Background
အိန္ဒိယနနွင်းဈေး လက်ရှိဈေးဝန်းကျင်မှာ အရောင်းအဝယ်ဖြစ် အိန္ဒိယပြည်တွင်းနနွင်းဈေးကွက်များမှာ အဝယ်နည်းတာကြောင့် လက်ရှိဈေး ဝန်းကျင်နဲ့သာ အရောင်းအဝယ် ဖြစ်နေတယ်လို့ သိရပါတယ်။ နနွင်းမှုန့် ဝယ်လိုအား ပါးတာကြောင့် နနွင်းကြိတ်စက် လုပ်ငန်းရှင်တွေမှာ လက်ကျန်များနေပြီး ဈေးကွက် အတွင်း အဝယ်အေးခြင်းဖြစ်တယ်လို့ သိရပါတယ်။ ဒါပေမဲ့လည်း လက်ထပ်ရာသီမှာ ဝယ်လိုအားတက်လာနိုင်တာကြောင့် ပြည်ပ ဝယ်လက်နဲ့ ကုန်သည်များဟာ လက်ရှိဈေးနဲ့ တဖြည်းဖြည်း စတင်ဝယ်ယူနေပြီလို့ လည်း သိရပါတယ်။ လွန်ခဲ့တဲ့ ရက်ပိုင်းအတွင်း ရောင်းလိုအားများပြီး ဝယ်လိုအား နည်းတာကြောင့် ဈေးကွက်အများစုမှာ ဈေးလျော့ကျခဲ့ပေမဲ့ အခိုျ့ ဈေးကွက်မှာ တော့ ဈေးအကျမှာအဝယ်ရှိခဲ့လို့ ဈေးနှုန်းထပ်မကျဖို့ အထောက်အပံ့ဖြစ်စေခဲ့ပါ တယ်။ ကုန်သည်များရဲ့ ပြောကြားချက်အရ အခိုျ့တောင်သူများက ငွေလိုအပ်နေပြီ ဖြစ်လို့ နနွင်းရောင်းချဖို့ အသင့်ဖြစ်နေပြီလို့ ဆိုပါတယ်။ အင်ဒရာပရာဒေ့ရှ် ပြည်နယ်မှာ နနွင်းဆက်လက်တူးဖော်နေပြီဖြစ်ပေမဲ့ ဝင်ရောက်မှုကတော့ ယခင် ရက်ပိုင်းက အိတ် ၁၂ဝဝဝ ရှိရာမှ အိတ် ၉ဝဝဝ ကို ကျဆင်းခဲ့တယ်လို့ သိရပါတယ်။ အီရော့နနွင်းကုန်သည်များအသင်းဈေးဝင်းမှာ နနွင်းလက်ချောင်း တစ်တန်ကို ရူပီး ၇၂ဝဝဝ-၉၁၄၉ဝ (ကန်ဒေါ်လာ ၁၆၁၅-၂ဝ၅၂) ရှိပြီး နနွင်းဥဈေးက တစ်တန်ရူပီး ၇၁ဝ၉ဝ-၈၁၈၉ဝ (ကန်ဒေါ်လာ ၁၅၉၄-၁၈၃၆) ဈေးနဲ့ ရောင်းဝယ်ခဲ့တယ်လို့ သိရပါတယ်။ ယမင်းခင်၊ Source: nnscommodityonline
