Background
ဈေးအေးလို့ လှောင်လက်များ ဝယ်ယူသိုလှောင်တဲ့ မုံရွာ V2 မုံရွာကုန်စည်ဒိုင်မှာ ၂ဝ၁၁ ခု၊ ဖေဖော်ဝါရီလဆန်းမှာ ကုလားပဲဖြူလုံးကြီး V2 တစ်ပိဿာ ၁၁၈၄ ကျပ်မှ ဖေဖော်ဝါရီလကုန်မှာ ၉၃၇ ကျပ်၊ မတ်လဆန်းမှာ ၉၂၆ ကျပ်သို့ ဈေးအေးလာပါတယ်။ ရွှေဘိုခရိုင်၊ မုံရွာခရိုင်၊ စစ်ကိုင်းခရိုင်ရှိမြို့နယ်များမှ V2 အသစ်များ မုံရွာမြို့ကို အဝင်လှိုင်တဲ့အတွက် ဈေးအနည်းငယ် အေးသွားခြင်းကို လက်လွှတ်မခံဘဲ ဝယ်ယူသိုလှောင်နေကြလို့ မုံရွာကုန်စည်ဒိုင်မှာ နေ့စဉ် V2 တင်း ၁၅ဝဝ ကျော် အရောင်းအဝယ်ဖြစ်ကြောင်းသိရပါတယ်။ ဖေဖော်ဝါရီလအတွင်း စစ်ကိုင်းတိုင်းဒေသကြီးမှ မန္တလေးသို့ V2 တင်း ၁၅ဝဝဝ ခန့် စီးထွက်ခဲ့ကြောင်း သိရပါတယ်။ သန်းးသန်းးတင်
အဝင်လှိုင်လာတဲ့ မန်း V2 ဈေးအေးနေ မန်းပဲဈေးကွက်ကို အရင်ကထက် V2 အဝင်လှိုင်လာပြီး၊ စစ်ကိုင်းတိုင်း ဒေသကြီး၊ ရွှေဘို၊ ဆားတောင်၊ ဝက်လက်နဲ့ မြင်းမူတို့မှ အိတ် ၂၉ဝဝ ကျော် ဝင်ရောက်လာခဲ့ပါတယ်။ အဝင်လှိုင်လာသော်လည်း ရန်ကုန်ဝယ်လက်သို့ အိတ် ၂ဝဝဝ ကျော် ရောင်းဝယ်မှုနဲ့ ဒေသတွင်းစက်သမားများရဲ့ ပုံမှန်ဝယ်ယူမှုသာရှိပြီး အရောင်းအဝယ် သိပ်မသွက်လို့ ဈေးအေးလာပါတယ်။ အသစ်ပေါ်စက V2 တစ်ပိဿာကို ၁ဝ၄၈ ကျပ်၊ ၁၁၃၅ ကျပ်ဈေးပေါက်ခဲ့ပေမဲ့ ဒီတစ်ပတ်မှာတော့ အရောင်းဈေးအေးပြီး ၉၉၆ ကျပ်၊ ၁ဝ၁၃ ကျပ်နဲ့ ရောင်းဝယ်နေကြကြောင်း သိရပါတယ်။ ချိုချိုမြင့်
မန်းဈေးကွက်မှာ ဈေးမာနေတဲ့ ခရမ်းပဲတီစိမ်း ယခုတစ်ပတ် မန်းဈေးကွက်မှာ ခရမ်းပဲတီရွှေဝါကို တရုတ်အကြိုက်တွေ့နေတာကြောင့် ဈေးမာနေပြီး အခြားပဲတီစိမ်း ထိပ်စ၊ လတ်စ၊ အောက်စတွေကတော့ အရောင်းအဝယ်အေးနေပါတယ်။ ရန်ကုန်ဝယ်လက်နဲ့ ဒေသတွင်း ခွဲစက်လုပ်ငန်းရှင် များမှ အနည်းငယ်သာ ဝယ်ယူနေတာတွေ့ရပါတယ်။ ယခုတစ်ပတ် ခရမ်းပဲတီရွှေဝါက တစ်ပိဿာ ၂ဝ၆၂ ကျပ်၊ တစ်တန် ၁၂၆၂၇ဝဝ ကျပ်၊ ပဲတီစိမ်းကြီး ထိပ်စ တစ်ပိဿာ ၁၅၁၁ ကျပ်၊ တစ်တန် ၉၄၂၇၁ ကျပ်၊ အောက်စတစ်ပိဿာ ၁၃၃၃ကျပ်၊ တစ်တန် ၈၁၆၃ဝဝ ကျပ်တို့နဲ့ ရောင်းဝယ်နေကြပါတယ်။ ယခုတစ်ပတ်မှာ ခရမ်းပဲတီရွှေဝါ၊ ပဲခူးပဲတီရွှေဝါတို့သာ ဈေးကွက် အတွင်းသို့ အဝင်ရှိပြီး ဈေးကောင်းပေမဲ့ အခြားပဲတီစိမ်းတွေက ဈေးကွက်အတွင်းသို့ စီးဝင်မှုအားနည်းသလို ဝယ်လိုအား နည်းလာလို့ ဈေးအေးနေတာဖြစ်တယ်လို့ ဈေးကွက်က ဆိုပါတယ်။ ကျော်ကျော်မိုး
ဟင်္သာတဈေးကွက်သို့ ပဲတီစိမ်းသစ်များဝင်လာပြီ ဟင်္သာတမြို့နယ်အတွင်း ၂ဝ၁၁ ခုနှစ် ဖေဖော်ဝါရီလ တတိယပတ်မှစပြီး မြို့နယ်အတွင်း ကျေးရွာအုပ်စုများရှိ တောင်သူများမှ ပေါ်ဦးပေါ်ဖျား ပဲတီစိမ်းများကို နေ့စဉ်ရောင်းဝယ်လျက်ရှိရာ တစ်တင်းခွဲဝင်အိတ် ၃ဝဝ မှ ၄ဝဝ အထိ ပဲတီစိမ်းပိဿာ ၂ဝ ဝင်တစ်တင်းကို ၃၁ဝဝဝ ကျပ်ဖြင့် အရောင်းအဝယ်ဖြစ်နေပါတယ်။ ယခင်နှစ် ပဲတီစိမ်းသစ်ပေါ်ချိန် ဈေးစ အဖွင့်မှာ ၂၁၅ဝဝ ကျပ်သာရှိပြီး၊ ယခုနှစ်ပေါ်စ ဈေးမှာ ၂၄၅ဝဝ ကျပ်ရရှိကြသဖြင့် တောင်သူများအကျိုးအမြတ် ပိုရကြပါတယ်။ ရန်ကုန်တင်ပို့နိုင်မှုမှာလည်း ယခုတစ်ပတ်အတွင်း အိတ် ၂၄ဝဝ ခန့် တင်ပို့နိုင်တယ်လို့သိရပါတယ်။ အေးအေးခိုင်
အိန္ဒိယပဲတီရွှေဝါဈေး အနည်းငယ်အေးလာ ယခင်လများက အိန္ဒိယဈေးကွက်တွေမှာ ပဲတီရွှေဝါ၊ ပဲတီစိမ်းဈေး တည်ငြိမ်ခိုင်မာလာခဲ့ပေမဲ့ ယခုလမှာတော့ အနည်းငယ် အေးလာတာတွေ့ရပါတယ်။ ပြည်တွင်းဈေးကွက်တွေမှာ အရည်အသွေးကောင်း လက်ကျန်နည်းပေမဲ့ ဈေးနှုန်း ကြီးမြင့်တဲ့ ပဲကိုအဝယ်နည်းတယ်လို့ သိရပါတယ်။ ပြည်တွင်းပဲအသစ်အချို့လည်း ဧပြီလလောက်မှာ ဝင်ရောက်မှာဖြစ်လို့ လက်ရှိ ဈေးဝန်းကျင်မှာ တန့်နိုင်တယ်လို့ ဈေးကွက်က ခန့်မှန်းကြပါတယ်။ ဖေဖော်ဝါရီလနဲ့ မတ်လ ကာလတူဈေးနှုန်းများ နှိုင်းယှဉ်ဖော်ပြလိုက်ပါတယ် ချန်နိုင်း (ပဲတီရွှေဝါ) ဒေလီပဲတီစိမ်း၃-၃-၁၁ ၁၃၁၂-၁၃၃၅ ၁၂၉ဝ၃-၂-၁၁ ၁၃၃၇ ၁၂၇၁MIRT (MAPT)
ပဲတီစိမ်း တန် ၂ဝဝဝ ကျော် မူဆယ်နယ်စပ်မှ ယခုအပတ်ပို့ ဖေဖော်ဝါရီလ ၂၃ ရက်မှ မတ်လ ၁ ရက်ထိ ကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှ စစ်ကိုင်းနဲ့ မန္တလေးတိုင်းဒေသကြီးထွက်ကန်ဒေါ်လာ ၂ ဒသမ ၂၂၈ သန်းတန်ဖိုးရှိ ပဲတီစိမ်း တန်ချိန် ၂၁၁၇ တန်တင်ပို့နိုင်ခဲ့ပါတယ်။ ယခင်အပတ်နဲ့ နှိုင်းယှဉ်လျှင်တော့ တန်ချိန် ၁၂ဝဝ ခန့် တင်ပို့မှုလျော့နည်းခဲ့ပါတယ်။ယခုအချိန်မှာ ပဲရာသီချိန်ဖြစ်တာကြောင့် တရုတ်မှ ဝယ်လိုအားရှိသော်လည်း နယ်စပ်မှ ကုန်သွယ်မှုကုန်ကျစရိတ် မြင့်မားတဲ့အတွက် အရောင်းအဝယ်နည်းပါးပြီး တရုတ်နိုင်ငံသို့ ဗီယက်နမ်ဖက်နဲ့ ထိုင်းဖက်မှ ပဲတီစိမ်းများ ဝင်ရောက်မှုရှိပါတယ်။တစ်ဖက်နိုင်ငံသို့ တင်ပို့ရောင်းချရာမှာ အကျိုးအမြတ်နည်းပါးခြင်း တစ်ဖက်နိုင်ငံမှ ဝယ်ယူသည့် ဈေးနှုန်းများမှာလည်း ကုန်ကျစရိတ်ကာမိအောင်ဈေးမရရှိတဲ့အတွက် တင်ပို့မှု လျော့နည်းရတာဖြစ်ပါတယ်။ယခုအပတ်မှာ ပဲတီစိမ်းလုံးခြမ်းလည်းတင်ပို့နိုင်ခြင်းမရှိဘူးလို့ သိရပါတယ်။ဖေဖော်ဝါရီလ တစ်လလုံးမှာ ပဲတီစိမ်း တန်ချိန် ၈၄ဝဝ ကျော်နဲ့ ပဲတီစိမ်းလုံးခြမ်းတန်ချိန် ၇၆ဝ ကျော် နယ်စပ်မှ တင်ပို့ထားပြီးဖြစ်ပါတယ်။ မိမိဘက်ဈေးရော တစ်ဘက်နိုင်ငံဈေးပါ အနည်းငယ်စီမြင့်တက်လျက်ရှိပါတယ်။မိမိဘက်နဲ့တစ်ဘက်နိုင်ငံ ပဲတီစိမ်းဈေးနှုန်းများကို နှိုင်းယှဉ်ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပဲတီစိမ်း ၁၂၂၂ဝ၁၁ ၁၂၁၈၆ဝ၅ ၃၄ဝ၆ ဝ .၃ ၈၉၈ဝ ၈၈၈ဝ ၁ဝဝ ၁MIRT (DOBT)
