Background
ဝယ်လိုအားနည်းတာကြောင့် အိန္ဒိယနနွင်းဈေးကျဆင်းလာ အိန္ဒိယနနွင်းလက်ငင်းဈေးကွက်များမှာ ဝယ်လိုအားနည်းတာကြောင့် ဇန်နဝါရီလ ၆ ရက်နေ့က တစ်တန်ကို ရူပီး ၅ဝဝဝ(ကန်ဒေါ်လာ ၁၁ဝ) ကျဆင်းခဲ့ပါတယ်။အီရော့ဈေးကွက်မှာဈေးပိတ်ရက်များအပြီး ဈေးကောင်းရမယ့် မျှော်လင့် ချက်တွေကြောင့် တောင်သူများအိတ် ၅ဝဝဝ ခန့်ဈေးကွက်ကို ယူလာပေမဲ့ ဝယ်လိုအားနည်းလို့ အိတ် ၂ဝဝဝ သာ အရောင်း အဝယ်ဖြစ်ခဲ့တယ်လို့ ဆိုပါတယ်။ အိန္ဒိယမြောက်ပိုင်းက အမှာအော်ဒါအသစ်များမရှိတာကြောင့် ကုန်သည်တွေ ဝယ်ယူမှုကို ကန့်သတ်ထား ကြတယ်လို့ ဆိုပါတယ်။ ပြည်တွင်း ဝယ်လိုအားလည်း မရှိတဲ့အပြင် ပြည်ပအမှာများလည်းမရရှိလို့ ခုလိုဈေးကျဆင်း လာတာ ပါလို့ အီရော့နနွင်းကုန်သည်များအသင်း ဥက္ကဌ မစ္စတာအာဗွီရာဗီရှန်ကာ ကပြောကြားပါတယ်။ ပြည်တွင်း ကုန်သည်များက နနွင်းအသစ်ဈေးကွက်ထဲ ဝင်ရောက်မယ့် ဇန်နဝါရီ တတိယပတ်လောက်မှာတော့ အော်ဒါအသစ်တွေ ရရှိမယ်လို့ မျှော်မှန်းထားတယ်လို့ ဆိုပါတယ်။ အဲဒီကာလတိုင်အောင်တော့ ဈေးငြိမ်နေမယ်လို့ ခန့်မှန်းကြပါတယ်။ ကီရာလာကုန်သည်တွေဟာ ဝင်ရောက်မှုနည်းတဲ့ Mysore နနွင်းအမျိုးအစားကို ပိုကြိုက်ပြီး ဘီဟာနဲ့ မဒ္ဒရာပရာဒေ့ရှ်က ကုန်သည်တွေကတော့လာမယ့်သီတင်းပတ်မှာဝင်ရောက်မယ့် ချင်နန်ပါတီနနွင်းအမျိုးအစားကို ပိုကြိုက်တယ် လို့ ဆိုပါတယ်။ လက်ရှိတောင်သူတွေ နနွင်းခြောက်ပြုလုပ်နေဆဲဖြစ်ပြီး လာမယ့်သီတင်းပတ်မှာ ဝင်ရောက်လိမ့်မယ်လို့ ဆိုပါတယ်။ အီရော့ကုန်သည်များအသင်း ရောင်းချတဲ့ဝင်းမှာ နနွင်းလက်ချောင်း တစ်တန်ကို ရူပီး ၉၄၂၉ဝ-၁၆၂၆၁ဝ (ကန်ဒေါ်လာ ၂ဝ၇၄-၃၅၇၇) ဖြစ်ပြီး နနွင်းဥဈေးက တစ်တန်ကို ရူပီး ၉၃၆၆ဝ-၁၆၁ဝ၉ဝ (ကန်ဒေါ်လာ ၂ဝ၆ဝ-၃၅၄၄) ဈေး ရှိတယ်လို့ သိရပါတယ်။ ယမင်းခင်၊Source: businessline
ချီကာဂိုပြောင်း ဈေးနှုန်း ၂၉ လအတွင်း အမြင့်ဆုံးရောက်ရှိ ချီကာဂိုမှာ ပြောင်းဈေးနှုန်းဟာ ၂၉ လအတွင်းထပ်မံမြင့်တက်လျက် ရှိပြီး အလားတူပဲ ပဲပုတ်ဟာလည်း အာဂျင်တီးနားမှာ သာမန်ထက် ပိုပြီး ပူပြင်း ခြောက်သွေ့တဲ့အတွက် ၂၈ လအတွင်းဈေးထပ်တက်ကာစိုးရိမ်ဖွယ်ရာများ ဖြစ်နေကြောင်း သိရပါတယ်။ မတ်လအတွက် အရောင်းရဆုံးပြောင်းစာခုျပ်ဈေးနှုန်းက ၂ ဒသမ ၁ ရာခိုင်နှုန်း ဈေးတက်ပြီး တစ်ဘူရှယ်ကို ၆ ဒသမ ၂၉ ဒေါ်လာ (မက်ထရစ်တစ်တန်လျှင် ၂၂၄ ဒသမ ၅ ဒေါ်လာ)ဖြစ်ခဲ့ပါတယ်။ ပြောင်းနဲ့ ပဲပုပ် နှစ်မိုျးစလုံးရဲ့ ကမ္ဘာ့ဝယ်လိုအား တိုးပွားနေပြီး အာဂျင်တီးနားရဲ့ ရာသီဥတု အခြေ အနေက စိုးရိမ်ဖွယ်ရာဖြစ်နေပေမဲ့လည်း သီးနံှဈေးကွက်မှာတော့ အမှာများ ရှိနေ ကြောင်း သိရပါတယ်။ အမေရိကန်ရဲ့ အီသနောထုတ်လုပ်မှုက မှတ်တမ်းတင် လောက်တဲ့အဆင့်ကို ရောက်ရှိနေပြီး ယခင်ကတည်းက ပြောင်းဈေးနှုန်း မြင့် တက်မှုကြောင့်အမေရိကန်မှာ ပြောင်းသိုလှောင်မှု အကျပ်အတည်း ဆိုက်နေခဲ့ပြီး ဖိအားများ တိုးပွားနေကြောင်း အချို့ကုန်သည်များက ပြောကြားတယ်လို့ သတင်း ရရှိပါတယ်။ Source:Internet,KZW
ထုတ်လုပ်မှု ခန့်မှန်းချက်များကြောင့် အိန္ဒိယကုလားပဲဈေးကျဆင်းနိုင် အိန္ဒိယပဲအထွက်ပိုမယ့်မျှော်လင့်ချက်တွေကြောင့် ဈေးကျဆင်းမှုရှိသလို ဈေးကွက်တွေကို ဝင်ရောက်မှု ကျဆင်းပြီး ဝယ်လိုအားတွေတက်လာတာကြောင့် ဈေးမြင့်တက်မှုတွေလည်း ဖြစ်ပေါ်နေတယ်လို့ သိရပါတယ်။ အဓိကပဲစိုက်တဲ့ ပြည်နယ်တွေမှာ ပဲစိုက်ပျိုးမှုအခြေအနေကောင်းမွန်ပြီး အထွက်ပိုမယ့် မျှော်လင့်ချက် တွေကြောင့် လာမယ့်ရက်တွေမှာတော့ ဈေးမြင့်တက်မှုကို ကန့်သတ်စေနိုင်မယ်လို့ ခန့်မှန်းပါတယ်။ ပဲစိုက်ဧရိယာတွေ ပိုမိုလို့ အထွက်တိုးမယ် ခန့်မှန်းပေမဲ့ လွန်ခဲ့တဲ့ရက် အနည်းငယ်ကတော့ ဝယ်လိုအားတွေတက်လို့ ဈေးမြင့်တက်ခဲ့ပါတယ်။ ပဲအဓိကစိုက်ပျိုးတဲ့ အတ္တရာပရာဒေ့ရှ်၊ ရာဂျက်စသန်၊ မဟာရပ်ရှတရာနဲ့ ကာနာတာကာတို့မှာ မိုးရွာသွန်းပြီး မြေအစိုဓါတ်ကောင်းမွန်တာကြောင့် ပိုမိုစိုက်ပျိုးခဲ့တယ်လို့ ဆိုပါတယ်။ မနှစ်က