နနွင်းတက် မေလ ၄ ရက်မှ ၁ဝ ရက်ထိကာလအတွင်း မူဆယ်နယ်စပ်မှ တစ်ဖက် တရုတ်နိုင်ငံသို့ ကန်ဒေါ်လာ ဝ ဒဿမ ၁၆၇ သန်း တန်ဖိုးရှိ နနွင်းတက် ၈၆ တန်တင်ပို့ နိုင်ခဲ့ပါတယ်။ ယခင်အပတ်ကထက် ၆ တန်ကျော် တင်ပို့မှု လျော့နည်းခဲ့တယ်လို့ သိရပါတယ်။ ၂ဝ၁၁ ဧပြီလ တစ်လလုံး နနွင်းတက် တန် ၉ဝဝ ကျော် တင်ပို့နိုင် ခဲ့တဲ့အတွက် ယမန်နှစ်ကာလတူထက် တန် ၇ဝဝ ကျော် ပိုမိုတင်ပို့နိုင်ခဲ့ပါတယ်။ MIRT (DOBT )
စင်ကာပူနဲ့ မလေးရှားကိုပို့ ပင်လယ်ရေကြောင်းကုန်သွယ်မှုလမ်းကနေ မေလ ၁ ရက်မှ ၇ ရက်တာကာလ အတွင်း နနွင်းတန်ချိန် ၄၃ တန်ကျော်ကို တင်ပို့ခဲ့ပါတယ်။ တင်ပို့ခဲ့တဲ့နိုင်ငံက မလေးရှားကို ၁၅ တန်နဲ့ စင်ကာပူကို ၂၈ ဒသမ ၁ တန်ဖြစ်ပါတယ်။ ယခင်သီတင်း ပတ် ၇၂ တန်ကျော်တင်ပို့နိုင်ခဲ့တဲ့ နနွင်းက ဒီတစ်ပတ်မှာ အပို့လျော့ခဲ့ပါတယ်။ တစ်တန်ကို အက်ဖ်အိုဘီဈေး ကန်ဒေါ်လာ ၁၉ဝဝ ဝန်းကျင်နဲ့ တင်ပို့နိုင်ခဲ့တဲ့အတွက် စုစုပေါင်းပို့ကုန်ဝင်ငွေ ကန်ဒေါ်လာ ၈၂၄ဝဝ ရရှိခဲ့ပါတယ်။ MIRT (DOT)
ပြည်ချင်းဈေးကျပေမဲ့ အရောင်း အဝယ်အေး ပြည်ချင်းဈေးကွက်သို့ ယခုတစ်ပတ်အတွင်း အောင်ပန်းချင်းများ ပိဿာ ချိန် ၃ဝ ဝင်အိတ် ၂ဝဝ ခန့်နဲ့ အဝင်လှိုင် လာပါတယ်။ ပွဲရုံလုပ်ငန်းရှင်များ အနေဖြင့် ဈေးကွက်အတွင်း ပစ္စည်းများကို ယခင်တစ်ပတ်ကထက် ဈေးအနည်းငယ်ချပြီး အရောင်းအဝယ်လုပ်လျက်ရှိနေပါတယ်။ ဈေးကျပေမဲ့ အဝယ်မလိုက်ဘဲ ချင်း (ရှယ်) တစ် ပိဿာကို ၁၈ဝဝ ကျပ်၊ (ဂျွန်) တစ်ပိဿာကို ၁၇ဝဝ ကျပ် တို့နဲ့ တစ်နေ့ကို ပိဿာချိန် ၁၅ဝ ခန့်သာရှိ၍ အရောင်း အဝယ်များအေးနေပါတယ်။ ဧရာဝတီနှင့် ရန်ကုန်ဘက် သို့လည်း ယခုတစ်ပတ်အတွင်း စားသုံးမှုအဖြစ် ဈေးကွက် မှတစ်ဆင့် တစ်နေ့ကို ယခင်အပတ်ကထက် ထက်ဝက်ခန့် သာ ရောင်းဝယ်တင်ပို့နိုင်ကြောင်း သိရပါတယ်။ ဝင်းလဲ့ဝါ
