ကျောက်ဆည်မြို့နယ်မှာ စက်တင်ဘာလ နောက်ဆုံးပတ်မှ ယနေ့အထိ မြေပဲ၊ နှမ်းဈေးနှုန်းဟာ ဈေးငြိမ်လျက်ရှိကြောင်းသိပါတယ်။ မြေပဲတောင့်တစ်တင်း ၆၀၀၀ ကျပ်၊ နှမ်းဖြူတစ်တင်း ၂၅၀၀၀ ကျပ်၊ နှမ်းညို တစ်တင်း ၁၉၀၀၀ ကျပ်၊ နှမ်းနက်တစ်တင်း ၂၁၅၀၀ ကျပ်ဈေးရှိပါတယ်။ မြေပဲဆီတစ်ပိဿာ ၃၈၀၀ ကျပ်၊ နှမ်းဆီတစ်ပိဿာ ၂၄၀၀ ကျပ်၊ စားဆီတစ်ပိဿာ ၁၈၀၀ ကျပ်ဈေးရှိပါတယ်။ ဆောင်းမြေပဲ၊ ဆောင်းနှမ်း စိုက်ရန် စိုက်ပျိုးစရိတ်အတွက် လက်ကျန်များ ထုတ်ရောင်းခြင်းဖြစ်တယ်လို့သိရပါတယ်။                    အထွက်နှုန်းကောင်းတဲ့ V2 ကုလားပဲ၊ ကုလားပဲရိုးရိုးဈေးကွက်မှာလည်း တောင်သူများမျိုးချန်ထားပြီး၊ ကျောက်ဆည်ပွဲရုံများမှာ သွားရောက်ရောင်းချ လျက်ရှိပါတယ်။ V2 ကုလားပဲတစ်တင်း ၂၂၀၀၀ ကျပ်၊ ကုလားပဲ ရိုးရိုးတစ်တင်း ၁၇၅၀၀ ကျပ်နဲ့ အရောင်းအဝယ်ဖြစ်လျက်ရှိပါတယ်။ ကျောက်ဆည်မြို့ရဲ့ နာမည်ကြီး မိုးထောင်ငရုတ် ဈေးကွက်ကတော့ အနည်းငယ်ဈေးမြင့်လာပါတယ်။ မိုးထောင်ငရုတ်တစ်ပိဿာ ၂၀၀၀ ကျပ်၊ သာမိုနဲ့ ဒီမွန်ငရုတ်မျိုး ကတော့ ၁၉၅၀ ကျပ်နဲ့ အရောင်းအဝယ်ဖြစ်လျက် ရှိပါတယ်။ ယခုလို မိုးအကုန်ဆောင်းအကူးကာလမှာ တောင်သူများ လက်ကျန်မထားတော့ဘဲ ကျောက်ဆည် ' အေးမြကြည်လင်ဈေး' ပွဲရုံတန်းမှာ ကားကြီး၊ ကားငယ် အသွယ် သွယ်ဖြင့် အရောင်းအဝယ်စည်ကားလျက်ရှိပါတယ်။                    တောင်သူများရဲ့ အဆိုအရ ဒီနှစ်ဆောင်းအမီစိုက်ပျိုးမယ့် ကုလားပဲ၊ မြေပဲ၊ နှမ်း၊ ငရုတ်၊ ကြက်သွန်နီသီးနှံများအား မိုးနှောင်းကောင်းခဲ့တဲ့အတွက် အစို ဓာတ်အားကိုးပြီး စိုက်မှာဖြစ်လို့ အထွက်နှုန်း  လည်းကောင်းနိုင်တယ်လို့ ဆိုကြ ပါတယ်။ နှင်းလဲ့လဲ့မိုး

                   အောင်ပန်းဈေးကွက်ထဲသို့ ချင်းသစ်တွေက ပုံမှန်အဝင်ရှိနေပါတယ်။ ကလောနဲ့ပင်လောင်းမြို့နယ် တစ်ဝိုက်က ဖော်လာတဲ့အတွက် နေ့စဉ်ပုံမှန်အဝင်ရှိနေ တယ် လို့သိရပါတယ်။ အဝင်ပုံမှန်ရှိသလို ပြည်တွင်းသုံး အတွက်လည်း အဝယ်ရှိနေ တာကြောင့် အရောင်းအဝယ်ကလည်း ပုံမှန်ရှိနေပါတယ်။ ဒီနှစ်က မိုးကောင်း တာကြောင့်ချင်းအောင်တဲ့နှစ်ဖြစ်တယ်လို့လည်း သိရပါတယ်။ အစပိုင်းမှာ အပင်ပုပ် တာကြောင့်အနုတွေကို စောဖော်ခဲ့ကြရပြီး၊ ပုံမှန်ဖော်ရတဲ့ သီတင်းကျွတ်ပြီး ကာလမှ ဖော်ရတဲ့ချင်းတွေကတော့ ရင့်လာပြီဖြစ်တဲ့အတွက် အရည်အသွေးကလည်း ကောင်းတယ်လို့သိရပါတယ်။ ချင်း(ဥမ)တွေကတော့ တစ်ပိဿာ ၅၀၀ ကျပ်ဈေး ရှိပေမဲ့ ပစ္စည်းကတော့ လက်ကျန်သိပ်မရှိတော့ပါဘူး။ ချင်းသစ်ကတော့ တစ်ပိဿာ ၃၀၀ ကျပ်၊ ၃၅၀ ကျပ်ဈေးရှိပြီး၊ ချင်းခြောက်ကတော့ တစ်ပိဿာ ၂၄၀၀ ကျပ်ဈေးရှိပါတယ်။                     ဟိုပုံးဈေးကွက်မှာတော့ ချင်းသစ်တွေ အဝင်မရှိသေးပါဘူး။ နောက်နှစ်လ လောက်သာစပြီး ဝင်နိုင်မယ်လို့သိရပါတယ်။အဟောင်းတွေကလည်းကုန်သလောက် ဖြစ်နေတာကြောင့် လက်လီဈေးနဲ့သာ အရောင်းအဝယ် ဖြစ်နေပြီး တစ်ပိဿာ ၄၀၀ ကျပ်ဈေးရှိပါတယ်။ ဧဧခိုင်

