မုံရွာကုန်စည်ဒိုင် ဆီထွက်သီးနှံ ဈေးကွက်မှာ ပြီးခဲ့တဲ့ ဆောင်းနှမ်းပေါ်စ ဇန်နဝါရီလကတည်း က ဈေးမာနေ တဲ့ နှမ်းမျိုးစုံဟာ မေလဆန်းဈေးကွက်ထိ ဆက်လက်ခိုင်မာမြင့်မားလျက်ရှိပါတယ်။ မေလ ပထမပတ်မှာ နှမ်းညို တစ်တင်း ၃၅၅၀၀ ကျပ်၊ နှမ်းနီတစ်တင်း ၃၇၀၀၀ ကျပ်နဲ့ နှမ်းဖြူ တစ်တင်း ၄၀၅၀၀ ကျပ် ထိ စံချိန်တင် အမြင့်ဆုံး ပေါက်ခဲ့ပါ တယ်။ တောင်သူပွဲစားနဲ့ ကုန်သည် လက်ဝယ်မှာနှမ်းလက်ကျန်မရှိသလောက် လျော့နည်းနေလို့ ဝယ်လိုအားရှိ သလောက် မရောင်းနိုင်သလို ဒေသခံ ဆီစက်သမားတွေလည်း ကုန်ကြမ်း အတွက် အဝယ်ခက်နေတယ်လို့ ဆိုပါ တယ်။ နှမ်းဖြူဈေးလည်း တစ်ပိဿာ ၄၄၀၀ ကျပ်နဲ့ အမြင့်ဈေးမှာ တန့်နေပြီး၊ ပဲဆီဈေးက တစ်ပိဿာ ၃၄၅၀ ကျပ်၊ စားအုန်းဆီ တစ်ပိဿာ ၁၅၄၀ ကျပ်မှာ ငြိမ်နေပါတယ်။မုံရွာခရိုင်အနီး တစ်ဝိုက် မှာ မေလဆန်းပိုင်းက မိုးသက်လေပြင်း ကျရောက်ခဲ့ပေမယ့် လိုအပ်သလောက် မိုးရေမရလို့ ကျည်းတော ရွာတွေမှာ နှမ်း မစိုက်နိုင်သေးဘူးလို့ တောင်သူ ရပ် ကွက်က ဆိုပါတယ်။ ရေဝင်ပိုင်းဖြစ် တဲ့ အောက်တော ဒေသေ တွမှာတော့ ယခုအခါ မိုးကြိုနှမ်းတွေစိုက်ပြီး သွား ပြီလို့ သိရပါတယ်။ မြေအောက်ရေနဲ့ ကိုယ်ပိုင်တွင်းရှိတဲ့ ကျည်းတောတွေ မှာတော့ မိုးနှမ်းအချို့ စိုက်နိုင်ခဲ့ကြပြီး၊ နှမ်းနက်မျိုးစေ့တစ်တင်း ဟာ ၄၈၀၀၀ ကျပ်ထိ ရှိခဲ့တယ်လို့ နှမ်းတောင်သူ တွေ ထံမှ ကြားသိရပါတယ်။ နွေနှမ်းအနေနဲ့ မစိုက်ပျိုးမီရေ တစ်ကြိမ်သွင်းဖို့နဲ့ စိုက် ပြီးတစ်လခန့်အကြာမှာ ရေတစ်ကြိမ် သွင်းရုံနဲ့ သီးနှံအောင်မြင်နိုင်မှာဖြစ်သလို ယခုတောင်သူ အများစု စိုက်ပျိုးကြတဲ့ နှမ်းနက်ဟာ ဆင်းရတနာ - ၃ မျိုး ဖြစ်ပြီး၊ တစ်ပြည်နှစ်ပြည်ကြဲဆိုရင် ရေ သွင်းမှန်ပါက ၁၈ တင်းခန့်ထွက်လို့ စမ်း သပ်စိုက်ပျိုးသူ များပြားကြောင်း စိုက် ပျိုးရေးလောက က ကြားသိရပါတယ်။ထွန်းလှိုင် - မုံရွာ

