အရောင်းအဝယ်မှန် ဈေးငြိမ်နေတဲ့ ဟင်္သာတ ပဲပုပ်                   ဟင်္သာတ ပဲပုပ်ဈေးကွက် ဟာ ဇန်နဝါရီလ နောက်ဆုံးပတ်မှာ ပိဿာ ၂ဝ တစ်တင်းကို ကျပ် ၁၅၄ဝဝ ဈေးဖြင့် အရောင်းအဝယ်ဖြစ်ခဲ့ပြီး၊ ယခုဖေဖော်ဝါရီလ ပထမပတ်တွင် တစ်တင်းမှာကျပ် ၁၅၆ဝဝ ဈေး ထိ တက်လာပါတယ်။ ဒေသတွင်း အရောင်း အဝယ်မှာလည်း အိတ် ၃ဝဝ ခန့် နေ့စဉ်ပုံမှန်ရှိနေပြီး၊ ယခင်နှစ်ဈေး နှင့် နှိုင်းယှဉ်ကြည့်လျှင် ဈေးကောင်း ရနေပါတယ်။တင်ပို့မှုအနေနဲ့ ရန်ကုန် ဈေးကွက်သို့ နေ့စဉ် တစ်တင်းခွဲ ဝင် အိတ် ၅ဝဝ ခန့် တင်ပို့ခဲ့တယ်လို့ သိရ ပါတယ်။ အေးအေးခိုင်

နှစ်သစ်ကူးကာလဖြစ်လို့ နယ်စပ်အပို့ ဒီတစ်ပတ် အားပျော့         ဇန်နဝါရီလ ၂၆ ရက်မှ ဖေဖော်ဝါရီလ ၁ ရက်ထိကာလအတွင်း မြန်မာတရုတ်နယ်စပ်ရှိ မူဆယ် ၁ဝ၅ မိုင်ကုန်သွယ်ရေးဇုန်မှ ကန်ဒေါ်လာ ဝ ဒသမ ၄၇၉ သန်းတန်ဖိုးရှိ နှမ်းရောင်စုံ ၃၁၇ တန်တင်ပို့နိုင်ခဲ့ပြီး ယခင်အပတ်ကထက် တန်ချိန် ၇၇၃ တန်လျော့နည်းတင်ပို့ခဲ့ပါတယ်။နှစ်ကူးကာလမတိုင်မီရှေ့နှစ်ပတ်က နှမ်းတင်ပို့မှုများခဲ့ပေမဲ့ယခုအပတ်မှာတော့ နှစ်သစ်ကူးပွဲတော်ချိန် အလုပ်များ စတင်နားနေကြပြီဖြစ်လို့ နှမ်းတင်ပို့မှု လျော့နည်းခဲ့ရပါတယ်။စစ်ကိုင်း၊ မန္တလေးနဲ့ မကွေးတိုင်း ဒေသကြီးတွေက ထွက်ရှိတဲ့နှမ်းများကို တင်ပို့ နေခြင်းဖြစ်ပါတယ်။ ယခုအပတ်နှမ်းဖြူ ၁ဝ တန်၊ နှမ်းနက် ၂၁၈ တန်ကျော်နဲ့ နှမ်းဖြူ အခွံချွတ် ၈၈ တန်ကျော် တင်ပို့ခဲ့ပါတယ်။ရွှေလီဈေးမှာတော့ နှမ်းဖြူတစ်တန် ယွမ် ၈၆ဝဝ မှ ၁ဝဝဝဝ နဲ့ နှမ်းနက်တစ်တန် ယွမ် ၁ဝ၅ဝဝ မှ ၁၂၅ဝဝ မှာတန့်နေတယ်လို့ သိရ ပါတယ်။ မိမိဘက်နဲ့ တစ်ဘက်နိုင်ငံမြေပြင်နှမ်းပေါက်ဈေးများကို ဖော်ပြ ပေး လိုက်ရပါတယ် -                                             မိမိဘက်(ကျပ်/တန်)                 တစ်ဘက်နိုင်ငံ(ဒေါ်လာ/တန်)                   ယခု             ယခင်      ပြောင်းလဲမှု       %       ယခု      ယခင်      ပြောင်းလဲမှု      % နှမ်းဖြူ     ၁၁၉၄၉၉၃   ၁၂၁၉ဝ၈၂        ၂၄ဝ၈၉        ၂       ၁၄၁ဝ    ၁၄ဝ၇           ၃           ဝ .၂နှမ်းနက်   ၁၅၉၂၅၄၇    ၁၆၃၂၄၄၇        ၃၉၉ဝဝ     ၂ .၅     ၁၇၉ဝ    ၁၇၈၇          ၃            ဝ .၂MIRT (DOBT)

