အိန္ဒိယပြည်တွင်းဈေးကွက်တွေမှာ ပဲခွဲစက်တွေက ဝယ်လိုအားရှိတာကြောင့် မြန်မာပဲစင်းငုံလီမွန်နဲ့ ကာနာတာကာပဲစင်းငုံဈေးများ မြင့်တက်ခဲ့ပါတယ်။ ဒါပေမဲ့ ပဲစင်းငုံလီမွန်နဲ့ ပြည်တွင်းကာနာတာကာ၊ မဟာရပ်ရှတရာ ပဲစင်းငုံဈေးမှာ တစ်တန် ရူပီး ၃၀၀၀ (ကန်ဒေါ်လာ ၆၀) ခန့်ကွာခြားမှုရှိနေပါတယ်။ လတ်တလောဝယ်လို အားကောင်းနေတာကြောင့် ပဲစင်းငုံလီမွန်ဈေး အနည်းငယ်ထပ်တက်နိုင်တယ်လို့ ခန့်မှန်းထားပါတယ်။ ဒါပေမဲ့ ပြည်တွင်းပဲအသစ်ထွက်လာတော့မှာဖြစ်လို့ ကာလ တိုအတွင်းမှာ ဈေးတည်ငြိမ် မယ်လို့လည်း အချို့က ခန့်မှန်းထားပါတယ်။ ဈေးကွက် များအတွင်း ဖြစ်ပေါ်တဲ့ ဈေးနှုန်းများနှိုင်းယှဉ် ဖော်ပြလိုက်ပါတယ်။ ဒေါ်လာ/တန်                   ၂၅-၁၀-၁၁        ၂၄-၁၀-၁၁        ၂၂-၁၀-၁၁           ၂၁-၁၀-၁၁မွန်ဘိုင်း           ၆၃၃-၆၃၈           ၆၃၂                    ၆၁၂                ၆၁၄ဒေလီ               ၆၈၂-၆၈၄        ၆၈၀-၆၈၂            ၆၆၀-၆၆၂        ၆၅၇-၆၅၉ချန်နိုင်း            ၆၁၃-၆၁၈        ၆၁၂-၆၁၇            ၆၀၇-၆၁၂          ၆၀၄-၆၀၉MIRT-MAPT

                ပင်လယ်ရေကြောင်းက ပဲစင်းငုံတင်ပို့မှုမှာ ယခင်တစ်ပတ်က တန်ချိန် တစ် ထောင်ကျော်သာရှိခဲ့ရာမှ ယခုတစ်ပတ် (အောက်တိုဘာလ ၁၇ ရက်မှ ၂၁ ရက်) အတွင်းမှာ တန်ချိန် ၂၆၀၀ ကျော်တင်ပို့မှုရှိခဲ့ပါတယ်။ လက်ရှိဘဏ္ဍာနှစ် အောက်တို ဘာ ၂၁ရက်အထိ တင်ပို့ပြီးစီးမှုအနေနဲ့ ပဲစင်းငုံတန်ချိန် ၁၂၉၀၀၀ ခန့်ရှိပြီး ဝင်ငွေ အားဖြင့် ကန်ဒေါ်လာ ၈၂ သန်းကျော်ရရှိပါတယ်။                  ယခင်ဘဏ္ဍာနှစ် ကာလတူအတွင်း တင်ပို့မှုအနေနဲ့ တန်ချိန် ၆၂၀၀၀ ကျော်၊ ဝင်ငွေအားဖြင့် ကန်ဒေါ်လာ၆၀ သန်းကျော်ရှိလို့ယခုနှစ်မှာတင်ပို့မှုပမာဏ ၁ ဆကျော်ပိုမိုတင်ပို့နိုင်ပေမဲ့ ရရှိတဲ့ ဝင်ငွေအားဖြင့် ယခင်နှစ်ဈေးကို မမီတဲ့အတွက် ဝင်ငွေနည်းတာတွေ့ရပါတယ်။ လတ်တလော ပဲစင်းငုံအရောင်းအဝယ်သွက်နေလို့ လာမယ့် သီတင်းပတ်မှာ ပိုမိုတင်ပို့နိုင်မယ်လို့ ခန့်မှန်းထားပါတယ်။ MIRT-MAPT

