Background
်ဆွတ်ခူး ချိန် နောက်ကျနိုင်တဲ့ ကယားပြည်ရဲ့ ပဲစင်းငုံ ကယားပြည်နယ်ရဲ့ ပဲစင်းငုံကို ယခုနှစ်မှာ ဧက ၁ဝ၁ဝဝ ခန့် စိုက်ပျို းခဲ့ကြောင်းသိရပါတယ်။ ပဲစင်းငုံကို ယခင်နှစ်များက ဧပြီ၊ မေလများမှာ စိုက်ပျိုးကြ ပေမဲ့ ယခုနှစ်မှာ ရာသီတု အခြေအနေအရ ဇွန်၊ ဇူလိုင်လ များမှသာ စိုက်ပျိျုးနိုင်ခဲ့တဲ့ အတွက် ပုံမှန်ဆွတ်ခူးချိန် ဒီဇင်ဘာ၊ ဇန်နဝါရီလများမှာ ဆွတ်ခူးနိုင်ခြင်းမရှိဘဲ ဖေဖော်ဝါရီလမှသာ ဆွတ်ခူးနိုင်မယ်လို့ စိုက်ပျိုးတဲ့ တောင်သူတွေကဆိုပါတယ်။ ယမန်နှစ်က လွိုင်ကော်မြို့မှ ဝယ်လက်ရှိရာ မြို့ကြီးများသို့ တန်ချိန် ၃ဝဝဝ ခန့် တင်ပို့နိုင်ပြီး ယခုနှစ်မှာလည်း ယမန်နှစ်ကထက် မလျော့နည်းဘဲ တင်ပို့နိုင်မယ်လို့ ပဲစင်းငုံအပွင့်များ '' ပန်းပြ'' နေပုံကို ကြည့်ပြီးစိုက်ပျိုးသူ တောင်သူတို့က ပြောကြ ကြောင်း သိရပါတယ်။ TKO
ပဲစင်းငုံ တင်ပို့မှု ဆက်လက်လျော့ကျ၊ ပြည်တွင်း ကြာဇံသမားဝယ နိုဝင်ဘာလ ၃ ရက်မှ ၁ဝ ရက်ထိ တစ်ပတ်အတွင်း ပင်လယ်ရေကြောင်း က ပဲစင်းငုံတန်ချိန် ၃ဝဝ ကျော်သာ တင်ပို့နိုင်ခဲ့ပါတယ်။ ယခင်တစ်ပတ်က တန် ချိန် ၁ဝဝဝ ဝန်းကျင်ကို လျော့ကျခဲ့ရာမှ ယခုတစ်ပတ်မှာ အနည်းဆုံး ပမာဏကို လျော့ကျခဲ့ပါတယ်။ အိန္ဒိယဝယ်လက်များက ဈေးလျှော့အဝယ်ရှိပေမဲ့ ပြည်တွင်း ကုန်သည်များ ဈေးမကိုက်လို့ ထုတ်ရောင်းမှုနည်းတာကြောင့်လို့ သိရပါတယ်။ ပြည်ပတင်ပို့မှု လျော့ကျပေမဲ့ ပြည်တွင်းဈေးကွက် ကြာဇံစက်များကတော့ အခြားပဲ ဈေးတွေထက် ဈေးသက်သာတဲ့ ပဲစင်းငုံကြားကို ဝယ်လိုအားကောင်းနေတယ်လို့ သိရပါတယ်။ ရန်ကုန် FOB ဈေးအနေနဲ့ ယခင်သီတင်းပတ်ဈေးဖြစ်တဲ့ ပဲစင်းငုံနီ တစ်တန်ကို ကန်ဒေါ်လာ ၆၆ဝ-၆၇ဝ နဲ့ ပဲစင်းငုံဖြူနီ၊ အဖြူ တစ်တန်ကို ကန်ဒေါ်လာ ၅၇ဝ-၅၈ဝ ဖြစ်တယ်လို့ သိရပါတယ်။ MIRT - MAPT
