ဈေးလှုပ်နေတဲ့ ပြည်ပဲစင်းငုံ              ယခုတစ်ပတ် ပြည်ဈေးကွက်သို့ အောင်လံ၊ ရေနံချောင်းမှ ပဲစင်းငုံအိတ် ၆ဝဝ အဝင်ရှိပြီး အနောက်ဘက်ကမ်း ပန်းတောင်းနဲ့ ဥသျှစ်ပင်မှလည်း နေ့စဉ် အိတ် ၄ဝဝ-၅ဝဝ အဝင်ရှိ အရောင်းအဝယ်ဖြစ်လျက်ရှိကြောင်း သိရပါတယ်။ တိုင်းအတွင်းရှိ ပေါင်းတလည်၊ ပေါက်ခေါင်းမြို့နယ်များမှလည်း နေ့စဉ်အိတ် ၁ဝဝ နီးပါး အဝင်ရှိတယ်လို့ သိရပါတယ်။ စုစုပေါင်းဝင်ရောက်မှုအနေဖြင့် ပြည်ဈေးကွက်သို့ အိတ် ၁၁ဝဝ-၁၂ဝဝ ခန့် အဝင်ရှိပြီး တင်ပို့မှုအနေနဲ့ ရန်ကုန်ကို အိတ် ၅ဝဝ တင်ပို့ခဲ့ပြီးဖြစ်ကြောင်း သိရပါတယ်။ ဈေးနှုန်းအနေဖြင့် ယခင်တစ်ပတ်က ပိဿာ ၂ဝ တစ်တင်းကို ၁၇၅ဝဝ ကျပ်ဈေးရှိပြီး ယခုတစ်ပတ်အစမှာတော့ တစ်တင်းကို ၁၈၅ဝဝ ကျပ်ထိ ဈေးမြင့်တက်လာခဲ့ကြောင်း သိရပါတယ်။ ဒါပေမဲ့ စပေါ်ချိန်မှသာ ဈေးကောင်းရနေပြီး နောက်ရက်များတွင် ဝယ်လက်များ အေးနေ ခြင်းကြောင့် ဈေးပြန်ကျခဲ့တယ်လို့ သိရပါတယ်။ တစ်တင်းကို ၁၇၈ဝဝ ကျပ်ထိ ဈေးကျခဲ့သော်လည်း ယခင်တစ်ပတ်ဈေးနဲ့ယှဉ်ရင် ဈေးအနည်းငယ် မြင့်နေ ကြောင်း သိရပါတယ်။                                                                                                              ဆုမွန်မွန်ဆွေ

ယခင်အပတ်ထက် ပဲစင်းငုံ နှစ်ဆ အတင်ရှိ               ယခင်သီတင်းပတ်က ပဲစင်းငုံတန်ချိန် ၂ဝဝဝ ခန့် သာ တင်ပို့မှု ရှိခဲ့ပေမဲ့ ယခုသီတင်းပတ် (ဇန်နဝါရီလ ၇ ရက်မှ ၁၂ ရက်) အတွင်းမှာတော့ တန်ချိန် ၄၄ဝဝ ခန့်အထိ ၂ ဆတိုးတက်လာတာတွေ့ရပါတယ်။ အိန္ဒိယမှာ ပဲစင်းငုံ အထွက် ကောင်းမယ်လို့ အစောပိုင်းက ခန့်မှန်းထားခဲ့ပေမဲ့ ရာသီဥတု အအေးလွန်ကဲခြင်းနဲ့ အခိုျ့ဒေသတွေမှာ ဒီဇင်ဘာလက မိုးရွာသွန်းမှုတွေကြောင့် အထွက် လျော့သလိုအရည်အသွေးလည်း ပျက်စီးမှုတွေရှိတယ်လို့ သိရပါတယ်။ ဒါကြောင့် အိန္ဒိယ ဝယ်လက်တွေ မြန်မာပဲစင်းငုံဘက်လှည့်ပြီး အဝယ်ပြန်လိုက်လာခဲ့တာကြောင့် ပဲစင်းငုံဈေးက ခေါင်းပြန်မော့လာသလို တင်ပို့မှုလည်း တိုးတက်လာခဲ့တာ ဖြစ်ပါတယ်။ လက်ရှိဘဏ္ဍာနှစ်အတွင်း ပဲစင်းငုံတင်ပို့မှုကို လေ့လာကြည့်မယ်ဆိုရင် ဇန်နဝါရီလ ၇ ရက်နေ့အထိ တန်ချိန် ၈၃၆ဝဝ ခန့်သာ တင်ပို့မှုရှိခဲ့ပြီး ယခင် ဘဏ္ဍာနှစ်ကာလတူတင်ပို့မှုမှာ တန်ချိန် ၁၃၅ဝဝဝ ခန့်ရှိလို့ သိသိသာသာတင်ပို့မှု လျော့ကျ ခဲ့တာတွေ့ရပါတယ်။ မြင့်တက်လာတဲ့ ရန်ကုန် ၤဥြ ဈေးများကို ယခင် သီတင်းပတ်ဈေးနဲ့ နှိုင်းယှဉ် ဖော်ပြလိုက်ပါတယ်                                                                                                                                 ဒေါ်လာ/တန်                           ပဲစင်းငုံနီ                           ပဲစင်းငုံဖြူနီ၊ အဖြူ ၁၄-၁-၁၁          ၇၈ဝ-၈ဝဝ                                   ၆၉ဝ-၇၁ဝ ၇-၁-၁၁            ၆၉ဝ-၇ဝဝ                                    ၆၃ဝ-၆၄ဝ                                                                                                                                     MIRT(MAPT)

မိုးညိုမတ်ပဲဈေးကွက်စဝင်ပြီး ပြည်မတ်ပဲဈေးကအေးနေဆဲ              ပဲခူးတိုင်းဒေသကြီးအနောက် မိုးညိုမြို့နယ်မှာ ရေလိုက်မတ်ပဲတွေ ဒီဇင်ဘာလကုန်ပိုင်းမှ စတင်ထွက်ရှိပြီး ပိဿာ ၂ဝ တစ်တင်းကို ၂ဝဝဝဝ ကျပ်နဲ့ ဈေးစဖွင့်ရောင်းချခဲ့ပါတယ်။ ဇန်နဝါရီလ ဒုတိယပတ်မှာတော့ ပဲတစ်တင်းကို ၂ဝ၅ဝဝ ကျပ်ဈေးဖြင့် အရောင်းအဝယ်ဖြစ်လျက်ရှိတယ်လို့ သိရပါတယ်။              ပြည်မြို့ရဲ့ ပဲဈေးကွက်မှာ ဇန်နဝါရီလ ပထမပတ်မှာ ပိဿာ ၂ဝ တစ်တင်းကို ၂၁၂ဝဝ ကျပ်ဈေးရှိပြီး ဒုတိယပတ်မှာတော့ ၂၁၅ဝဝ ကျပ်ဈေးနဲ့ ဈေးသိသိသာသာမြင့်တက်လာခြင်းမရှိဘဲ ဈေးအေးနေဆဲဖြစ်ပါတယ်။ မြို့တွင်း ရောင်းဝယ်မှုကတော့ အေးပေမဲ့ ရှိနေသေးတဲ့ ပဲလက်ကျန်ကို ငွေပေါ်လိုသူတွေ ထုတ်ရောင်းကြတာကြောင့် တစ်နေ့ကို အိတ် ၂ဝဝ ခန့်အရောင်းအဝယ်ရှိတယ်လို့ သိရပါတယ်။ ပြည်မှ ရန်ကုန်သို့ ပဲစီးဆင်းမှုကတော့ ဇန်နဝါရီ ဒုတိယပတ်အတွင်း ပဲတစ်တင်းခွဲအိတ် ၁၉၅ဝ အိတ်ခန့်တင်ပို့တယ်လို့ သိရပါတယ်။                                                              မိမိအေး

 ပြည်တွင်းစားမကုန်နိုင်တဲ့ ကြက်သွန်နီကို စားသုံးသူတွေ ဈေးအမြင့်နဲ့ ဝယ်စားနေရ                            မြန်မာနိုင်ငံရဲ့ ကြက်သွန်နီ စိုက်ပျိုး မှုသဘာဝအရ မိုးမှာလည်း စိုက်ပျိုး သလို ဆောင်းမှာလည်း ချောင်းဘေး သဲသောင်တွေမှာ စိုက်ပျိုးကြပါတယ်။ ဆောင်းစိုက်ကြက်သွန်ကို စနစ်တကျ သိုလှောင်ထားနိုင်ရင် တစ်နှစ်လုံးစားသုံး လို့ရပေမယ့်မိုးစိုက်ကတော့ ရာသီဥတု အပေါ် တည်မီစိုက်ရတာဖြစ်ပြီး၊ နှစ်လ၊ သုံးလပဲ ထားပါတယ်။ နှစ်စဉ် ဒီဇင်ဘာလမှာ မိုးကြက်သွန်တွေဖြိုင်ဖြိုင်ပေါ်လေ့ရှိပေမယ့် ပြီးခဲ့တဲ့ အောက်တိုဘာမုန်တိုင်းနဲ့ရွာခဲ့တဲ့မိုးကြောင့် မိုးကြက်သွန်စိုက်ချိန်နောက်ကျခဲ့ပါတယ်။                         ဒါကြောင့် ဒီအချိန်က အဟောင်းလည်း ကုန် အသစ်လည်းပေါ်စ စပ်ကူးမတ် ကူးကာလဖြစ်နေပါတယ်။ ကြက်သွန်နီ အဓိကစိုက်တဲ့ ပခုက္ကူ၊ ရေနံချောင်းနဲ့ မြင်းခြံနယ်တွေမှာ ကြက်သွန်နီပေါ်ဖို့ လိုသေးပေမယ့် မြစ်သားနယ်ဘက်မှာ တော့ အပင်လေးစိုက်ကြက်သွန်တွေ ထွက်ပေါ်နေပါပြီ။ ဒီလိုထွက်လာတဲ့ မိုးကြက်သွန်နီတွေ ပြည်တွင်းစားသုံးလို့ ရနိုင်တဲ့ အခြေအနေရှိနေတာကို ကိုယ့်တိုင်းပြည်က စားသုံးသူတွေက အမြင့်ဈေးနဲ့ဝယ်စားစေပြီး၊ တစ်ဖက် နိုင်ငံ စားသုံးသူတွေ စားဖို့အတွက် တရားမဝင်နည်းလမ်းတွေနဲ့ ပို့နေတာ သိရပါတယ်။ ဒါကြောင့်မြဝတီဘက်ကို ဦးတည်နေတဲ့ ကြက်သွန်နီကားတွေကို တာဝန်ရှိသူတွေက ပြန်လှည့်မောင်းခိုင်း နေရပါတယ်။ တကယ်တမ်းကျတော့ ကိုယ့်ပြည်တွင်းက ထွက်တာကို ဖူဖူလုံလုံ စားနိုင်ပေမယ့် ပြည်ပကို တရားမဝင်ထွက်နေတာတွေကြောင့် ဈေးနှုန်းအတက်အကျတွေ ဖြစ်နေရ တာပါ။ မနှစ်က ကြက်သွန်နီအထွက် က ဖူလုံမှုရှိရုံတင်မကဘဲ ပိုလံျှမှုရှိနေ တာကို မှောင်ခိုတွေထွက်ခဲ့ကြပါတယ်။                          ကြက်သွန်ကုန်သည်များထဲက ဝိသမ လောဘသားအချို့က ကြက်သွန်နီကို ဈေးတက်အောင် ဈေးကျလာအောင် မီဒီယာတွေကို အသုံးချပြီး နည်းအမျိုးမျိုးနဲ့ ဈေးကစား နေကြတာလည်း မကြာခဏတွေ့ရပါတယ်။ ဒါကြောင့် မီဒီယာကို အသုံးချပြီး၊ ဈေးကစား နေ ကြသူတွေ၊ တရားမဝင် တင်ပို့နေသူ တွေကို ထိထိရောက် ရောက် ထိန်းသိမ်း အရေးယူသွားဖို့ လိုအပ်နေပြီဖြစ် ကြောင်း ပြောပြချင်ပါတယ်။                                                        မောင်သစ္စာ