ယခုလပိုင်းအတွင်း ပင်လယ်ရေကြောင်းက ပဲတီစိမ်းတင်ပို့မှုလျှော့ကျလျက်ရှိရာ ယခုတစ်ပတ် (နိုဝင်ဘာလ ၁၄ ရက်မှ ၁၈ ရက်) အတွင်းမှာလည်း အရည်အသွေးကောင်း ပဲတီစိမ်း တန် ၁၆၀၀ ကျော်သာ တင်ပို့ခဲ့ပါတယ်။ လက်ရှိအသစ်ထွက်တဲ့ တောင်ငူ ပဲတီစိမ်းနဲ့ ပခုက္ကူပဲတီစိမ်းများသာ အဝယ်အချို့ရှိတယ်လို့ သိရပါတယ်။ လက်ရှိဘဏ္ဍာနှစ် နိုဝင်ဘာလ ၁၈ ရက်နေ့အထိ ပဲတီစိမ်းတင်ပို့နိုင်မှု တန်ချိန် ၂၀၈၀၀၀ ကျော်မှ ကန်ဒေါ်လာ ၂၀၁ သန်းကျော်ရရှိပြီး ယခင်ဘဏ္ဍာနှစ် ကာလတူအတွင်း တန်ချိန် ၁၅၇၀၀၀ ကျော်မှ ကန်ဒေါ်လာ ၁၈၅ သန်းကျော်ရရှိခဲ့ကြောင်း သိရပါတယ်။ လာမယ့်သီတင်းပတ်တွေမှာလည်း တင်ပို့မှု လျှော့ကျဖွယ်ရှိတယ်လို့ ခန့်မှန်းကြပါတယ်။ MIRT(MAPT)

                 ယခင်သီတင်းပတ်က ပဲလွန်းဖြူ တင်ပို့မှုမှာ တန်ချိန် ၄၀ သာ ရှိခဲ့ရာမှ ယခုနိုဝင်ဘာလ ၁၄ ရက်မှ ၁၈ ရက် အတွင်းမှာတော့ တန်ချိန် ၃၂၀ ကျော် ထိ ပိုမိုတင်ပို့လာနိုင်ခဲ့ပါတယ်။ တင်ပို့တဲ့ နိုင်ငံများမှာ ထိုင်း၊ အင်ဒိုနီးရှား၊ မလေး ရှား၊ ဖိလစ်ပိုင်၊ တောင်ကိုရီးယားနဲ့ စင်ကာပူတို့ဖြစ်ပါတယ်။ လက်ရှိ ဘဏ္ဍာနှစ် နိုဝင်ဘာလ ၁၈ ရက်အထိ စုစုပေါင်း တင်ပို့မှုအနေနဲ့ တန်ချိန် ၁၆၅၀၀ ကျော်ပြီဖြစ်လို့ ယခင်ဘဏ္ဍာ နှစ် ကာလတူ တင်ပို့ခဲ့တဲ့ ပမာဏကို အမီ တင်ပို့နိုင်တာ တွေ့ရပါတယ်။ ရန်ကုန်FOB ဈေးကွက်မှာလည်း ယခင်တစ်ပတ်က တန်ချိန် ၂၃၀ ခန့် သာ အရောင်းအဝယ်ဖြစ်ခဲ့ရာမှ ယခု တစ်ပတ် နိုဝင်ဘာလ ၁၉ ရက်မှ ၂၄ ရက် အထိမှာတော့ တန်ချိန် ၃၈၀ ကျော်အထိ အရောင်းအဝယ်စာချုပ် နိုင်ခဲ့ပါတယ်။ FOB ဈေးမှာ ပြောင်းလဲခြင်းမရှိဘဲ နိုဝင်ဘာလ ၂၅ ရက် မှာလည်း FAQ တစ်တန် ကန်ဒေါ် လာ ၇၉၀-၈၁၀ နဲ့ SQ တစ်တန်ကန် ဒေါ် လာ ၉၀၀-၉၂၀နဲ့ ငြိမ်နေကြောင်း သိရပါတယ်။ MIRT(MAPT)

