Background
ဟိုပုံးနနွင်းဈေးကွက်ဝင် ရှမ်းပြည်နယ်(တောင်ပိုင်း)ရဲ့ နာမည်ကြီးဟိုပုံးနနွင်းလည်း ဈေးကွက်ကိုဝင်နေပါပြီ။ အဝင်ကတော့ သိပ်မများသေးပါဘူး။ ဟိုပုံးတောင်ဖက်ဒေသနဲ့ နမ့်ခုတ်မြို့နယ်တွေကနေဝင်လာတာဖြစ်ပါတယ်။ ရှမ်းနနွင်းက တောင်စောင်းများမှာ သဘာဝ အတိုင်း စိုက်တာကြောင့် အသားပွပြီး၊ အရောင်နုပါတယ်။ ကျောက်ဆည်နနွင်းက မြေပြန့်မှာ မြေသြဇာ ကျွေးပြီး စနစ်တကျ စိုက်ပိုျးတာကြောင့် အသားကျစ်ပြီး၊ အရောင်ရင့်တယ်လို့သိရပါတယ်။ ဟိုပုံးနနွင်းက ကျောက်ဆည်နနွင်းနဲ့ အသွင်သဏ္ဍန်ချင်း တူတာကြောင့် ဝယ်လက်တချို့တွေက ပြန်လည်သန့်စင်ပြီး ကျောက်ဆည်ကို ပို့ဖို့ ဝယ်ယူနေကြပါတယ်။ မူဆယ်ကတစ်ဆင့် တရုတ်ပြည်ကိုပို့ဖို့ ဝယ်လက်တွေလည်း ဆင်းဝယ်နေတာကြောင့် ဈေးကလည်း နဲနဲတက်လာပါတယ်။ ဟိုပုံးဈေးကွက်မှာ နနွင်းတစ်ပိဿာ ၂၂ဝဝ ကျပ်ဈေးရှိပါတယ်။ အောင်ပန်း ဈေးကွက်မှာ နနွင်းစ (ရိုးရိုး) ၁၈ဝဝ ကျပ်၊ ၂ဝဝဝ ကျပ်ရှိပြီး၊ ဆင်တောင် နနွင်းက ၂၈ဝဝ ကျပ်ဈေးရှိပါတယ်။ တောင်ကြီးဈေးကွက်မှာတော့ နနွင်းခြောက်တစ်ပိဿာ ၂၁ဝဝ ကျပ်ဈေး ရှိပါတယ်။ ဧဧခိုင်
နယ်စပ်မှ နနွင်းတက်တင်ပို့မှု အားကောင်းနေ မတ်လ ၉ ရက်မှ ၁၅ ရက်ထိ ကာလအတွင်း မူဆယ် ၁ဝ၅ မိုင် ကုန်သွယ်ရေးဇုန်မှတစ်ဆင့် တစ်ဘက် နိုင်ငံ သို့ ရှမ်းနနွင်းတက် ၈၈ တန်နီးပါး ကန်ဒေါ်လာ ၁၆ဝ၈ဝဝ ဖိုးနဲ့ စစ်တွေမှ ကန်ဒေါ်လာ ၁၆ဝဝ တန်ဖိုးရှိ နနွင်းတက် ၁ တန် တင်ပို့နိုင်ခဲ့ပါတယ်။ ယခင်အပတ်က မူဆယ်နယ်စပ်မှ နနွင်းတက် ၇၃ တန် တင်ပို့နိုင်ခဲ့တာမို့ ယခုအပတ်မှာ ၁၅ တန်နဲ့ တင်ပို့မှုပိုမိုခဲ့ပါတယ်။ တင်တင်ထွန်း MIRT(DOBT)