မန်းဆီထွက်သီးနှံ ဈေးကွက်မှာ သြင်္ကန်မတိုင်မီက နှမ်းဖြူတစ်ပိဿာ ၂၆၀၀ ကျပ်မှ ၂၆၂၂ ကျပ်(၃ တင်း တစ်အိတ်) ၁၇၀၀၀၀ ကျပ်မှ ၁၁၈၀၀၀ ကျပ်၊ နှမ်းညိုတစ်ပိဿာ ၂၃၅၆ ကျပ်မှ ၂၃၇၈ ကျပ်(၃ တင်းတစ်အိတ် ၁၀၆၀၀၀ ကျပ်မှ ၁၀၇၀၀၀ ကျပ်)၊ နှမ်းနက် တစ်ပိဿာ ၂၆၆၇ ကျပ်(၃ တင်း တစ်အိတ် ၁၂၀၀၀၀ ကျပ်)၊ ဆီ နေကြာ တစ်ပိဿာ ၈၈၉ ကျပ်မှ ၉၂၆ ကျပ်(၃ တင်းတစ်အိတ် ၂၄၀၀၀ ကျပ်မှ ၂၅၀၀၀ ကျပ်)၊ ပန်းနှမ်းတစ်ပိဿာ ၁၀၈၉ ကျပ်မှ ၁၁၁၁ ကျပ်(၃ တင်း တစ်အိတ် ၄၉၀၀၀ ကျပ်မှ ၅၀၀၀၀ ကျပ်)၊ အညာဆီဆန် တစ်ပိဿာ ၁၆၅၀ ကျပ်မှ ၁၆၇၅ ကျပ်၊ ကျွန်းဆန် ၁၆၂၅ ကျပ်မှ ၁၆၅၀ ကျပ်နဲ့ အရောင်း အဝယ်ဖြစ်ခဲ့ပါတယ်။သြင်္ကန်အပြီး ဧပြီ လနောက်ဆုံးပတ်မှာတော့ နှမ်းဖြူ တစ် ပိဿာ ၂၇၁၁ ကျပ်မှ ၂၈၄၄ ကျပ်(၃ တင်းတစ်အိတ် ၁၂၂၀၀၀ ကျပ်မှ ၁၂၈၀၀၀ ကျပ်)၊ နှမ်းညိုတစ်ပိဿာ ၂၄၀၀ ကျပ်မှ ၂၄၄၄ ကျပ်(၃ တင်း တစ်အိတ် ၁၀၈၀၀၀ ကျပ်မှ ၁၁၀၀၀၀ ကျပ်)၊ နှမ်းနက် တစ်ပိဿာ ၂၆၆၇ ကျပ် (၃ တင်းတစ်အိတ် ၁၂၀၀၀၀ ကျပ်)၊ အညာဆန် ၁၆၅၀ ကျပ်မှ ၁၇၀၀ ကျပ်၊ ကျွန်းဆန် ၁၆၀၀ ကျပ်မှ ၁၆၅၀ ကျပ်နဲ့ ဈေးမြင့်အရောင်းအဝယ် ဖြစ်လာတယ်လို့ ကုန်သည်များမှ ပြော ပါတယ်။

မန်းဆီဈေးကွက်အနေနဲ့ ဧပြီလ နောက်ဆုံးပတ်မှာ ပဲဆီတစ်ပိဿာ ၃၂၀၀ ကျပ်မှ ၄၀၀၀ ကျပ်၊ နှမ်းဆီ ၃၈၀၀ ကျပ်မှ ၄၂၀၀ ကျပ်၊ စားအုန်းဆီ ၁၅၃၅ ကျပ်မှ ၁၅၅၀ ကျပ်နဲ့ အတက် အကျ အနည်းငယ်နဲ့ ဈေးငြိမ်နေတယ် လို့ဆီကုန်သည်များမှပြောပါတယ်။ပဲဖတ် တစ်ပိဿာ ၈၇၀ ကျပ်မှ ၈၉၀ ကျပ်၊ နှမ်းဖတ်တစ်ပိဿာ ၁၀၅၀ ကျပ် မှ ၁၁၀၀ကျပ်နဲ့ အရောင်းအဝယ် သွက် ကြောင်း၊ မန်းတိုင်း ဆီဈေးကွက်ကို တစ်ပတ်အတွင်း စားအုန်းဆီ တန် ၄၅၀ မှ ၅၀၀ ကြား ဆီပိဿာချိန် ၂၅၀၀၀၀ မှ ၃၀၀၀၀၀ ပုံမှန်အဝင်ရှိတယ်လို့ ဂိတ် ဖြတ်စာရင်းများအရ သိရပါတယ်။ မန်း နှမ်း မျိုးစုံဈေးကွက်မှာ ပစ္စည်းလက် ကျန်များ နည်းနေကြောင်း၊ နွေနှမ်းနက် များ အနေနဲ့ ဧပြီနောက်ဆုံးပတ် မိုး ကြောင့် အောင်မြင်ဖြစ်ထွန်းမှုအား ကောင်းပြီး၊ အထွက်စောပြီး ဈေးကွက် ဝင်ရောက်နိုင်တယ်လို့ နှမ်းကုန်သည် များမှ သုံးသပ်နေကြပါတယ်။နိုင်ထွန်း - မန္တလေး
 

မြန်မာ-တရုတ်နယ်စပ်ရှိ မူဆယ် ၁၀၅ မိုင်ကူးသန်းရောင်းဝယ်ရေးဇုန်မှ သြင်္ကန်နဲ့ မြန်မာနှစ်သစ်ကူးကာလ အလွန်ဧပြီလ၁၇ရက်မှ ၂၃ ရက် အတွင်း ကန်ဒေါ်လာ သုည ဒသမ ၀၆၄ သန်း တန်ဖိုးရှိတဲ့ နှမ်းနက် ၃၃ တန် ကျော် တစ်မျိုးတည်းသာ တင်ပို့ခဲ့တာတွေ့ ရပါတယ်။ ယခင်အပတ်ကနှမ်းနီ ၆၆ တန်၊ နှမ်းဖြူ ၂၅ တန်ကျော်နဲ့ နှမ်းနက် ၃ တန် တင်ပို့ခဲ့တဲ့အတွက် ယခုအပတ် မှာ နှမ်းတင်ပို့မှု ၆၁ တန်လျော့နည်း သွားပါတယ်။ နှမ်းကုန်တက် နည်းတဲ့ အတွက် နှစ်နိုင်ငံမြေပြင်ပေါက်ဈေး ကို ကြည့်လျှင် နှမ်းဖြူရောနှမ်းနက်ဈေးပါ ယခင်အပတ်ထက် ဈေးပိုမိုနေတာတွေ့ ရပါတယ် -

မြန်မာ-တရုတ်နယ်စပ်ရှိ ချင်းရွှေ ဟော် ကူးသန်းရောင်းဝယ်ရေးစခန်းမှ ဧပြီလ ၁၇ ရက်မှ ၂၃ ရက်တာ ကာလ မှာ ကန်ဒေါ်လာ သုည ဒသမ ၀၁၇ သန်းတန်ဖိုးရှိ ပဲပုပ်ဆီ ၁၅ တန် တင် သွင်းခဲ့ပါတယ်။ ယခင်အပတ်က ပဲပုပ် ဆီ တင်သွင်းခြင်းမရှိခဲ့ပါဘူး။ ချင်းရွှေ ဟော်မှ ၂၀၁၂ ခုနှစ် ဒီဇင်ဘာလမှစပြီး ပဲပုတ်ဆီ ၅၆ တန်ကျော် စတင်တင် သွင်းခဲ့ရာ ၂၀၁၃ ခုနှစ် ဇန်နဝါရီလမှ မတ်လကုန်ထိ ၅၈၇ တန်ကျော် တင် သွင်းနိုင်ခဲ့ပြီးဖြစ်ပါတယ်။ ပဲပုပ်ဆီကို ရှမ်းပြည်နယ်နဲ့ ကချင်ပြည်နယ်တို့မှာ ဟင်းချက်ဆီအဖြစ် အသုံးပြုကြတာလို့ သိရပါတယ်။မော်မော်အောင်MIRT (DCCA)