ဈေးကောင်းရခဲ့တဲ့ တောင်သူများ ပိုစိုက်လာလို့ ပဲစင်းငုံနဲ့ မတ်ပဲစိုက်ဧရိယာ တိုးတက်ဖွယ်ရှိတယ်လို့ ဆိုပါတယ်။ ဒါ့အပြင် တင်သွင်းမှု မြင့်တက်ခြင်းကလည်း ဈေးနှုန်းကို ထိန်းချုပ်စေပါတယ်။ ၂ဝ၁ဝ-၂ဝ၁၁ အတွက် ပဲထုတ်လုပ်မှု ပထမအကြိမ် ခန့်မှန်းချက်အရ မိုးပဲမျိုးစုံ ထွက်ရှိမှုဟာ တန်ချိန် ၆ သန်းအထိ ယခင်နှစ်ထက် ၄ဝ ရာခိုင်နှုန်းခန့် တိုးတက်နိုင် တယ်လို့ ခန့်မှန်းထားပါတယ်။ ယမင်းခင်၊Source: Business standard
်တစ်လအတွင်း အိန္ဒိယပဲစင်းငုံကန်ဒေါ်လာ ၂၅ ကျော်မြင့်တက်လာ အိန္ဒိယပြည်တွင်းဈေးကွက်တွေမှာ ပဲစင်းငုံအထွက်ပိုမယ့် ခန့်မှန်းချက် တွေအပြင် ဈေးကွက်တွေမှာ လက်ကျန်လုံလောက်တယ်ဆိုတဲ့ သတင်းတွေအရ နိုဝင်ဘာလကုန်၊ ဒီဇင်ဘာလဆန်းအထိ ပဲစင်းငုံဈေး တောက်လျှောက်ကျခဲ့ပါတယ်။ ဒါပေမဲ့ ပဲစိုက်ပျိုးတဲ့ ဒေသတွေမှာ မိုးရွာသွန်းမှုတွေကြောင့် ပဲပျက်စီးတဲ့ သတင်း တွေရယ်၊ အဝယ်လည်းသွက်လာတာတွေရယ်ကြောင့် ဈေးပြန်လည်ခိုင်မာခဲ့ရာ ၂ဝ၁ဝ ဒီဇင်ဘာလဆန်းနဲ့ ၂ဝ၁၁ ဇန်နဝါရီလဆန်းအကြားဈေးနှုန်းကွာဟမှုဟာ တစ်တန်ကို ၂၅ ဒေါ်လာကျော်ခဲ့ပါတယ်။ အိန္ဒိယပြည်တွင်း ပဲစင်းငုံဈေးက အစိုးရ သတ်မှတ်တဲ့ အနိမ့်ဆုံး ထောက်ပံ့ဈေး (MSP) ထက်နိမ့်နေတာကြောင့် ကုန်သည် တချို့က(MSP) ထက်ဈေးပိုလာအောင် ဆောင်ရွက်တာကြောင့်လည်း ဈေးမြင့် တက်လာခြင်းဖြစ်တယ်လို့ အချို့က ဆိုပါတယ်။ ယခင်လနဲ့ ယခုလကာလတူ ဈေး နှုန်းများ နှိုင်းယှဉ်ဖော်ပြလိုက်ပါတယ်- ဒေါ်လာ/တန် မွန်ဘိုင်းဈေးကွက် မွန်ဘိုင်း(C&F) ၆-၁-၁၁ ၇၁၇-၇၂၃ ၇၄ဝ ၆-၁၂-၁ဝ ၆၉၇ ၆၈၅-၆၉ဝ MIRT(MAPT)
အိန္ဒိယပဲမျိုးစုံ ဈေးနှုန်းမြင့်တက်လာ အိန္ဒိယဈေးကွက်များမှာ ပဲဝင်ရောက်မှုနည်းလာပြီး လက်လီနဲ့ ပဲခွဲစက်များက ဝယ်လိုအားတွေ တက်လာတာကြောင့် လွန်ခဲ့တဲ့ ရက်အနည်း ငယ်အတွင်း တစ်တန်ကို ရူပီး ၅ဝဝ-၂ဝဝဝ (ကန်ဒေါ်လာ ၁၁ -၄၄) အကြား မြင့်တက်ခဲ့တယ်လို့ သိရပါတယ်။ နှစ်သစ်ကို ရောက်ရှိလာတာနဲ့ အတူ ပွဲတော်တွေနဲ့ ဇန်နဝါရီလ ၁၄ ရက်ကနေ လက်ထပ်ရာသီစတင်တော့မှာ ဖြစ်လို့ ပဲဝယ်လိုအားတက်လာတော့မှာ ဖြစ်ပါတယ်။ ဒါပေမဲ့ ဒီဇင်ဘာလ နောက်ဆုံး သီတင်းပတ်တွေမှာ ပဲဝင်ရောက်မှုမြင့်တက်လာခဲ့ပေမဲ့ ဝယ်လိုအားနည်းသွားလို့ ဈေးကျဆင်းခဲ့တယ်လို့ ဆိုပါတယ်။ အင်ဒိုရီဈေးကွက်တွေမှာ ဇန်နဝါရီလ ၄ ရက်နေ့က ပွဲတော်ကြောင့် ဈေးပိတ်ပေမဲ့ ဝင်ရောက်မှုမရှိလို့ ဈေးကတော့ မြင့်တက်နေတယ်လို့ ဆိုပါတယ်။ ပဲစင်းငုံခွဲခြမ်းဈေးဟာ တစ်တန်ကို ရူပီး ၁ဝဝဝ (ကန်ဒေါ်လာ ၂၂) မြင့်တက်ပြီး၊ တစ်တန်ကို ရူပီး ၄၃ဝဝဝ-၄၈ဝဝဝ (ကန်ဒေါ်လာ ၉၅၃-၁ဝ၆၄) ဖြစ်ခဲ့တယ်လို့ ဆိုပါတယ်။ အလားတူ မတ်ပဲခွဲခြမ်းဈေးကလည်း တစ်တန်ကို ရူပီး ၁ဝဝဝ (ကန်ဒေါ်လာ ၂၂) မြင့်ပြီး ရူပီး ၄၆ဝဝဝ- ၅၂ဝဝဝ (ကန်ဒေါ်လာ ၁ဝ၂ဝ-၁၁၅၃) ဖြစ်ခဲ့သလို ပဲတီစိမ်း ခွဲခြမ်းဈေးကလည်း ရူပီး ၅ဝဝ (ကန်ဒေါ်လာ ၁၁) မြင့်တက်ပြီး ရူပီး ၄၈ဝဝဝ-၅၄၅ဝဝ (ကန်ဒေါ်လာ ၁ဝ၆၄-၁၂ဝ၈) ဖြစ်ခဲ့တယ်လို့ သိရပါတယ်။ ယမင်းခင်၊်Source: Business standard
အိန္ဒိယ ရော်ဘာသွင်းကုန်ခွန် လျှော့ချသော်လည်း လိုအပ်ချက်ပြည့်ဝရန် ခက်ခဲ အစိုးရမှ သွင်းကုန်ခွန်လျှော့ချပေးခြင်းဖြင့်ရော်ဘာဈေးနှုန်းမြင့်တက်ခြင်းကို ရပ်တန့်ဖို့ကြိုးစားပေမဲ့လည်း ပြည်တွင်း ဈေးကွက်ထက်နိုင်ငံတကာဈေးနှုန်းများက ပိုမိုမြင့်တက်နေတာကြောင့် ကုန်သည်များအနေနဲ့ပြည်ပမှ ဝယ်ယူရတဲ့အတွက် လိုချင်တဲ့ ရလဒ်တော့မရနိုင်ကြောင်းကုန်သည်များကပြောကြားပါတယ်။ အစိုးရအနေနဲ့ ဒီဇင်ဘာ ၂၃ ရက်နေ့က ရော်ဘာ တန်ချိန် ၄ဝဝဝဝ ကျော်ကိုတင်သွင်းဖို့သွင်းကုန်ခွန်ကိုမတ်လ ၃၁ ရက်နေ့အထိ ၂ဝ ရာခိုင်နှုန်းမှ ၇ ဒသမ ၅ ရာခိုင်နှုန်းကို လျှော့ချပေးခဲ့ပြီး ပြည်တွင်းရောင်းလိုအားကိုမြှင့်တင်ကာ ဈေးနှုန်းကိုလည်း စောင့်ကြည့်စစ်ဆေးလျက်ရှိကြောင်းသိရပါတယ်။ ကမ္ဘာ့ရော်ဘာဈေးနှုန်းက မြင့်တက်ဆဲဖြစ်ပြီး တစ်ကီလိုဂရမ် ကို ၂၂၃ ရူပီး ( ၄ ဒသမ ၉၅ ဒေါ်လာ) ရှိကာပြည်တွင်း