                     မန္တလေးဈေးကွက်အတွင်းမှာ ကုလားပဲဖြူကြီးကို ရန်ကုန်ဝယ်လက်က ဆက်လက်ဝယ်ယူမှုရှိနေတာ ကြောင့် ဈေးငြိမ်ပြီး၊ အရောင်းအဝယ်ပုံမှန်ဖြစ်နေပါ တယ်။ ယခုနှစ် ကုလားပဲဖြူလုံးကြီးနဲ့ တိုင်ပေဟာ ဈေးကောင်း ရပြီး၊ ပုံမှန် အရောင်း အဝယ်ဖြစ်နေတာကြောင့် တောင်သူရော၊ ကုန်သည်ပါ အဆင်ပြေ ကြတယ်လို့ သိရပါတယ်။ပဲခွဲစက်သမားများ ပုံမှန်ဝယ်ယူမှုရှိသလို ယခုလမှာ မျိုးအတွက် ဝယ်ယူ တာတွေပါရှိလာတဲ့အတွက် ကုလားပဲဖြူလုံးကြီးဈေးဟာ ယခင်အပတ် တစ်ပိဿာ ၁၁၇၀ ကျပ်မှ ယခုအပတ် ၁၁၈၈ ကျပ်ဖြစ်လာသလို ထိုင်ဝမ် ကုလားပဲကလည်း တစ်ပိဿာ ၁၀၃၁ ကျပ်နဲ့ ဈေးငြိမ်ပြီး၊ အရောင်းသွက်နေတာ တွေ့ရပါတယ်။                    ဈေး ကွက် အတွင်းမှာ ပဲလက်ကျန် နည်းပေမယ့် ရန်ကုန်ဝယ်လက် မန္တလေးခွဲစက်၊ အမှုန့်စက်များ ဝယ်ယူမှုရှိနေတာကြောင့် အရောင်းအဝယ်သွက်တဲ့ ပဲများဖြစ် ကြောင်း ဈေးကွက်က သိရပါတယ်။ လွင်အေး

                  အိန္ဒိယဈေးကွက်များအတွင်း ကာဘူလီကုလားပဲဈေးဟာ ယခင်နေ့ အမြင့် ဈေးမှာငြိမ်နေပါတယ်။အမြင့်ဈေးနဲ့ကာဘူလီကုလားပဲကို လှောင်လက်များ ဝယ်ယူမှု နှေးတယ်လို့ သိရပါတယ်။ အင်ဒိုရီရှိ ပဲတင်ပို့သူ များကလည်း ဈေးအကျကို စောင့်ဆိုင်းနေတယ်လို့ သိရပါတယ်။ အစိုးရက ဆောင်းကုလားပဲအတွက် အနိမ့်ဆုံး ထောက်ပံ့ဈေးကို တိုးမြှင့်သတ်မှတ်ခဲ့ပေမဲ့ လတ်တလော လှောင်လက်များ အဝယ် အေးတာကြောင့် ကာဘူလီကုလားပဲဈေး မြင့်တက်ဖွယ်မရှိဘူးလို့ ခန့်မှန်းထားပါတယ်။ ဈေးကွက်အတွင်း ဖြစ်ပေါ်တဲ့ ဈေးနှုန်းများ နှိုင်းယှဉ်ဖော်ပြလိုက်ပါတယ်                                                             ဒေါ်လာ/ တန်                 ၂၅-၁၀-၁၁      ၂၄-၁၀-၁၁         ၂၂-၁၀-၁၁            ၂၁-၁၀-၁၁ဒေလီ            ၆၈၄-၆၉၅     ၆၇၂-၆၇၇          ၆၆၂-၆၆၇              ၆၅၉-၆၆၄ကန်ပါ             ၇၂၄              ၇၁၈                  ၇၁၈                      ၇၁၈အာကိုလာ          -                  -                      ၇၁၂                      ၇၀၈MIRT(MAPT)