Background
ဂွတ်ရီးယားတာယာဈေးတက်မည် ဂွတ်ရီးယားတာယာနဲ့ ရော်ဘာကုမ္ပဏီက စီးပွားရေးလုပ်ငန်းသုံးထရပ်ကားတာယာတွေကို ၁၅ ရာခိုင်နှုန်းနဲ့အခြား တာယာတွေကို ၇ ရာခိုင်နှုန်း လာမယ့်လကစပြီးဈေးနှုန်းမြှင့်မယ်လို့ သိရပါတယ်။ ဒီလိုဈေး တက်ရတာကတော့ ကုန်ကြမ်း ပစ္စည်းဈေးနှုန်းတွေမြင့်တက်တာကြောင့်ဖြစ်ကြောင်းသိရပါတယ်။ သဘာဝ ရော်ဘာနဲ့ ရော်ဘာတုနှစ်မိုျးစလုံးက တာယာထုတ် လုပ်တဲ့နေရာမှာ အသုံးပြုပါတယ်။ ဒါ့အပြင်ကာဗွန်၊ ဆာလဖာ နဲ့တခြားဓါတုပစ္စည်းတွေကိုလည်း တာယာလုပ်ရာမှာ အသုံးပြုပါတယ်။ အာရှနိုင်ငံတွေအထူးသဖြင့် အကြီးဆုံးရော်ဘာသုံးစွဲသူဖြစ်တဲ့တရုတ်ရဲ့ ဝယ်လိုအား တက်တာကြောင့် မကြာ သေးခင်လများက ရော်ဘာဈေးနှုန်းတစ်ရှိန်ထိုးတက်ခဲ့ပါတယ်။ဒါ့အပြင် အဓိကရော်ဘာထုတ်လုပ်တဲ့နိုင်ငံတွေမှာ မိုးကြီးပြီး ရောင်းလို အားပြတ်လပ်တာကြောင့်ဈေးနှုန်းတက်ဖို့အကြောင်းဖန်ခဲ့ပါတယ်။ ဂွတ်ရီးယားတာယာထုတ်လုပ်ရေးရဲ့ ၂ဝ၁ဝ အမြတ်ငွေဒေါ်လာ ၂၁ သန်းခန့်ကျဆင်းခဲ့ကြောင်းသိရပါတယ်။ ဒီလိုအမြတ်ကျဆင်းရခြင်းက ကုန်ကြမ်းစရိတ် မြင့်တက်ခြင်း၊ အရောင်းတိုးလာခြင်း၊ အုပ်ချုပ်မှုနဲ့ အထွေထွေကုန်ကျစရိတ်များခြင်းနဲ့ ငွေကြေးဖောင်းပွမှုရဲ့ အကျိုးဆက်တွေပါဝင် ကြောင်း သိရပါတယ်။ ကုမ္ပဏီရဲ့ ရောင်းချရနှုန်းက ၁၇ ရာခိုင်နှုန်းတိုးပြီး ဒေါ်လာ ၄ ဒသမ ၁၉ ဘီလီယံရှိပေမယ့် အထွေထွေ ကုန်ကျစရိတ် ၁၂ ရာခိုင်နှုန်းတက်ပြီး ဒေါ်လာ ၇၁၅ သန်းရှိတယ်လို့ သိရပါတယ်။ KZW, Source:GT analyst report
ဂျပန်ဆူနာမီအင်ဒိုနီးရှား ရော်ဘာဈေးကိုထိခိုက်စေ မတ်လ ၁၁ ရက်နေ့မှာ ဂျပန်နိုင်ငံမှာ ရိုက်ခတ်ခဲ့တဲ့ ဆူနာမီရဲ့အကျိုးဆက်ကြောင့်အင်ဒိုနီးရှားတောင်ပိုင်း ကာလီမန်တန် ဒေသအပါအဝင် အခြားဒေသတွေမှာလည်း ရော်ဘာဈေးနှုန်းအဆက်မပြတ်ကျဆင်းနေ တယ်လို့ သိရပါတယ်။ ဒီလိုဈေးနှုန်းကျ ဆင်းတာကို အင်ဒိုနီးရှားရော်ဘာ ထုတ်လုပ်သူများအသင်း (Gapkindo) က ကြိုတင်မခန့်မှန်းထားဘဲ ဖြစ်ခဲ့တာဖြစ်ကြောင့် PT ရော်ဘာကုမ္ပဏီရဲ့ထုတ်လုပ်မှုမန်နေဂျာကပြောကြားခဲ့ပါတယ်။ အစောပိုင်းကာလတုန်းကတော့(Gapkindo) ကအရှေ့ အလယ်ပိုင်း အကျပ်အတည်းကြောင့် ကုန်စည်ဈေးနှုန်းတွေကျဆင်းနိုင်ကြောင်း ရော်ဘာထုတ်လုပ်သူများကို သတိပေးခဲ့ပါတယ်။ ဒါပေမဲ့ အဲဒီအချိန်တုန်းကဈေးနှုန်းက တဖြည်းဖြည်း ကျခဲ့တာဖြစ်ပြီး အခုလို ရုတ်တရက် ထိုးကျသွားမှာကို မခန့်မှန်းထား ကြောင်း PT မန်နေဂျာကပြောကြားခဲ့ပါတယ်။ အရှေ့အလယ်ပိုင်း ပြဿနာက ဖြန့်ဖြူးမှုကို ထိခိုက်စေတာကြောင့် ရော်ဘာ ဈေးကျတာဖြစ်ပြီး အခုလိုတစ်ရှိန်ထိုး ကျဆင်းမှုမရှိကြောင်းသိရပါတယ်။ ဂျပန်ရဲ့ ဆူနာမီအကျိုးဆက်ကတော့ပြည်တွင်းရော်ဘာ အတွက် နိုင်ငံရပ်ခြားဝယ်လိုအားကို တိုက်ရိုက်ထိခိုက်ကြောင်းသိရပါတယ်။ ဂျပန်မှာ တာယာထုတ်လုပ်တဲ့ မော်တော်ကား လုပ်ငန်းများစွာရှိပြီး ဂျပန်က ကမ္ဘာ့အကြီးဆုံးတာယာ တင်သွင်းတဲ့နိုင်ငံထဲက တစ်ခုလည်း ဖြစ်ပါတယ်။ လက်ရှိမှာရော်ဘာ ဖြတ်စရဲ့ စိုက်ပျိုးသူတွေရောင်းတဲ့ဈေးနှုန်းက တစ်ကီလိုဂရမ်ကို အင်ဒိုရူပီး (၃ဝဝဝ-၄ဝဝဝ) ရှိပြီး ၂ဝဝ၈ ကမ္ဘာ့စီးပွားရေးအကျပ် အတည်းအပြီးကတည်းက တစ်ကီလိုကို အင်ဒိုရူပီး (၂ဝဝဝဝ-၂၄ဝဝဝ) အထိ အမြင့်ဆုံးရခဲ့ကြောင်းသိရပါတယ်။ ထုတ်လုပ်တဲ့နိုင်ငံများမှာလည်း အကျပ်အတည်းရှိနေဆဲဖြစ်ပြီး ရော်ဘာဈေးနှုန်းပုံမှန်ပြန်ရောက်ဖို့ ခက်ခဲတယ်လို့ သုံးသပ်နေကြကြောင်း သတင်းရရှိပါတယ်။KZW, Source: NCOT
မွန်ပြည်နယ် ရော်ဘာဈေး ပြန်လည်ဦးမော့ ယခုမတ်လဆန်းတွင် RSS -3 တစ်ပေါင် ၁၇ဝဝ ကျပ်၊RSS -5 တစ်ပေါင် ၁၆ဝဝ ကျပ်ရှိနေခဲ့သော မွန်ပြည်နယ်ရှိ ရော်ဘာ ဈေးနှုန်းဟာ ၂ဝ၁၁ ခုနှစ် မတ်လ ၁၁ ရက် ဂျပန်နိုင်ငံတွင် လှုပ်ခတ်ခဲ့သော ငလျင်ဒဏ်ဂယက်ကြောင့် ပြည်ပဝယ်လို အား ကျဆင်းသွားခဲ့လို့ RSS -3 တစ်ပေါင် ၁၁ဝဝ ကျပ်နဲ့ RSS -5 တစ်ပေါင် ၁ဝဝဝ ကျပ်သို့ကျဆင်းသွားခဲ့ပါတယ်။ မတ်လ တတိယပတ်အရာက်မှာ ရော်ဘာဈေးနှုန်းများ ပြန်လည်မြင့်တက်လာသလို ဝယ်လိုအားပြန်ကောင်းလာတာကြောင့် မတ်လ စတုတ္ထပတ်မှာRSS -5 တစ်ပေါင် ၁၆၄ဝ ကျပ်နဲ့ RSS -5 တစ်ပေါင် ၁၅ဝဝ ကျပ်ကို ပြန်လည်ဦးမော့လာပါတယ်။ မွန်ပြည်နယ်မှ ရော်ဘာများအား ရန်ကုန်နှင့် မန္တလေးမြို့များသို့ တင်ပို့မှုမှာ ယခုလအတွင်း ၂၆ ရက်နေ့ထိ တန် ၆ဝဝဝ ခန့် တင်ပို့ခဲ့ရာ ယခင်လနဲ့ နှိုင်းယှဉ်သော် တန် ၁၈ဝဝ ခန့်လျော့နည်းသွားပါတယ်။ ပြည်ပဝယ်လိုအား ကျဆင်းရခြင်း ကြောင့်လို့ ရော်ဘာလုပ်ငန်းရှင်တချို့က သုံးသပ်ကြပါတယ်။ အောင်လွင်
ယခုအပတ်နယ်စပ်မှရော်ဘာ တင်ပို့မှုကျ မတ်လ ၂၃ ရက်မှ ၂၉ ရက်ထိ ကာလအတွင်း မူဆယ်နဲ့ချင်းရွှေဟော်နယ်စပ်များမှ ကန်ဒေါ်လာ ၁ ဒသမ ၅၉၉ သန်းတန်ဖိုးရှိ ရော်ဘာအဆင့်စုံ တန် ၃၅ဝ တင်ပို့နိုင်ခဲ့ပါတယ်။ နယ်စပ်အလိုက် တင်ပို့နိုင်မှုများမှာ မူဆယ်နယ်စပ်မှ RSS-3 ၁၃၁ တန်၊RSS-5 ၃၉ တန်၊MSR-20 ၃၅ တန်နဲ့ ချင်းရွှေဟော်မှRSS-3 ၂၃ တန်ခွဲ၊ MSR-50 ၂၆ တန်ခွဲတင်ပို့နိုင်ခဲ့ပါတယ်။ ယခင်အပတ်နဲ့ နှိုင်းယှဉ်လျှင် ယခုအပတ်မှာ ၂၈၆ တန်ကျော် တင်ပို့မှုလျော့နည်းခဲ့ပါတယ်။ တရုတ်ဘက်မှ ဝယ်လိုအားရှိ သော်လည်း မိမိဘက်မှ ဈေးကွက်အခြေအနေကိုစောင့်ကြည့်တင်ပို့နေခြင်းကြောင့် ရော်ဘာတင်ပို့မှုမှာ လျော့ကျနေတယ် လို့ သိရပါတယ်။ ၂ဝ၁ဝ-၂ဝ၁၁ ဘဏ္ဍာနှစ်အတွင်းနယ်စပ်မှ ရော်ဘာအဆင့်စုံတင်ပို့နိုင်မှုမှာ တန် ၄ဝ၆၅ဝ ကျော်ရှိတယ်လို့ သိရပါတယ်။ မိမိဘက်နဲ့တစ်ဘက်နိုင်ငံ နှစ်နိုင်ငံ မြေပြင်ပေါက်ဈေးများကို နှိုင်းယှဉ်ဖော်ပြ ပေးလိုက်ပါတယ်- မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %RSS - 3 ၃၉၁၂၉၁ဝ ၃၈၉၄၉၁ဝ ၁၈ဝဝဝ ဝ .၅ ၄၅၇၂ ၄၄၁၆ ၁၅၆ ၃RSS - 5 ၃၇၈၂၉ဝဝ ၃၆၇ဝ၉၁ဝ ၁၁၁၉ဝဝ ၃ ၄၄၁၉ ၄၁၁၂ ၃၁၇ ၇MIRT (DOBT)
