မြန်မာ-တရုတ်နယ်စပ်ရှိ မူဆယ်နဲ့ချင်းရွှေဟော်နယ်စပ် ကုန်သွယ်ရေးစခန်းများမှ ကန်ဒေါ်လာသုည ဒသမ ၀၀၃ သန်း တန်ဖိုးရှိ မျှစ်ခြောက် ၈ တန်ကို မူဆယ်မှ ၃ တန်နဲ့ ချင်း ရွှေဟော်မှ ၅ တန်အပို့ရှိခဲ့ပါတယ်။ ကန်ဒေါ်လာ သုည ဒသမ ၀၀၂ သန်းတန်ဖိုးရှိ မျှစ်စို ၁၃ ဒသမ ၅ တန်ကိုတော့ မူဆယ်မှ အပို့ရှိခဲ့ပါတယ်။ မျှစ်စို၊ မျှစ်ခြောက်များကို သာမန် လူများက ဟင်းလျာချက်ပြုတ်စားသောက်ရာမှာသုံးသလို  စားသောက်ဆိုင်များကလည်း ဝယ်ယူအသုံးပြုမှု ရှိတယ်လို့ သိရပါတယ်။MIRT(DOBT)

မူဆယ် ၁၀၅ မိုင်ကုန်သွယ်ရေးဇုန်၌ ၁-၉-၂၀၁၂ ရက် နေ့မှာ အစားအသောက်နှင့်ဆေးဝါးကွပ်ကဲရေးဌာန  FDA ရုံးစတင်ဖွင့်လှစ်ခဲ့ပြီဖြစ်ပါတယ်။ လုပ်ငန်းဆောင်ရွက်ပေးမှုနဲ့ ပတ်သက်ပြီး ဌာနတာဝန်ခံ ဒေါက်တာ စပယ်ထက်ထက်ထူး အားမေးမြန်းခဲ့ရာ "သွင်းကုန်လိုင်စင်နဲ့တင်သွင်းမဲ့ စား သောက်ကုန်များအတွက် လိုအပ်တဲ့ ကျန်းမာရေးထောက်ခံ ချက် ထုတ်ပေးရန် ဖွင့်လှစ်ထားခြင်းဖြစ်ပါတယ်။ အရင်က စားသောက်ကုန်ပစ္စည်းနမူနာနဲ့တကွ ရန်ကုန် (သို့မဟုတ်) နေပြည်တော်ကိုသွားရောက်စစ်ဆေးမှုခံယူ ထောက်ခံချက်ရ ယူခြင်းအစား ယခု မူဆယ် ၁၀၅ မိုင်ကုန်သွယ်ရေးဇုန်မှာ နမူနာလက်ခံပြီးဌာနမှ တာဝန်ယူ၍ ရန်ကုန်၊ နေပြည်တော် သို့ ပို့ဆောင်စစ်ဆေးပေးမှာ ဖြစ်ပါတယ်။ စစ်ဆေးချက် Result  ရရှိက မူဆယ်မှာပဲ တင်သွင်းခွင့် ထောက်ခံချက် လက် မှတ်ထုတ်ပေးမှာဖြစ်တယ်"  လို့ပြောပြပါ တယ်။ လုပ်ငန်းရှင် များအနေနဲ့ ရန်ကုန်သို့သွားရောက်ရန် မလိုတော့တဲ့အတွက် ခရီးစရိတ်ကုန်ကျမှု သက်သာသွားကာ Transaction cost  လျော့ကျသွားမှာဖြစ်ပါတယ်။ ထောက်ခံချက်ရဖို့အတွက် စစ်ဆေးချိန် ၇ ရက်မှ ၁၀ ရက်ခန့် စောင့်ဆိုင်းရန်တော့ လိုအပ်ပြီး မူဆယ်မှာတင် ထောက်ခံချက် အလွယ်တကူ ထုတ် ယူနိုင်ပြီဖြစ်ကြောင်း အသိပေးလိုက် ရပါတယ်။Source: မူဆယ်၊သောင်းနိုင်