မြစ်သားပြီးရင် မြင်းခြံဘက်က ဆက်လက်ထွက်ရှိတဲ့ ဆောင်းကြက်သွန်နီ ဆောင်းကြက်သွန်နီဟာ မြစ်သား၊ ကျောက်ဆည်မှာ ဇန်နဝါရီလနဲ့ ဖေဖော်ဝါရီလလောက်က ပထမဆုံး ထွက်ခဲ့ပါတယ်။ အဲဒီနောက် ဒုတိယ ထွက်တဲ့ မြို့နယ်ကတော့ မြင်းခြံမြို့နယ်ဖြစ်ပါတယ်။ မြင်းခြံမြို့နယ် ကန်ဆင့် ရွာမှာ မတ်လဆန်းက စထွက်ပါတယ်။ အခုဆိုရင် နွားထိုးကြီးဘက်က လက်ဝဲ ရွာနဲ့ တောင်သာမြို့နယ်က ဆင်ဖြူရွာ၊ ကြာပို့ရွာတွေ ကြက်သွန်နီတွေလည်း ဈေးကွက်ထဲကိုရောက်နေပါပြီ။ ညောင်ဦးမြို့နယ် ရွာသာယာအနီးက ကျေးရွာ ၆ ရွာရဲ့ ဆောင်းကြက်သွန်နီတွေလည်း မြင်းခြံဈေးကွက်နဲ့ ပခုက္ကူဈေးကွက်တွေ ကို ရောင်းချတယ်လို့သိရပါတယ်။ အခုဆောင်းကြက်သွန်နီကို ကန်ဆင့်ရွာက ဧက ၁၃ဝ ကျော်စိုက်ပြီး၊ တစ်ဧက ၄ သိန်းကျော်ကုန်တော့ အထွက်နှုန်းပိဿာ ၃ဝဝဝ မှ ၃၅ဝဝ ထွက်ရင် တစ်ပိဿာ ကုန်ကျစရိတ်ပျမ်းမျှ ၁၄ဝ ကျပ်လောက် ခန့်မှန်းတယ်လို့ တောင်သူ တွေက ပြောပါတယ်။ အခုရက်အတွင်း မြင်းခြံကုန်စည်ဒိုင်ပေါက်ဈေး ကြက်သွန်နီ (ကြီး) ၄ဝဝ ကျပ်၊ ၄၅ဝ ကျပ်၊ အလတ် ၃ဝဝ ကျပ်၊ ၃၅ဝ ကျပ်၊ အသေး ၂ဝဝ ကျပ်၊ ၂၅ဝ ကျပ်နဲ့ တစ်ရက်ပျမ်းမျှပိဿာ ၃၅ဝဝဝ-၄ဝဝဝဝ ဝင်ရောက်တယ်လို့ မြင်းခြံ ကုန်စည်ဒိုင်မှသိရပါတယ်။ ကန်ဆင့်ရွာက တောင်သူတွေအနေနဲ့ ပျမ်းမျှ တစ်ပိဿာ ၂ဝဝ ကျပ်၊ ၂၅ဝ ကျပ် အမြတ်ရကာ တစ်ဧကကို အထွက်နှုန်းပေါ် မူတည်ပြီး ပျမ်းမျှ ၆ သိန်းမှ ၈ သိန်းထိ အကျိုးအမြတ်ရတယ်လို့ ဆိုပါ တယ်။ အရင်နှစ်က ကြက်သွန်နီဈေးကျလို့ တောင်သူတွေ စိုက်ဧကနည်းသွားတယ်လို့ ဆိုပေမယ့် မြေပြင်မှာ တောင်သူတွေက မိရိုးဖလာအတိုင်း ပုံမှန်စိုက်နေတာ တွေ့ရပါတယ်။ စောစောစိုက်တဲ့ တောင်သူတွေအနေနဲ့ လုံ့လ၊ ဝီရိယအကျိုးခံစား ရတယ်လို့ပြောကြပါတယ်။T60
မန်ကျည်းအပို့သာခဲ့ ပင်လယ်ရေကြောင်းကုန်သွယ်မှုလမ်းကနေ မတ်လ ၈ ရက်မှ ၁၄ ရက်တာ ကာလအတွင်း မန်ကျည်းတန်ချိန် ၅၄၅ တန်ကိုတင်ပို့ခဲ့ပါတယ်။ တင်ပို့ခဲ့တဲ့ ကုန်သွယ်ဖက်နိုင်ငံတွေကတော့ အင်ဒိုနီးရှားနိုင်ငံကို ၇၄ တန်၊ မလေးရှားနိုင်ငံကို ၂ဝ၆ တန်၊ ပါကစ္စတန်နိုင်ငံကို ၂၅ တန်၊ စင်ကာပူကို ၁၉၂ တန်နဲ့ ထိုင်းနိုင်ငံကို ၄၈ တန်အသီးသီးတင်ပို့နိုင်ခဲ့ပါတယ်။ ယခင်သီတင်းပတ်မန်ကျည်းသီးတန်ချိန် ၁၉ဝ နီးပါးတင်ပို့ခဲ့တဲ့အတွက် ဒီသီတင်းပတ်မှာ အပို့သာခဲ့တာတွေ့ရပါတယ်။ အက်ဖ် အိုဘီဈေးတစ်တန်ကို ကန်ဒေါ်လာ ၃၆ဝ ဝန်းကျင်ရရှိခဲ့တဲ့အတွက် စုစုပေါင်းပို့ကုန် ဝင်ငွေကန်ဒေါ်လာ ၁၉၇၉ဝ၅ ဒေါ်လာရရှိခဲ့ပါတယ်။ MIRT (DOT)
အဝင်နည်းပြီးဈေးငြိမ်တဲ့ အောင်ပန်းချင်းဈေးကွက် ဒီတစ်ပတ် အောင်ပန်းချင်းဈေးကွက်မှာ ချင်းဈေးကငြိမ်နေပါတယ်။ အလှူပွဲ ရာသီရောက်လာတာကြောင့် တောင်သူတွေကလည်း အလုပ်နားနေတယ် လို့ သိရပါတယ်။ ချင်း (စို) တွေကတော့ လက်ကျန်ရှိနေသေးတယ်လို့ သိရပေမဲ့ ဈေးကွက်ကိုတော့ အဝင်နည်းပါသေးတယ်။ ချင်းခြောက်ကလည်း အနည်းငယ်သာ ဝင်နေဆဲလို့သိရ ပါတယ်။ အောင်ပန်းချင်းဈေးကွက်မှာ ချင်း (စို)က အရင်တစ်ပတ် ကလိုပဲ တစ်ပိဿာ ၄ဝဝ ကျပ်မှ ၆၅ဝ ကျပ် ဈေးနဲ့သာဈေးငြိမ်နေပါတယ်။ ချင်းခြောက်ဈေးကတော့ အရည်အသွေးပေါ်မူတည်ပြီး ၁၆ဝဝ ကျပ်မှ ၂ဝဝဝ ကျပ်ဈေး ရှိပါတယ်။ ဟိုပုံးဈေးကွက်မှာတော့ (ချင်းစို)ကအထွက်နည်းပြီး အရည်အသွေးညံ့ တာကြောင့် တစ်ပိဿာကို ၄ဝဝ ကျပ်၊ ၄၅ဝ ကျပ် ပတ်ချာလည်ဈေးနဲ့သာ အရောင်းအဝယ်ဖြစ်နေပါတယ်။ ချင်းခြောက်ကလည်း လောလောဆယ်မှာ လက်လီဈေးနဲ့ ဈေးပတ်သမားတွေနဲ့ ပရဆေးဆိုင်ကဝယ်ယူနေတာကြောင့် တစ်ပိဿာ ၂၁ဝဝ ကျပ်ဈေးရှိ ပါတယ်။ တောင်ကြီးဈေးကွက်မှာတော့ ချင်းခြောက် တစ်ပိဿာ ၂ဝဝဝ ကျပ်ဈေးရှိတယ်လို့ တောင်ကြီးကုန်စည်ဒိုင်က သိရှိရပါတယ်။ ဧဧခိုင်
ပြည်ချင်းဈေးကွက် အရောင်အဝယ်အေး ယခုတစ်ပတ် ပြည်ချင်းဈေးကွက်တွင် အရောင်းအဝယ်အေးနေပြီး အဝင်မှာ အောင်ပန်းဘက်မှ ပိဿာ ၃ဝ ဝင်အိတ် ၁၅ဝ ခန့် ပုံမှန်ဝင်ရောက်မှု ရှိ နေပါတယ်။ ဈေးနှုန်းမှာ တစ်ပိဿာကို ချင်း (ရှယ်) ၁၂ဝဝ ကျပ်၊ (ဂျွန်) ၁ဝဝဝ ကျပ်တို့နဲ့ ပုံမှန်ဈေးရှိပြီး ဈေးကွက်အတွင်း တစ်နေ့ကို ပိဿာချိန် ၂ဝဝ ခန့်ဖြင့် အရောင်းအဝယ်အေး နေပါတယ်။ ဈေးကွက်မှတစ်ဆင့် ဧရာဝတီ၊ ရခိုင်ဘက်သို့ စားသုံးမှုအဖြစ် တစ်နေ့ကို ပိဿာချိန် ၁၈ဝ ခန့် တင်ပို့မှုရှိတယ်လို့လည်း သိရပါ တယ်။ ဝင်းလဲ့ဝါ