လက်ကျန်နည်းလာပြီး ဈေးတက်လာတဲ့ ပြည်ပဲနီပြား ပြည်ဈေးကွက်အတွင်း ပဲမျိုးစုံ လက်ကျန်နည်းလာပြီဖြစ်လို့ ပဲနီပြားမှာ လည်းလက်ကျန်နည်းလာပြီဖြစ်ပါတယ်။ အောက်တိုဘာလအတွင်း လက်လီလက်ကားသမားများဖြင့် အရောင်းသွက်ခဲ့သလို ယခုနိုဝင်ဘာ လဆန်းပိုင်းမှာလည်း လက်ကားထက် လက်လီ ဝယ်ယူသူများဖြင့် အရောင်းအဝယ် ဖြစ်နေကြပါတယ်။ အောက်တိုဘာ နောက်ဆုံးပတ်က တစ်တင်းလျှင် ၂၆ဝဝဝ ကျပ်ဈေးဖြင့် ရောင်းဝယ်ခဲ့ကြပြီး၊ ယခုနိုဝင်ဘာပထမပတ်မှာ တစ်တင်းလျှင် ၂၇ဝဝဝ ကျပ်ဈေးရှိခဲ့လို့ တစ်တင်းကို ၁ဝဝဝ ကျပ်ဈေး မြင့်တက်လာကာ တစ်ရက်လျှင် ၁၅ အိတ်ခန့် အရောင်းအဝယ်ဖြစ်ကြောင်း သိရပါတယ်။ ခင်ဆွေဝင်း
ပဲခူးတိုင်းဒေသကြီးအနောက်မှာ ဘိုကိတ်ပဲစိုက်ပျိုးနေပြီ ပဲခူးတိုင်းဒေသကြီးအနောက်မှာ ဘိုကိတ်ပဲဧက ၂၅ဝဝ ကျော် စိုက်ပျိုးခဲ့ပြီးဖြစ်ကြောင်းသိရပါတယ်။ ပြည်ဈေးကွက်မှာ ဘိုကိတ်ပဲလက်ကျန်များ မရှိသလောက်ဖြစ်ခဲ့ပေမယ့် မျိုးသမားအချို့အဝယ်ရှိခဲ့တာကြောင့် တစ်ရက်ကို ၅ အိတ်ခန့်သာ အရောင်း အဝယ်ဖြစ်ခဲ့ပြီး၊ ဈေးနှုန်းကတော့ တစ်တင်း ၃ဝဝဝဝ ကျပ်ဈေးဖြင့် ယခင်အပတ်အတိုင်း ဈေးငြိမ်နေတယ်လို့ သိရပါတယ်။ ဆုမွန်ဆွေ
ဈေးငြိမ်အရောင်းအဝယ်ဖြစ်နေတဲ့ ပြည် (ကမ်းနား) ပဲကြီး ၂ဝ၁ဝ-၂ဝ၁၁ ခုနှစ်အတွက် ပဲခူးတိုင်းဒေသကြီးအနောက်မှာ ပဲကြီး စိုက်ဧက ၂၉ဝဝဝ ခန့် စိုက်ပျိုးရန် လျာ ထားပြီး ယခုနိုဝင်ဘာလဆန်းထိ ဧက ၅ဝဝ ကျော် စိုက်ပိုျးပြီးဖြစ်တယ်လို့ သိရပါတယ်။ ပဲကြီးမှာ လက်ကျန်များ သေးသော်လည်း၊ ပဲကြီး (ကမ်းနား)သာ အရောင်းအဝယ်ပုံမှန်ဖြစ်ခဲ့ပြီး၊ ပဲကြီး (ရွှေကျွန်း)မှာ တစ်ခါတစ်ရံမှအရောင်းအဝယ်ဖြစ်ပါတယ်။ ပဲကြီး (ကမ်းနား) မှာတစ်တင်းလျှင် ၃ဝဝဝဝ ကျပ်မှ ၃ဝ၅ဝဝ ကျပ်ရှိခြဲ့ပီး၊ ပဲကြော်လုပ်ငန်းသမားများ ပုံမှန်အဝယ်ရှိတာ ကြောင့် တစ်ရက်လျှင် အိတ် ၂ဝဝ ခန့် ရောင်းဝယ်ခဲ့ကြပြီး တင်ပို့မှုအနေနဲ့ အောက်တိုဘာလအတွင်း ရန်ကုန်သို့ အိတ် ၃ဝဝ ကျော် တင်ပို့နိုင်ခဲ့ကြောင်း သိရပါတယ်။ ခင်ဆွေဝင်း
