ရန်ကုန် FOB ဈေးနှုန်း                                              ၁၁-၁၁-၂၀၁၁                       (ဒေါ်လာ/တန်) ယခင်အပတ်  ယခုအပတ် ပြောင်းလဲမှု မတ်ပဲ (အက်ဖ်အေကြူ)      740   730  မတ်ပဲ (အက်စ်ကြူ)    800    800  ပဲတီစိမ်း (ပခုက္ကူ)    740  740  ပဲတီစိမ်း (ရွှေဝါ)   820   820  ပဲတီစိမ်း (အညာ)   720  720  ပဲစင်းငုံ (အနီ) (သစ်)   560   580  ပဲစင်းငုံ (ဖြူနီ) (သစ်)  460  480  ပဲစင်းငုံ (ဖြူ) (သစ်)   460  480   ကုလားပဲဖြူလုံးကြီး  980   980   ပဲလွန်းဖြူ (အက်ဖ်အေကြူ)    790  790  ပဲလွန်းဖြူ (အက်စ်ကြူ)   900   900  မြေထောက်ပဲ      740  740  ထောပတ်ပဲ  730   730          သက်ဆိုင်ရာ နေ့ရက်များတွင် ရန်ကုန်တိုင်းဒေသကြီးကုန်စည်ဒိုင်၌ အရောင်းအဝယ်ဖြစ်ခဲ့သည့် အနိမ့်ဆုံးဈေးနှုန်း ဖြစ်သည်။

                  နိုဝင်ဘာ ၆ ရက် နံနက် ၁၀ နာရီအချိန်က ဆိပ်ဖြူမြို့အခြေခံ အိမ်တွင်းမှုသင်တန်းကျောင်းမှာ ယောချောင်းဒေသ ရေဘေးသင့် တောင်သူများ ကြက်သွန်နီအချိန်မီစိုက်ပျိုးနိုင်ရန် ကူညီပံ့ပိုး နိုင်ရေးအတွက် ညှိနှိုင်းဆွေးနွေးပွဲ ကျင်းပခဲ့ပါတယ်။                     ဆွေးနွေးပွဲကို စီးပွားရေးနှင့် ကူးသန်းရောင်း ဝယ်ရေးဝန်ကြီးဌာန၊ မြန်မာ့လယ်ယာထွက်ကုန် ပစ္စည်း ရောင်းဝယ်ရေး၊ ဦးဆောင်ညွှန်ကြားရေးမှူး ဦးကျော်ထူးနဲ့ ဌာနဆိုင်ရာတာဝန်ရှိသူများ၊ မြန်မာနိုင်ငံ ကြက်သွန်နီ၊ ကြက်သွန်ဖြူနဲ့ စားဖိုဆောင် သုံးသီးနှံများ စိုက်ပျိုးထုတ်လုပ်တင်ပို့ ရောင်းချ သူများအသင်း၊ ဒုတိယဥက္ကဋ္ဌနဲ့ အလုပ်အမှုဆောင် များ၊ ရန်ကုန်ကြက်သွန်နီ ကုန်သည်ကြီးတွေ၊ ပခုက္ကူ၊ ဆိပ်ဖြူနဲ့ ပေါက်မြို့နယ်များမှ ဒေသခံ ကြက်သွန်နီ ကုန်သည်တွေ၊ ကြက်သွန်နီစိုက် တောင်သူတွေ စုစုပေါင်း ၁၅၀ ဦးခန့် တက် ရောက်ခဲ့ပါတယ်။                   ဦးဆောင်ညွှန်ကြားရေးမှူး ဦးကျော်ထူးက အမှာစကားပြောကြားရာမှာ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ရဲ့ စီစဉ်ဆောင်ရွက်ပေးမှုအရ ကြက်သွန်နီစိုက် တောင်သူတွေကို ကူညီပံ့ပိုးဆောင်ရွက်ပေးသွား