Background
ယခုတစ်ပတ် ပြည်ဈေးကွက်သို့ ပဲတီစိမ်းများ နယ်စုံမှဝင်ရောက်လျက်ရှိပြီး၊ တစ်ရက်အိတ် ၃၀၀ ခန့် အဝင်ရှိခဲ့ပါတယ်။ ပဲတီစိမ်းဈေးနှုန်းမှာ တစ်တင်းထိပ်စ ၁၇၃၀၀ ကျပ်၊ ရိုးရိုးစတစ်တင်း ၁၅၀၀၀ ကျပ်ဖြင့်သာ အရောင်းအဝယ်ဖြစ်ခဲ့ပါတယ်။ ရန်ကုန်ဝယ်လက်ရော မန္တလေးဝယ်လက်ပါ အဝယ်ရှိတဲ့အတွက် အဝင်ရှိ သလောက် အရောင်းအဝယ်ဖြစ်ခဲ့တယ်လို့ သိရပါတယ်။ ယခုတစ်ပတ်အတွင်း ရန်ကုန်သို့ အိတ် ၅၀၀ ကျော် တင်ပို့နိုင်ခဲ့ကြောင်းသိရပါတယ်။ ခင်ဆွေဝင်း
နိုဝင်ဘာလ ၂၈ ရက်မှာ မန္တလေးပဲဈေးကွက်မှာ ပဲတီစိမ်းထိပ်စကို ၃ တင်းတစ်အိတ် ၄၈၀၀၀ ကျပ်၊ တစ်ပိဿာ ၈၅၃ ကျပ်နဲ့ အရောင်းအဝယ်ဖြစ်ခဲ့ပါတယ်။ ပြည်၊ အောင်လံထွက် ပဲတီစိမ်းများ အရည်အသွေး ကောင်းတဲ့အတွက် နိုဝင်ဘာလ ၂၉ ရက်မှာ ပဲတီစိမ်းကြီးထိပ်စ ၃ တင်းတစ်အိတ် ၅၇၀၀၀ ကျပ်၊ တစ်ပိဿာ ၁၀၁၃ ကျပ် အမြင့်ဈေးနဲ့ အရောင်း အဝယ်ဖြစ်တာကို တွေ့ရပြီး၊ နိုဝင်ဘာလ ၃၀ ရက်မှာ ၃ တင်းတစ်အိတ် ၅၄၀၀၀ ကျပ်၊ တစ်ပိဿာ ၉၆၀ ကျပ်ဖြင့် အရောင်းအဝယ်ဖြစ်လို့ ဈေးအနည်းငယ် အေးသွားပါတယ်။ တရုတ်ဝယ်လက်မှ အမြင့်ဈေးရော၊ အနိမ့်ဈေးနဲ့ပါ ပုံမှန် အရောင်းအဝယ်ရှိတယ်လို့ ဈေးကွက်ကဆိုပါတယ်။ ပြီးခဲ့တဲ့ အောက်တိုဘာလက ၁၆ မိုင်စစ်ဆေးရေးဂိတ်မှ ပဲတီစိမ်း ၂၈၀၉ တန်ခန့် အထွက်ရှိလို့ တစ်ရက်ကို တန် ၉၀ ကျော် စီးထွက်သွားကြောင်း၊ ယခုနိုဝင်ဘာလ ၂၇ ရက်နေ့ထိ ၂၇၄၈ တန်ခန့် စီးထွက်သွားလို့ တစ်ရက်ကို တန် ၁၀၀ ကျော်အထွက်ရှိနေတာမို့ ယခုလ ပဲတီစိမ်းတင်ပို့မှု ပိုမိုကြောင်း၊ တစ်ရက်ကို ပျမ်းမျှ ၁၀ အိတ်ခန့် အထွက်ပိုကြောင်း သိရပါတယ်။ ဈေးအနိမ့်၊ အမြင့် မြန်ဆန်တာကြောင့် အရောင်းအဝယ်ကိုလည်း သွက်သွက် လက်လက် လုပ်ကိုင်ရ ကြောင်း၊ အချိန်နဲ့အမျှ ဈေးပြောင်းလဲမှုကြောင့် အမြတ်အစွန်းအနည်းငယ်ဖြင့်သာ ရောင်းဝယ်ရကြောင်း ပဲတီစိမ်း ဈေးကွက်က သိရပါတယ်။ စိုးအောင်
