Background
တမူးနယ်စပ်မှ ကွမ်းသီးတင်ပို့မှုမှ ကျပ်သန်းရာကျော်ရရ မြန်မာ-အိန္ဒိယနယ်စပ်ရှိ တမူးနယ်စပ် ကုန်သွယ်ရေး စခန်းမှ တစ်ဆင့် တစ်ဖက်အိန္ဒိယနိုင်ငံသို့ ကွမ်းသီး အစို ၅၃ တန်ကျော်နဲ့ ကွမ်းသီးခြောက် ၉၆ တန် တန်ဖိုးအားဖြင့် ကျပ် ၁၁၁ သန်းကျော်ဖိုး အောက်တိုဘာလ အတွင်းမှာ တင်ပို့နိုင်ခဲ့ပါ တယ်။ ယမန်နှစ်ကာလတူမှာ ၁၁၂ တန် ကျပ်သန်း ၁ဝဝ ဖိုးနဲ့ အနီးစပ်ဆုံးကာလ ဖြစ်တဲ့ စက်တင်ဘာလမှာ ၄၉ တန် ကျပ် ၂၃ သန်းကျော်ဖိုး တင်ပို့နိုင်ခဲ့တဲ့အတွက် ကွမ်းသီး တင်ပို့မှုများ တိုးတက်လျက်ရှိပါတယ်။ Source: နကသ (တမူး)၊DOBT (MIRT)
ASEAN+3 ပူးပေါင်းဆောင်ရွက်ရေးမှာ တရုတ်နိုင်ငံမှ ရန်ပုံငွေဒေါ်လာသိန်း ၁၃ဝ ထည့်ဝင်သွားမည် အရှေ့တောင်အာရှဒေသနိုင်ငံများဖြစ်တဲ့ တောင်ကိုရီးယား၊ ဂျပန်နဲ့ အာဆီယံနိုင်ငံများရဲ့ နိုင်ငံတကာ ခေါင်းဆောင် များ ပါဝင်တဲ့ (၁၃) ကြိမ်မြောက် ဒေသဖွံ့ဖြိုးတိုးတက်ရေးဆိုင်ရာဆွေးနွေးပွဲကို ဗီယက်နမ်နိုင်ငံ၊ ဟနွိုင်းမြို့မှာကျင်းပခဲ့ရာ (ASEAN +3) နိုင်ငံရဲ့ လွတ်လပ်သောစီးပွားရေးဇုန်ဖော်ဆောင်ရာမှာ လယ်ယာကဏ္ဍ၊ အခြေခံအဆောက်အဦ၊ ကမ္ဘာ့ ပတ်ဝန်းကျင်ပူနွေးလာမှုပြုပြင်ပြောင်းလဲရေးများကို လေးနက်ငြိမ်းချမ်းစွာ ပူးပေါင်း ဆောင်ရွက်သွားကြမယ်လို့ သတင်းရရှိပါ တယ်။ ထိုသို့ ဆောင်ရွက်ရာမှာ နှစ်ဦးနှစ်ဘက်အကျိုးတူ ဖွံ့ဖြိုးတိုးတက်လာရေးနဲ့အတူ နယ်စပ်ကုန်သွယ်မှုများ တိုးတက် မြင့်မားရေးကိုလည်း အကောင်အထည်ဖော်ဆောင်သွားရန် သဘောတူညီကြတယ်လို့ သတင်းမှာ ဖော်ပြထားပါတယ်။ (ASEAN +3) နိုင်ငံတို့နဲ့ ပူးပေါင်းဆောင်ရွက်မှု အစီအစဉ်များရဲ့ ရှေ့ပြေးအနေနဲ့ လယ်ယာကဏ္ဍဖွံ့ဖြိုးတိုးတက်စေရန် ခေတ်မီနည်းစနစ်နဲ့ငွေကြေးဆိုင်ရာ လွတ်လပ်ပွင်းလင်းတဲ့ဈေးကွက်ဖွင့်လှစ်နိုင်ရေး၊ စီးပွားရေးဖွံ့ဖြိုးတိုးတက်ရေးတို့အတွက် တရုတ်နိုင်ငံမှ သီးသန့်ရန်ပုံငွေ ဒေါ်လာသိန်းပေါင်း ၁၃ဝ တိုးမြှင့် ပါဝင်သွားမယ်လို့ သိရှိရပါတယ်။ ှSource:ချွန်းချိန်ဝမ်ပေါင်သတင်းစာ၊သောင်းနိုင်