ဈေးနှုန်းကတော့ ၂ဝ၇ ရူပီး ( ၄ ဒသမ ၆ ဒေါ်လာ) ရှိကြောင်း သိရပါတယ်။ သွင်းကုန်ခွန် ၇ ဒသမ ၅ ရာခိုင်နှုန်းကို ပေါင်း ထည့်ရင် မြေပြင်ဈေးကတစ်ကီလိုဂရမ်ကို ၂၄ဝ ရူပီး ( ၅ ဒသမ ၃ ဒေါ်လာ) ကျသင့်ကြောင်းအိန္ဒိယ ရော်ဘာ ကုန်သည်များ အသင်း IRDF ရဲ့ဥက္ကဌ ကပြောကြားခဲ့ပါတယ်။ လွန်ခဲ့တဲ့လအနည်းငယ်က ကာရာလာနဲ့ မလဘာဒေသတွေမှာ မရပ်မနား ရွာခဲ့တဲ့ မိုးကြောင့် ရော်ဘာအစေးထွက်ထိခိုက်ခဲ့တာကြောင့် ရော်ဘာဈေးနှုန်းတွေတက်ခဲ့ရပါတယ်။ IRDF ရဲ့ ဥက္ကဌက လာမယ့်ရက်သတ္တပတ် အနည်းငယ်အတွင်း ထိုင်းနိုင်ငံမှာ ရောင်းလိုအားတွေ သူ့နည်းသူ့ဟန်နဲ့ ဈေးကွက်ထဲကို ဝင်လာခဲ့ရင် ကမ္ဘာဈေးကျမယ်လို့ မျှော်လင့်နေပါတယ်။ ဒါပေမဲ့ တရုတ်နိုင်ငံက ရရာဈေးနှုန်းနဲ့ ချက်ချင်း ဝယ်ယူခဲ့မယ်ဆိုရင် ရော်ဘာအထွက်များတဲ့ရာသီမှာ တာယာထုတ်လုပ်ရေးတွေရဲ့ ဝယ်လိုအားတက်လာတာကြောင့် ဈေးကျဖို့ အတွက် သိသာထင်ရှားတဲ့အခြေအနေကို တွေ့ဖို့မျှော်လင့်ချက်မရှိ တော့ကြောင်းသိရပါတယ်။ ဒါပေမဲ့ နိုင်ငံတကာဈေးကွက်က တစ်ကီလိုဂရမ်ကို ရူပီး ၂၃ဝ မရောက်အောင်လုပ်ဆောင်ရမဲ့နည်းလမ်းက တော့ မရှိနိုင်သေးကြောင်း IRDF ရဲ့ ဥက္ကဌကဆက်လက်ပြောကြားပါတယ်။ ပြည်တွင်းက စိုက်ပျိုးသူတွေက နှစ်သစ်ကူး ရာသီမှာ အမြင့်ဈေးနဲ့ ဈေးကွက်ထဲကို ရောင်းချရန် ဆန္ဒပြင်းထန်နေကြောင်းသိရပါတယ်။ တကယ်လို့ နိုင်ငံတကာ ဈေးနှုန်းက ရှေ့ဆက်ပြီးမြင့်တက်နေမယ်ဆိုရင်ပြည်တွင်းကုန်သည်များက ဈေးတက်ဖို့ မျှော်ပြီး သိုလှောင်ထားဖွယ်ရှိကြောင်းနဲ့ ယခုအထိ တော့ ပြည်တွင်းဈေးကျဖို့လက္ခဏာ မမြင်ကြောင်း IRDF ရဲ့ ဥက္ကဌက ပြောကြားခဲ့တယ်လို့ သတင်းရရှိပါတယ်။ ှSource: Internet, KZW