ပင်လယ်ရေကြောင်းက ပုံမှန်တင်ပို့နေ မတ်လ ၂၂ ရက်မှ ၂၈ ရက်ထိကာလအတွင်း ပင်လယ်ရေကြောင်းမှ ရော်ဘာတန်ချိန် ၄၂ဝ၊ တန်ဖိုး ကန်ဒေါ်လာ ၁ ဒသမ ၇ သန်းဖိုးတင်ပို့ခဲ့ပါတယ်။ ယခင်ရက်သတ္တပတ်က တန်ချိန် ၃ဝဝ ကျော်တင်ပို့ခဲ့တာကြောင့် တင်ပို့မှု အနည်းငယ် ပိုမိုခဲ့တယ်လို့ဆိုရပါတယ်။တင်ပို့တာကတော့ မလေးရှား တစ်နိုင်ငံထဲကိုRSS-3 တန် ၂၂ဝ နဲ့ RSS-5 တန် ၂ဝဝ တင်ပို့ခဲ့တာဖြစ်ပါတယ်။ FOB ဈေးနှုန်းကတော့ RSS-3 တစ်တန်ကို ၅၁ဝဝ ဒေါ်လာ၊ RSS-5 တစ်တန်ကို ၅ဝဝဝ ဒေါ်လာနဲ့ MSR-20 တစ်တန်ကို ၅၁ဝဝ ဒေါ်လာ အသီးသီးဖြစ်ပါတယ်။ KZW
အတာသြင်္ကန်ရေ ပက်ဖျန်းလိုက်လို့ ပဲမျိုးစုံဈေးအေး ပဲမျိုးစုံအရောင်းအဝယ်ထဲမှာ အခြားဆောင်းပဲတွေ မပေါ်ခင် ဒီဇင်ဘာလဆန်း လလယ်မှာ ပဲစင်းငုံတစ်မျိုးပဲ ဈေးကွက်ဦးဆောင်ပဲအဖြစ် ပေါ်လေ့ရှိပါတယ်။ အဲဒီအချိန်မှာ အခြားပဲသစ်တွေလည်း စိုက်ပျိုးဆဲဖြစ်သလို ပဲဟောင်းလည်း မကျန်တတ်တဲ့အချိန်ပါ ဒီလိုရာသီဥတုမှာ ကုန်သည်အများစုက နောက်ပဲရာသီအတွက် အားမွေးရင်း ငွေစုတတ်တဲ့ အချိန်ပါဘဲ။ အဲဒီလို ကာလမှာ ပဲစင်းငုံအသစ်တွေ ဒီဇင်ဘာလလယ်ကစပြီး ထွက်ပေါ်လာခဲ့ပါတယ်။ မနှစ်က ဈေးတွေ ထိုးကျလို့ ရင်ခုန်သံနည်းနည်းမြန်ခဲ့တဲ့ ပဲဟောင်းတွေကို ရင်မှာပိုက်ပြီး ပဲသစ်ပဲဝယ်ရနိုးနိုး၊ ပဲဟောင်းပဲထုတ်ရောင်းရနိုးနိုးနဲ့ အိန္ဒိယမှာ အအေးလှိုင်းကြောင့် ပဲအထွက်လျော့နိုင်တယ်ဆိုတဲ့ အသံနဲ့ ပဲစင်းငုံဈေးမာခဲ့ပါတယ်။ ဒီကြားထဲ ဇန်နဝါရီ တတိယပတ်မှာ ဝိသမကုန်သည်အချို့ရဲ့ လေပတ်ကားရိုက် အရောင်းအဝယ်ကြောင့် ဆပ်ပြာဘူဖောင်းဈေးနှုန်းတွေ၊ တစ်နပ်ခံ ဈေးနှုန်းတွေဖြစ်ခဲ့ကြပြီး အထိနာသူနာခဲ့ကြတယ်။ အခုတော့ ပဲစင်းငုံဟာ မတ်လလယ်မှာ ၂၁၈ဝဝ ကျပ်ရောက်ခဲ့ပြီး တစ်နေ့တစ်ဈေးပြန်ဆင်းလာလိုက်တာ မတ်လကုန်မှာ ၁၈၆ဝဝ ကျပ်ဈေးပဲရှိပါတော့တယ်။ အခြားပဲများလည်းအလားတူပါပဲ၊ အာလုံးအကျဘက်မှာ ရှိပါတယ်။ ကုလားပဲဖြူလုံးကြီးဆိုရင် ၁၇၆ဝဝ ကျပ်၊ ကုလားပဲဝါကြီး ၁၆၄ဝဝ ကျပ်၊ ပဲယင်း ၁၄၅ဝဝ ကျပ်နဲ့ ထောပတ်ပဲ ၁၇၅ဝဝ ကျပ်ပဲရှိပါတယ်။ လာမဲ့ ဧပြီလအတွင်း မြန်မာနှစ်သစ်ကူးသြင်္ကန်ပိတ်ရက်၊ ဘဏ်ပိတ်ရက် ရုံးပိတ်ရက်များကြောင့် အဝယ်အဆွဲနည်းသွားကြတာလည်းဖြစ်ပါတယ်။ ဒါကြောင့် ပဲမျိုးစုံဈေးရဲ့ အလားအလာကို သြင်္ကန်ရုံးပိတ်ရက်ကျော်မှဘဲ ပြန်လည်သက်ဝင်လှုပ်ရှားမှု ရှိလာမယ်လို့ မျှော်လင့်မိကြောင်းပါ။ မောင်မောင်အေး
