ပြည်ဈေးကွက် ပဲကြီးဈေးနှုန်းများ သိသိသာသာကျဆင်းလာ                        ဖေဖော်ဝါရီလဆန်းပတ်ပြည်ဈေးကွက်မှာ ပဲကြီဈေးနှုန်း သိသိသာသာ ကျဆင်းလာပါတယ်။ ယခင်အပတ်က ပဲကြီး (ကမ်းနား) မှာတစ်တင်း ၃၂ဝဝဝ ကျပ်၊ ပဲကြီး (ရွှေကျွန်း) မှာ တစ်တင်း ၃၃၅ဝဝ ကျပ်ဖြင့် အရောင်းအဝယ်ဖြစ်ခဲ့ပြီး ယခုဇန်နဝါရီလကုန်၊ ဖေဖော်ဝါရီလဆန်းမှာ ပဲကြီး (ကမ်းနား) မှာ တစ်တင်းကို ၂၈၅ဝဝ ကျပ်၊ ပဲကြီး (ရွှေကျွန်း) မှာ တစ်တင်း ၃ဝဝဝဝ ကျပ်ထိဈေးကျဆင်းသွား သဖြင့် တစ်တင်းကို ၃ဝဝဝ ကျပ်ကျော်ခန့် သိသိသာသာ ဈေးကျသွားခဲ့ပါတယ်။ ဈေးကျသွားပေမယ့် ပဲကြော်လုပ်ငန်းသမားများကြောင့် အိတ် ၁၅ဝ ခန့် နေ့စဉ် အရောင်းအဝယ်ဖြစ်လျက်ရှိကြောင်း သိရပါတယ်။                                                                  ခင်ဆွေဝင်း

ဟုမ္မလင်းမြေထောက် ရေလမ်းခရီးမှ မုံရွာရောက်                   စစ်ကိုင်းတိုင်းဒေသကြီး ၂ဝ၁ဝ-၂ဝ၁၁ မြေထောက်ပဲလျာထားစိုက်ဧက ၅ သောင်း ၄ ထောင်ကျော်အနက် ၅ သောင်း ၆ ထောင်ကျော်စိုက်လို့ ၁ဝ၃ ရာခိုင်နှုန်းစိုက်ပိုျးခဲ့ပါတယ်။ ဟုမ္မလင်းမြို့မှာ မြေထောက်ပဲများ စတင်ထွက်ပေါ် နေပြီး ရေလမ်းခရီးမှ မုံရွာမြို့သို့ စတင်ဝင်ရောက်ခဲ့ရာ မြေထောက်ပဲတစ်တင်း ၁၆၅ဝဝ ကျပ်၊ တစ်ပိဿာ ၉၁၇ ကျပ်နဲ့ ဈေးဖွင့်ခဲ့ကြောင်း သိရပါတယ်။ မုံရွာကုန်စည်ဒိုင်မှာ နေ့စဉ် ပျမ်းမျှတင်း ၅ဝ ကျော်ခန့် အရောင်းအဝယ်ဖြစ်ကြောင်း သိရပါတယ်။ သန်းးသန်းးတင်

