ဇန်နဝါရီဒုတိယပတ် မုံရွာကုန်စည်ဒိုင် ပဲစင်းငုံနီဈေးကွက်မှာ ပဲအဟောင်းပုံမှန် အဆွဲရှိခဲ့သလို ပဲအသစ်နယ်အဝင်လှိုင်လာခဲ့ပြီး၊ ဝင်သလောက် အရောင်းအဝယ် ဖြစ်ခဲ့တယ်လို့ ဈေးကွက်ကသိရပါတယ်။ ပဲသစ် အများစု အရည်အသွေးကောင်း မွန်ခဲ့ပြီး၊ မန္တလေး၊ ရန်ကုန်အဝယ်အော်ဒါကြောင့် ယခုတစ်ပတ်မှာ တစ်တင်း ၁၅၉၀၀ ကျပ်ထိ ဈေးမာလာကာ မုံရွာကုန်စည်ဒိုင်မှာ တစ်ရက် အိတ် ၂၀၀၀ ကျော် အရောင်းအဝယ်ဖြစ်ခဲ့တယ်လို့ ပွဲရုံရပ်ကွက်ကဆိုပါတယ်။ ပဲဟောင်းအနေနဲ့ လည်း နယ်အဝယ်ရှိလို့ တစ်တင်း ၁၄၆၀၀ ကျပ်ထိ ဈေးလိုက်လာကာ တစ်နေ့ အိတ် ၁၅၀၀ ခန့် အရောင်းအဝယ်ပုံမှန်ဖြစ်ခဲ့တယ်လို့ဆိုပါတယ်။     ယခုလို နယ်အော်ဒါနဲ့ ဒေသခံကုန်သည်တွေ ဝယ်လိုအားကောင်းမွန်မှုကြောင့် ဈေး ဆက်လက်တက်နိုင်ဖွယ်ရှိကြောင်း ကုန်သည်တွေရဲ့သုံးသပ်ချက်ကိုကြားသိရပါ တယ်။                                                        ထွန်းလှိုင်

    ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ရောင်း လက် ဝယ်လက်စုံနေပြီး ပဲစင်းငုံအရောင်းအဝယ် သွက်နေတယ်လို့ သိရပါတယ်။ ပဲစင်းငုံဖြူနီနဲ့အနီ စုစုပေါင်း ယခုတစ်ပတ် (ဇန်နဝါရီလ ၂ ရက်မှ ၆ ရက်) အတွင်းမှာ တန်ချိန် ၁၄၅၀၀ ကျော် အရောင်းအဝယ်စာချုပ်နိုင်ခဲ့ကြောင်းသိရပါတယ်။

    ပြည်ပဲဈေးကွက်သို့ မကွေးတိုင်းဒေသကြီး ကံမဘက်မှ မတ်ပဲသစ်များ တစ်နေ့ ကို အိတ် ၂၀-၃၀ ခန့်ဝင်လာပြီး၊ မတ်ပဲအသစ်တစ်တင်းကို ၁၄၀၀၀ ကျပ်ဈေးရှိ တယ်လို့ သိရပါတယ်။ ပဲသစ်အဝင်ရှိပေမဲ့ အရောင်းအဝယ်ကတော့ မဖြစ်သေးဘူး လို့သိရပါတယ်။ ဈေးကွက်အတွင်း လက်ကျန်ပဲတွေကို  ထုတ်ရောင်းလျက်ရှိတာ ကြောင့် ရန်ကုန်ဝယ်လက်တွေ ဝယ်သလောက် အရောင်းအဝယ်ဖြစ်တယ်လို့ ပဲကုန် သည်တစ်ဦးကပြောပါတယ်။ ပြည်မှရန်ကုန်ဘုရင့်နောင်သို့ တစ်နေ့ကို အိတ် ၁၇၀၀ ခန့် တင်ပို့မှုရှိတယ်လို့သိရပါတယ်။ မိမိအေး

    ယခုတစ်ပတ်မှာ မတ်ပဲပြည်ပတင်ပို့မှုက ပုံမှန်အနေအထားကို ရောက်ရှိ လာခဲ့ပါတယ်။ ယခင်တစ်ပတ်က တန်ချိန် ၃၃၀၀ ခန့်သာ တင်ပို့မှုရှိခဲ့ရာမှ ဇန်နဝါ ရီလ ၂ ရက်မှ ၆ ရက်အတွင်းမှာတော့ တန် ၅၀၀၀ ကျော်ထိ ပြန်တင်ပို့လာနိုင်ခဲ့တာ တွေ့ရပါတယ်။ လက်ရှိ ၂၀၁၁-၂၀၁၂ ဘဏ္ဍာနှစ်အတွင်း ဇန်နဝါရီလ ၁၀ ရက်နေ့အထိ  စုစုပေါင်း မတ်ပဲတင်ပို့မှု တန်ချိန် ၄၉၄၀၀၀ ခန့်ရှိပြီး ဝင်ငွေအားဖြင့် ကန်ဒေါ်လာ သန်းပေါင်း ၄၁၀ နီးပါး ရရှိထားကြောင်း သက်ဆိုင်ရာစာရင်းများအရ သိရပါတယ်။