ပဲသစ်ဝင်ရောက်မှုကြောင့် ပြည်ပက တင်သွင်းတဲ့ ပဲစင်းငုံဈေးကျ အိန္ဒိယပဲစင်းငုံရိတ်သိမ်းထွက်ရှိနေတာကြောင့် ဖေဖော်ဝါရီလ ပထမ ၂ ပတ်မတိုင်မီ အိန္ဒိယဆိပ်ကမ်းတွေမှာ တင်သွင်းပဲစင်းငုံတစ်တန် ကန်ဒေါ်လာ ၁၁ဝဝ ဝန်းကျင်ရှိခဲ့ရာက လတ်တလောမှာကန်ဒေါ်လာ ၈၅ဝ ကို ကျဆင်းခဲ့ တယ်လို့ ကုန်သည်များနဲ့ဈေးကွက်လေ့လာဆန်စစ်သူများက ဆိုပါတယ်။ ကာနာတာကာ၊ မဟာရပ်ရှ်တရာနဲ့ မဒ္ဒရာပရာဒေ့ရှ် တို့ရဲ့ လက်ငင်းဈေးကွက်တွေကို ပဲစင်းငုံသစ်တွေ ဝင်ရောက်နေခြင်းက ပြည်တွင်းဈေးနှုန်းကျဆင်းဖို့ ဖိအားဖြစ်စေပါတယ်။ လတ်တလောပဲစင်းငုံဈေးက တစ်ကီလို ရူပီး ၃၅-၃၇ (ကန်ဒေါ်လာ ဝ ဒသမ ၇၈-ဝ ဒသမ ၈၃) ရှိလို့ ဇန်နဝါရီလ ဈေးထက် ရူပီး ၅-၁ဝ (ကန်ဒေါ်လာ ဝသမ ၁၁-ဝ ဒသမ ၂၂) ကျဆင်းခဲ့ပြီး ပဲစင်းငုံခွဲခြမ်း လက်ကားဈေးကလည်း ရူပီး ၅-၁ဝ ကျဆင်းပြီး တစ်ကီလို ရူပီး ၅ဝ-၅၅ (ကန်ဒေါ်လာ ၁ ဒသမ ၁၂- ၁ ဒသမ ၂၃) နဲ့ ရောင်းဝယ်နေတယ်လို့ သိရပါတယ်။ ယခုနှစ်အိန္ဒိယပဲစင်းငုံ အထွက်ကို တန်ချိန် ၂၂ သိန်း ဝန်းကျင်ခန့်မှန်းထားလို့ ပုံမှန်ထွက်ရှိမှု တန်ချိန် ၂၃- ၂၄ သိန်းထက် လျော့ကျပေမဲ့ ပဲပင်ကြီးထွားချိန် အဓိကပဲစိုက်ဒေသတွေမှာ ရာသီဥတုဆိုးဝါးခဲ့လို့ အထွက်လျော့ကျမယ်လို့ အစောပိုင်းခန့်မှန်း ပမာဏထက်တော့ ပိုမိုနေဆဲဖြစ်ကြောင်း အင်ဒိုရီ အခြေစိုက် Ruchi Group မှ မန်နေဂျာReena Gomes က ပြောကြားပါတယ်။ ပဲစင်းငုံကို ဇွန်- ဇူလိုင်လအတွင်း စိုက်ပျိုးပြီး မတ်လမှဧပြီလအတွင်း ရိတ်သိမ်းပါတယ်။ အိန္ဒိယနိုင်ငံအနေနဲ့ ပြည်တွင်း လိုအပ်ချက် တန်ချိန် ၂၇-၂၈ သိန်းပြည့်မီဖို့ မြန်မာနဲ့ အာဖရိကနိုင်ငံများက နှစ်စဉ် တန်ချိန် ၃ သိန်းမှ ၄ သိန်း ဝန်းကျင် တင်သွင်းရပါတယ်။ အဓိကစိုက်ပျိုးတဲ့ မဒ္ဒရာပရာဒေ့ရှ်နဲ့ မဟာရပ်ရှတရာတို့မှာ အအေးပိုခဲ့ တာကြောင့် ဇန်နဝါရီလအတွင်း တင်သွင်းဈေးထောင်တက်ခဲ့ပေမဲ့ ရာသီဥတု ကောင်းမွန်လာတာကြောင့် ပဲဈေးလည်း ပြန်ကျလာခဲ့တယ်လို့ Gomes က ပြောကြားပါတယ်။ ဒါ့အပြင် ပြည်တွင်းပဲဝယ်လိုအားနည်းခြင်းကလည်း ပဲဈေးနှုန်းကို ကျဆင်းစေပါတယ်လို့ ဈေးကွက် ကျွမ်းကျင်သူများက ထောက်ခံပြောကြားပါတယ်။ လတ်တလောမှာ ဈေးသက်သာတဲ့ ဟင်းသီးဟင်းရွက်ကို စားသုံးနေကြလို့ ပဲစင်းငုံ ဝယ်လိုအား နည်းနေတာပါလို့ ဆိုပါတယ်။ ဟင်းသီးဟင်းရွက်ရောင်းချမှု လျော့ပါးလာမယ့် ဧပြီအလွန်လောက်မှတော့ ပဲစင်းငုံ ဈေးနှုန်း တဖန်ပြန်တက်လာနိုင်တယ်လို့ မွန်ဘိုင်းအခြေစိုက် ပဲမျိုးစုံ လေ့လာဆန်းစစ်သူများက ဆိုပါတယ်။ ဝယ်လိုအားလျော့ကျခြင်းနဲ့ ပြည်တွင်းပဲပိုမိုရရှိမယ်လို့ မျှော်မှန်းချက်တွေကြောင့် အိန္ဒိယပဲတင်သွင်းမှု ကျဆင်းခြင်းက ဈေးနှုန်းကို ထိခိုက်စေပါတယ်လို့ Gomes က ထပ်လောင်းပြောကြားပါတယ်။ လတ်တလော အများပြည်သူရောင်းဝယ်ရေး ဆိုင် (PSUs) များကလည်း ပြင်ပပေါက်ဈေးနိမ့်နေလို့ များများစားစား ဝယ်ယူခြင်း မရှိဘူးလို့ ဆိုပါတယ်။ အခြားတစ်ဖက်မှာ လည်း မြန်မာနိုင်ငံက ပဲအထွက်ကောင်းမယ့် အခြေအနေတွေအရ မနှစ်ကလို ဈေးမြင့်တက်လာမှာမဟုတ်ဘူးလို့Ruchi Group မှ အရာရှိများက ဆိုပါတယ်။ ယခင်နှစ်က ပြည်တွင်းမှာရော ပြည်ပနိုင်ငံတွေမှာပါ ထုတ်လုပ်မှု ကျဆင်းလို့ ပဲစင်းငုံ ခွဲခြမ်း တစ်ကီလိုကို ရူပီး ၁ဝဝ (ကန်ဒေါ်လာ ၂ ဒသမ ၂၄) ထိ ထောင်တက်ခဲ့ကြောင်း သိရပါတယ်။ ယမင်းရွှေစင်၊Source: Business strandard
ပဲယင်း မတ်လ ၂၃ ရက်မှ ၂၉ ရက်ထိကာလအတွင်းမူဆယ် ၁ဝ၅ မိုင်ကုန်သွယ်ရေးဇုန်မှ တစ်ဖက်နိုင်ငံ သို့ ကန်ဒေါ်လာ ဝ ဒသမ ၄၃ သန်းတန်ဖိုးရှိ ပဲယင်း တန် ၆ဝဝ တင်ပို့နိုင်ခဲ့ပါတယ်။ ယခင်အပတ်ကထက် ၁၇၅ တန်ကျော်တင်ပို့ မှု ပိုမိုခဲ့ပါတယ်။ မတ်လအတွင်း ပဲယင်းတန် ၁၂ဝဝ ခန့်တင်ပို့နိုင်ခဲ့ပြီး ၂ဝ၁ဝ-၂ဝ၁၁ဘဏ္ဍာနှစ်အတွင်းနယ်စပ်မှပဲလွန်းဖြူ တင်ပို့နိုင်မှုမှာ တန် ၃၆၅ဝ ဝန်းကျင်ရှိပါတယ်။ မိမိဘက်မှာ ဈေးကျနေပြီး တစ်ဘက်နိုင်ငံဈေးသိသိသာသာ ပြောင်းလဲမှုမရှိ ဘဲ ငွေဈေးအတက်အကျကြောင့် အနည်းငယ် ပြောင်းလဲတာ တွေ့ရပါတယ်။ မိမိဘက်နဲ့တစ်ဘက်နိုင်ငံပဲယင်းဈေးများကို နှိုင်းယှဉ်ဖော်ပြပေးလိုက်ရပါတယ် မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပဲယင်း ၅၃၅ဝ၂၈ ၅၅၅၅၉၅ ၂ဝ၅၆၇ ၄ ၆၈၅ ၆၇၄ ၁၁ ၁ .၆MIRT (DOBT)
ယခင်နှစ်ဈေးကို မမီသေးတဲ့ပြည်ပဲကြီး ပြည်ဈေးကွက်အတွင်း ပဲကြီးဈေးနှုန်းမှာ ယခင်အပတ်ကထက် ဈေး အနည်းငယ် ကျသွားခဲ့ပါတယ်။ ပဲကြီး (ရွှေကျွန်း) မှာ တစ်တင်း ၂၁ဝဝဝ ကျပ်နဲ့ ပဲကြီးကမ်းနားမှာ တစ်တင်း ၁၉၅ဝဝ ကျပ်ဖြင့် အရောင်းအဝယ်ဖြစ်လျက် ရှိခဲ့ပါ တယ်။ ယခင်နှစ်က မတ်လအတွင်း တစ်တင်း ၃၆ဝဝဝ ကျပ်ထိဈေးကောင်းခဲ့ပြီး၊ ယခုနှစ်မှာတော့ တစ်တင်း ၂၁ဝဝဝ ကျပ်သာရှိတဲ့အတွက် ယခင်နှစ်ထက် တစ်တင်း ကျပ် ၁ဝဝဝဝ ကျော်ခန့် ဈေးလျော့နည်းခဲ့ တာကို တွေ့ရပါတယ်။ ပဲကြီးအဝင် အနေဖြင့် အိတ် ၇ဝဝ-၈ဝဝ အထိ အဝင်ရှိခဲ့ပြီး၊ ပဲလှော်ဖိုသမားများ အဝယ်ရှိတာ ကြောင့် တစ်ရက် အိတ် ၂ဝဝ ခန့် အရောင်းအဝယ်ဖြစ်ခဲ့ကြတယ်လို့သိရပါတယ်။ သြင်္ကန်မတိုင်မီ လှောင်လက်သမားများ အဝယ်ရှိလာနိုင် တယ်လို့သိရပါတယ်။ ခင်ဆွေဝင်း
ပြည်ထောပတ်ပဲ အဝင်များလာပြီး ဈေးကျ ပြည်ဈေးကွက်သို့ ထောပတ်ပဲသစ်များ အဝင်များလာခဲ့ပြီး၊ တစ်ရက်လျှင် အိတ် ၂ဝဝ ကျော်အထိ အဝင်ရှိလာခဲ့ပါတယ်။ ထောပတ်ပဲဈေးနှုန်းမှာ ပေါ်စအချိန်တွင် တစ်တင်း ၂ဝဝဝဝ ကျပ်ဖြင့် ဈေးဖွင့်ခဲ့ပြီး၊ ယခုမတ်လ နောက်ဆုံးပတ်မှာ တစ်တင်း ၁၇ဝဝဝ ကျပ်ဖြင့် ဈေးကျသွားခဲ့ပါတယ်။ ပဲအသစ် များ အဝင်များလာတာကြောင့် ဈေးကျသွားခဲ့ခြင်းဖြစ်ပြီး၊ အရောင်းအဝယ်ဖြစ်မှု အနေဖြင့် လက်လီသမားများနှင့် နယ်လှောင်လက်များ အဝယ်ရှိတဲ့အတွက် တစ်ရက် အိတ် ၅ဝ-၆ဝ အရောင်းအဝယ်ဖြစ်ကြောင်း သိရပါတယ်။ ခင်ဆွေဝင်း