လယ်ယာလုပ်ငန်းကဏ္ဍ၏ ထုတ်ကုန်ပစ္စည်းနှုန်းထားများ တိုးမြင့်လာ ၂ဝ၁ဝ စက်တင်ဘာလနဲ့အောက်တိုဘာလအတွင်း မြို့ပြခရိုင်ပေါင်း ၃၆ ခုမှာ ဟင်းသီးဟင်းရွက်၊ ဆန်စပါး၊ စားသုံးဆီ၊ အသားငါးနဲ့ သစ်သီးစတဲ့ အမယ် ၃ဝ ခန့်ရဲ့ ကုန်ဈေးနှုန်းနဲ့ ဖြန့်ဖြူးရောင်းချမှုကို လေ့လာ စိစစ်ခဲ့ရာမှာ အမယ် ၂၄ မျိုးက ကုန်ဈေးနှုန်းမြင့်တက်လျက်ရှိတယ်လို့ တွေ့ရှိခဲ့ကြပါတယ်။ ဟင်းသီးဟင်းရွက် စားသုံးဆီ ပျှမ်းမျှတစ်တန်ကိုယွမ် ၉၅ဝဝ မှ ၉၆ဝဝ ထိလည်းကောင်း၊ ပဲဆီ တစ်တန် ကို ယွမ် ၈၉ဝဝ မှ ၉၅ဝဝ သို့လည်းကောင်း တိုးမြင့်ခဲ့ပါတယ်။ တရုတ်နိုင်ငံရဲ့ စားသုံးဆီသုံးစွဲမှု တန်ချိန် ၂၃ဝ ကျော်ရှိပြီး ရာခိုင်နှုန်း ၆ဝ ကျော်ကို ပြည်ပမှ ဝယ်ယူတင်သွင်းရတယ်လို့ သတင်းမှာ ဖော်ပြထားပါတယ်။ စားသုံးဆီဝယ်ယူ စုဆောင်းမှု များတဲ့အတွက် ပြည်ပမှ ပဲတင်သွင်းမှုများဟာ အောက်တိုဘာလမှာ တင်သွင်းမှု ပိုမိုလာလျက်ရှိပါတယ်။ ကုန်ဈေးနှုန်းမြင့်တက်လာသော ၂၄ မယ်မှာ သခွားသီးနဲ့ဖရဲသီးနှုန်းထားဟာ အများဆုံးမြင့်တက်လျက် ရှိပြီး ၁ဝ ရာခိုင်နှုန်းကျော်နဲ့ ဆိတ်သားဈေးမြင့်တက်မှုနှုန်း မှာ ဝ ဒသမ ၇၇ ရာခိုင်နှုန်းရှိပြီး အနိမ့်ဆုံးမြင့်တက်တဲ့ အမယ်ဖြစ်ပါတယ်။ ယခုလို စားသုံးဆီအပါအဝင် ပစ္စည်းအမယ်များဈေးမြင့်လာရခြင်းဟာ ကမ္ဘာ့ပတ်ဝန်းကျင်ရဲ့ လယ်ယာကဏ္ဍရဲ့ ထုတ်ကုန်ပစ္စည်းနှုန်းထားများတိုးမြင့်လာတဲ့အတွက် ဖြစ်တယ်လို့ သိရပါတယ်။ Source: ယူနန်ချွမ်းချိမ်ဝမ်ပေါင်သတင်းစာ၊ သောင်းနိုင်
မြန်မာ့ပို့ကုန်ပစ္စည်းများ နယ်စပ်မှတင်ပို့မှုမြန်မာ-ဘင်္ဂလားဒေ့ရှ် နယ်စပ်စစ်တွေ နယ်စပ်စခန်းမှ တစ်ဖက် ဘင်္ဂလားဒေ့ရှ်နိုင်ငံသို့ ချင်းအစို၊ မန်ကျည်းသီး (အစေ့ပါ) နဲ့ နနွင်းတက်တို့ တင်ပို့လျက်ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ် ပေါက်ဈေးတွေကတော့ အောက်ပါအတိုင်းပဲဖြစ်ပါတယ်ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (တာကာ)ချင်းအစို တန် ၆၇ဝ၁၄ဝ ၇ဝဝဝဝမန်ကျည်းသီး(အစေ့ပါ) တန် ၃၇၉၄၄ဝ ၃၃၅ဝဝနနွင်းတက် တန် ၁၅၂၆၉၄ဝ ၁၃၂၅ဝဝ မြတ်မြတ်ထွန်းမြန်မာ-တရုတ်နယ်စပ် မူဆယ် (၁ဝ၅)မိုင် ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ပစ္စည်းများ၊ ရေထွက်ပစ္စည်းများ၊ သစ်တောထွက် ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ် ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ယွမ်)ပဲတီစိမ်း တန် ၁ဝ၈၆ဝ၂၇ ၈ဝ၈ဝနံှစားပြောင်း တန် ၂၄၂၆၂၉ ၁၈၁ဝပြောင်းဖူးစေ့ တန် ၂၄၂၇ဝ၆ ၁၈၃ဝမြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက်အိန္ဒိယနိုင်ငံသို့ ဆေးကြေမှုန့်၊ မစီးဖိနပ်၊ ထမင်းပေါင်းအိုးတို့ တင်ပို့လျက်ရှိရာ အဆိုပါပို့ကုန် အချို့ရဲ့ရိဒ်ပေါက်ဈေးနဲ့ တစ်ဖက်နိုင်ငံ မီဇိုရမ် ပေါက်ဈေးတွေကတော့ အောက်ပါအတိုင်း ဖြစ်ပါတယ် ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ရူပီး)ဆေးကြေမှုန့် တန် ၁၅၇ဝဝဝ ၈၅ဝဝမစီးဖိနပ် ဒါဇင် ၈ဝဝဝ ၄၆ဝထမင်းပေါင်းအိုး ခု ၁၂ဝဝဝ ၇၂၁ ကေသွယ်
စစ်တွေနယ်စပ်ကုန်သွယ်ရေးရုံးမှာ ကုန်သွယ်မှုမြှင့်တင်ရေး အစည်းအဝေးကျင်းပ မြန်မာ-ဘင်္ဂလားဒေ့ရှ်နယ်စပ်ရှိ စစ်တွေနယ်စပ် ကုန်သွယ်ရေးရုံးမှာ အောက်တိုဘာလအတွက် ကုန်သွယ်မှု မြှင့်တင်ရေးအစည်းအဝေးကို အောက်တိုဘာလ၂၉ရက်နေ့ကကျင်းပခဲ့ပါတယ်။ အောက်တိုဘာလဆန်းပိုင်းနဲ့ လလယ်ပိုင်းကာလများမှာ ဘင်္ဂလား ပင်လယ်အော်၌ မုန်တိုင်းငယ် (၂) ကြိမ်ခန့်ဖြစ်ပေါ်ခဲ့ပြီး မိုးသည်းထန်စွာ ရွာသွန်းမှုများကြောင့် ရခိုင်ပြည်နယ် အတွင်း ဒေသအချို့ရှိ ပုစွန်မွေးမြူ ရေးကန်များ တာကျိုး ပျက်စီးဆုံးရှုံး ခဲ့မှုများနဲ့ အောက်တိုဘာ ၂၂ ရက်နေ့ က ကျောက်ဖြူမြို့အနီးမှ ကုန်းတွင်း သို့ ဖြတ်ကျော်ဝင်ရောက်ခဲ့တဲ့ ဆိုင်ကလုန်း မုန်တိုင်း ဂီရိကြောင့် ကျောက်ဖြူ၊ မြေပုံ၊ မင်းပြား၊ ပေါက်တော၊ ရသေ့တောင် အစရှိတဲ့ ဒေသများမှာ ပုစွန်ကန် ဧက အများအပြားနဲ့ ရေလုပ်ငန်း အများ အပြား ပျက်စီးဆုံးရှုံးမှုများ ဖြစ်ပေါ်ခဲ့ ကြောင်း၊ ငါးဦးစီးဌာနအနေနဲ့ ပုဂ္ဂလိက လုပ်ငန်းရှင်များရဲ့ ပျက်စီးဆုံးရှုံးခဲ့တဲ့ ပုစွန်မွေးမြူရေးကန်များ ပြန်လည် ထူထောင်နိုင်ရေးအတွက် အတတ်နိုင် ဆုံး ပံ့ပိုးကူညီ ဆောင်ရွက် ပေးသွားမယ် လို့ ရခိုင်ပြည်နယ် ငါးလုပ်ငန်း