပတ်က တန်ချိန် ၄ဝဝဝ ကျော်ရှိခဲ့ရာမှ ယခုသီတင်းပတ် (ဇွန်လ ၂ ရက်မှ ၈ ရက်) အတွင်းမှာတော့ တန်ချိန် ၃ဝဝဝ အောက်ကို လျော့ကျလာခဲ့ပါတယ်။ မေလ တစ်လလုံးတင်ပို့မှု အနေနဲ့ တန်ချိန် ၂ဝဝဝဝ ကျော်ရှိပြီး ၂ဝ၁ဝ မေလအတွင်းမှာတော့ တန်ချိန် ၁၃ဝဝဝ ကျော်သာ တင်ပို့နိုင်ခဲ့တာတွေ့ရပါတယ်။ ၂ဝ၁၁-၁၂ ဘဏ္ဍာနှစ် ဇွန်လ ၃ ရက်နေ့အထိ ပဲတီစိမ်းတင်ပို့ပြီးစီးမှု တန်ချိန် ၆ သောင်းကျော်ရှိပြီး ယခင်ဘဏ္ဍာနှစ် ကာလတူတင်ပို့ခဲ့တဲ့ တန်ချိန် ၅ သောင်းကျော်နဲ့ ယှဉ်ရင် တန်ချိန် တစ်သောင်း ပိုတင်နိုင်တာ တွေ့ရပါတယ်။ လာမယ့်အပတ်မှာ လည်း ပဲတီစိမ်း တင်ပို့မှု အနည်းငယ်လျော့ကျဖွယ်ရှိတယ်လို့ ခန့်မှန်းကြပါတယ်။MIRT- MAPT
၂ဝ၁၁-၁၂ မိုးသီးနံှအတွက် အိန္ဒိယအစိုးရက အနိမ့်ဆုံးထောက်ပံ့ဈေးနှုန်းကို တိုးမြှင့် အိန္ဒိယအစိုးရဟာ တောင်သူများ သီးနံှတိုးမြှင့်စိုက်ဖို့ အားပေးတဲ့အနေနဲ့ ဒုတိယနှစ် အထွက်ပိုမိုစေဖို့ ဆန်စပါးဆီထွက် သီးနံှနဲ့ အခြားသီးနံှများ ဝယ်ယူဖို့ အနိမ့်ဆုံးထောက်ပံ့ဈေးနှုန်း (MSP) များကို ဇွန်လ ၉ ရက်နေ့က တိုးမြှင့်သတ်မှတ်ခဲ့တယ်လို့ သိရပါတယ်။ စပါးအတွက် MSP ကို သတ်မှတ်ရာမှာ သာမန်စပါးအတွက် တစ်တန် ၈ ရာခိုင်နှုန်းတိုးမြင့်ပြီး ရူပီး ၁ဝ၈ဝဝ (ကန်ဒေါ်လာ ၂၄၁) ၊Grade A စပါးအတွက် ၇ ဒသမ ၈ ရာခိုင်နှုန်းတိုးမြင့်ပြီး တစ်တန်ကို ရူပီး ၁၁၁ဝဝ (ကန်ဒေါ်လာ ၂၄၈) သတ်မှတ်ခဲ့တယ်လို့ သိရပါတယ်။ ဒါ့အပြင် အဓိကဆီထွက်သီးနံှ များဖြစ်တဲ့ မြေပဲကို ၁၇ ဒသမ ၄ ရာခိုင်နှုန်း တိုးမြှင့်ပြီး တစ်တန် ရူပီး ၂၇ဝဝဝ (ကန်ဒေါ်လာ ၆ဝ၄) နဲ့ ပဲပုပ်အဝါမိုျးကိုလည်း တစ်တန် ရူပီး ၁၆၉ဝဝ (ကန်ဒေါ်လာ ၃၇၈) ကိုလည်းကောင်း၊ ပဲမျိုးစုံအနေနဲ့ ပဲစင်းငုံကို ယခင်နှစ်ထက် ရူပီး ၂ဝဝဝ (ကန်ဒေါ်လာ ၄၅) တိုးမြှင့်ပြီး တစ်တန်ကို ရူပီး ၃၂ဝဝဝ (ကန်ဒေါ်လာ ၇၁၅) ၊ ပဲတီစိမ်းကို ယခင်နှစ်ထက် ရူပီး ၃၃ဝဝ (ကန်ဒေါ်လာ ၇၄) တိုးမြှင့်ပြီး ရူပီး ၃၅ဝဝဝ (ကန်ဒေါ်လာ ၇၈၂) ကိုလည်းကောင်း၊ မတ်ပဲကို ယခင်နှစ်ထက် ရူပီး ၄ဝဝဝ (ကန်ဒေါ်လာ ၈၉) တိုးမြင့်ပြီး