နို့ဆီနဲ့ နို့စိမ်း ပုံမှန်ဝင်နို့မှုန့်အဝင်လျော     ပင်လယ်ရေကြောင်းကနေ စက်တင်ဘာလ ဒုတိယပတ်အတွင်း နို့ဆီတန်ချိန် ၆၈၅ ဒသမ ၅၇ တန်၊ တန်ဖိုးကန်ဒေါ်လာ ၆၆၇၇၅၂ ဒေါ်လာနဲ့ နို့စိမ်း ၆၃ဝဒသမ ၄၅ တန်၊ တန်ဖိုး ကန်ဒေါ်လာ ၆၂၃၈၉၅ ဒေါ်လာဖိုး တင်သွင်းခဲ့ပါတယ်။ ယခင်အပတ်က နို့ဆီတန်ချိန် ၁၂၃ တန်၊ နို့စိမ်းတန်ချိန် ၁ဝ၄တန် တင်သွင်းခဲ့တာမို့ ဒီအပတ်အဝင်နဲ့ယှဉ်ကြည့်ရင် အဝင် ၅ ဆ ပိုမိုတင်သွင်းခဲ့တာ တွေ့ရပါတယ်။ နို့ဆီကစင်ကာပူနဲ့ ထိုင်းဘက်က တင်သွင်းလာတာဖြစ်ပြီး နို့စိမ်းကိုတော့ စင်ကာပူ နိုင်ငံဘက်ကပဲ တင်သွင်းလာတာဖြစ်ပါတယ်။ ယခုသီတင်းပတ်အတွင်း နို့မှုန့်အဝင်ကတော့ ၁ဝဝ ဒသမ ၇၄ တန်ရှိခဲ့ပြီး ယခင်အပတ်က ၉ဝ၂ တန် ရှိခဲ့တဲ့အတွက် ယခင်အပတ်ထက် တော်တော်လျော့ပြီး တော့သွင်းလာတာ တွေ့ရပါတယ်။ MIRT (DOT) 

 သြစတြေးလျပဲမျိုးစုံအထွက်မြင့်တက်မယ်ခန့်မှန်း ဲ    သြစတြေးလျရဲ့ ၂ဝ၁ဝ-၂ဝ၁၁ ဆောင်းသီးနံှထွက်ရှိမှုဟာ မနှစ်ကထက် မြင့်တက်ပြီး တန်ချိန် ၄ဝ ဒသမ ၇သန်း ထွက်ရှိမယ်လို့ ခန့်မှန်းထားပါတယ်။ သီးနံှများစွာအနက် ပဲမျိုးစုံဟာ ယခင်နှစ်က တန်ချိန် ၁ ဒသမ ၈၅ သန်းရှိခဲ့ရာမှယခုနှစ်မှာတန်ချိန် ၂ဒသမ ၃၄၄သန်းကိုမြင့်တက်ဖွယ်ရှိတယ်လို့ သြစတြေးလျစိုက်ပျိုးရေးနဲ့ အရင်းအမြစ် ဆိုင်ရာ စီးပွားရေးဗျူရို (ABARE )မှ ပြောကြားပါတယ်။ အဓိကတော့ ကုလားပဲဖြူလုံးကြီး အထွက်က တန်ချိန် ၇၉၁၇ဝဝ ထိ ၇၈ရာခိုင်နှုန်းခန့်မြင့်တက်နိုင်တာကြောင့်လို့ဆိုပါတယ်။အဓိကစိုက်ပျိုးတဲ့ဒေသတွေမှာ မိုးရွာသွန်းမှုက ပျမ်းမျှအထက်မှာ ရှိခဲ့တာကြောင့် အထွက်မြင့်တက်မယ်လို့ ABAREမှ ခန့်မှန်းထားခြင်းဖြစ်ပါတယ်။ နယူးဆောက်ဝေးလ် မှာစိုက်ဧရိယာမြင့်တက်ခြင်းနဲ့ အထွက်နှုန်းက ပျမ်းမျှထက်ပိုနိုင်ခြင်းတို့ကြောင့်စုစုပေါင်း သီးနံှထွက်ရှိမှုဟာ အမြင့်ဆုံးအဖြစ် စံချိန်တင်နိုင်မယ်လို့ ခန့်မှန်းကြပါတယ်။ ဒါ့အပြင်လက်ရှိ သီးနံှ ဈေးနှုန်းမြင့်တက်ခြင်းနဲ့ သင့်တင့်တဲ့ ရာသီဥတုအခြေအနေရှိနေခြင်းတို့က အထွက်နှုန်း မြင့်တက်အောင် တောင်သူများဓါတ်မြေသြဇာအသုံးချဖို့ တွန်းအားပေးနေတယ်လို့ သိရပါတယ်။ယမင်းခင်Sources: statpub.com 