ဦးစီးဌာနမှ တာဝန်ရှိသူကလည်း အစည်းအဝေး မှာ ငါးပုစွန် လုပ်ငန်းရှင်များကို ရှင်းလင်း ပြောကြားခဲ့တယ်လို့ သိရပါ တယ်။ ခင်ရတနာဖြိုး ကုမ္ပဏီမှ ဒါရိုက် တာဖြစ်သူ ဦးညီညီက စက်တင်ဘာလ က ကျင်းပခဲ့တဲ့ကုန်သွယ်မှု မြှင့်တင်ရေး အစည်းအဝေးမှာ ၎င်းတို့ကုမ္ပဏီအနေ နဲ့ ပဲတီစိမ်းနဲ့ မတ်ပဲ ၁ဝ တန်ခန့် တစ်ဘက် နိုင်ငံသို့ တင်ပို့ ရန်အတွက် နေပြည်တော်သို့ လိုင်စင်သွားရောက် လျှောက်ထားရန် အခက်အခဲရှိတာ ကြောင့် စစ်တွေနယ်စပ်ရုံးတွင် လိုင်စင် လျှောက်ထားခွင့် တင်ပြခဲ့ခြင်းအပေါ် အထက်ဌာနနှင့် ညှိနှိုင်းပြီး ဆောင်ရွက် ခွင့်ပေးသဖြင့် အောက်တိုဘာ လဆန်း ပိုင်းတွင် စစ်တွေစခန်း လိုင်စင်ဖြင့် တင်ပို့နိုင်ခဲ့ကြောင်းနဲ့ ယခုလို မိမိအရပ် ဒေသရှိ နယ်စပ်ရုံးမှ တစ်ဆင့်လျှောက် ထားခွင့်ရတဲ့အတွက် မိမိတို့ ပို့ကုန် သွင်းကုန်လုပ်ငန်းရှင်များအတွက် အကိုျးကျေးဇူးများစွာ ရရှိတယ်လို့ ပြောကြားခဲ့ပါတယ်။ ပို့ကုန်သွင်းကုန် လုပ်ငန်းရှင် များက တစ်ဖက်နိုင်ငံမှ ဝယ်လိုအား ရှိတဲ့ ပို့ကုန်အမယ်စုံတင်ပို့နိုင်ရေး ပျောက် ကွယ်လျက်ရှိသော အမယ်များ ပြန်လည်တင်ပို့နိုင်ရေးကြိုးပမ်း ဆောင် ရွက်သွားကြမယ်လို့ ပြောကြားခဲ့ပါ တယ်။ ှSourceး နကသMIRT(DOBT)
လမ်းများအသင့်အတင့်ကောင်းမွန်လာသဖြင့် ရိဒ်ကုန်သွယ်မှုပိုမိုလာ အောက်တိုဘာလ အတွင်း မိုးရွာ သွန်းမှု နည်းပါးခြင်း၊ လမ်းများ အသင့် အတင့်ကောင်းမွန်ပြီးကုန်တင် ဂျစ်ကား များ ဝင်ရောက်မှုများခြင်း၊ တစ်ဖက် နိုင်ငံမှ ဝယ်လိုအားကောင်းလာခြင်း တို့ ကြောင့် ရိဒ်နယ်စပ်ရဲ့ အောက်တိုဘာ လ ပို့ကုန်ပမာဏဟာ စက်တင်ဘာလ ထက် ကန်ဒေါ်လာ (၇) သောင်းကျော် ပိုမို လာတယ်လို့ ရိဒ်နယ်စပ်ကုန်သွယ် ရေးမှ သိရပါတယ်။ ရိဒ်ကုန်သွယ်မှုမှာ အသုံးပြုတဲ့ လမ်းကြောင်းကတော့ မုံရွာ-ကလေး-တီးတိန်-ရိဒ် ဖြစ်ပါတယ်။ ရိဒ်နယ်စပ်ရဲ့ အများဆုံး ပို့ကုန် တွေကတော့ ဝက်အရှင်၊ ပလတ်စတစ် အိတ်၊ မုန့်မိုျးစုံ၊ မ-ဝတ်တီရှပ်၊ ဆေးကြေမှုန့်၊ စောင်၊ ကွမ်းသီးခြောက်၊ ကင်းဘတ်ရှုး ( အရွယ်စုံ) ၊ ဆပ်ပြာမှုန့်၊ ဆေးရိုး၊ ခြင်ထောင်စ၊ အိပ်ယာခင်း၊ ပေါက်ပြားနဲ့ဖယောင်းပုဆိုးတို့ဖြစ်ပါတယ်။ အများဆုံးသွင်းကုန်တွေ ကတော့ ဓာတ်မြေသြဇာပိုတက်ရှ်နဲ့ ယူရီးယား၊ လူသားဆံပင်နဲ့ ရွှေချည်ငွေချည်တို့ ဖြစ်ပါတယ်။ ယခုလမှာ ယမန်နှစ်ကာလတူ ထက်ရော အနီးစပ်ဆုံးကာလထက် ပို့ ကုန်ရော သွင်းကုန်ပါ ပိုမိုဆောင် ရွက်နိုင်သဖြင့် ကုန်သွယ်မှု ပမာဏများ လည်း ပိုမိုခဲ့တယ်လို့ သတင်းရရှိပါ တယ်။ Source:နကသ၊ခင်မိုးသ
မြန်မာ-အိန္ဒိယ-အာဆီယံ-အိန္ဒိယ ကုန်သွယ်မှုတိုးမြှင့်ဆောင်ရွက်နိုင်ရေး အိန္ဒိယတာဝန်ရှိသူများ မိုရေးသို့ ကွင်းဆင်းလေ့လာ အိန္ဒိယနိုင်ငံဗဟိုအစိုးရ စီမံကိန်းကော်မရှင် (အရှေ့မြောက်) တာဝန်ခံအရာရှိချုပ် ဘီကေချာတူရ်ဗေဒီနဲ့ အရှေ့ မြောက်ကော်မရှင်အကြံပေးအရာရှိချုပ် အက်စ်ဟင်နဘရာမိုချောင်ဒရီတို့နှစ်ဦးရောက်ရှိလာခဲ့ပြီး မိုရေးမြို့ စုပေါင်း စစ်ဆေးရေးဂိတ် ဆောက်လုပ်မှုအခြေအနေ၊ ဂိတ် (၂) လ.ဝ.က စစ်ဆေးရေးဂိတ်၊ မြန်မာနိုင်ငံပိုင် နမ့်ဖာလုံဈေးတို့ကို ကွင်းဆင်းလေ့လာ ကြည့်ခဲ့ရာ ချန်ဒယ်လ်ခရိုင် ဒုတိယအုပ်ခုျပ်ရေးမှူး အိတ်ချ်ဒီလစ်လပ်က အိန္ဒိယ-မြန်မာနယ်စပ် ကုန်သွယ်ရေးရုံမှာ ရှင်းလင်း တင်ပြခဲ့ပါတယ်။ မိုးရေးမြို့ကုန်သွယ်ရေးဌာန အဆောက်အအုံမှာ အစည်းအဝေးတစ်ရပ် ကျင်းပခဲ့ရာ အရှေ့မြောက် အိန္ဒိယ နိုင်ငံဆိုင်ရာ နိုင်ငံတကာကုန်သွယ်ရေးအဖွဲ့ချုပ်မှ အကြီးအကဲများ၊ မဏိပူရပြည်နယ် အစိုးရပိုင် ကျန်းမာရေးဌာန၊ BRTF၊ အမှတ် (၃) အာသံရိုင်ဖယ်တပ်တို့မှ အကြီးအကဲများ၊ မိုရေးမြို့တွဲဖက်ခရိုင် အုပ်ချုပ်ရေးမှူး၊မိုရေး နယ်စပ်ကုန်သွယ်ရေး ကုန်သည်ကြီးများအဖွဲ့၊ ကုန်သွယ်ရေးဌာနအတွင်းရေးမှူးချုပ်နဲ့ သက်ဆိုင်ရာအကြီးအကဲများ တက်ရောက်ခဲ့ကြပြီး မိုရေးမြို့တွင် အစားအစာ စစ်ဆေးရေးရုံးဖွင့်ရန်၊ သွင်းကုန်ပို့ကုန်များ တိုးမြှင့်ဆောင်ရွက်ရန်၊ နယ်စပ်ကုန်သွယ်ရေး ပိုမို တိုးတက်စေရေး၊ မိုရေးမြို့အား ခေတ်မီမြို့ပြကြီးအဖြစ် တည်ဆောက်ရန်၊ ကုန်သွယ်ရေးလုပ်ငန်းများ ဖွံ့ဖြိုးတိုးတက်ရေး ဘက်စုံ ကဏ္ဍစုံ ဆွေးနွေးခဲ့ကြတယ်လို့ သတင်းရရှိပါတယ်။ ဗဟိုအစိုးရ စီမံကိန်းကော်မရှင်အရာရှိချုပ် ဘီကေချာတူရ်ဗေဒီက နယ်စပ်ကုန်သွယ်မှု ဖွံ့ဖြိုးတိုးတက်စေ ရေး အမြန်ဆုံး လက်တွေ့အကောင်အထည်ဖော်ဆောင်ရွက်ပေးမယ်လို့ ကတိပေးပြောကြားခဲ့တယ်လို့သိရ ပါတယ်။ အာဆီယံ နိုင်ငံများနဲ့လည်းဆက်စပ်ရတော့မှာဖြစ်တဲ့ အမှတ် ၃၉ အဝေးပြေးလမ်းမကြီးအပါအဝင် အမိုျးသား အဝေးပြေးကားလမ်းမ ကြီးများ အထူးသဖြင့် အင်ဖာ-မိုရေးကားလမ်မကြီးအားပြုပြင် ဆောက်လုပ်သွားဖို့ အစီအစဉ်ရှိတယ်လို့ ပြောကြား ခဲ့ပါတယ်။ မြန်မာ-အိန္ဒိယ-အာဆီယံ-အိန္ဒိယ ကုန်သွယ်နိုင်ရန်အတွက် ထိုင်းနိုင်ငံဘန်ကောက်မှ မြန်မာနိုင်ငံတမူးမြို့သို့ ရန်ကုန်-မန္တလေးမှတစ်ဆင့် ပုံမှန်ကုန်သွယ်မှုများ ဆောင်ရွက်နိုင် ရေးအတွက်ပါ ထည့်သွင်းစဉ်းစားစီမံထားတယ်လို့ သိရှိရပါတယ်။ Source: The Sangai Express ,MIRT (DOBT)
အောက်တိုဘာမှာ မုန်တိုင်းအရှိန်ကြောင့် မြိတ်က ရေထွက်ပို့ကုန်လျော့ မြန်မာထိုင်းနယ်စပ်ရှိ မြိတ်နယ်စပ်ကုန်သွယ်ရေးစခန်းမှ အောက်တိုဘာလ အတွင်းငါးမျိုးစုံ တန် ၆၃၄ဝ ကျော် တန်ဖိုးအားဖြင့် ကန်ဒေါ်လာ ၅ သန်းကျော်ဖိုး တင်ပို့နိုင်ခဲ့ပါတယ်။ ယခုလမှ ငါးမျိုးစုံအပါအဝင် ရေထွက်ကုန် တန်ချိန် ၈ဝဝဝ နီးပါးတန်ဖိုးအားဖြင့် ကန်ဒေါ်လာ ၇ သန်းကျော်ဖိုးမြိတ်နယ်စပ်မှ တင်ပို့နိုင်ခဲ့ပါတယ်။ စက်တင်ဘာလနဲ့ နှိုင်းယှဉ်လျှင် ရေထွက်ကုန်တင်ပို့နိုင်မှု လျော့နည်းခဲ့ပါ တယ်။ အောက်တိုဘာလမှာ မုန်တိုင်းရှိတဲ့အတွက် ပင်လယ်ပြင်မှာ မိုးသက်လေပြင်း ကျရောက်ခြင်း၊ လှိုင်းကြီးခြင်းများကြောင့် ထွက်ပြီးငါးဖမ်း လှေများ ကျွန်းခိုနေရခြင်း၊ ငါးဖမ်းမထွက်ခြင်း၊ သီးတင်းကျွတ်ပွဲတော်ကာလ ဝင်ရောက်ရပ်နားခြင်းတို့ကြောင့် ဖြစ်တယ်လို့ သိရပါတယ်။ မြိတ်နယ်စပ်ကုန်သွယ်ရေးစခန်းအနေနဲ့ တင်ပို့တဲ့ ကုန်တွေကတော့ ငါးမျိုးစုံ၊ ရေငန်ပုစွန်၊ ကဏန်းအရှင်၊ ငါးမှုန့်၊ ငါးအသားလွှာ၊ ငါးခြောက်သေး၊ ခရုအသား၊ အေးခဲပုစွန်၊ ပင်လယ်စာအရော၊ အေးခဲကဏန်းပျော့၊ ကဏန်းနီ၊ ကဏန်းအသေး (အသေ)၊ အေးခဲကင်းမွန်၊ ခရုအကောင်၊ ငါးအကြေးခွံချွတ်အလွှာ၊ ငါးခြောက်၊ အေးခဲကျောက်ပုစွန်အသေ၊ ပုစွန်ခြောက်၊ ကင်းမွန်ပြုတ်ခြောက်၊ အေးခဲဂဏန်းအနီ တို့ဖြစ်ပါတယ်။ သွင်းကုန်အနေနဲ့ ဘိလပ်မြေ၊ ကွန်ပေါင်းဓာတ်မြေသြဇာ၊ ဒီဇယ်ဆီ၊ ဂျာစီစ၊ အတွင်းခံ လိုင်နင်စ၊ ပလတ်စတစ်ခြင်းတောင်း၊ ကော်စေ့၊ Angle Iron, MS rod နဲ့Wire rod in coil တို့ဖြစ်ပါတယ်။ မြိတ်နယ်စပ်စခန်းရဲ့ အောက်တိုဘာလကုန်သွယ်မှု ပမာဏဟာ ယမန်နှစ် ကာလတူ ထက်ပို့ကုန်ရော သွင်းကုန်ပါ ပိုမိုဆောင်ရွက်နိုင်ခဲ့ပြီး အနီးစပ်ဆုံးကာလနဲ့ နှိုင်းယှဉ်ပါက ပို့ကုန်ပိုင်း လျော့နည်းပြီး သွင်းကုန်ပိုင်း မှာတော့ ပိုမိုဆောင်ရွက် နိုင်ခဲ့တယ်လို့ မြိတ်နယ်စပ်ကုန်သည်အသင်းမှ သတင်းရရှိပါတယ်။ ဧပြီလမှအောက်တိုဘာလကုန်ထိမြိတ်နယ်စပ်ကုန်သွယ်ရေးစခန်းမှ လ အလိုက် ရေထွက်ကုန်တင်ပို့နိုင် မှုများက ဧပြီလမှာ ၉၃၉ဝ တန်ကျော်၊ မေလမှာ ၉၉၃ဝ ကျော်၊ ဇွန်လမှာ ၉၇၈ဝ ကျော်၊ ဇူလိုင်လမှာ တန် ၉၂ဝဝ ကျော်၊ သြဂုတ်လမှာ တန် ၈၄ဝဝ နီးပါး၊ စက်တင်ဘာလမှာ တန် ၈၂ဝဝ ကျော်နဲ့ အောက်တိုဘာလမှာ တန် ၇၇ဝဝ ကျော်ဖြစ်ပြီး မေလမှာ အများဆုံးတင်ပို့နိုင်ခဲ့ပါ တယ်။ မိုးတွင်းကာလမှာတော့ ရာသီဥတုအခြေအနေ ကြောင့် ကုန်တက်နည်းသွား သဖြင့် တင်ပို့မှု လျော့နည်းခဲ့တာတွေ့ရပါတယ်။ ခင်မြနွယ်MIRT
မြန်မာ့ပို့ကုန်ပစ္စည်းများ နယ်စပ်မှတင်ပို့မှု မြန်မာ-တရုတ်နယ်စပ် မူဆယ် (၁ဝ၅)မိုင် ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ပစ္စည်းများ၊ ရေထွက်ပစ္စည်းများ၊ သစ်တောထွက် ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ် ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ယွမ်)ပဲပုပ်စေ့ တန် ၅၉၄ဝ၇၃ ၃၇၁ဝပဲယင်း တန် ၆၄၉၆၃၃ ၄၁၁ဝပဲလွန်းဖြူ တန် ၁ဝ၁၇၉၂၇ ၇၇၁ဝမြန်မာ-အိန္ဒိယနယ်စပ် ရိဒ်နယ်စပ်စခန်းမှ တစ်ဖက်အိန္ဒိယနိုင်ငံသို့ ဆေး ကြေမှုန့်၊ မစီးကင်းဘတ်ရှူး၊ မဝတ်တီရှပ်တို့ တင်ပို့လျက်ရှိရာ အဆိုပါပို့ကုန် အချို့ရဲ့ ရိဒ်ပေါက်ဈေးနဲ့ တစ်ဖက်နိုင်ငံ မီဇိုရမ်ပေါက်ဈေးတွေကတော့ အောက်ပါအတိုင်း ဖြစ်ပါတယ်ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (ရူပီး)ဆေးကြေမှုန့် တန် ၁၅၇ဝဝဝ ၈၅ဝဝမစီးကင်းဘတ်ရှူး ဒါဇင် ၈၂ဝဝ ၄ဝဝမဝတ်တီရှပ် ဒါဇင် ၈ဝဝဝ ၉၃ဝ ကေသွယ် မြန်မာ-ဘင်္ဂလားဒေ့ရှ် နယ်စပ်စစ်တွေ နယ်စပ်စခန်းမှ တစ်ဖက် ဘင်္ဂလား ဒေ့ရှ်နိုင်ငံသို့ ပဲတီစိမ်း၊ မန်ကျည်းသီး (အစေ့ပါ) နဲ့ နနွင်းတက်တို့ တင်ပို့လျက် ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ် ပေါက်ဈေးတွေကတော့ အောက်ပါအတိုင်းပဲဖြစ်ပါတယ်ပစ္စည်းအမည် ရေတွက်ပုံ မိမိဘက်ဈေး (ကျပ်) တစ်ဖက်နိုင်ငံဈေး (တာကာ)ပဲတီစိမ်း တန် ၆၃ဝဝဝဝ ၇၈၅ဝဝမန်ကျည်းသီး(အစေ့ပါ) တန် ၃၇၉၄၄ဝ ၃၃၅ဝဝနနွင်းတက် တန် ၁၅၂၆၉၄ဝ ၁၃၂၅ဝဝ မြတ်မြတ်ထွန်း
စစ်ကိုင်းတိုင်းဒေသကြီး ဆန်စပါးလုပ်ငန်းအသင်းခွဲ ဖွဲ့စည်းခြင်း အခမ်းအနား မုံရွာမြို့၌ကျင်းပ မြန်မာနိုင်ငံ ဆန်စပါးလုပ်ငန်းအသင်း စစ်ကိုင်းတိုင်းဒေသကြီး အသင်းခွဲ ဖွဲ့စည်းခြင်း အခမ်းအနားကို အောက်တိုဘာလ ၁၅ ရက်နေ့က မုံရွာမြို့မြစန္ဒာ မင်္ဂလာခန်းမတွင် ကျင်းပပြုလုပ်ခဲ့ရာ စစ်ကိုင်းတိုင်းဒေသကြီး အေးချမ်းသာယာရေး နှင့် ဖွံ့ဖြိုးရေးကောင်စီဥက္ကဋ္ဌ၊ အနောက်မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ်စိုးလွင်မှ တက်ရောက်အမှာစကား ပြောကြားခဲ့ကြောင်း သိရပါတယ်။ အဆိုပါ ဖွဲ့စည်းခြင်းအခမ်းအနားကို မြန်မာနိုင်ငံဆန်စပါးလုပ်ငန်းအသင်း (ဗဟို)မှ ဒုတိယဥက္ကဋ္ဌ ဦးအောင်သန်းဦး၊ ဗဟိုအလုပ်အမှုဆောင် ဦးအောင်မြင့်၊ တိုင်း၊ ခရိုင်၊ မြို့နယ်များမှ ဆန်စပါး လုပ်ငန်းအသင်း ကိုယ်စားလှယ်များနဲ့ ဖိတ်ကြား ထားသူများ စုစုပေါင်း ၁၂၂ ဦး တက်ရောက်ခဲ့တယ်လို့ သိရပါတယ်။ ဆက်လက်၍ စစ်ကိုင်းတိုင်းဒေသကြီး ဆန်စပါးလုပ်ငန်းအသင်းခွဲရဲ့ စီမံ ခန့်ခွဲမှု ကော်မတီဝင် ၁၂ ဦးကို ကိုယ်စားလှယ်များမှ မဲစနစ်ဖြင့် အဆိုပြုရွေးချယ်ခဲ့ ကြပြီး ရွေးချယ်ခံရတဲ့ ကော်မတီဝင်များကိုယ်စား ဥက္ကဋ္ဌ၊ ဦးတင်လှိုင်ထံသို့ ဗဟို အလုပ်အမှုဆောင် ဒုတိယဥက္ကဋ္ဌ ဦးအောင်သန်းဦးမှ အသင်းဝင် လျှောက်လွှာများ နှင့် သင်းဖွဲ့မှတ်တမ်းနဲ့ သင်းဖွဲ့စည်းမျဉ်းများအား ပေးအပ်ကာ အခမ်းအနားကို ရုတ်သိမ်းခဲ့ကြောင်း သိရပါတယ်။ ထွန်းလှိုင်