နယ်စပ် အပို့ တန် ၆၄ဝဝ ကျော်ရှိ မတ်လ ၉ ရက်မှ ၁၅ ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်နဲ့ လွယ်ဂျယ်နယ်စပ် စခန်းများမှ ပြောင်းဖူးစေ့တန်ချိန် ၆၄၄ဝ ကျော်၊ တန်ဖိုးအားဖြင့် ကန်ဒေါ်လာ ၁ ဒသမ ၆၁၂ သန်းဖိုးတင်ပို့ နိုင်ခဲ့ပါတယ်။ယခင် အပတ်က မူဆယ်-လွယ်ဂျယ်နဲ့ချင်းရွှေဟော် နယ်စပ်စခန်းများမှ တန်ချိန် ၈၆ဝဝ ကျော်တင်ပို့နိုင်ခဲ့တဲ့အတွက် ယခုအပတ်မှာ တန်ချိန် ၂၁ဝဝ ကျော်လျော့နည်း တင်ပို့ နိုင်ခဲ့ပါတယ်။ မူဆယ်မှ တန် ၁၆ဝဝ ကျော်၊ လွယ်ဂျယ်မှ တန် ၄၂ဝ ကျော် တင်ပို့မှုလျော့နည်းခဲ့ပြီး ချင်းရွှေဟော်နယ်စပ်မှ ယခုအပတ်မှာ တင်ပို့နိုင်ခဲ့ ခြင်း မရှိတဲ့အတွက် တင်ပို့မှုလျော့နည်းခဲ့ရခြင်းဖြစ်ပါတယ်။ မန္တလေးတိုင်း ဒေသ ကြီးက ထွက်ရှိတဲ့ပြောင်းဖူးစေ့ တင်ပို့နိုင်မှုနည်းပါးပြီး ရှမ်းပြည်နယ် တစ်ဝိုက် လားရှိုး၊ နောင်ချို၊ ကျောက်မဲပတ်ဝန်းကျင် ဒေသထွက်ပြောင်းဖူးစေ့များ တင်ပို့ လျက်ရှိတာ ဖြစ်ပါတယ်။ယခုအပတ်ပြည်တွင်းနဲ့ တစ်ဘက်နိုင်ငံဈေးနှုန်းမှာ လျော့ကျလျက်ရှိပါ တယ်။ မိမိဘက်နဲ့ တစ်ဘက်နိုင်ငံပေါက်ဈေးများကို နှိုင်းယှဉ် ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၈၄၃၄၃ ၂၉ဝဝ၅၆ ၅၇၁၃ ၂ ၂၇၇ ၂၈၃ ၁၃ ၅MIRT (DOBT)
ပင်လယ်ရေကြောင်း အပို့လျော့ မတ်လ ၈ ရက်နေ့မှ ၁၄ ရက်နေ့အထိကာလအတွင်း ပင်လယ်ရေကြောင်းမှ ရော်ဘာတန်ချိန် ၃၃၇ တန် တန်ဖိုး ကန်ဒေါ်လာ (၁ ဒသမ ၃၅၄) သန်းဖိုးတင်ပို့နိုင်ခဲ့ပါတယ်။ယခင်အပတ်က တန် ၁ဝဝဝ ကျော်တင်ပို့ နိုင်ခဲ့တာကြောင့် ယခုအပတ်မှာ တင်ပို့မှုလျော့နည်းခဲ့ပါတယ်။ရော်ဘာအထွက်ကျပြီး လက်ကျန်နည်းခြင်း၊ တရုတ်မှ ဝယ်လိုအားလျော့ကျခြင်းနဲ့ ဆူနာမီဂယက်ကြောင့် ဂျပန်ရဲ့ ဈေးကွက်များခေတ္တပိတ်ထားခြင်းတို့ကြောင့် တင်ပို့မှုလျော့နည်းရခြင်းဖြစ်ပါတယ်။ပင်လယ်ရေကြောင်းအပိုလျော့ပေမယ့်နယ်စပ်တင်ပို့မှုကတော့ ပုံမှန် ရှိနေတာတွေ့ ရပါတယ်။ ဒီတစ်ပတ်တင်ပို့ခဲ့တဲ့ နိုင်ငံတွေကတော့ တရုတ်ကို RSS-3 ၈၇ တန်၊RSS-5 တန် ၃ဝ နဲ့မလေးရှားကို RSS-3 တန် ၂၂ဝ အသီးသီးတင်ပို့ခဲ့တာဖြစ်ပါတယ်။ FOB ဈေးနှုန်းတွေကတော့ RSS-3 တစ်တန်ကို ၄၉ဝဝ ဒေါ်လာ၊ RSS-5 တစ်တန်ကို ၄၈ဝဝ ဒေါ်လာနဲ့ MSR-20 တစ်တန်ကို ၄၉ဝဝ ဒေါ်လာဖြစ်ကြောင်း သတင်းရရှိပါတယ်။ KZW
ငလျင်ဖြစ်ပြီးတဲ့နောက် ဂျပန်နိုင်ငံက ကောက်ပဲသီးနံှတင်သွင်းမှု မြင့်တက်နိုင် ပြောင်းအများဆုံးဝယ်ယူတဲ့ ဂျပန်နိုင်ငံအရှေ့မြောက်ပိုင်းကမ်းရိုးတမ်းဒေသတွေမှာ ပြင်းထန်တဲ့ မြေငလျင်နဲ့ ဆူနာမီဖြစ်ပြီးတဲ့နောက် စားနပ်ရိက္ခာအမာခံဖြန့်ဖြူးနိုင်ဖို့ ကောက်ပဲသီးနံှတိုးမြင့်တင်သွင်းနိုင်တယ်လို့Standard Chastered Plc မှ ပြောကြားပါတယ်။ ပြောင်းဝယ်လိုအား တက်နိုင်တဲ့ လက္ခဏာကြောင့် ကောက်ပဲသီးနံှ ဈေးနှုန်းလည်းပိုမိုလာနိုင်တယ်လို့ စင်ကာပူအခြေစိုက် လေ့လာဆန်းစစ်ပညာရှင် Abah Ofon က ပြောကြားပါတယ်။ ဂျပန်နိုင်ငံမှာ မြေငလျင်နဲ့ ဆူနာမီဖြစ်ပြီးတဲ့နောက် ဂံျု၊ ပြောင်း၊ ပဲပုပ်နဲ့ ဆန်ကြိုပွိုင့်ဈေးတွေ ကျဆင်းခဲ့ပါတယ်။ ဂျပန်အစိုးရက မတ်လ ၁၁ ရက်က ဆိပ်ကမ်းတွေမှာ ကောက်ပဲသီးနံှပျက်စီးမှုကို စစ်ဆေးစေခဲ့ပါတယ်။ မြေငလျင်ကြောင့် ကောက်ပဲသီးနံှ ကုန်သွယ်မှုကို ထိခိုက်စေခဲ့ပြီး အချို့တိရစ္ဆာန်စက်ရုံများနဲ့ ကွဲျနွားများလည်း ထိခိုက်ခဲ့တယ်လို့ ဆိုပါတယ်။ ချီကာကိုမှာ မေလ ပြောင်းကြိုပွိုင့်ဈေးဟာ ၂ ဒသမ ၇ ရာခိုင်နှုန်းကျဆင်းပြီး တစ်ဘူရှယ်ကို ကန်ဒေါ်လာ ၆ ဒသမ ၆၄၂၅ (တစ်တန်ကို ကန်ဒေါ်လာ ၂၆၅ ဒသမ ၇) ဖြစ်ခဲ့တယ်လို့ သိရပါတယ်။ ဒါပေမဲ့ တိုကျိုအခြေစိုက်Unipac Grain Ltd ဥက္ကဌ Nobuyuki Chino ပြောကြားတာတော့ ဂျပန်နိုင်ငံရဲ့ တိရစ္ဆာန်အစာနဲ့ စားနပ်ရိက္ခာထုတ်လုပ်မှုကို ထူးထူးခြားခြား ထိခိုက်ဖွယ်မရှိဘူးလို့ ဆိုပါတယ်။ ဂျပန်နိုင်ငံဟာ ယခင်နှစ်က အမေရိကန်ပြောင်း တန်ချိန် ၁၄ ဒသမ ၃၄၃ သန်းတင်သွင်းခဲ့လို့ မက္ကစီကိုက တင်သွင်းမှုထက် ၂ ဆနီးပါးရှိတယ်လို့ ဆိုပါတယ်။ အမေရိကန်ဂံျုဝယ်ယူမှုက တန်ချိန် ၃ ဒသမ ၁၄၈ သန်းရှိပြီး အမေရိကန် ပဲပုပ်တန်ချိန် ၂ ဒသမ ၃၄၇ သန်းကိုလည်း တင်သွင်းခဲ့တယ်လို့ သိရပါတယ်။ လမင်းး၊ှSource: riceonline
အခါမဲ့မိုးကြောင့် အဆိုးထက် ကောင်းကျိုးရစေလို မုံရွာမြို့နယ်အတွင်း မတ်လ ၁၅ ရက်နေ့ ည ၁၁ နာရီခန့်ကနေ ၁၂ နာရီအထိ မိုးသက်လေနဲ့အတူ မိုးရွာသွန်းမှုဖြစ် ပေါ်ခဲ့ရာ မြို့နယ်ရဲ့တောင်ပိုင်းကျေးရွာများမှာ အတန်အသင့် မိုးသည်းခဲ့ပြီး မြောက်ပိုင်းဒေသများမှာ မိုးအနည်းငယ်သာ ရွာခဲ့တယ်လို့သိရပါတယ်။ ယခုအချိန်မှာ တောင်သူများအနေနဲ့ ကုလားပဲနဲ့ဂံျုအချို့ ရိတ်သိမ်းပြီး တလင်းပုံထားချိန်ဖြစ်လို့ အချိန်မီ အမိုးအကာ မအုပ်နိုင်သူတွေရဲ့ သီးနံှအနည်းငယ်မျှသာမိုးမိကာ အစို့ပေါက်ထိခိုက်မှု ဖြစ်နိုင်တယ်လို့သိရပါတယ်။ ရေနဲ၊ အောင်သာ၊ မအူကျေးရွာနဲ့ တောင်ပိုင်းကျေးရွာများမှာ စိုက်ပျိုးခဲ့ကြတဲ့ ဆောင်းကြက်သွန်ခင်းများအနေနဲ့ သာမန်ရေသွင်း မှု ပမာဏသာမိုးရွာလို့ ရေသွင်းခတစ်ကြိမ်သက်သာတယ်လို့ တောင်သူတချို့ကဆိုပါတယ်။ နွေပဲတီခင်းများအတွက်လည်း ယခုမိုးဟာ အကျိုးရှိစေတယ်လို့ ပဲတောင်သူများက ပြောပါတယ်။ ကမ္ဘာ့ရာသီဥတုဖောက်ပြန်မှုကြောင့် ရိုက်ခတ်ကြုံတွေ့လာ နိုင်တဲ့ ဘေးအန္တရာယ်တွေကိုကာကွယ်နိုင်မှု၊ မိုးလေဝသသတင်း နေ့စဉ်နားထောင်ခြင်း၊ အမိုးအကာစုဆောင်းထားရှိခြင်းနဲ့ ပိုးမွှား ကာကွယ်ရေးလုပ်ငန်းတွေ ကြိုတင်ပြင်ဆင်ဆောင်ရွက်ဖို့လိုနေပြီဖြစ်ကြောင်း၊ ယခုရွာတဲ့မိုးက သတိပေး နှိုးဆော်ခဲ့ခြင်း ဖြစ်တယ်လို့ မှတ်ယူရဖွယ် ခံစားလိုက်ရပါတယ်။ ထွန်းလှိုင်