ဈေးဆက်အေးနေတဲ့ ပြည်ပဲလွန်း               ပြည်ရဲ့ ပဲလွန်းဈေးကွက်မှာ ပဲတစ်တင်းကို ၁၈ဝဝဝ ကျပ်ဈေးရှိပြီး၊ သြင်္ကန်မတိုင်မီကထက် ဈေးလျှော့ခဲ့ တယ်လို့သိရပါတယ်။ ယခုရက်ပိုင်းတွင် ပဲဝင်ရောက်မှုမရှိဘဲ ယခင်ရက်များက ဝင်ထားတဲ့ ပဲများဖြင့်သာ အရောင်း အဝယ်ဖြစ်နေပြီး၊ တစ်နေ့ကို ၁ဝ အိတ် ခန့်သာ အရောင်းအဝယ်ရှိ ကြောင်း သိရပါတယ်။ ယခုရက်ပိုင်းများမှာ ရန်ကုန် ဝယ်လက်များ အဝယ်နည်းနေကြောင်းလည်း သိရပါတယ်။        မိမိအေး

ဈေးအေးပေမဲ့ မုံရွာတောင်သူတွေစိုက်ရေးပြင်             မုံရွာကုန်စည်ဒိုင် ပဲဈေးကွက်မှာ ဧပြီလအတွင်း ပဲစင်းငုံနီဟာ အတက်အကျ ဈေးမငြိမ်သလို အရောင်းအဝယ် အားဖြင့် အေးခဲ့တယ်လို့ ဈေးကွက်ကဆိုပါတယ်။ လဆန်းပိုင်းကတစ်တင်း ၁၈၆ဝဝ ကျပ်၊ လလယ်ပိုင်းမှာ တစ်တင်း ၁၉၄ဝဝ ကျပ် မှ အမြင့်ဆုံး ၂ဝ၁ဝဝ ကျပ်အထိသာ အမြင့်ဈေးဖြစ်ခဲ့ပြီး၊ ဧပြီ ၂၂ရက်နေ့မှာ ၁၈၃ဝဝ ကျပ်ကို ပြန်ရောက်သွားခဲ့ပါတယ်။ အရောင်းအဝယ်အားဖြင့် ဒေသခံကုန်သည်အချင်းချင်း ရောင်းဝယ်မှုသာရှိလို့ မုံရွာကုန်စည်ဒိုင်မှာ တစ်ရက်အိတ် ၅ဝဝ ခန့်သာ ဖြစ်ခဲ့တယ်လို့သိရပါတယ်။ လက်ရှိပဲစင်းငုံဈေးကွက် ဘယ်လောက်ပဲ အရောင်းအဝယ်အေးအေး ဈေးနိမ့်နိမ့် မုံရွာနယ်ကတောင်သူတွေကတော့ မိုးဦး အကျမှာ ပဲစင်းငုံ စိုက်ဖို့ မျိုး၊ ပံ့ပိုး ပစ္စည်းနဲ့ သွင်းအားစုတွေစုဆောင်းပြီး ထယ်ရေး ပြင်ဖို့ တာစူလျက်ရှိရာ တွေ့မြင်ရပါကြောင်း ...။ ထွန်းလှိုင်

စစ်ကိုင်းမှာ အရောင်းအဝယ်သွက်             ယခုအချိန် မုံရွာကုန်စည်ဒိုင်မှာ အရောင်းအဝယ်အကောင်းဆုံးသီးနံှမှာ ပဲစင်းငုံဖြစ်ပါတယ်။ ရွှေဘိုခရိုင်၊ စစ်ကိုင်းခရိုင်၊ မုံရွာခရိုင်မြို့နယ်များမှ ပဲစင်းငုံနီများ အဝင်လှိုင်သလို တိုင်းပြင်ပ မန္တလေးသို့ စီးထွက်မှုလည်း အများဆုံးဖြစ်ကြောင်း သိရှိရပါတယ်။ မုံရွာကုန်စည်ဒိုင်မှာ ၂ဝ၁၁ ဧပြီ ပထမပတ်အတွင်း ပဲစင်းငုံနီ တစ်ပိဿာ အနိမ့်အမြင့်ပေါက်ဈေးမှာ ၉၃ဝ ကျပ်-၁ဝဝ၅ ကျပ်ဈေးအသီးသီးနဲ့ ရောင်းဝယ်ခဲ့ကြပါတယ်။ မုံရွာကုန်စည်ဒိုင် မှာနေ့စဉ် ပျမ်းမျှပဲစင်းငုံနီ တင်း ၁၂ဝဝ ကျော်အရောင်းအဝယ်ဖြစ်ကြောင်း ကုန်စည်ဒိုင်သတင်းရပ်ကွက်က သိရပါတယ်။ ဧပြီပထမပတ်အတွင်း စစ်ကိုင်းတိုင်းဒေသကြီးအတွင်းမှ မန္တလေးသို့ ပဲစင်းငုံနီတင်း ၃၈ဝဝ ကျော် စီးထွက်ခဲ့ကြောင်း သိရပါတယ်။             သန်းးသန်းးတင်

်ပင်လယ်ရေကြောင်း တင်ပို့မှု သိသိသာသာမပိုလာ                ပင်လယ်ရေကြောင်းက သြင်္ကန်မတိုင်မီ ပဲမျိုးစုံ တင်ပို့မှု သိသိသာသာ မြင့်တက်လာပေမဲ့ ပဲစင်းငုံကတော့ တန်ချိန် ၃၅ဝဝ ကျော်နဲ့ ပုံမှန်သာ တင်ပို့ခဲ့တာ တွေ့ရပါတယ်။ အဓိကတော့ အိန္ဒိယဝယ်လက် အဝယ်နှေးတာကြောင့် လို့ သိရပါတယ်။ မတ်လတစ်လလုံး တင်ပို့မှုအနေနဲ့ တန်ချိန် ၁၉ဝဝဝ ခန့်သာရှိပြီး ဖေဖော်ဝါရီလမှာ တန်ချိန် ၂၂ဝဝဝ ကျော်ရှိခဲ့ပါတယ်။ ၂ဝ၁ဝ မတ်လမှာတော့ တန်ချိန် ၁၅ဝဝဝ ခန့်သာ တင်ပို့မှုရှိခဲ့လို့ ယခုနှစ်ကာလတူမှာ အနည်းငယ်ပိုလာ ခဲ့ပါတယ်။ လက်ရှိပြည်တွင်းဈေးကွက်တွေမှာ အိန္ဒိယပဲဈေးကျပြီး အဝယ်အေးတဲ့ ဂယက်ကြောင့် ဈေးလျော့ကျနေပါတယ်။ ဝယ်လက်တချို့ကလည်း တစ်တန် ကန်ဒေါ်လာ ၁ဝဝ ခန့်ကွာတဲ့ ရှမ်းစကိုသာ အဝယ်အနည်းငယ် ရှိတယ်လို့ သိရပါတယ်။ ရန်ကုန် FOB  ဈေးများကတော့ သြင်္ကန်မတိုင်မီဈေးနှုန်းအတိုင်း ပဲစင်းငုံနီ တစ်တန်ကို ကန်ဒေါ်လာ ၈၅ဝ-၈၇ဝ အဖြူနဲ့ ဖြူနီတစ်တန်ကို ကန်ဒေါ်လာ ၇၆ဝ-၇၈ဝ ပြောင်းလဲမှု မရှိဘူးလို့ သိရပါတယ်။ MIRT(MAPT)