ချင်းစိုက်ချိန် ချင်းပြန်ဖော်လို့ ရှမ်းချင်း ဈေးအေး ဒီတစ်ပတ် ချင်းစို ဈေးအနည်းငယ်ပြန်ကျနေပါတယ်။ ပြန်စိုက်ချိန်ရောက်လာတာကြောင့် တောင်သူတွေက လည်း ချင်းတွေ ပြန်ဖော်လာကြပြီး၊ ချင်းအဝင်များလာလို့ ဈေးကလည်း ပြန်ကျလာတာဖြစ်တယ်လို့ သိရပါတယ်။ ပြည် တွင်း အသုံးပြုဖို့အတွက် ရန်ကုန်၊ မန္တလေးမြို့တွေက အဝယ်များနေပါတယ်။ ဒီတစ်ပတ် ချင်းစိုက တစ်ပိဿာ ၄ဝဝ ကျပ် မှ ၉ဝဝ ကျပ်ဈေး သာရှိပါတယ်။ ချင်းခြောက်တွေလည်း လှောင်လက်တွေမှာ အတော်များများ ကျန်နေသေးတယ်လို့ လည်း သိရပါတယ်။ အောင်ပန်းဈေးကွက်မှာ ချင်းခြောက်ဈေးက တစ်ပိဿာ ၂၁ဝဝ ကျပ်မှ ၂၃ဝဝ ကျပ်ဈေးရှိပြီး တောင်ကြီး ဈေးကွက်မှာ တစ်ပိဿာ၂၄ဝဝ ကျပ် ဈေးရှိပါတယ်။ ရန်ကုန်၊ မန္တလေး ဝယ်လက်တွေ ဝယ်ယူနေတာကြောင့် တစ်ပတ် အတွင်း ချင်းပိဿာချိန်ပေါင်း ၅ ဒသမ ၄ သိန်း စီးဆင်းသွား တယ်လို့ ချင်းပွဲရုံတွေထံက သိရပါတယ်။ ဧဧခိုင်
ဒီတစ်ပတ်ချင်းအပို့သာခဲ့ ဒီသီတင်းပတ်ဖြစ်တဲ့ မေလ ၁ ရက်မှ ၇ ရက်တာ ကာလအတွင်း ချင်း တန်ချိန် ၃၃ တန်ကို ပင်လယ်ရေ ကြောင်းလမ်းကနေ တင်ပို့နိုင်ခဲ့ပါတယ်။ တင်ပို့ခဲ့တဲ့နိုင်ငံ ကတော့ စင်ကာပူနိုင်ငံပဲဖြစ်ပါတယ်။ ယခင်သီတင်းပတ် ၈ တန်သာ တင်ပို့နိုင်ခဲ့တဲ့ ချင်းက ဒီတစ်ပတ်မှာ ၂၅ တန်ပိုမို တင်ပို့နိုင်ခဲ့တာ တွေ့ရပါတယ်။ တစ်တန်ကို အက်ဖ်အိုဘီ ဈေးကန်ဒေါ်လာ ၁၄၉ဝ ဝန်းကျင်နဲ့ တင်ပို့နိုင်ခဲ့တဲ့အတွက် စုစုပေါင်း ပို့ကုန်ဝင်ငွေကန်ဒေါ်လာ ၄၉ဝဝဝ ရရှိခဲ့ပါတယ်။ MIRT (DOT)
သကြားဈေးနှုန်းကျဆင်းသော်လည်း တောင်သူအရှုံးမရှိ သကြားဈေးနှုန်းကျဆင်းသော်လည်း တောင်သူလက်ထဲတွင် ကုန်ကြမ်းများ ရောင်းချပြီးဖြစ်ခြင်းကြောင့် အရှုံးမရှိကြောင်း ဈေးကွက်အတွင်းမှ သိရပါတယ်။ သကြားနဲ့ သကာရည်လုပ်ငန်းရှင်များ ကထိန်တော်အသင်း ဥက္ကဌ ဦးဝင်း ဌေးက '' သကြားဈေး ကျတဲ့အချိန်မှာ ပွဲရုံလက်ထဲ၊ စက်ပိုင်နဲ့ လှောင်လက်မှာဘဲ ကုန်ရှိတဲ့အတွက် တောင်သူအရှုံးမရှိဘူး။ ဒီနှစ်က ကြံအထွက်နှုန်းကောင်းတယ်။ မနှစ်ကထက်စာရင် အထွက်နှုန်းတိုးတဲ့အတွက်ရော၊ ရာသီဥတု မိုးရွာနေတော့ ဖျော်ရည်သမားတွေအဆွဲနည်းနေတာကြောင့်ရော၊ ရန်ကုန်ဘက်က အဆွဲမရှိဘဲ မန္တလေးဈေးကွက်ထဲဘဲ အဝယ်ရှိနေတော့ သကြားဈေး ထိုးကျလာတယ်။ ဒီနှစ်နွေရာသီမှာ ဖျော်ရည်လုပ်ငန်းရှင်က သုံးပုံတစ်ပုံဘဲသုံးတော့ လုပ်ငန်းရှင်တစ်ဦးကို အရင်အိတ် ၃ဝဝ ရောင်းရရင် ဒီနှစ်မှာအိတ် ၁ဝဝ လောက်ဘဲရောင်းရတယ်''လို့ ပြောပါတယ်။ သကြားဈေးနှုန်းမှာ ဧပြီလဆန်းပိုင်းက တစ်ပိဿာကို ၁၃၈ဝ ကျပ်ရှိခဲ့ရာမှ မေလဆန်းပိုင်းတွင် အနိမ့်ဆုံးဈေး ၁၂၂ဝ ကျပ်၊ အမြင့်ဆုံးဈေး ၁၂၆ဝ ကျပ်သာ ရှိကြောင်း၊ တင်လဲရည်ဈေးမှာ တစ်ပိဿာကို ၂၅ဝ ကျပ်မှ ၂၃၅ ကျပ်ထိ ဈေးကျ ဆင်းလာကြောင်း၊ ပွက်ရည်တစ်ပိဿာကို ၇၈ဝ ကျပ်မှ ၆၄ဝ ကျပ်ထိ ဈေးနှုန်း ကျဆင်းလာကြောင်း သိရပါတယ်။ ဇူးဇူး
ယခုအပတ်မှာ ပြောင်းတင်ပို့မှု ယခင်အပတ်ထက် တန်ချိန် ၅ဝဝဝ ကျော်ပိုမို မေလ ၄ ရက်မှ ၁ဝ ရက်ထိကာလအတွင်း မူဆယ်နဲ့လွယ်ဂျယ်နယ်စပ် နှစ်ခုမှ ပြောင်းဖူးစေ့ တင်ပို့နိုင်မှုမှာ ကန်ဒေါ်လာ ၃ ဒသမ ၉၅ သန်းဖိုးရှိပြောင်းတန်ချိန် ၁၅ဝဝဝ ကျော် တင်ပို့နိုင်ခဲ့ပါတယ်။ ယခင်အပတ်က မူဆယ်၊ လွယ်ဂျယ်နဲ့ ချင်းရွှေဟော်နယ်စပ်စခန်း ၃ ခုမှ ပြောင်းတန်ချိန် ၉၆ဝဝဝ ကျော် တင်ပို့ခဲ့တဲ့အတွက် ယခု အပတ်မှာ တန်ချိန် ၅၃၈၉ တင်ပို့မှုပိုမိုခဲ့ပါတယ်။ မူဆယ်နယ်စပ်မှ တန်ချိန် ၅ဝ၃၃ တန်နဲ့ လွယ်ဂျယ်နယ်စပ်မှ တန် ၅ဝဝ ကျော်တင်ပို့မှု ပိုမိုခဲ့ပြီး ယခု အပတ် ချင်းရွှေဟော်နယ်စပ်မှ တင်ပို့မှုမရှိခဲ့ပါဘူး။ မိမိဖက်ရော တစ်ဖက်နိုင်ငံမှာပါ ပြောင်းဈေးများ လျော့ကျလျက်ရှိသော်လည်း သယ်ယူစရိတ်မှာ တစ်ပိဿာ ၂ဝ ကျပ်နှုန်းသာ ရှိတဲ့အတွက် ပြောင်းတင်ပို့မှု ပိုမိုခဲ့ရတာလို့ မူဆယ်မှ ပြောင်းတင်ပို့သူ တစ်ဦးထံမှ သိရပါတယ်။ မိမိဖက်နဲ့ တစ်ဖက်နိုင်ငံ မြေပြင်ပေါက်ဈေးများကို ဖော်ပြ ပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပြောင်းဖူးစေ့ ၂၃၈၈၅ဝ ၂၄၉၇၉ဝ ၁ဝ၉၄ဝ ၄ .၆ ၂၇၄ ၂၇၇ ၃ ၁နံှစားပြောင်း ၁၉၅၂၆ဝ ၂၂၅၁၉၁ ၂၉၉၃၁ ၁၅ .၃ ၂၆၂ ၂၇၆ ၁၄ ၅MIRT (DOBT)
တစ်ပတ်အတွင်း ပြောင်းတန် ၁၅ဝဝ နီးပါးသာ တင်ပို့နိုင် မေလ ၆ ရက်မှ ၁၂ ရက်အထိကာလအတွင်း ပင်လယ်ရေကြောင်းမှ ပြောင်း တန်ချိန် ၁၄၉ဝ တန်ဖိုး ကန်ဒေါ်လာ ဝ ဒသမ ၃၉၁ သန်းဖိုးတင်ပို့ခဲ့ပါတယ်။ ယခင် အပတ်က တန်ချိန် ၃ဝဝဝ ကျော် တင်ပို့ခဲ့တာတွေ့ရပါတယ်။ အင်ဒိုနီးရှား နိုင်ငံကို တင်ပို့မဲ့ ပြောင်းတွေအတွက် ခွာနာလျှာနာ ရောဂါကင်းကြောင်း ထောက်ခံချက်ကိစ္စကိုလည်း သက်ဆိုင်ရာဌာနတွေနဲ့ လုပ်ငန်းရှင်တွေ ညှိနှိုင်းဆွေး နွေးဆောင်ရွက်ပေးပြီးပြီလို့ သိရပါတယ်။ တင်ပို့တဲ့ နိုင်ငံတွေကတော့ အိန္ဒိယကို ၅ဝ၆ တန်၊ ဗီယက်နမ်ကို ၂၄ဝ တန်နဲ့ အင်ဒိုနီးရှားကို ၇၄၄ တန်အသီးသီး တင်ပို့ခဲ့တာ ဖြစ်ပါတယ်။ FOB ရန်ကုန်ဈေးတွေကတော့ ပြောင်းလဲမှုမရှိဘဲ တစ်တန်ကို ၂၉ဝ ဒေါ်လာနဲ့ ၃၁ဝ ဒေါ်လာကြားမှာ ဈေးရလျက်ရှိပါတယ်။ KZW
ကမ္ဘာ့ဂံျုအထွက်နှုန်း တန် ၆၇၆ သန်းရှိမည်ခန့်မှန်း ကုလသမဂ္ဂ အစားအစာနဲ့ စိုက်ပျိုးရေးအဖွဲ့အစည်း (FAO)က ၂ဝ၁၁ မှာ ကမ္ဘာ့ဂုံျထုတ်လုပ်မှု တန်ချိန် ၆၇၆ သန်းရှိမယ်လို့ ခန့်မှန်းထားပါတယ်။ ခန့်မှန်းချက်အရ ၂ဝ၁ဝ ထုတ်လုပ်မှုထက် ၃ ဒသမ ၄ ရာခိုင်နှုန်း တိုးတက် ခဲ့ပြီး ၂ဝဝ၈-၂ဝဝ၉ ရိတ်သိမ်းမှုထက်လည်း သိသိသာသာ ပိုမိုခဲ့ပါတယ်။ ၂ဝ၁ဝ မှာ မိုးခေါင်မှုကြောင့် ဂံျုစိုက်ပျိုးမှုထိခိုက်ပြီး ဈေးနှုန်းတက်တာကို ကာမိဖို့အတွက် နိုင်ငံတော်တော်များများမှာ ဂံျုကို တိုးခဲျ့စိုက်ပျိုးနေကြောင်း ရုရှား/ဖက်ဒရေးရှင်းရဲ့ အစီရင်ခံစာမှာ ဖော်ပြထားကြောင်း တွေ့ရပါတယ်။ FAO ရဲ့ ပြီးခဲ့တဲ့နှစ်အစီရင်ခံစာမှာ ဖော်ပြထားတာကတော့ အစားအစာလိုအပ်တဲ့နိုင်ငံများ(LIFDCS) ရဲ့ ၂ဝ၁ဝ အထွက်နှုန်း ၅ ဒသမ ၆ ရာခိုင်နှုန်းတိုးတက်ခဲ့တဲ့အတွက် ၂ဝ၁ဝ-၂ဝ၁၁ ဈေးကွက်နှစ်မှာ ကောက်ပဲ သီးနံှတင်သွင်းမှုလျော့ကျ ခဲ့ကြောင်း သိရပါတယ်။ တောင်အာဖရိကမှာ ၂ဝ၁၁ ပြောင်းအထွက်နှုန်းကောင်းပြီး ဈေးလဲကျတာကြောင့် အစား အစာလောက်ငှ တည်ငြိမ်မှုရှိတာတွေ့ရပါတယ်။ မာလာဝီနဲ့ ဇန်ဘီယာတို့မှာတော့ မှန်းထားတာထက် ပိုမိုထွက်ရှိခဲ့ပါတယ်။ ဒါပေမဲ့တောင်အာဖရိကရဲ့ ပြောင်းထုတ်လုပ်မှုအများဆုံးဒေသမှာ သိုလှောင်မှုများတာကြောင့် စိုက်ပျိုး မှုကို လျှော့ချလိုက်တဲ့အတွက် အထွက်နှုန်းကျခဲ့ကြောင်း သိရပါတယ်။ တောင်အမေရိကမှာတော့ လာနီညာ ရာသီဥတုဖြစ်စဉ် ကြောင့် ပုံမှန်မဟုတ်တဲ့ ခြောက်သွေ့တဲ့ ရာသီဒဏ်ကိုခံစားရပြီး အာဂျင်တီးနားနဲ့ ဥရုဂွေးမှာ ပြောင်းအခြေအနေ မကောင်းခဲ့ ကြောင်း သိရပါတယ်။ ဘရာဇီးလ်မှာတော့ မိုးရွာသွန်းမှုရှိတာကြောင့် မြေအစိုဓာတ်ရရှိပြီး သီးနံှဖြစ်ထွန်းမယ့် အလားအလာ ကောင်းတွေ တွေ့နေရကြောင်း သိရပါတယ်။ ဒါပေမဲ့ ယခုလက်ရှိကာလမှာတော့ နိုင်ငံပေါင်း ၂၉ နိုင်ငံမှာ အစားအစာအထောက်အပံ့တွေ လိုအပ်လျက်ရှိကြောင်း အစီရင်ခံစာများမှာ ဖော်ပြထားပါတယ်။ ၎င်းနိုင်ငံများကတော့ အာဖရိကနိုင်ငံ ၂၁ နိုင်ငံ၊ ကိုရီးယားအပါအဝင် အာရှနိုင်ငံ ၇ နိုင်ငံတို့ဖြစ်ကြောင်း သတင်းရရှိပါတယ်။ Source:commodityonline,KZW