(၁၈)ကြိမ်မြောက် တရုတ်-အာဆီယံကုန်စည်ပြပွဲ၌ အပြည်ပြည်ဆိုင်ရာ ကုန်းလမ်းနှင့် ပင်လယ်ရေကြောင်းလမ်းစင်္ကြံအသစ်နှင့် ပေပုပင်လယ်ကွေ့အပြည်ပြည် ဆိုင်ရာ ဆိပ်ကမ်းတို့အား အလေးထားသည့်ပြခန်းအား ဆက်လက်ခင်းကျင်းပြသသွားမည် ဖြစ်ကြောင်း တရုတ်-အာဆီယံကုန်စည်ပြပွဲကျင်းပရေး အတွင်းရေးမှူးရုံးက မတ်လ (၉)ရက်နေ့တွင် ထုတ်ဖော်ပြောကြားခဲ့ပါသည်။
တရုတ်-အာဆီယံကုန်စည်ပြပွဲအား တရုတ်နှင့် အာဆီယံအဖွဲ့ဝင်နိုင်ငံများ အကြား ဆက်သွယ်မှုကိုမြှင့်တင်ရေးအတွက် လုပ်ငန်းယန္တရားနှင့်ပူးပေါင်းဆောင်ရွက်ရေး လမ်းကြောင်းများအဖြစ် ဖွဲ့စည်းထားခြင်းဖြစ်ပါသည်။ ကုန်းလမ်းနှင့် ပင်လယ်ရေကြောင်း ကုန်သွယ်ရေးစင်္ကြံတည်ဆောက်ရေးအတွက် အရေးပါသည့်ပူးပေါင်းဆောင်ရွက်မှုနှင့် ဖလှယ်ပေးသည့်ပေါင်းကူးနေရာကို ပံ့ပိုးပေးခြင်းဖြင့် တရုတ်နိုင်ငံ အနောက်ပိုင်းမှ ပြည်နယ်များနှင့် မြို့တော်များနှင့် အာဆီယံအဖွဲ့ဝင်နိုင်ငံများအကြား ပူးပေါင်းဆောင်ရွက်မှု အား မြှင့်တင်ရန် လှုပ်ရှားမှုများကို တရုတ်-အာဆီယံကုန်စည်ပြပွဲက ဆောင်ရွက်ပေးခဲ့ ပါသည်။
ပေပုပင်လယ်ကွေ့ဆိပ်ကမ်းမှာ ရှန်ဟိုင်းဆိပ်ကမ်း၊ ရှန်းကျန့် ဆိပ်ကမ်းနှင့် ကွမ်ကျိုးဆိပ်ကမ်းတို့အပါအဝင် အခြားဆိပ်ကမ်း (၁၀)နေရာနှင့်အတူ တရုတ်နိုင်ငံ၏ ဘက်စုံသုံးဉီးသုံးဖလှယ်သယ်ယူပို့ဆောင်ရေးစီမံကိန်း၌စာရင်းပါရှိသည့် အပြည်ပြည်ဆိုင်ရာ ဆိပ်ကမ်းအချက်အချာတစ်ရပ်ဖြစ်ကြောင်း သတင်းရရှိပါသည်။
ရင်းမြစ်၊ en.gxzf.gov.cn (၁၂-၃-၂၀၂၁)
ဒေါက်တာရွှေစင်ကို၊ စီးပွားရေးသံမှူး
မြန်မာသံရုံး၊ နန်နင်းမြို့