ပဲလွန်းဖြူ အတင် တန် ၂ဝဝ သာ ရှိ ယခင်တစ်ပတ်က ပင်လယ်ရေကြောင်းတင်ပို့မှု တန် ၁ဝဝ အောက်ကျခဲ့တဲ့ ပဲလွန်းဖြူဟာ ယခုတစ်ပတ် (အောက်တို ဘာလ ၂၈ ရက်မှ နိုဝင်ဘာလ ၃ ရက်)အတွင်းမှာ တန်ချိန် ၂ဝဝခန့်တင်ပို့မှုရှိခဲ့ပါတယ်။ အဓိကတင်ပို့တာကတော့ အိန္ဒိယ၊ ထိုင်းနဲ့ ကိုရီးယားတို့ဖြစ်ပါတယ်။ အောက်တိုဘာလ တစ်လလုံးတင်ပို့မှုအနေနဲ့ တန်ချိန် ၈၅ဝ ခန့်သာရှိပြီး စက်တင်ဘာလ တင်ပို့မှုတန်ချိန် ၁၃၆ဝ ထက် လျော့ကျခဲ့သလို ၂ဝဝ၉ ခုနှစ်၊ အောက်တိုဘာလတင်ပို့မှု တန်ချိန် ၁၃ဝဝ ကျော်ထက်လည်း လျော့ကျတာတွေ့ရပါတယ်။ ယခင်နှစ်ထက် အထွက်လျော့ကျတာကြောင့် တင်ပို့မှု လျော့ကျခြင်းဖြစ်တယ်လို့ ကုန်သည် အသိုင်းအဝိုင်းရဲ့ သတင်းများအရ သိရပါတယ်။ ရန်ကုန် FOB ဈေးမှာယခင်တစ်ပတ်အတိုင်း တစ်တန်ကို ကန်ဒေါ်လာ ၈၈ဝ-၈၉ဝ ရှိပြီး အိန္ဒိယမွန်ဘိုင်း ဈေးကွက် မှာလည်း ပဲလွန်းဖြူ (ပဲခူး) တစ်တန်ကို ရူပီး ၄၈၅ဝဝ (ကန်ဒေဝ၉၃)မှာ ငြိမ်နေတယ်လို့ သိရပါတယ်။ MIRT - MAPT
ဈေးမာလာတဲ့ မုံရွာမြေထောက် ယခုအချိန်က မြေထောက်ပဲ စိုက်ပျိုးချိန်ဖြစ်လို့ တောင်သူနဲ့ ကုန်သည်တို့ မှာ လက်ကျန်နည်းနေပြီဖြစ်ပါတယ်။ မုံရွာကုန်စည်ဒိုင်မှာ ၂ဝ၁ဝ ခု အောက်တိုဘာလဆန်းမှာ မြေထောက်ပဲ တစ် ပိဿာ ၈၈၉ ကျပ်မှ အောက်တိုဘာ လကုန်နဲ့ နိုင်ဝင်ဘာဆန်းမှ ၁ဝဝဝ ကျပ်သို့ ဈေးအနည်းငယ်တက်လာပါတယ်။ တိုင်းအတွင်း ကြာဇံစက်များကနေ့စဉ်သုံးစွဲမှုရှိလို့ မုံရွာ ကုန်စည်ဒိုင်မှာ နေ့စဉ်တင်း ၃ဝ ခန့်အရောင်းအဝယ် ဖြစ်ပြီး အောက်တိုဘာ နောက်ဆုံးပတ်အတွင်း မုံရွာမှ မန္တလေးသို့ တင်း ၃ဝဝ ခန့် စီးထွက်ခဲ့ကြောင်း သိရပါတယ်။ သန်းသန်းတင်
