ပဲခူးတိုင်းဒေသကြီးအတွင်း မိုးပဲတီစိမ်းများ ဈေးကွက်ကို ဆက်တိုက်ဝင်ရောက် လာခဲ့တာကို တွေ့ရပါတယ်။ မိုးပဲတီစိမ်းကို ပြည်၊ ပေါက်ခေါင်း၊ ပန်းတောင်း မြို့ နယ်များမှာ အများဆုံးစိုက်ပျိုးကြပြီး၊ ဈေးကွက်ကို ဇူလိုင်လလယ်မှစပြီး၊ ပဲသစ်များ စတင်ဝင်ရောက်ခဲ့ကာ ယခုနှစ် ပဲတီစိမ်းအဖွင့်ဈေးမှာ တစ်တင်း ၂၄၀၀၀ ကျပ်နဲ့ ဈေးဖွင့်ဝယ်ယူခဲ့ကြပါတယ်။

မုံရွာကုန်စည်ဒိုင်မှာ ကုလားပဲဖြူလုံးကြီး V2 ကို ရန်ကုန်နဲ့ မန္တလေးဝယ် လက်ပါးပြီး၊ ဒေသတွင်းပဲခွဲစက်၊ ကြာဇံစက်နဲ့ လက်လီသမားများ ပုံမှန်အသုံးရှိ လို့ ဈေးအေးသော်လည်း ပုံမှန်အရောင်းအဝယ်ဖြစ်နေပါတယ်။ ဇူလိုင်လ ဆန်း မှာ V2 တစ်တင်း ၁၇၃၀၀ ကျပ်မှ သြဂုတ်လ ၁ ရက်နေ့မှာ ၁၆၈၀၀ ကျပ်ကို ဈေးအေးခဲ့လို့ တောင်သူနဲ့ ကုန်သည်(လှောင်လက်)များ ထုတ်မရောင်းကြပဲ သိုလှောင်ထားကြပါတယ်။ ယခုအပတ်အတွင်း မုံရွာကုန်စည်ဒိုင် မှာ တစ်ရက် ပျမ်းမျှ အိတ် ၅၀၀ ခန့် အရောင်းအဝယ်ဖြစ်ပြီး၊ ယခင်နှစ်ကာလတူ သြဂုတ်လ ၁ ရက်နေ့က V2 တစ်တန် ၂၂၇၀၀ ကျပ်ဈေးပေါက်ခဲ့ကြကြောင်း သိရပါတယ်။ သန်းသန်းတင် - မုံရွာ

မုံရွာကုန်စည်ဒိုင် ဇူလိုင်လကုန်နဲ့ သြဂုတ်လဆန်း ပဲဈေးကွက်မှာ Export လက် အဆွဲလေးသလို ဒေသကုန်သည် အဝယ်အေးလို့ ပဲအများစု ကျဈေးဖြစ် ပေါ်ခဲ့တာ တွေ့ရပါတယ်။ ကုလားပဲ အုပ်စု ဈေးကွက်မှာဆိုရင် ထိုင်ဝမ် ကုလားပဲဟာ ကုန်သည်လက်ဝယ် ပဲ လက်ကျန်နည်းလာတဲ့အတွက် ရောင်း သူ ရှားကာ ဝယ်လိုအား အနည်းငယ် ကောင်းခဲ့လို့ တစ်တင်း ၁၆၇၀၀ ကျပ်၊ အရောင်းအဝယ်ဖြစ်ခဲ့ပါတယ်။

ယခု ရက်ပိုင်းအတွင်း အိန္ဒိယ မွန်ဘိုင်း ဈေးကွက်တွင် မြန်မာ မတ်ပဲ ဈေးအနည်းငယ်မြင့်တက်လာပြီး ပဲစင်း ငုံနီကတော့ ပဲခွဲစက်နှင့် ကုန်သည်များ က အဝယ်မရှိလို့ ဈေးငြိမ်နေတယ်လို့ သိရပါတယ်။ ဒေလီဈေးကွက် မှာလည်း ဒေစီကုလားပဲများ ဈေးငြိမ်နေပါတယ်။NCDEX ကုန်စည်ဒိုင်မှာတော့ သြဂုတ်၊ စက်တင်ဘာလများ အတွက် ကုလားပဲ ကြိုရောင်းဈေးများ မြင့်တက်ခဲ့တယ်လို့ သိရပါတယ်။