အောင်ပန်းချင်း (ဥမ) ထက်နောက်ကျတဲ့ ဟိုပုံးချင်းဥမတွေလည်း ဈေးကွက်ကို ဝင်လာပါပြီ။ ဒါပေမဲ့ ဒီနှစ်က အများကြီးဝင်မလာဘဲ၊ တောင်သူတွေက ငွေလို သလောက်သာဖော်ပြီး ရောင်းကြတယ်လို့ သိရပါတယ်။ အလုပ်သမားခတွေ ဈေး ကြီးတာကြောင့် တွက်ခြေသိပ်မကိုက်လို့ မဖော်ကြတာလည်းပါတယ်လို့ ဆိုပါတယ်။ ချင်းတက်တွေပေါ်ချိန်မှသာ ဖော်ကြတော့မယ်လို့လည်း သိရပါတယ်။

ပြည်ပကို သြဂုတ်လ ၅ ရက်မှ ၁၁ ရက်နေ့တာကာလအတွင်း ချင်း ၅၂ တန်ကို ပင်လယ်ရေကြောင်းကုန်သွယ်မှုလမ်းမှတစ်ဆင့် စင်ကာပူနိုင်ငံကို တင်ပို့ခဲ့ ပါတယ်။ ချင်းက ဒီတစ်ပတ်နဲ့ဆိုရင် သုံးပတ်ဆက်တိုက်မှန်မှန်တင်ပို့နိုင်ခဲ့တာ တွေ့ရ ပါတယ်။ ချင်းကို ပြန်လည်တင်ပို့နိုင်ခဲ့တာက ဇူလိုင်လတတိယပတ်မှစပြီး ပြန်လည် တင်ပို့နိုင်ခဲ့တာဖြစ်ပါတယ်။ ဒီတစ်ပတ် ၅၂ တန်တင်ပို့နိုင်ခဲ့သလို ယခင်တစ်ပတ် ကလည်း ၅၂ တန်သာတင်ပို့ခဲ့ပါတယ်။ FOB ဈေးကလည်း ယခင်တစ်ပတ်နည်း တူတစ်တန်ကို ကန်ဒေါ်လာ ၁၄၄၀ ဝန်းကျင်ပဲ ရရှိခဲ့လို့ စုစုပေါင်းပို့ကုန်ဝင်ငွေ ကန်ဒေါ်လာခုနှစ်သောင်းကျော်ရရှိခဲ့ပါတယ်။                               MIRT (DOT)

သြဂုတ်လဆန်းကစပြီး ကယားပြည်နယ် လွိုင်ကော်ဈေးကွက်ကို မိုးပဲတီစိမ်း အသစ်တွေ စတင် ဝင်ရောက်ခဲ့ပြီး၊ ပဲတီစိမ်းတစ်ပိဿာကို ၇၈၀ ကျပ် - ၈၀၀ ကျပ်နဲ့ ဈေးကွက်စတင်ခဲ့ပေမယ့် သြဂုတ်လ ဒုတိယ အပတ်မှာတော့ ပဲတီစိမ်း အသစ်တွေ အဝင်လှိုင်လာသလို တစ်ပိဿာကို ၈၂၀ ကျပ် - ၈၃၀ ကျပ်နဲ့ ဈေး ကလည်း မာလာတာတွေ့ရ ပါတယ်။ ကယားပြည်နယ်မှာ ပဲတီစိမ်းကို ဒီမော့ဆိုးမြို့နယ်က အများဆုံးစိုက်ပျိုး ထွက်ရှိပြီး၊ ဒီနှစ် မိုးပဲတီစိမ်း စိုက်ပျိုးရာမှာ အထွက်နှုန်းလည်းကောင်းပြီး၊ ဈေး ကလဲကောင်းတာကြောင့် ငွေကျပ် ၃ သိန်းခန့် အကျိုးအမြတ် ရရှိခဲ့လို့ မိုးစပါး အတွက် စိုက်စရိတ်နဲ့ သွင်းအားစုဓာတ်မြေသြဇာဝယ်ဖို့ စိတ်ပူစရာမလိုတော့ဘူးလို့ ဆောင်ဒူရွာသစ် ကျေးရွာအုပ်စု ပူဖါးကျေးရွာက ပဲတီစိမ်း ၃ ဧကစိုက်ပျိုးခဲ့သူ တောင်သူ ဦးမောင်စိန်ရဲ့အဆိုအရ သိရပါတယ်။မင်းအောင်

မြန်မာ-တရုတ်နယ်စပ်ရှိ မူဆယ် ၁၀၅ မိုင်ကုန်သွယ်ရေးဇုန်မှ ကန်ဒေါ်လာ သုည ဒသမ ၆၅၅ သန်းတန်ဖိုးရှိ ပဲတီစိမ်းလုံးပြည့် ၈၅၄ တန်ခန့်နဲ့ ကန်ဒေါ်လာ သုည ဒသမ ၀၆၈ သန်းတန်ဖိုးရှိ ပဲတီစိမ်းလုံးခြမ်း ၇၁ တန်ကျော်ကို   သြဂုတ်လ ၈ ရက်မှ ၁၄ ရက်ထိကာလအတွင်းမှာ အပို့ရှိခဲ့ပါတယ်။ ယခင်အပတ်က အပို့ မရှိခဲ့တဲ့လုံးခြမ်းများ ယခုအပတ်မှာတင်ပို့မှုရှိခဲ့သော်လည်း လုံးပြည့်တင်ပို့မှုကတော့ ယခင်အပတ်ကထက် ၂၂၉ တန်ခန့် လျော့နည်းခဲ့ ပါတယ်။