ပြည်တွင်းလက်ကျန်နည်းလို့ မြေထောက်ပဲ တင်ပို့မှုလျော့ ယခုတစ်ပတ် (အောက်တိုဘာလ ၂၈ ရက်မှ နိုဝင်ဘာလ ၃ ရက်)အတွင်း ပြည်တွင်းမှာ လက်ကျန်နည်းနေပြီ ဖြစ်တဲ့ မြေထောက်ပဲ တင်ပို့မှုဟာတန်ချိန် ၂ဝဝ ဝန်းကျင်ကိုလျော့ကျလာခဲ့ပါတယ်။ ယခင်သီတင်းပတ်များက တန် ၈ဝဝ ၊ ၄ဝဝ စီတင်ပို့ခဲ့ရာမှ ယခုတစ်ပတ်မှာ ဆက်လက်ကျဆင်းခဲ့ပါတယ်။ အောက်တိုဘာလ တစ်လလုံးတင်ပို့မှုအနေနဲ့ တန်ချိန် ၁၇ဝဝ ကျော်ရှိလို့ စက်တင်ဘာလမှာ တင်ပို့ခဲ့တဲ့ တန်ချိန် ၇ဝဝ ထက် သိသိသာသာပိုခဲ့သလို ၂ဝဝ၉ ခုနှစ် အောက်တိုဘာလ တင်ပို့မှုတန်ချိန် ၉၅ဝ ခန့်ထက်လည်း ပိုမိုတာတွေ့ရပါတယ်။ နိုင်ငံတကာကို မြေထောက်ပဲအများဆုံးတင်ပို့နေတဲ့ တရုတ်က အထွက်လျော့ တာကြောင့် ယခုနှစ် မြေထောက်ပဲတင်ပို့မှုက ယခင်နှစ်တွေထက် အားကောင်းနေတာ တွေ့ရပါတယ်။ လက်ကျန်နည်းလာပြီဖြစ်ပေမဲ့ ဈေးနှုန်းအနေနဲ့ ငြိမ်နေတာတွေ့ရပြီး နိုဝင်ဘာလ ၄ ရက်နေ့ ရန်ကုန် FOB ဈေးမှာလည်း ယခင်တစ်ပတ်ဈေးအတိုင်း တစ်တန်ကို ကန်ဒေါ်လာ ၆၈ဝ-၆၉ဝ ဖြစ်ပါတယ်။ အိန္ဒိယနိုင်ငံမွန်ဘိုင်း ဈေးကွက်မှာ လည်း unpolished တစ်တန် ကန်ဒေါ်လာ ၃၇ဝဝဝ (ကန်ဒေါ်လာ ၈၃၄ )နဲ့ polished တစ်တန်ကို ကန်ဒေါ်လာ ၃၉ဝဝဝ (ကန်ဒေါ်လာ ၈၇၉) ဈေးဖြစ်တယ်လို့ သိရပါတယ်။ MIRT - MAPT
ဒီပါဝလီပွဲတော်အတွက် အဝယ်အနည်းငယ်ရှိလို့ ကုလားပဲဈေးမြင့်တက် အိန္ဒိယဈေးကွက်အများစုမှာ အစောပိုင်းရက်များက ကုလားပဲအပါအဝင် ပဲမျိုးစုံဝယ်လိုအားနည်းတာကြောင့် အရောင်းအဝယ်အေးတဲ့အတွက် ကုလားပဲဈေး မှာ တစ်တန်ကို ရူပီး ၂၁၅ဝဝ -၂၁၆ဝဝ (ကန်ဒေါ်လာ ၄၈၅-၄၈၇) နဲ့ ငြိမ်နေခဲ့ပါ တယ်။ ဒါပေမဲ့ ဒီပါဝလီပွဲတော်နီးကပ်လာပြီဖြစ်လို့ အဝယ်အနည်းငယ်ရှိလာတဲ့ အတွက် အရောင်းအဝယ်သွက်ပြီး တစ်တန်ကို ရူပီး ၂၁၇၅ဝ (ကန်ဒေါ်လာ ၄၉၁) ကို