အီသီယိုးပီးယားက ပဲမျိုးစုံစိုက်ပျိုးထုတ်လုပ်ဖို့ အိန္ဒိယတောင်သူများကို ဖိတ်ခေါ်                အာဂျင်တီးနားနဲ့ ဥရုဂွေးလို လက်တင်အမေရိကန်နိုင်ငံများပြီးရင် အီသီယိုးပီးယားနိုင်ငံကလည်း အာဖရိကနိုင်ငံအတွင်း ပဲမျိုးစုံစီးပွားဖြစ်ထုတ်လုပ်မှု မြှင့်တင်နိုင်ဖို့ အိန္ဒိယတောင်သူတွေကို ဖေဖော်ဝါရီလ ၁ ရက်နေ့က ဖိတ်ခေါ်ခဲ့တယ်လို့ သိရပါတယ်။ အာဖရိကနိုင်ငံမှာ စီးပွားဖြစ် စိုက်ပျိုးဖို့ ပဲမျိုးစုံနဲ့ ဆီထွက်သီးနံှများ အိန္ဒိယကို ပြန်လည်တင်ပို့နိုင်ဖို့ လယ်ယာမြေများ အိန္ဒိယတောင်သူများကို အသုံးချခွင့် ပေးသွားမှာဖြစ်ကြောင်း အီသီယိုးပီးယား စိုက်ပျိုးရေးဝန်ကြီးTafera Derbew  မှ လေ့လာရေးလာရောက်စဉ် အိန္ဒိယ စားသုံးသူရေးရာ၊ စားနပ်ရိက္ခာနဲ့ အများပြည်သူဖြန့်ဝေရေး ဝန်ကြီး ကေဗွီသော မတ်ကို ပြောကြားခဲ့တယ်လို့ သိရပါတယ်။                    ယခုလိုဆောင်ရွက်မယ်ဆိုရင် စားဆီ ၅ဝ ရာခိုင်နှုန်းနဲ့ ပဲစားသုံးမှုရဲ့ ၁၅ ရာခိုင်နှုန်းတင်သွင်းနေရခြင်းအပေါ် အထောက်အပံ့ဖြစ်စေမယ်လို့ သောမတ်စ်က ဆိုပါတယ်။ အိန္ဒိယနိုင်ငံအနေနဲ့ နည်းပညာအထောက်အပံ့ များပေးသွားမှာဖြစ်ပြီး အိန္ဒိယစံနှုန်းနဲ့ စိုက်ပျိုးရေး သုတေသနဗျူရိုကလည်း အီသီယိုပီးယားမှ ကျွမ်းကျင်သူများဖြစ်စေဖို့ လေ့ကျင့်သင်ကြားပေးသွားမယ်လို့ သိရပါတယ်။ အိန္ဒိယနိုင်ငံဟာ အီသီယိုးပီးယားမှာ ပြည်ပရင်းနှီးမြှုပ်နံှမှု အများ ဆုံးဖြစ်ပြီး ကန်ဒေါ်လာ ၄ ဒသမ ၄ ဘီလီယံ ရင်းနှီးမြှုပ်နံှထားတဲ့အနက် ၄ဝ ရာခိုင်နှုန်းက စီးပွားဖြစ် စိုက်ပျိုးရေးလုပ်ငန်းများမှာ မြူပ်နံှထားတယ်လို့ သိရပါ တယ်။ ယမင်းခင်၊Source: Financial Express

မုံရွာကုလားပဲဈေးကွက် ဗွီတူးအသစ်အဝယ်သွက်                 မုံရွာကုန်စည်ဒိုင် ကုလားပဲဈေးကွက်အနေနဲ့ ဇန်နဝါရီလကုန်ပတ်က ပဲဟောင်းအားလုံးနီးပါး လက်ကျန်ပြတ်ခဲ့လို့ အရောင်းအဝယ်အေးနေရာက ဖေဖော်ဝါရီ လဆန်းပိုင်းမှာ ဗွီတူးအသစ်တွေ မုံရွာဝန်းကျင်ကနေ ဈေးကွက်ထဲ စတင် ဝင်လာခဲ့ပြီး တစ်တင်း ကျပ် ၂၃၅ဝဝ နဲ့ အရောင်းအဝယ်ဖြစ်ခဲ့တယ်လို့ ပွဲရုံရပ်ကွက် က ကြားသိရပါတယ်။ မုံရွာ၊ ယင်းမာပင်၊ ပုလဲစတဲ့ နယ်တွေက မုန်တိုင်း မိုးကြောင့် ထိခိုက်မှုနည်းခဲ့ပြီး မြေပြင်ချိန်စောတော့ တောင်သူတွေရဲ့ ဗွီတူးတွေ အခုလို ဈေးကွက်ထဲစောစောဝင်လာတာဖြစ်တယ်လို့ ဆိုပါတယ်။ ဖေဖော်ဝါရီ လဆန်းပိုင်း မုံရွာကုန်စည်ဒိုင်ကုလားပဲဈေးကွက်မှာ ပေါက်ဈေးတွေကတော့ ထိုင်ဝမ်အဟောင်း တစ်တင်း ၂၄၅ဝဝ ကျပ်၊ ဗွီတူးအသစ်တစ်တင်း ၂၃၅ဝဝ ကျပ်နဲ့ ၉၂၉ အဟောင်း တစ်တင်း ၂၅ဝဝဝ ကျပ်အသီးသီးဖြစ်ပေါ်ခဲ့ပါတယ်။ လောလော ဆယ်မှာ ဗွီတူး အသစ်တစ်ရက်ကို တင်း ၃ဝဝခန့် ဝင်ရောက်လျက်ရှိပြီး၊ ဇန်နဝါရီလ အတွင်း ကုလားပဲ တင်ပို့မှုအနေနဲ့ မန္တလေးကို တင်း ၃၂ဝဝ ခန့်နဲ့ ရန်ကုန်ကို တင်း ၉ဝဝခန့် စီးထွက်ခဲ့တယ်လို့ ဈေးကွက်ကဆိုပါတယ်။         ထွန်းလှိုင်