ရူပီး ၃၃ဝဝဝ (ကန်ဒေါ်လာ ၇၃၈) ကိုလည်းကောင်း သတ်မှတ်ခဲ့တယ်လို့ သိရပါတယ်။ ဒါ့အပြင် ယခင်နှစ် အလားတူ ပဲရိတ်သိမ်းကာလ ၂ လအတွင်း အစိုးရဝယ်ယူရေးအေဂျင်စီတွေကို ရောင်းချတဲ့ ပဲစင်းငုံ၊ မတ်ပဲနဲ့ ပဲတီစိမ်းများအတွက် တစ်တန်ကို ရူပီး ၅ဝဝဝ (ကန်ဒေါ်လာ ၁၁၂) နှုန်းနဲ့ အပိုဆောင်းပေးသွားမယ်လို့ သိရပါတယ်။ ဒါ့အပြင် ဝါဂွမ်းအမျိုးအစား ၂ မျိုးကိုလည်း တစ်တန်ကို ရူပီး ၃ဝဝဝ (ကန်ဒါ်လာ ၆၇) စီ တိုးမြင့်ပြီး ရူပီး ၂၈ဝဝဝ (ကန်ဒေါ်လာ ၆၂၆)နဲ့ ရူပီး ၃၃ဝဝဝ(ကန်ဒေါ်လာ ၇၃၈) ကို အသီးသီး သတ်မှတ်ခဲ့တယ်လို့ သိရပါတယ်။ ယမင်းရွှေစင်၊Source: Dow Jones
ပြည်ပဲလွန်းဖြူ ဈေးကောင်းရနေ ပြည်ဈေးကွက်သို့ ယခုတစ်ပတ် ပဲလွန်းဖြူအဝင်ပါးလာပြီး ရက်ခြားသာ အဝင်ရှိတယ်လို့ သိရပါတယ်။ ဝင်လာ တဲ့ ပဲကလည်း အများအားဖြင့် အရည် အသွေး ညံ့လာတာကို တွေ့ရပါတယ်။ လက်ကျန်ပဲများမှာ အရည်အသွေး ကောင်းတဲ့အတွက် အရောင်းအဝယ် ဖြစ်နေပြီး ပဲတစ်တင်းကို ယခင်တစ်ပတ် က ၁၃ဝဝဝ ကျပ်၊ ယခုတစ်ပတ်တွင် ၁၈ဝဝဝ ကျပ်ထိ သိသိသာသာမြင့် လာခဲ့တယ်လို့ သိရပါတယ်။ မိမိအေး
ပဲလွန်းဖြူနီ ပုံမှန်တင်ပို့မှုရှိ ပင်လယ်ရေကြောင်းက ပဲလွန်းဖြူ၊ နီတင်ပို့မှုကတော့ ယခုသီတင်းပတ် မှာလည်း ယခင်သီတင်းပတ်များလို ပုံမှန် တင်ပို့မှုရှိတာ တွေ့ရပါတယ်။ ဇွန်လ ၂ ရက်မှ ၈ ရက်အတွင်း ပဲလွန်း ဖြူ တန်ချိန် ၆၅ဝ ကျော်၊ ပဲလွန်းနီ တန် ချိန် ၁၆ဝ ကျော်နဲ့ စုစုပေါင်း တန်ချိန် ၈ဝဝ ကျော်တင်ပို့ခဲ့တာတွေ့ရပါတယ်။ မေလတစ်လလုံးတင်ပို့မှုအနေနဲ့ ပဲလွန်း ဖြူ တန်ချိန် ၃၉ဝဝ ခန့်ရှိပြီး ယခင်နှစ် မေလမှာ တန်ချိန် ၁၈ဝဝ ခန့်သာရှိလို့ ယခုနှစ်မှာ ပိုမိုတင်ပို့နိုင်ခဲ့ပါတယ်။ အလားတူ ဘဏ္ဍာနှစ် ကာလတူ နှိုင်းယှဉ်ရာမှာလည်း လက်ရှိဘဏ္ဍာနှစ် ဇွန်လ ၃ ရက်နေ့အထိ ပဲလွန်းဖြူ တန်ချိန် ၈၇ဝဝ ခန့်ရှိပြီး ယခင်ဘဏ္ဍာ နှစ် ကာလတူက တန်ချိန် ၆၅ဝဝ ခန့်ရှိ လို့ တန် ၂ဝဝဝ ကျော် ပိုတင်နိုင်တာ တွေ့ရပါတယ်။ လာမယ့်သီတင်းပတ် မှာလည်း ပုံမှန်တင်ပို့နိုင်မယ်လို့ ခန့်မှန်း ကြပါတယ်။MIRT- MAPT