အနည်းငယ်တိုးတက်ခဲ့တယ်လို့ သိရပါတယ်။ ဒါ့အပြင် ဝယ်လိုအားခိုင်မာလာတဲ့အတွက် ကုလားပဲကြိုပွိုင့်ရောင်းဝယ်မှု ကလည်း ဆက်လက်အား ကောင်းလာခဲ့ပါတယ်။NCDEX ကုန်စည်ဒိုင်မှာ နိုဝင်ဘာလ စာချုပ်ဈေးဟာ တစ်တန်ကို ရူပီး ၃ဝဝ (ကန်ဒေါ်လာ ၆ ဒသမ ၇၇) မြင့်တက်ပြီး ရူပီး ၂၄၁၇ဝ (ကန်ဒေါ်လာ ၅၄၅) ဈေးဖြစ်ခဲ့ပါတယ်။ ကုလားပဲ ကြိုပွိုင့်ဈေးမြင့်တက်ရတဲ့ အကြောင်းရင်းတွေထဲမှာ သြစတြေးလျနဲ့ ကနေဒါတို့မှာ ပဲအထွက်လျော့ကျမယ့် မျှော်လင့်ချက်ကလည်း တစ်ချက်ဖြစ်တယ်လို့ သိရပါတယ်။ ကုန်သွယ်ရေးကျွမ်းကျင်ရှင်များရဲ့ ပြောကြားချက်အရ ယခုနှစ် ပဲအထွက်မြင့်တက်ဖွယ်ရှိတယ် ဆိုပေမဲ့ ကုလားပဲစိုက်ပျိုးရေး တိုးတက်မှု နှေးကွေး ခြင်းနဲ့ အခြားသီးနံှများကို ပြောင်းလဲစိုက်ပျိုးဖွယ်ရှိခြင်းတို့ကြောင့်လည်း ဈေးမြင့်တက် ခြင်းဖြစ်တယ်လို့ ဆိုပါတယ်။ ၂ဝ၁ဝ-၂ဝ၁၁ ရာသီမှာ ကုလားပဲတန်ချိန် ၇ ဒသမ ၆ သန်း ခန့် ထွက်ရှိမယ်လို့ ခန့်မှန်းထားပြီး ၂ဝဝ၉-၂ဝ၁ဝ မှာ တန်ချိန် ၇ ဒသမ ၃၅ သန်းထွက်ရှိခဲ့တယ်လို့ သိရပါတယ်။ ယမင်းခင်၊ှSources: thehindunbusiness
မကွေးနဲ့ ပခုက္ကူမှာလည်း ဝယ်အားကောင်း ဈေးကွက်အတွင်း ကုလားပဲဈေးမှာ ယခင်အပတ်မှစလို့ တက်ဈေးနဲ့ ပဲခွဲစက်များမှ အပြိုင်ဆွဲယူကာ ဝယ်လိုအားကောင်းခဲ့ပါတယ်။ ယခုတစ်ပတ်အတွင်း ပေါက်ဈေးအနေနဲ့ ပခုက္ကူတွင် ဗွီတူး တစ်တင်း ၂၃ဝဝဝ ကျပ်-၂၄ဝဝဝ ကျပ်၊ ကုလားပဲ(တိုင်ပေ) ၂၃ဝဝဝ ကျပ်-၂၃၂ဝဝ ကျပ်၊ မကွေးဈေးကွက်တွင် ကုလားပဲ(တိုင်ပေ) တစ်တင်း ၂၃၅ဝဝ ကျပ်မှ ၂၄ဝဝဝ ကျပ်တို့ဖြင့် ဆက်လက် ဈေးမာခဲ့ပါတယ်။ ပခုက္ကူဈေးကွက်မှာ ကုလားပဲမျိုးစုံတစ်ရက်ကို အိတ် ၁ဝဝ နဲ့ အထက် နေ့စဉ်အရောင်းအဝယ်ဖြစ်ခဲ့သလို မကွေးဈေးကွက်မှာလည်း ကုလားပဲ (တိုင်ပေ)ကို နေ့စဉ် ၁၅ဝ အိတ်ဖြင့် အရောင်းအဝယ်ဖြစ်ခဲ့ပါတယ်။ တင်တင်လ