ယခင်နှစ်ထက် ဈေးကောင်းရနေတဲ့ပြည်ပဲပုပ်                ပဲပုပ်သီးနံှမှာ ယခင်နှစ် ဇန်နဝါရီလတွင် တစ်တင်းကို ၁၃ဝဝဝ ကျပ်ဖြင့် အရောင်းအဝယ်ဖြစ်ခဲ့ပြီး၊ ယခုနှစ်မှာတော့ ပဲပုပ်ပိဿာ ၂ဝ တစ်တင်းကို ၁၅၅ဝဝ ကျပ်ဖြင့် ပြည်ဈေး ကွက်မှာ အရောင်းအဝယ်ဖြစ်ကြောင်း သိရပါတယ်။ ၂ဝ၁ဝ ပြည့်နှစ် ဇန်နဝါရီ လဈေးနဲ့ နှိုင်းယှဉ်ကြည့်ရင် ဈေးကောင်း ရနေသလို ယခင်တစ်ပတ်ဈေးနဲ့ နှိုင်းယှဉ်ကြည့်ရင်လည်း တစ်တင်းကို ၅ဝဝ ကျပ် မြင့်တက်လာပါတယ်။ တိုင်းအတွင်းရှိ ပေါက်ခေါင်း၊ ပန်းတောင်း မြို့နယ်များမှ နေ့စဉ်အဝင်ရှိပြီး၊ ပြည်ဈေးကွက်မှာ ပဲပုပ်အရောင်း အဝယ်ပါးကာ အိတ် ၄ဝ-၅ဝ ဝန်းကျင် သာ အရောင်းအဝယ်ဖြစ်ကြောင်းသိရ ပါတယ်။             ဆုမွန်မွန်ဆွေ 

ဈေးအေးပြီး အရောင်းအဝယ် သွက်နေတဲ့ ဟင်္သာတပဲပုပ်          ဟင်္သာတ ပဲပုပ်ဈေးကွက် ဟာ ဇန်နဝါရီလတတိယပတ်မှာ ပိဿာ ၂ဝ တစ်တင်းကို ၁၅၇ဝဝ ကျပ်နဲ့ အရောင်းအဝယ်ဖြစ်ခဲ့ပြီး၊  ယခုဇန်နဝါရီ နောက်ဆုံးပတ်မှာ တစ်တင်းကို ၁၅၄ဝဝ ကျပ်သို့ ဈေးအေးလာပါတယ်။ ဈေး အေးပေမဲ့ ဒေသတွင်းအရောင်း အဝယ် ဖြစ်မှုမှာ ယခင်အပတ်ထက် နေ့စဉ် အိတ် ၂ဝဝ-၃ဝဝ ခန့် တိုးလာကာ ပဲပုပ် တစ်တင်းခွဲအိတ် ၅ဝဝ ဝန်းကျင် အရောင်းအဝယ်သွက်နေတယ်လို့ သိရပါတယ်။ တင်ပို့မှုအနေနဲ့ ရန်ကုန်ဈေး ကွက်ကို နေ့စဉ် တစ်တင်းခွဲဝင်အိတ် ၅ဝဝ ခန့် တင်ပို့တယ်လို့ သိရပါတယ်။                                                                                       အေးအေးခိုင်