ပင်လယ်ရေကြောင်းက ပဲတီစိမ်း တင်ပို့မှုဆက်လက်မြင့် ပင်လယ်ရေကြောင်းက ပဲမျိုးစုံတင်ပို့မှုမှာ အခြားပဲများထက် ပဲတီစိမ်းက တင်ပို့မှုပမာဏပိုနေတာ ၂ ပတ်ဆက် တိုက်ရှိပါပြီ။ ယခုသီတင်းပတ်(ဖေဖော်ဝါရီလ ၂၄ ရက်မှ ၂၈ )အတွင်းမှာလည်း တန်ချိန် ၇ဝဝဝ ကျော်ထိ တင်ပို့တာ တွေ့ရပါတယ်။ အထူးသဖြင့် တရုတ်ဝယ်လက်များကို တင်ပို့မှုများနေတာဖြစ်ပါတယ်။ ယခုနှစ် ဇန်နဝါရီလအတွင်းမှာ ပင်လယ်ရေကြောင်းက ပဲတီစိမ်းတန်ချိန် ၁၃ဝဝဝ ခန့်သာ တင်ပို့မှု ရှိခဲ့ရာမှ ဖေဖော်ဝါရီလမှာတန်ချိန် ၂၆ဝဝဝ ခန့်ထိ ၁ ဆပိုတင်လာတာတွေ့ရပါတယ်။ ၂ဝ၁ဝ ဖေဖော်ဝါရီလအတွင်းမှာတော့ ပဲတီစိမ်း တန်ချိန် ၅ သောင်းနီးပါးထိ တင်ပို့ခဲ့လို့ ယခုနှစ်ကာလတူမှာ ထက်ဝက်ခန့် လျော့ကျတင်ပို့မှုရှိတာ တွေ့ရပါတယ်။ ရန်ကုန် FOB ဈေးအနေနဲ့ တစ်ပတ်လုံးငြိမ်နေပြီး မတ်လ ၄ ရက်နေ့မှာ ပဲတီစိမ်း(အညာ) FAQ တစ်တန်ကို ကန်ဒေါ်လာ ၁၁၆ဝ- ၁၁၈ဝ၊ (ပခုက္ကူ) FAQ တစ်တန်ကို ကန်ဒေါ်လာ ၁၁ဝဝ-၁၁၂ဝ နဲ့ ရွှေဝါအသေး တစ်တန်ကို ကန်ဒေါ်လာ ၁၅၃ဝ-၁၅၅ဝ ဖြစ်ကြောင်း သိရပါတယ်။ MIRT- MAPT
မူဆယ်မှ တင်ပို့မှုမှန်နေတဲ့ ပဲလွန်းဖြူ မြန်မာ-တရုတ်နယ်စပ်ရှိ မူဆယ် ၁ဝ၅ မိုင်ကုန်သွယ်ရေးဇုန်မှ ဖေဖော်ဝါရီလ ၂၃ ရက်မှ မတ်လ ၁ ရက်ထိ ကာလအတွင်း ကန်ဒေါ်လာ ၂၁၆ဝဝ တန်ဖိုးရှိ ပဲလွန်းဖြူ ၂၅၄ တန် တင်ပို့ နိုင်ခဲ့ပါတယ်။ယခင်အပတ်က တန် ၂၄ဝ ကျော် တင်ပို့ခဲ့တာမို့ ပုံမှန်လေး တင်ပို့နိုင်တာတွေ့နေရပါတယ်။ဖေဖော်ဝါရီလတစ်လလုံး နယ်စပ်မှ ပဲလွန်း ဖြူ တန် ၅၆ဝ ကျော် တင်ပို့ထားပြီး ဖြစ်ပါတယ်။ မြေပြင်ပေါက်ဈေးများ ကတော့ မိမိဘက်မှာ ရောတစ်ဘက် နိုင်ငံမှာပါ ဈေးကျနေတာ တွေ့ရပါ တယ်။ယခင်အပတ်နဲ့ ယခုအပတ်နှစ်နိုင်ငံ ပေါက်ဈေးများကို ဖော်ပြပေး လိုက်ရပါတယ် - မိမိဘက် (ကျပ်/တန်) တစ်ဘက်နိုင်ငံ (ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု % ၉၂၉၈၁၆ ၉၃၇၆ဝ၃ ၇၇၈၇ ဝ .၈ ၁ဝ၅၃ ၁ဝ၈၃ ၃ဝ ၃MIRT(DOBT)
ပဲလွန်းဖြူ၊ အနီ တန် ၁၂ဝဝ ခန့်ထိ တိုးတင်လာ အခြားပဲ အုပ်စုတွေထဲမှာ ပင်လယ် ရေကြောင်းက တင်ပို့မှုအများဆုံး ပဲကတော့ ပဲလွန်းဖြူ၊ အနီပဲဖြစ်ပါ တယ်။ ယခင်သီတင်းပတ်က တန် ၁ဝဝဝ အတင်ရှိခဲ့သလို ယခုသီတင်း ပတ် (ဖေဖော်ဝါရီလ ၂၄ ရက်မှ ၂၈ ရက်) အတွင်းမှာ တန် ၁၂ဝဝ ထိတိုး တင်လာတာတွေ့ရပါတယ်။ တင်ပို့တဲ့ နိုင်ငံတွေကတော့ အိန္ဒိယ၊ အင်ဒိုနီးရှား၊ ပါကစ္စတန်၊ ဖိလစ်ပိုင်၊ စင်ကာပူ၊ ကိုရီးယားနဲ့ ဗီယက်နမ်တို့ဖြစ်ပါတယ်။ ပြည်ပအဝယ်ရှိသလို ပြည်တွင်းဈေးကွက် အသီးသီးမှာလည်း အရောင်း အ ဝယ် သွက်နေတယ်လို့ သိရပါတယ်။ ၂ဝ၁၁ ဇန်နဝါရီလအတွင်းမှာ ပဲလွန်းဖြူတန်ချိန် ၆ဝဝ ခန့်တင်ပို့ခဲ့ပြီး ဖေဖော်ဝါရီလမှာ တန် ၁၇ဝဝ ခန့် တင်ပို့ခဲ့တာတွေ့ရပါတယ်။ ၂ဝ၁ဝ ဖေဖော်ဝါရီလမှာ တန်ချိန် ၂၈ဝဝ ခန့်တင်ပို့မှုရှိခဲ့လို့ ယခုနှစ် ကာလတူ တင်ပို့မှု လျော့ကျတာ တွေ့ရပါတယ်။ ရန်ကုန် FOB ဈေးမှာ ယခင်တစ်ပတ် ဖြစ်ပေါ်ခဲ့တဲ့ ဈေးအတိုင်း FAQ တစ် တန်ကို ကန်ဒေါ်လာ ၈၈ဝ-၉ဝဝ နဲ့ SQ တစ်တန်ကို ကန်ဒေါ်လာ ၉၈ဝ- ၁ဝဝဝ ဖြစ်ကြောင်း သိရပါတယ်။ MIRT- MAPT
ဝယ်သူမျှော်နေတဲ့ ငုံနီ ပခုက္ကူဈေးကွက်မှာ ပဲစင်းငုံအဝင်စုံပြီးတဲ့နောက် ဒီတစ်ပတ်အတွင်း ဈေး ကွက် အေးစက်နေပါတယ်။ ဦးဆောင်ဈေးကွက်ဖြစ်တဲ့ ပြည်ပက အဝယ်နှေး နေတော့ ပြည်တွင်းက ပို့ကုန်သမားတွေလည်း နယ်အော်ဒါမချပါဘူး။ ကုမ္ပဏီ ဝယ်လက်တွေ အမှာစာမရှိတော့ နယ်ကလက်ခွဲအဝယ်ကုန်သည်တွေလည်း အလု အယက် ဝယ်ယူတာ မတွေ့ရပါဘူး။ ဒီတော့ပစ္စည်းလက်ဝယ်ရှိတဲ့ ကုန်သည်တွေ ဝယ်သူမျှော်နေကြရပါတော့တယ်။ ယခုတစ်ပတ် အတွင်း ပဲစင်းငုံနီ တစ်တင်းကို ၂ဝဝဝဝ ကျပ်မှ ၂၁ဝဝဝ အတွင်းမှာပဲ ဒီနေ့ ၁ဝဝ ကျပ်တက်ရင် မနက်ဖြန် ၂ဝဝ ကျပ် ဆင်းရင်းနဲ့ အဆင်းဘက်ကို အားသန်နေတာတွေ့ရပါတယ်။ ခုချိန်ဟာ ဆောင်းသီးနံှပေါ်တဲ့ ရာသီဆိုတော့ အခြားပဲမျိုးစုံပေါ်မှာ ဈေးကွက်က ပြန့်သွားတာ ကြောင့်လည်း ဖြစ်မှာပါ။ မောင်မောင်အေး