မြန်မာ-တရုတ်နယ်စပ်ရှိ မူဆယ်မှ ကန်ဒေါ်လာ သုညဒသမ ၃၀၅ သန်းတန်ဖိုးရှိ ဆိုင်ကယ် ၂၃၀၅ စီးနဲ့ မြန်မာ-ထိုင်းနယ်စပ်ရှိ မြိတ်နယ်စပ်မှ ကန်ဒေါ်လာ သုည ဒသမ ၀၄၁သန်းတန်ဖိုးရှိ ဆိုင်ကယ် ၆၃ စီးကို သြဂုတ်လ ၂၉ ရက်မှ စက်တင်ဘာလ ၄ ရက်ထိကာလအတွင်းမှာအသွင်းရှိခဲ့ရာ ယခင် အပတ်ကထက် ၃၄၆ စီး ပိုသွင်းခဲ့တယ်လို့ သိရပါတယ်။ ၃ ဘီးဆိုင်ကယ် တင် သွင်းမှုကို ကြည့်မယ်ဆိုလျှင် ကန်ဒေါ်လာသုညဒသမ ၂၁၆ သန်းတန်ဖိုးရှိ ၃ဘီး ဆိုင်ကယ် ၁၅၄ စီးကို ယခုအပတ်မှာ မူဆယ်နယ်စပ်မှအသွင်းရှိတာ တွေ့ရပါတယ်။ ယခင်အပတ်က ၃ ဘီးဆိုင်ကယ် နယ်စပ်မှ အသွင်းမရှိခဲ့ပါဘူး။MIRT(DOBT)

ထိုင်းနိုင်ငံလုပ်  ARROZA တံဆိပ်ဖွဲနုဆီများ မြန်မာစားသုံးသူများအတွက် ဈေးကွက်အတွင်းသို့ စတင် ဝင်ရောက်လာတာတွေ့ရပါတယ်။   ARROZA  တံဆိပ်ဖွဲနုဆီများ အသုတ်၊ အကြော်အလှော်နဲ့  အကင်များအတွက် အထူးသင့် လျော်တယ်လို့သိရပါတယ်။  ARROZA ဖွဲနုဆီဟာ ပြစ်ခဲခြင်းမရှိဘဲ သန့်ရှင်း၍ အရသာကောင်းမွန်ခြင်း၊ ဗီတာမင်အီးနဲ့ မပြည့်ဝဆီများဟာအစားအစာမှ ကိုလက်စထရော်လ်ကို ခန္ဓာကိုယ်မှ စုပ်ယူမှုကို တားဆီးနိုင်ခြင်း၊ High Smoke Point 230.C ရှိသဖြင့် ကြော်လှော်ခြင်း၊ ကင်ခြင်း၊ မုန့်ဖုတ်ခြင်းတို့ လုပ် ဆောင်ရာမှာ အိုးမကပ်စေခြင်း၊ Gama Oryzanol 5000 ppm ပါဝင်သဖြင့် ကျန်းမာရေး အတွက်သင့်လျော်တယ်လို့ဆိုပါတယ်။ ကျန်းမာရေး ဝန်ကြီးဌာန၊ အစားအသောက်နဲ့ဆေးဝါးကွပ်ကဲရေးဌာနမှ ထောက်ခံချက်ရရှိပြီးဖြစ်၍ မြန်မာ-ထိုင်းနယ်စပ်ရှိ မြဝတီ နယ်စပ်ကုန်သွယ်ရေးစခန်းမှတစ်ဆင့်တင်သွင်းတာလို့သိရပါ တယ်။ ဈေးကွက်အတွင်းမှာ ၁ လီတာနဲ့ ၁ ဒသမ ၉ လီတာ ပလပ်စတစ်ပုလင်း များ နဲ့ စတင်ဖြန့်ချိတာဖြစ်ပြီး ဖွဲ့စည်းပုံကတော့ တစ်ဖာမှာ ၁ လီတာပုလင်း ၁၂ ပုလင်းနဲ့ ၁ ဒသမ ၉ လီတာဆန့် ၆ ပုလင်းစီ ပါရှိတယ်လို့ သိရပါတယ်။ လက်ကားဖြန့်ဈေး ၁ လီတာကို ၂၀၀၀ ကျပ်ဝန်းကျင်ရှိပြီး ပဲပုတ်စေ့ဆီ ၁ လီတာ ကို ၂၁၅၀ ကျပ်နဲ့ ပြောင်းဖူးစေ့ဆီ ၁ လီတာကို ၁၉၀၀ ကျပ် ဝန်းကျင် ဈေးပေါက်နေတယ်လို့ စုံစမ်း သိရှိရပါတယ်။ မြန်မာနိုင်ငံမှာ ဆန်စက်တွေ အများအပြားရှိပေမဲ့၊ ဖွဲနုဆီကို စီးပွားဖြစ်ထုတ်လုပ်နိုင်ခြင်းမရှိတာကြောင့်၊ ဈေး ကွက်မှာ ဖွဲနုဆီကို သီးခြားရောင်းတာ တွေ့ရခဲပါတယ်။                                       CMK