လက်လီသမားများအဝယ်လိုက်လာတဲ့ ပြည်ပဲနီပြား      ပြည်ဈေးကွက်မှာ လက်လီသမားများဖြင့် အရောင်း အဝယ်ဖြစ်နေတဲ့ ပဲနီပြား ဈေးနှုန်းမှာ တစ်တင်းကို ၂၆ဝဝဝကျပ်ဖြင့် အဝယ်လိုက်လျက်ရှိတယ်လို့ သိရပါတယ်။ သြဂုတ်လအတွင်းမှာ ၂၅၅ဝဝ ကျပ်ဖြင့် ရောင်းဝယ် ခဲ့ကြရာမှ စက်တင်ဘာလဆန်းမှစ၍ ယခုစက်တင်ဘာတတိယပတ်အထိ လက်လီဈေးနူန်း တစ်တင်း ၂၆ဝဝဝ ကျပ်ဖြစ်ခဲ့ပါတယ်။ ယခင်အပတ်ကဒေသတွင်းမြို့နယ်များမှ အဝယ်ရှိခဲ့လို့ တစ်ရက်ကို အိတ် ၃ဝ ခန့်သာ အရောင်း အဝယ် ဖြစ်ခဲ့သော်လည်း ယခုတစ်ပတ်အတွင်းအောင်လံဘက်မှလည်း အဝယ်ရှိလာတဲ့အတွက် တစ်ရက်ကို အိတ် ၄ဝ မှ ၅ဝ အထိ အရောင်းသွက်လာကြောင်း သိရပါတယ်။ခင်ဆွေဝင်း

 လှောင်လက်များထုတ်ရောင်းမှုကြောင့် အိန္ဒိယကုလားပဲဈေးကျဆ        အိန္ဒိယနိုင်ငံမှာ ယခုနှစ်မိုးပဲထွက်ရှိမှု မြင့်တက်မယ့်မျှော်လင့်ချက်ကြောင့်လှောင်လက်များထဲက ပဲလက်ကျန် များထုတ်လှောင် လာကြတဲ့အတွက် ကုလားပဲကြိုပွိုင့်ဈေးရော လက်ငင်းဈေးပါကျလာတယ်လို့ သိရပါတယ်။ မဟာရပ်ရှ်တရာနဲ့ကာနာတာကာတို့လို ပဲမိုျးစုံအဓိကစိုက်ပိုျးတဲ့ ပြည်နယ်များမှာ မတ်ပဲနဲ့ ပဲတီစိမ်းအသစ်များ ဈေးကွက်ထဲဝင် ရောက်နေပြီ ဖြစ်ပါတယ်။                                                                                                                             နိုဝင်ဘာလနောက်ပိုင်းမှာလည်း ပဲအသစ်များ လှိုင်လှိုင်ဝင် လာတော့မှာဖြစ်တဲ့အပြင် ၂ဝဝ၉-၂ဝ၁ဝ ပဲလက်ကျန်များလည်းရှိနေတာကြောင့် ရောင်းလိုအားများပြီး ဈေးဆက်လက်လျော့ကျနိုင်တယ်လို့ ခန့်မှန်းကြပါတယ်။ ဃြီနဌ မှာကုလားပဲ အောက်တိုဘာလကြိုပွိုင့်ဈေးဟာ တစ်တန်ကို ရူပီး ၂၈ဝ (ကန်ဒေါ်လာ၆ ဒသမ ၁) ခန့်လျော့ကျပြီး ရူပီး ၂၁၇၇ဝ (ကန်ဒေါ်လာ ၄၇၄) ဈေးနဲ့ အရောင်းအဝယ်ဖြစ်ခဲ့တယ်လို့ သိရပါတယ်။ယမင်းခင်Sources: P T I