လက်လီအဝယ်ရှိလို့ အိန္ဒိယ ကုလားပဲဈေးမြင့်တက်          အိန္ဒိယနိုင်ငံမှာ လာမယ့်လပွဲတော်အတွက် လက်လီဆိုင်များနဲ့ ပဲခွဲစက် များက အဝယ်တိုးတက်လာသလို ကြိုပွိုင့်ဈေးလည်းမြင့်တက်လာတာ ကြောင့် အင်ဒိုရီဈေးကွက်ကုလားပဲလက်ငင်းဈေး တစ်တန်ကို ရူပီး ၃ဝဝ (ကန်ဒေါ်လာ ၆ ဒသမ ၆၄) မြင့်တက်ပြီး ရူပီး ၂၃၉ဝဝ-၂၄ဝဝဝ (ကန်ဒေါ်လာ ၅၂၉-၅၃၁) ဈေးဖြစ်ခဲ့တယ်လို့ သိရပါတယ်။ NCDEX  မှာ ဇန်နဝါရီလ ကုလားပဲစာချုပ်ဈေး ဟာ ရူပီး ၃၄ဝ (ကန်ဒေါ်လာ ၇ ဒသမ ၅၂) မြင့်တက်ပြီး ရူပီး ၂၅၈၃ဝ (ကန်ဒေါ်လာ ၅၇၂) ဖြစ်ခဲ့ပါတယ်။ အလားတူ မွန်ဘိုင်းဆိပ်ကမ်းမှာ သြစတြေးလျ ကုလားပဲဈေးလည်း တစ်တန်ကို ရူပီး ၂၅ဝ (ကန်ဒေါ်လာ ၅ ဒသမ ၅၃) မြင့်တက်ပြီး ရူပီး ၂၅၂၅ဝ (ကန်ဒေါ်လာ ၅၅၉) ဖြစ်ခဲ့တယ်လို့ သိရပါတယ်။ နိုင်ငံတစ်ဝန်း ကုလားပဲလက်ကျန်များ လျော့ကျခြင်းနဲ့ လှောင်လက်များ ကလည်း လက်ကျန်များ ရနိုင်သလောက် ထိန်းထားပြီး ဈေးအမြင့်နဲ့ ရောင်းချ နေတာကြောင့် လက်ငင်းဈေးကွက်ရော ကြိုပွိုင့်ဈေးပါ လာမယ့်လများအထိ မြင့်တက်နေဦးမယ်လို့ ခန့်မှန်းကြပါတယ်။ သြစတြေးလျမှာ ကုလားပဲများ ပျက်စီး တဲ့ သတင်းများနဲ့ ကနေဒါ၊ သြစတြေးလျတို့က တင်သွင်းမှု လျော့နည်းခြင်း တို့ ကြောင့် ရောင်းလိုအားနဲ့ ဝယ်လိုအား မမျှတမှုကိုဖြစ်စေပြီး ဈေးနှုန်းကို ပိုမိုမြင့် တက် စေတယ်လို့ ကုန်သည်များက ဆိုပါတယ်။ယမင်းခင်၊ှSources: business line

အိန္ဒိယပဲတီစိမ်း တစ်လအတွင်း ကန်ဒေါ်လာ ၆ဝ ကျော်မြင့်တက်             အိန္ဒိယပြည်တွင်းဈေးကွက်တွေမှာ အခြားပဲဈေးတွေ လျော့ကျပေမဲ့ ပဲတီစိမ်းဈေးကတော့ တစ်လအတွင်း မြင့်တက်လာခဲ့ပါတယ်။ ဈေးကွက်အချို့ကို ပဲအသစ်ဝင်ရောက်မှု ရပ်တန့်သွားပြီဖြစ်သလို လက်ကျန်ပဲများကလည်း အရည်အသွေးညံ့တယ်လို့ သိရပါတယ်။ အရည်အသွေးကောင်း ဝယ်လိုတဲ့ ဝယ်လက်များအနေနဲ့ ပြည်ပက တင်သွင်းနေတာ ဖြစ်လို့ ပဲတီစိမ်းဈေးက မြင့်တက်လာတာဖြစ်ပါတယ်။ ပြည်တွင်းအရည်အသွေးနိမ့်ပဲတွေကိုတော့ ဈေးလျှော့အဝယ်ရှိတယ်လို့ သိရပါတယ်။ နိုဝင်ဘာလနဲ့ ဒီဇင်ဘာလ ကာလတူ ဈေးနှုန်းတွေကို နှိုင်းယှဉ်ဖော်ပြလိုက်ပါတယ်                                                                                                               ဒေါ်လာ/ တန်         ချန်နိုင်း (ပဲတီရွှေဝါ)      ဒေလီ(ပဲတီစိမ်း)၂၃-၁၂-၁ဝ      ၁ဝ၂၂               ၁ဝ၆၆၂၃-၁၁-၁ဝ       ၉၄၃               ၉၈၇MIRT (MAPT)