                 အိန္ဒိယပြည်တွင်းဈေးကွက်များအတွင်း ယခုရက်ပိုင်း ပဲစင်းငုံဈေးနှုန်းကျဆင်း နေပေမဲ့ ယာယီမျှသာ ဖြစ်နိုင်ပြီး လာမယ့်ရက်များမှာတော့ ဆက်လက်ကျဆင်း နိုင်ဖွယ်မရှိဘူးလို့ ခန့်မှန်းကြပါတယ်။ လတ်တလောမှာ ဂူဘာကာဘက်မှ ဝင်ရောက်လာတဲ့ ပဲအသစ်များကို ပဲခွဲစက်များမှ ဝယ်ယူဖို့ စိတ်ဝင်စားမှု အားနည်းတာကြောင့် ဈေးကျဆင်းတယ်လို့ သိရပါတယ်။ အချို့ဒေသမှ ဝင်ရောက်လာတဲ့ ပဲစင်းငုံများမှာ ပဲအပျက်အစီးများ ပါဝင်တဲ့ အတွက် ဈေးလျှော့ချရောင်းကြတယ်လို့ သိရပါတယ်။ ပဲခွဲစက်များမှာ ပဲစင်းငုံအသစ် သိုလှောင်လက်ကျန် နည်းနေပြီဖြစ်တဲ့အတွက် ဈေးထပ်မံကျဆင်းဖွယ်မရှိကြောင်း ခန့်မှန်းကြပါတယ်။ ဈေးကွက်များအတွင်း ဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်   ဒေါ်လာ/တန်                   ၂၄-၁၁-၁၁       ၂၃-၁၁-၁၁       ၂၂-၁၁-၁၁      ၂၁-၁၁-၁၁မွန်ဘိုင်း          ၆၂၃             ၆၂၄-၆၂၉            ၆၃၉               ၆၄၉ဒေလီ            ၆၈၅-၆၉၀        ၆၆၇-၆၈၆         ၆၆၁-၆၆၃       ၆၇၁-၆၇၃ချန်နိုင်း          ၆၂၈                  ၆၁၉                  ၆၁၉              ၆၂၉MIRT(MAPT)

              ယခင်သီတင်းပတ်က ပဲစင်းငုံတန်ချိန် ၂၇၀၀ ခန့်ကို တင်ပို့မှု လျှော့ကျခဲ့ရာမှ ယခုတစ်ပတ် နိုဝင်ဘာလ ၁၄ ရက်မှ ၁၈ ရက် အတွင်းမှာတော့ ပဲစင်းငုံတန်ချိန် ၉၅၀၀ ထိ ပြန်တက်လာခဲ့ပါတယ်။ အခြားပဲ တင်ပို့မှု လျော့ကျနေရာမှ ပဲစင်းငုံ ကတော့ ပဲအားလုံးထဲမှာ ပမာဏအများဆုံး တင်ပို့နိုင်တာ တွေ့ရပါတယ်။ လက်ရှိ ၂၀၁၁-၂၀၁၂ နိုဝင်ဘာလ ၁၈ ရက်နေ့အထိ စုစုပေါင်း တင်ပို့ပြီး စီးမှုအနေနဲ့ ပဲစင်းငုံတန်ချိန် ၁၅၅၀၀၀ ခန့်ရှိပြီး ဝင်ငွေအားဖြင့် ကန်ဒေါ်လာ ၉၇ သန်းနီးပါး ရရှိခဲ့ပါတယ်။ ယခင်ဘဏ္ဍာနှစ် ကာလတူ အတွင်းမှာတော့ တန်ချိန် ၆၆၂၀၀ ကျော် တင်ပို့ခြင်းမှ ကန်ဒေါ်လာ ၆၃ သန်းကျော်ရရှိတယ်လို့ သိရပါတယ်။ လာမယ့် သီတင်းပတ်မှာလည်း ပုံမှန်ပမာဏနဲ့ တင်ပို့နိုင်ဖွယ်ရှိတယ်လို့ ခန့်မှန်းကြ ပါတယ်။ MIRT-MAPT