ယခုနှစ် ပထမ(၃)လတွင်း တရုတ်နိုင်ငံ၏ လယ်ယာစိုက်ပျိုးရေးနှင့် ကျေးလက် စီးပွားရေးတို့၏ လုပ်ဆောင်ချက်များမှာတည်ငြိမ်နေခဲ့ကြောင်း၊ နိုင်ငံ၏ အခြေခံလုပ်ငန်းမှ နိုင်ငံ၏စီးပွားရေးသို့ ယွမ်ငွေ (၁.၁၃)ထရီလီယံ (အမေရိကန်ဒေါ်လာ ၁၇၃.၅၇ ဘီလီယံ) တန်ဖိုး ပါဝင်ဖြည့်ဆည်းပေးခဲ့ကာ၊ ယခင်နှစ်ကထက် (၈.၁)ရာခိုင်နှုန်းတိုးတက်ခဲ့ကြောင်း တရုတ် လယ်ယာစိုက်ပျိုးရေးနှင့် ကျေးလက်ရေးရာဝန်ကြီးဌာနမှ ထုတ်ပြန်ချက်အရ သိရ ပါသည်။
နွေဉီးရာသီ စိုက်ပျိုးမှုများ ပိုမိုမြန်ဆန်လာပြီး၊ နွေရာသီသီးနှံများ စိုက်ပျိုးရေး အတွက် ဧကတိုးတက်လာကြောင်းနှင့် အချုပ်အားဖြင့် ယခုနှစ် နွေရာသီကောက်ပဲသီးနှံ ထုတ်လုပ်မှု ကောင်းမွန်ဖွယ်ရှိကြောင်း သိရပါသည်။ ဆောင်းရာသီဂျုံစိုက်ပျိုးမှုတွင် ဟက်တာပေါင်း (၂)သိန်းခန့် တိုးတက်ခဲ့ကာ၊ ဝက်မွေးမြူရေးမှာလည်း ဆက်လက်နာလန် ပြန်ထူလာကြောင်းနှင့် အစိမ်းရောင်လယ်ယာစိုက်ပျိုးရေးနှင့် ကျေးလက်လုပ်ငန်းများ ပိုမို ရှေ့တန်းရောက်လာကြောင်း သိရပါသည်။
ရင်းမြစ်၊ China Daily (၂၁-၄-၂၀၂၁)
(ဒေါက်တာရွှေစင်ကို၊စီးပွားရေးသံမှူး)