 အိန္ဒိယမတ်ပဲ တစ်လအတွင်း ကန်ဒေါ်လာ ၁ဝဝ ကျော် ဈေးဆင်းလာ              အိန္ဒိယပြည်တွင်းဈေးကွက်တွေမှာ ဒေစီမတ်ပဲတွေ ရောင်းလိုအား ကောင်းပြီး၊ ပဲများမှာ အရည်အသွေးနိမ့်ကျတာကြောင့် ဝယ်လိုအားနည်းတဲ့အတွက် ဈေးက တစ်လထက်တစ်လ ကျဆင်းလာတာတွေ့ရပါတယ်။ လက်ရှိစိုက်ပျိုးနေတဲ့ ဆောင်း မတ်ပဲစိုက်ပျိုးမှုလည်း ကောင်းနေတယ်ဆိုတဲ့ သတင်းတွေအရ ဝယ်လက် များ ဈေးလျှော့ဝယ်ယူလျက်ရှိတယ်လို့ သိရပါတယ်။ ဒါပေမဲ့ အရည်အသွေး ကောင်း မတ်ပဲများကို တချို့ဝယ်လက်များ အဝယ်ရှိနေခြင်း ကတော့ ဈေးနှုန်းကို အထောက်အပံ့ ဖြစ်စေနိုင်တယ်လို့ ခန့်မှန်းကြပါတယ်။ နိုဝင်ဘာနဲ့ ဒီဇင်ဘာ ကာလ တူ ဈေးနှုန်းများ နှိုင်းယှဉ် ဖော်ပြလိုက်ပါတယ်                                                                                                                             ဒေါ်လာ/တန်                    မွန်ဘိုင်းဈေးကွက်                ချန်ဟိုင်း(C&F)၂၃-၁၂-၁ဝ          ၈ဝ၂                                 ၈ဝဝ၁၂-၁၁-၁ဝ         ၉၃၈                                 ၁ဝဝဝMIRT(MAPT)

အိန္ဒိယနနွင်းဈေး မြင့်တက်နေဆဲ           အိန္ဒိယလက်ငင်းဈေးကွက်တွေမှာ ဒီဇင်ဘာလ ၁၄ ရက် နနွင်းအမျိုးအစား ၂ မျိုးလုံး တစ်တန်ကို ရူပီး ၃၅ဝဝ-၄ဝဝဝ (ကန်ဒေါ်လာ ၇၇) မြင့်တက်ခဲ့ပါတယ်။ လက်ရှိ ဝယ်လိုအားများများစားစားမရှိတာကြောင့် နနွင်း လက်ကျန်အနည်း ငယ်သာ ဈေးကွက်ကို ဝင်ရောက်လာနေပြီလို့ အီရောနနွင်းအသင်း ဥက္ကဌ အာဗွီရာဗီရှန်ကာက ဆိုပါတယ်။ အီရော့ဈေးကွက် ၄ ခုလုံးမှာ နနွင်းရောင်းချမှု အနည်းငယ်စီ တိုးလာတယ်လို့လည်း ဆိုပါတယ်။ တောင်သူများဟာ ယခုရာသီကုန်ချိန်ထိ လက်ရှိ ဈေးနှုန်းအတိုင်း ဆက်ရှိနေမယ်လို့ မျှော်လင့်နေကြ တာကြောင့် ၎င်းတို့ရဲ့ လက်ကျန် များ ထုတ်ရောင်းနေကြတယ်လို့ ဆိုပါတယ်။           အိန္ဒိယမြောက်ပိုင်းကုန်သည်များကတော့ ဈေးနှုန်းကျဆင်းနိုင်တယ်လို့ ခန့်မှန်း ထားပါတယ်။ အီရော့နနွင်း ကုန်သည်များအသင်း ရောင်းချတဲ့ဝင်းမှာ နနွင်းလက်ချောင်းဈေးက တစ်တန်ကို ရူပီး ၉၅ဝ၁ဝ -၁၆၄၁၉ဝ (ကန်ဒေါ်လာ ၂ဝ၉၃-၃၆၁၆)၊ နနွင်းဥဈေးက ရူပီး ၉၅ဝ၁ဝ-၁၆၂၁၉ဝ (ကန်ဒေါ်လာ ၂ဝ၉၃- ၃၅၇၂) ရှိပြီး အီရော့သမဈေးကွက်မှာတော့ နနွင်းလက်ချောင်းဈေးက တစ်တန်ကို ရူပီး ၁၆၁၉၆- ၁၆၅၂၇ဝ (ကန်ဒေါ်လာ၃၅၆၇-၃၆၄ဝ) နဲ့ နနွင်းဥဈေးက ရူပီး ၁၅၈၅၉ဝ- ၁၆၂၁၉ဝ (ကန်ဒေါ်လာ  ၄၉၃-၃၅၇၂) ဈေးဖြစ်ကြောင်း သိရပါတယ်။                 ယမင်းခင်၊ှSources: business standard