                အိန္ဒိယပြည်တွင်းဈေးကွက်တွေမှာ ပဲအသစ်တွေ ဝင်ရောက်မှုများလို့ ပြီးခဲ့တဲ့ သီတင်းပတ်အထိ မတ်ပဲဈေး အကျဘက်ဆင်းနေခဲ့ရာမှ ယခုသီတင်းပတ်မှာတော့ ပွဲတော်အတွက် ခွဲစက်သမားတွေ အဝယ်တက်လာလို့ မတ်ပဲဈေးပြန်မာလာတာ တွေ့ရပါတယ်။ ဒါပေမဲ့ အရည်အသွေးပေါ်လိုက်ပြီး ဈေးကွာခြားမှုတော့ ရှိပါတယ်။ မြန်မာ မတ်ပဲဈေးဟာ တင်သွင်းစရိတ်ကြီးမြင့်ခြင်းနဲ့အတူ ဈေးမာနေပါတယ်။ ဒီရက်ပိုင်းအတွင်းဈေးကွက်ကို ဝင်ရောက်မှုနည်းတဲ့အပြင် အရည်အသွေးကောင်း မတ်ပဲ များ အရောင်းအဝယ်ဖြစ်တယ်လို့ သိရပါတယ်။ လတ်တလောမှာတော့ ဘာသာ ရေး ပွဲတော်များကြောင့် ဈေးကွက်တော်တော်များများ ပိတ်ထားတယ်လို့ သိရပါ တယ်။ ဒါပေမဲ့ နောက် ၂ ရက်လောက်အတွင်းမှာတော့ ဈေးဆက်လက် မာနိုင်တယ်လို့ ခန့်မှန်းကြောင်း သိရပါတယ်။ ဈေးကွက်အတွင်းဖြစ်ပေါ်တဲ့ ဈေးနှုန်း များ နှိုင်းဖော်ပြလိုက်ပါတယ်                                    ဒေါ်လာ/ တန်                   ၂၅-၁၀-၁၁      ၂၄-၁၀-၁၁       ၂၂-၁၀-၁၁            ၂၁-၁၀-၁၁မွန်ဘိုင်း      ၇၆၄-၇၆၉         ၇၆၃-၇၆၈         ၇၅၂-၇၅၇            ၇၄၈-၇၅၃ဒေလီ          ၅၄၃-၆၈၄        ၅၃၂-၆၆၂          ၅၂၂-၆၄၂            ၅၁၉-၆၃၉ချန်နိုင်း         ၈၃၉                  ၈၃၈                  ၈၁၃                    ၈၀၀MIRT(MAPT)

                  ပင်လယ်ရေကြောင်းက မတ်ပဲတင်ပို့မှု အပတ်စဉ် တန်ချိန် နှစ်သောင်းဝန်းကျင်တင်ပို့နေရာမှ ယခင်တစ်ပတ်မှာ တန် ၅၅၀၀ ခန့် တင်ပို့မှုကျဆင်းခဲ့ပြီး ယခုတစ်ပတ် (အောက်တိုဘာလ ၁၇ ရက်မှ ၂၁ ရက်အထိ) အတွင်းမှာတော့ တန်ချိန် ၁၂၂၀၀ ကျော်ကို ပြန်လည်တိုးတက်တင်ပို့လာနိုင်ခဲ့ပါတယ်။ ၂၀၁၁- ၂၀၁၂ ဘဏ္ဍာနှစ် အောက်တိုဘာ ၂၁ ရက်အထိ မတ်ပဲစုစုပေါင်း တင်ပို့ပြီးစီးမှုဟာ တန်ချိန် ၄၄၀၀၀၀ ကျော်ပြီဖြစ်ပြီး ဝင်ငွေအားဖြင့် ကန်ဒေါ်လာ ၃၇၀ သန်းခန့် ရရှိနေပြီဖြစ်ပါတယ်။ ယခင်ဘဏ္ဍာနှစ် ကာလတူတင်ပို့မှုမှာ တန်ချိန် သုံးသိန်းကျော်၊ ဝင်ငွေအားဖြင့်ကန်ဒေါ်လာ သန်း ၃၀၀ ကျော်ရရှိခဲ့လို့ ယခုနှစ်မှာ တင်ပို့မှု ပမာဏ အားဖြင့် တန်ချိန် ၁၄၀၀၀၀ ကျော်ပိုမိုတင်ပို့နိုင်တာ တွေ့ရပါတယ်။ ယခုလတ် တလောအရောင်းအဝယ်ဖြစ်နေတာကြောင့် လာမယ့်သီတင်းပတ်မှာ လည်း ပုံမှန် တင်ပို့နိုင်မယ်လို့ ကုန်သည်များက ခန့်မှန်းထားပါတယ်။ MIRT- MAPT