မှာဖြစ်ကြောင်း၊ စိုက်ပျိုးသူတောင်သူတွေ မထိခိုက် စေရေးနဲ့ စားသုံးသူဖိစီးမှု မဖြစ်စေရေး ဆောင်ရွက်ပေးရန်လိုကြောင်း၊ တောင်သူတွေကို အတိုးနှုန်း သတ်မှတ်ပြီး ငွေချေးပေးခြင်းထက် ၎င်းတို့ အလုပ် အကိုင်အခွင့်အလမ်းများ ရရှိအောင် ဆောင်ရွက်ပေးနိုင်ပါက ပိုမိုကောင်းမွန်မှာဖြစ်ကြောင်း၊ တောင် သူကြီးပွားရင် ကုန်သည်ကြီးပွားမှာဖြစ်လို့ အခု တောင်သူတွေ အခက်အခဲဖြစ်နေချိန်မှာ ကုန်သည်တွေက ဝိုင်းဝန်းကူညီပေးသွားရန် လိုအပ် ကြောင်း၊ ကြက်သွန်နီ အခြေခံဈေးနှုန်းသတ်မှတ် ပြီး ရန်ကုန်ကုန်သည်နဲ့ ဒေသခံကုန်သည်တွေက ကုန်သည်အချင်းချင်း ချိတ်ဆက်ပြီး၊ ဒေသခံကုန် သည်က ဒေသခံတောင်သူတွေနဲ့ တိုက်ရိုက် ချိတ် ဆက်ပြီးမျိုး၊ သွင်းအားစုနဲ့ စိုက်ပျိုးစရိတ်တွေ ပံ့ပိုး ကူညီပေးရမှာဖြစ်ကြောင်း၊ အထူးပြုကုမ္ပဏီတွေလို ပံ့ပိုးပေးတဲ့နည်းလမ်း၊ ပင်ထောင်ပေး၊ အလှန်းပေး၊ ကြိုတင်ပေးစတဲ့ နည်းလမ်းတွေနဲ့ ပံ့ပိုးကူညီနိုင်ရေး အတွက် ဝိုင်းဝန်းညှိနှိုင်းပြီးအဖြေရတဲ့အထိ ဆောင် ရွက်သွားရန်လိုကြောင်း ပြောကြားခဲ့ပါတယ်။                     အဲဒီနောက် မြန်မာ့စိုက်ပျိုးရေးလုပ်ငန်း မကွေးတိုင်းဒေသကြီးမန်နေဂျာ၊ မြန်မာနိုင်ငံကြက် သွန်နီအသင်း ဒုတိယဥက္ကဋ္ဌနဲ့ တိုင်းကြက်သွန်နီအသင်းဥက္ကဋ္ဌတို့က ဆက်လက်ဆွေးနွေးကြပါတယ်။ အဲဒီနောက် ရန်ကုန် ကုန်သည်နဲ့ ဒေသခံ ကုန်သည်၊ တောင်သူတွေ အပြန်အလှန် ညှိနှိုင်း ဆွေးနွေးကြပါတယ်။ ကြက်သွန်နီ တစ်ပိဿာ အခြေခံဈေးနှုန်း ၃၀၀ ကျပ်သတ်မှတ်ပြီး၊ ဒေသခံ ကုန်သည်တွေမှတစ်ဆင့် တောင်သူတွေအတွက် လိုအပ်တဲ့ မျိုး၊ သွင်းအားစုနဲ့ စိုက်ပျိုးစရိတ်ငွေများ ပံ့ပိုးပေးနိုင်ရေး၊ ပြန်လည်ပေးအပ်ချိန်မှာ အခြေခံ ဈေးနှုန်းထက် နိမ့်ကျပါက ၃၀၀ ကျပ်နှုန်းနဲ့ ဝယ်ယူရန် အခြေခံဈေးထက်မြင့်ပါက ဖြစ်ပေါ်နေတဲ့ ပေါက်ဈေးအတိုင်းဝယ်ရန်၊ ပြန်လည် ပေးအပ်ချိန် မှာ ကြက်သွန်နီ ပေးအပ်လိုခြင်းမရှိပါက ကြက်သွန်နီအစား ပံ့ပိုးကူညီပေးခဲ့တဲ့ ငွေအရင်းအနှီး အတိုင်း (အတိုးမပါ) ပြန်လည်ပေးအပ်ရန်၊ ကြက်သွန်နီ ပြန်လည်ပေးအပ်ချိန်ကာလအား ကြက်သွန် နီပေါ်ချိန် ဧပြီ ၁၅ ရက်မှ မေ ၃၁ ရက်အတွင်း ပေးအပ်ရန်၊ ရန်ကုန် ကုန်သည်တွေမှ ဒေသခံကုန် သည်တွေထံသို့ ကြက်သွန်နီ အခြေခံဈေးနှုန်း တစ် ပိဿာ ၃၀၀ ကျပ်နှုန်းနဲ့ အရောင်းအဝယ်ပြုလုပ်မယ့် အရေအတွက်မှာ ပိဿာချိန် ၇ ဒသမ ၀၅ သိန်း၊ တန်ဖိုးငွေကျပ် ၂၁၁၅ သိန်းကြိုတင်ပေးပြီး စာချုပ်ချုပ်ဆိုဝယ်ယူရန် နှစ်ဦးနှစ်ဖက် ညှိနှိုင်း သဘောတူညီခဲ့ကြောင်း သတင်းရရှိပါတယ်။  T60

                   အိန္ဒိယနနွင်းအဓိက ဈေးကွက်များမှာ အမှာအော်ဒါများ လျော့ခြင်းနဲ့ ကြိုပွိုင့်ဈေးအားနည်းခြင်းတု့ိကြောင့် နနွင်းလက်ငင်း ဈေးပါ ကျဆင်းခဲ့ပါတယ်။ ၄ ရက်ကြာပိတ်ရက်များအပြီး၊ နနွင်းတောင်သူများဟာ ဈေးအမြင့်မှန်းပြီး၊ ဈေးကွက်ကို နနွင်း ယူလာကြပေမယ့် နနွင်းဈေးတစ်တန် ရူပီး ၂၀၀၀ (ကန်ဒေါ်လာ ၄၀)ခန့် ကျဆင်းခဲ့ပါတယ်။ ဝင်ရောက်လာတဲ့ နနွင်း ထဲမှာ အိတ် ၉၈၀၀ သာရောင်းချရတယ်လို့ အီရော့နနွင်းကုန်သည်များ အသင်း ဥက္ကဌ မစ္စတာအာကေဗွီရာဗီရှန်ကာမှ ပြောကြားပါတယ်။                   အခြားဒေသများမှ ဝယ်လိုအားနည်းတာကြောင့် ကုန်သည်များဟာ အမှာအော်ဒါအနည်းငယ်သာ ရရှိတယ်လို့ ဆိုပါတယ်။ ဒါကြောင့် ဈေးအနိမ့်နဲ့ ပမာဏအကန့်အသတ်သာ ဝယ်ယူကြခြင်းဖြစ်ပါတယ်။ ဒါ့အပြင် ကြိုပွိုင့် ဈေးကွက်လည်း တစ်တန်ရူပီး ၅၀၀၀(ကန်ဒေါ်လာ ၁၀၀)ခန့်ကျဆင်းခဲ့ပါတယ်။ ကျေးလက်ဒေသများမှာ မိုးသည်း ထန်စွာ ရွာသွန်းတာကြောင့် တောင်သူအများစုဟာ ဈေးကွက်အတွင်း နနွင်းသယ်ဆောင်လာခြင်း မရှိဘူးလို့ ဆိုပါတယ်။ တောင်သူများလက်ထဲမှာ လက်ကျန်အိတ်ပေါင်း ၈ သိန်းကျော်ထိ သိုလှောင်ထားဆဲဖြစ်ကြောင်း၊ အချို့တောင်သူများဟာ လက်ရှိ ရွာသွန်းနေတဲ့ မိုးကြောင့် အချို့ဒေသနနွင်းစိုက်ပျိုးမှုကို ထိခိုက်ပြီး၊ နောက်နှစ် အထွက်ကျဆင်းနိုင်တဲ့အတွက် ဈေးနှုန်း မြင့်တက်နိုင်တယ်လို့ ခန့်မှန်းနေကြပါတယ်။ ဒါကြောင့်လည်း အချို့ တောင်သူများ သိုလှောင်မှုကို ထိန်းထားခြင်းဖြစ်တယ်လို့ ဆိုပါတယ်။                     ဟင်းသီးဟင်းရွက်ဌာနမှ အရာရှိများပြောကြားတာကတော့ မိုးရွာသွန်းမှုကြောင့် နနွင်းပင်အနည်းငယ်သာ ရေနစ်မြုပ်တာကြောင့် အထွက်နှုန်းကျဆင်းနိုင်ခြင်းမရှိပါဘူးလို့ ဆိုပါတယ်။ အခြားနနွင်းအမျိုးအစားများ တစ်တန် ရူပီး ၂၀၀၀ (ကန်ဒေါ်လာ ၄၀) ကျဆင်းပေမယ့် စပ်မျိုးနနွင်းလက်ချောင်းဈေးက မြင့်တက်ပါတယ်။ နနွင်းဈေးကွက်အတွင်း ဝင်ရောက်မှု ကျဆင်းမယ်ဆိုရင် ဈေးမြင့်တက်နိုင်တယ်လို့ ကုန်သည်များက ဆိုပါတယ်။ အကယ်လို့ နနွင်းအိတ် တစ်သောင်းကျော် ဝင်ရောက်ရင် နနွင်းဈေး ထပ်မံ ကျဆင်းနိုင်တယ်လို့ ဆိုပါတယ်။ အီရော့ နနွင်းကုန်သည်များ အသင်းဈေးဝင်းမှာ နနွင်းလက်ချောင်းဈေး တစ်တန် ရူပီး ၃၅၀၀၀-၅၀၈၉၀ (ကန်ဒေါ်လာ ၇၀၀-၁၀၁၈)ရှိပြီး၊ နနွင်းဥဈေးက တစ်တန် ရူပီး ၃၃၆၀၀-၄၆၉၅၀ (ကန်ဒေါ်လာ ၆၇၂-၉၃၉) ရှိပါတယ်။ ယမင်းခင်၊Source: hindubusiness

                  ထိုက်သင့်တဲ့ဈေးပေးတဲ့ ပြုပြင်ထုတ်လုပ်တဲ့ကုမ္ပဏီနဲ့ စာချုပ်ထားတဲ့အတွက် မနှစ်ကထက် ဝင်ငွေကျဆင်းပေမယ့် ကံကောင်းခဲ့တယ်လို့ တရုတ်နိုင်ငံ ရှန်ဒေါင်း ပြည်နယ် အရှေ့ဘက်မှာရှိတဲ့ Laiwu  မြို့ Zhangli  ရွာမှ ၅၂ နှစ်အရွယ် ချင်း စိုက်ပျိုးသူ Zhu Hergjun က ပြောကြားပါတယ်။ ယခုနှစ်အခြား ချင်းစိုက်ပျိုးသူတွေလို ဆုံးရှုံးမှု မကြီးမားကြောင်းလည်း ၎င်းကဆိုပါတယ်။                      လတ်တလော Laiwu  မှာ ချင်းကို ၇၀ ရာခိုင်နှုန်း စိုက်ပျိုးပြီး တောင်သူများနဲ့ လုပ်ငန်းရှင်များ ပူးပေါင်း ဆောင်ရွက်မှု တိုးတက်နေပြီလို့ Laiwu ရဲ့ Laichengခရိုင် ဒုတိယအကြီးအကဲဖြစ်သူ Diao Yuzhao မှ ပြောကြားပါတယ်။ ယင်းမြို့နယ်မှာ တရုတ်နိုင်ငံချင်းစိုက်ပျိုးမှုရဲ့၂၀ရာခိုင်နှုန်းရှိတဲ့ဟက်တာ ၁၂၀၀၀ကိုချင်းစိုက်ပျိုးပါတယ်။ ဇ့က ရဲ့ချင်းစိုက်မြေ ၁၃၃၀ စတုရန်းမီတာမှ ချင်းကီလို ၆၀၀၀ ကို တစ်ကီလို ၁ ဒသမ ၄ ယွမ် (ကန်ဒေါ်လာ ၂၂ဆင့်)ဈေးနဲ့ အောက်တိုဘာလလယ်မှာ ဒေသ တွင်းကုမ္ပဏီကို ရောင်းချခဲ့တာဖြစ်ပါတယ်။ ၎င်းအနေနဲ့ ငွေများစွာ မဝင်ပေမယ့် ၎င်းရဲ့ ကုန်ကျစရိတ် ယွမ် ၈၀၀၀ (ကန်ဒေါ်လာ ၁၂၆၂)အတွက် မျှတအောင် ဖန်တီး နိုင်ခဲ့တယ်လို့ ဆိုပါတယ်။ လွန်ခဲ့တဲ့ နှစ်များအတွင်း တရုတ်တောင်သူများဟာ ဈေးနှုန်း ရုတ်တရက် အပြောင်းအလဲရှိတဲ့ ချင်း၊ ကြက်သွန်ဖြူနဲ့ ပဲတီစိမ်း လိုသီးနှံများ ကြောင့်ထိခိုက်မှုရှိခဲ့ပါတယ်။                      မကြာသေးခင်နှစ်များအတွင်း ချင်းဈေးမြန်ဆန်စွာ မြင့်တက်ခဲ့တဲ့အတွက် ချင်း စိုက်တောင်သူအရေအတွက် တိုးပြီး ပိုစိုက်လာခဲ့ပေမယ့် အောက်တိုဘာ လနှောင်း ပိုင်း မှာတော့ ၂၀၁၀ ခုနှစ်ကာလတူထက် ချင်းဈေး ၇၀ ရာခိုင်နှုန်း ကျော်ကျဆင်းခဲ့ပါ တယ်။ ချင်းအဓိကထားစိုက်ပျိုးတဲ့ Laiwu  မှာ တောင်သူများဟာ ဈေးနှုန်းအတက် အကျဒဏ်မခံရအောင်အာမခံချက်ရှိတဲ့ ပြုပြင်ထုတ်လုပ်တဲ့ ကုမ္ပဏီများနဲ့ ဆက်သွယ် ပြီး၊ ချင်းများ ရောင်းချခဲ့တာ ဖြစ်ပါတယ်။                        ကုမ္ပဏီများနဲ့ ပူးပေါင်းရောင်းချဖို့ လုပ်ငန်းရှင်များဟာ မြေအသုံးပြုခွင့်ရရှိရေး တောင်သူများနဲ့ စာချုပ်များ ချုပ်ဆိုခဲ့ပါတယ်။ အဲဒီကုမ္ပဏီများဟာ ၎င်းတို့အကျိုး အတွက် ချင်းစိုက်ပျိုးဖို့ အဲဒီတောင်သူတွေနဲ့ လုပ်ကိုင်ပါတယ်။ ဒါကြောင့်တောင်သူ များ ဟာ မြေငှားရမ်းခြင်းအတွက် အခကြေးငွေရရှိခြင်းအပြင် သတ်မှတ်ထားတဲ့ လစာ လည်း ရရှိပါတယ်။ Laiwu ရှိ Gorgjiazhuang ရွာမှ ချင်းတောင်သူ Shen Guihai  ဟာ အဲဒီပူးပေါင်းဆောင်ရွက်တဲ့အကျိုး ခံစားရရှိနေပါတယ်။                ၎င်းဟာ Laiwu Manhing Vegetables Fruits  ကုမ္ပဏီအတွက် ၎င်းရဲ့မြေယာ အားလုံးကို ၂၀၀၇ ခုနှစ်ကတည်းက ချင်းစိုက်ပျိုးခဲ့ရာ ယင်းကုမ္ပဏီကို မြေငှားရမ်းခြင်း အတွက် ယွမ် ၁၂၀၀ (ကန်ဒေါ်လာ ၁၈၉) အပါအဝင် နှစ်စဉ် ယွမ် ၁၀၀၀၀ (ကန်ဒေါ်လာ ၁၅၇၈)ရရှိခဲ့ပါတယ်။ အရင်က ပြောင်းနဲ့ မြေပဲသီးနှံစိုက်ပျိုးရာမှာ တစ်နှစ်ကို ယွမ် ၄၀၀ (ကန်ဒေါ်လာ ၆၃)သာရရှိတယ်လို့ Shen  က ဆိုပါတယ်။                   အခြားချင်းအဓိကစိုက်ပျိုးတဲ့ Arqiu  မြို့မှာ တောင်သူများ အဲဒီလိုပူးပေါင်းဆောင် ရွက်မှု မရှိတဲ့အတွက် Laiwu မှ တောင်သူများလို အကျိုးအမြတ်မရရှိတဲ့အပြင် ဈေးနှုန်း ကျဆင်းမှုတွေနဲ့ ရင်ဆိုင်ရပါတယ်လို့ ဆိုပါတယ်။အဲဒီလို ဈေးကျဆင်းလာခြင်းဟာ ယခင်နှစ်ဈေးအလွန်အမင်းမြင့်တက်ခဲ့ချိန် ချင်းစိုက်ဧရိယာတွေ တိုးချဲ့ခဲ့တဲ့အတွက် ရောင်းချမှုများပြီး၊ ဈေးကျဆင်းလာခြင်းဖြစ်တယ်လို့ဆိုပါတယ်။  Shandong မှာ ချင်း ထုတ် လုပ်မှုဟာ ရာသီဥတု ကောင်းပြီး မိုးရွာသွန်းမှုကြောင့် ယခုနှစ်မှာ ၅၀ ရာခိုင်နှုန်း တိုးတက်ခဲ့ပါတယ်။ Laiwu မှာ ချင်းထုတ်လုပ်မှုက ၆၀ ရာခိုင်နှုန်းထိ မြင့်တက်ခဲ့ပါတယ်။                     ဈေးနှုန်းမတည်ငြိမ်မှုကြောင့် ရှန်ဒေါင်းဒေသမှ ချင်းစိုက်ပျိုးသူအားလုံးဟာ Laiwu  ဒေသမှာ ဆောင်ရွက်နေသလို အကြီးစားမော်ဒယ်များ လုပ်ဆောင်သင့်ပြီလို့ ရှန်ဒေါင်း စီးပွားရေး စီမံခန့်ခွဲမှုတက္ကသိုလ်မှ ဒါရိုက်တာ Nie Binghua  က ပြောကြားပါတယ်။                   တောင်သူတစ်ဦးချင်းအနေနဲ့ လုံလောက်တဲ့ဈေးကွက်အချက်အလက် မရရှိနိုင်ဘူးလို့ ဆိုပါတယ်။ လက်ရှိ Laiwu မှာ ချင်းပြုပြင်ထုတ်လုပ်တဲ့ ကုမ္ပဏီ ၃၈၀ ရှိပြီး၊ အဲဒီထဲမှာ Manhing Vegetables Fruits  ကုမ္ပဏီဟာ တရုတ်နိုင်ငံရဲ့ ချင်းတင်ပို့မှု အကြီးမားဆုံး ဖြစ်ပါတယ်။ ယင်းကုမ္ပဏီဟာ မြေဟက်တာ ၄၀၀ ခန့် ငှားရမ်းခွင့်ရရှိထားပြီး စုစုပေါင်း ချင်းစိုက်ဧရိယာ ဟက်တာ ၂၀၀၀ စိုက်ပျိုးဖို့ တောင်သူ ၁၀၀၀ ကျော်နဲ့ စာချုပ်ထားပါ တယ်။အကြီးစား လယ်ယာလုပ်ငန်းဟာကုမ္ပဏီအကျိုးအတွက်သာမကနည်းပညာ အသစ် များ အသုံးပြုခြင်းဖြင့် အထွက်လည်း တိုးမှာ ဖြစ်လို့ တောင်သူများလည်း ဝင်ငွေ ပိုမို ရရှိနိုင်မှာ ဖြစ်ပါတယ်။                     ယခုနှစ် ပထမ ၉ လအတွင်း ယင်းကုမ္ပဏီမှ ချင်းနဲ့ ဆက်စပ်ထုတ်ကုန် တင်ပို့မှုမှ ကန်ဒေါ်လာ ၁၃၀ သန်း ရရှိပြီးဖြစ်တယ်လို့ သိရပါတယ်။ ယင်းကုမ္ပဏီထုတ်ကုန်များ ဟာ ဗြိတိန်စူပါမားကက်များနဲ့ ဥရောပနိုင်ငံများရှိ စတိုးဆိုင်များမှာ ရရှိနေပြီဖြစ်ပါ တယ်။ အဲဒီလိုဈေးကွက်ကြီးများ ရရှိထားပြီးဖြစ်လို့ ချင်းဈေးကွက်ပေါက်ဈေး နိမ့်ကျပေ မယ့်တောင်သူတွေကို ထိုက်သင့်တဲ့ဈေးနဲ့ ကုမ္ပဏီက ဝယ်ယူနိုင်ခြင်းဖြစ်ပါတယ်။ ယင်း ကုမ္ပဏီနဲ့ ဆက်စပ် ဆောင်ရွက်နေတဲ့ တောင်သူများကို ဈေးကွက်ပေါက်ဈေးထက် ၁၀ ဆ ပိုပြီး ဝယ်ယူပေးတယ်လို့ Manhing ကုမ္ပဏီ မန်နေဂျာ Zharg Huayu  မှ ပြော ကြားပါတယ်။ ယမင်းခင်၊Source: Chinadaily.com