ယခင်နှစ်လောက်ဈေးကောင်းမရပေမယ့် ဈေးကွက်အတွင်း ပဲကြီးဈေး အမြင့်ဆုံးဖြစ် ပဲခူးတိုင်းဒေသကြီးအနောက်တွင် ၂ဝ၁ဝ-၂ဝ၁၁ ဘဏ္ဍာနှစ်တွင် ပဲကြီးကို ဧက ၂၉ဝဝဝ ခန့်စိုက်ပိုျးဖို့ လျာထားခဲ့ပြီး ယခု ဒီဇင်ဘာလကုန်မှာ အားလုံးနီးပါး စိုက်ပျိုးပြီးဖြစ်တယ်လို့ သိရပါတယ်။ ပဲကြီးကို မိုးညို၊ အုတ်ဖို၊ နတ်တလင်း၊ ရွှေတောင်၊ ပြည်၊ ပေါက်ခေါင်း၊ ပန်းတောင်းမြို့နယ်များမှာ အများဆုံးစိုက်ပျိုးကြပါတယ်။ ပဲကြီးဈေးနှုန်းမှာ ယခင်နှစ်က ဒီဇင်ဘာလမှာ တစ်တင်း ၃၈ဝဝဝ ကျပ်ဈေးရှိခဲ့ပြီး ယခုနှစ်မှာတော့ ယခင်နှစ်ဈေးနှုန်း မရရှိဘဲ နှစ်ကုန်မှာ ပဲကြီး (ကမ်းနား) တစ်တင်း ၃၃၅ဝဝ ကျပ်နဲ့ ပဲကြီး (ရွှေကျွန်း) တစ်တင်း ၃၅ဝဝဝ ကျပ်သာရှိတဲ့အတွက် ယခင်နှစ်ထက် တစ်တင်း ၃ဝဝဝ ကျပ်ခန့် ဈေးလျော့နည်းနေကြောင်း သိရပါတယ်။ သို့သော်လည်း ပဲဈေးကွက်အတွင်း ပဲကြီးဈေးနှုန်းမှာ အမြင့်ဆုံး ဖြစ်နေခဲ့ပါတယ်။ ဈေးကွက်အတွင်း အရောင်းအဝယ်ဖြစ်မှုကတော့ တစ်ရက်ကို အိတ် ၁၅ဝ ခန့် အရောင်းအဝယ်ဖြစ်နေတယ်လို့ သိရပါတယ်။ ခင်ဆွေဝင်း
ပဲထုတ်လုပ်မှုကိုး တိုးမြှင့်ခြင်းဖြင့် အိန္ဒိယငွေကြေးဖောင်းပွမှုကို လျှော့ချ အိန္ဒိယအစိုးရက ကြက်သွန်ဈေးနှုန်းကျဆင်းဖို့ ကြက်သွန်နီ တင်ပို့မှု ကို ပိတ်ပင်လိုက်ခြင်းနဲ့ ပဲမျိုးစုံထုတ်လုပ်မှု မြင့်တက်ခြင်းတို့ကြောင့် ငွေကြေး ဖောင်းပွမှုကို လျှော့ချနိုင်လိမ့်မယ်လို့ ယုံကြည်ကြောင်း အိန္ဒိယ ဘဏ္ဍာရေး ဝန်ကြီး Pranab Kumar Mukherjee က ပြောကြားပါတယ်။ ယခင်နှစ်နဲ့ နှိုင်းယှဉ်ရင် ယခုနှစ် ပဲထုတ်လုပ်မှုဟာ တန်ချိန် ၂ သန်းခန့် မြင့်တက်မှာ ဖြစ်တယ်လို့လည်း ဆိုပါတယ်။ အိန္ဒိယနိုင်ငံဟာ ယခုနှစ် ပဲဝယ်လိုအား တန်ချိန် ၁၈ သန်း ကျော် နိုင်ပြီး ထုတ်လုပ်မှုက တန်ချိန် ၁၆ ဒသမ ၅ သန်းခန့် ရှိမယ်လို့ ဆိုပါတယ်။ အိန္ဒိယနိုင်ငံရဲ့ ငွေကြေးဖောင်းပွမှုဟာ နိုဝင်ဘာလမှာ ၇ ဒသမ ၄၈ ရာခိုင်နှုန်း ရှိလို့ ၁၁ လအတွင်း အနိမ့်ဆုံးကို ကျဆင်းခဲ့ပြီး ယခုလကုန်ပိုင်းမှာ အနည်းငယ်မြင့်တက်လာဖွယ်ရှိပေမဲ့ ဇန်နဝါရီလ မှာတော့ အကျဘက်ကို ဆက်လက် ဦးတည် နိုင်တယ်လို့ ခန့်မှန်းထားပါတယ်။ ယမင်းခင်၊ ှSources: commodityonline
ဈေးကွက်များကို ကုလားပဲအဝင်နည်းလို့ ဈေးမြင့်တက်ဖွယ်ရှိ အိန္ဒိယပြည်တွင်းဈေးကွက်တွေမှာ ကုလားပဲအထွက်ပိုမယ့် မျှော်လင့်ချက်တွေက ဈေးကျဆင်းဖို့ ဖိအားဖြစ်စေပေမဲ့ လတ်တလောဈေးကွက်တွေကို ပဲအဝင် လျော့ကျလာတာကြောင့် ဈေးအနည်းငယ်ပြန်မြင့်တက်လာပါတယ်။ ပဲစိုက် ပျိုး ဧရိယာမြင့်တက်ခြင်းနဲ့ ပဲအထွက်ပိုမယ့် မျှော်လင့်ချက်တွေ ရှိပေမဲ့ ကုလားပဲ ကုန်သည်များဟာ လွန်ခဲ့တဲ့ ရက်အနည်းငယ်အတွင်း သိသိသာသာကျဆင်းခဲ့တဲ့ ဈေးနိမ့်နဲ့ အဝယ်တက်လာခဲ့တယ်လို့ ဆိုပါတယ်။ ပဲအများဆုံးစိုက်ပျိုးတဲ့ အတ္တရာပရာဒေ့ရှ်၊ ရာဂျက်စသန်၊ မဒ္ဒရာပရာ ဒေ့ရှ်၊ မဟာရှတရာနဲ့ ကာနာတာကာတို့မှာ မိုးရွာသွန်းနေခြင်းက မြေဆီလွှာ အစိုဓါတ်တိုးတက်စေပြီး စိုက်ပျိုးမှုကို ပိုမိုကောင်းမွန်စေပါတယ်။ ဒါပေမဲ့ စိုက်ပျိုးမှု ကတော့ အနည်းငယ် နှေးကွေးနေတယ်လို့ သိရပါတယ်။ ယမင်းခင်၊ ှSource: Business standard
တရုတ်ဆွဲအားကောင်းလာတဲ့ မန်းပဲတီစိမ်း မန်းဈေးကွက်သို့ မုံရွာ၊ ရွှေဘိုနယ်ဘက်မှ ပဲတီစိမ်းအသစ်များ ဝင်ရောက်မှုရှိနေပြီး၊ ဈေးကွက်အတွင်းမှာ အသစ်ရော၊ အဟောင်းပါ အရောင်းအဝယ်သွက်နေကြပါတယ်။ တရုတ်ဝယ်လက်မှ ပဲတီစိမ်း (ထိပ်စ) များသာ ဝယ်ယူကြပြီး၊ လတ်စနဲ့အောက်စများကိုတော့ ရန်ကုန်ဝယ်လက်နဲ့ ဒေသတွင်းပဲခွဲစက်လုပ်ငန်းရှင်များမှသာ အများဆုံးဝယ်ယူနေတာကို တွေ့ရပါတယ်။ အရည်အသွေးကောင်းတဲ့ ပဲတီစိမ်းတွေက တစ်ပိဿာ ၁၃၅ဝ ကျပ်၊ တစ်တန် ၈၂၆၇ဝဝ ကျပ်၊ အောက်စ တစ်ပိဿာ ၁ဝ၁၃ ကျပ်၊ တစ်တန် ၆၂ဝ၃ဝဝ ကျပ်ဈေးတို့ဖြင့် အရောင်းအဝယ်ဖြစ်နေကြပါတယ်။ တင်ပို့မှုအနေနဲ့ တစ်ပတ် အတွင်း တရုတ်သို့ ၈၇ဝ တန်၊ ရန်ကုန်သို့ ၄၉ဝ တန် တင်ပို့မှုရှိခဲ့ပြီး၊ ဈေးကွက်အတွင်းမှာ ယခင်တစ်ပတ်က ပဲတီစိမ်းဟာ တရုတ် ဝယ်လိုအားနည်းခဲ့ပေမယ့် ယခုတစ်ပတ်မှာတော့ တရုတ်ဝယ်လိုအား ပြန်ကောင်းလာတယ်လို့ ရောင်းဝယ်နေကြတဲ့ ကုန်သည်များမှ ပြောကြားကြောင်း သိရှိရပါတယ်။ ကျော်ကျော်မိုး