အိန္ဒိယဈေးကွက်များကို ရာဂျက်စသန်ဘက်မှ ပဲတီစိမ်းများ တစ်ရက်အိတ် ၄၄၀၀၀-၄၅၀၀၀ ခန့်အဝင်ရှိလို့ ပဲတီစိမ်း ဈေးကျဆင်းခဲ့ပါတယ်။ ဒါ့အပြင် ပဲခွဲစက်များမှ ဝယ်လိုအားမရှိဘူးလို့ သိရပါတယ်။ ဈေးကွက်တွေမှာ သိုလှောင်ပဲများနေခြင်းနဲ့ ဝယ်ယူမှုနည်းခြင်းတို့ကြောင့် လာမယ့် ရက်တွေမှာလည်း ဈေးကျဆင်းနိုင်တယ်လို့ ခန့်မှန်းကြပါတယ်။ လက်ရှိဈေးနှုန်းဟာ ယခင်နှစ်နဲ့ နှိုင်းယှဉ်ရင် ၄၀ ရာခိုင်နှုန်းခန့်ကျဆင်းလာတယ်လို့ သိရပါတယ်။ ဈေးကွက်များမှာ ဖြစ်ပေါ်တဲ့ ဈေးနှုန်းများ နှိုင်းယှဉ် ဖော်ပြလိုက်ပါတယ်- ဒေါ်လာ/ တန် ၃၀-၁၁-၁၁ ၂၉-၁၁-၁၁ ၂၈-၁၁-၁၁ ၂၆-၁၁-၁၁မွန်ဘိုင်း (တန်ဇန်းနီးယား) ၇၇၉-၇၈၄ ၇၈၃ ၇၈၃-၇၈၈ ၇၈၀-၇၈၅ဒေလီ ၄၂၃-၆၃၅ ၄၀၄-၆၁၅ ၄၂၃-၆၃၄ ၄၂၁-၆၃၅အာကိုလာ ၆၇၃-၈၂၇ ၆၇၃-၈၀၇ ၇၃၀-၈၄၆ ၇၈၅-၈၄၂MIRT(MAPT)
ရန်ကုန် FOB ဈေးကွက်မှာ ယခုတစ်ပတ် (နိုဝင်ဘာလ ၂၅ ရက်မှ ဒီဇင်ဘာလ ၁ ရက်)အတွင်း ပဲတီစိမ်း တန်ချိန်၁၂၀၀ ခန့်သာ စာချုပ်ချုပ်ဆို အရောင်းအဝယ်ဖြစ်ခဲ့လို့ ယခင်တစ်ပတ်ထက်လျော့နည်းရောင်းဝယ်ခဲ့ပါတယ်။ အိန္ဒိယ ဝယ်လက်အချို့မှ အရည်အသွေးကောင်းတဲ့ ပခုက္ကူ၊ အောင်လံဘက်က ပဲတီစိမ်းအသစ်များ ဝယ်ယူမှုရှိတယ်လို့ သိရပါတယ်။လတ်တလောမှာ အိန္ဒိယဈေးကွက်တွေမှာ အိန္ဒိယထွက် ပဲတီစိမ်းအသစ်တွေ ဝင်ရောက်နေဆဲဖြစ်လို့ ဝယ်လိုအားနည်းနေပေမဲ့ လာမယ့်ရက်တွေမှာတော့ အရည်အသွေးကောင်းတဲ့ ပဲတီစိမ်းများ အဝယ်လိုက်လာနိုင်တယ်လို့ ခန့်မှန်းကြပါတယ်။ရန်ကုန် FOB ဈေးမှာ ပြောင်းလဲခြင်းမရှိဘဲ ဒီဇင်ဘာလ ၂ ရက်နေ့မှာလည်း FAQ(အညာ) တစ်တန် ကန်ဒေါ်လာ ၇၀၀-၇၂၀၊ ပခုက္ကူ တစ်တန် ကန်ဒေါ်လာ ၇၂၀-၇၄၀ နဲ့ ရွှေဝါအကြီး တစ်တန် ကန်ဒေါ်လာ ၈၆၀-၈၈၀ အသီးသီးရှိကြောင်းသိရပါတယ်။MIRT(MAPT)
ပင်လယ်ရေကြောင်းက ပဲတီစိမ်းတင်ပို့မှုမှာယခင်သီတင်းပတ်က တန်ချိန် ၁၆၀၀ ကျော်သာရှိရာမှ ယခုတစ်ပတ် (နိုဝင်ဘာလ၂၁ ရက်-၂၅ ရက်)အတွင်းမှာတော့ တန် ၃၀၀၀ အထိအနည်းငယ်ပိုတင်လာခဲ့ပါတယ်။ အရည်အသွေးကောင်းပဲတီစိမ်းများ အဝယ်ဆက်ရှိနေသေးလို့ တင်ပို့မှုပိုလာခြင်းဖြစ်ပါတယ်။ ၂၀၁၁-၂၀၁၂ ဘဏ္ဍာနှစ် နိုဝင်ဘာလ ၂၅ ရက်အထိ ပဲတီစိမ်း စုစုပေါင်းတန်ချိန် ၂၁၂၆၀၀ ခန့်ရှိပြီး ဝင်ငွေအားဖြင့်ကန် ဒေါ်လာ ၂၀၅ သန်းခန့် ရရှိထားကြောင်း သိရပါတယ်။ ယခင်ဘဏ္ဍာနှစ် ကာလတူအတွင်း တန်ချိန် ၁၆၁၂၀၀ ကျော်သာရှိပြီး ဝင်ငွေအားဖြင့် ကန်ဒေါ်လာ ၁၈၉ သန်းကျော်ရရှိခဲ့တယ်လို့ သိရပါတယ်။MIRT(MAPT)
ပြည်ပွဲရုံများကို ရွှေတောင်မြို့နယ်မှ ပဲလွန်းဖြူအသစ်များ ဝင်စပြု နေပြီး၊ ပဲတစ်တင်း အဖွင့်ဈေးမှာ ၁၅၀၀၀ ကျပ်ဖြစ်ကြောင်းသိရပါတယ်။ အဝင် နည်းနေသေးသလို အရောင်း အဝယ်ကလည်း အေးနေလို့ မြို့တွင်း ဝယ်လက်အနည်းငယ်သာရှိတယ်လို့ သိရပါတယ်။ ယခင်နှစ်က နိုဝင်ဘာ လလယ်မှာ ပဲဟောင်းတစ်တင်း ၃၀၀၀၀ ကျပ်ဈေး ပိတ်ခဲ့ပြီး၊ ဒီဇင်ဘာ လလယ် ပဲသစ်ပေါ်ချိန်မှာတော့ တစ်တင်း ၂၃၀၀၀ ကျပ်ဈေးဖွင့်ခဲ့တယ် လို့ သိရပါတယ်။ မိမိအေး
ပင်လယ်ရေကြောင်းက ပဲလွန်းဖြူတင်ပို့ရာမှာ ယခင်သီတင်းပတ်က တန်ချိန် ၃၂၀ ကျော်ရှိခဲ့ရာမှ ယခု သီတင်းပတ် (နိုဝင်ဘာလ ၂၁ ရက်မှ ၂၅ ရက်)အတွင်းမှာတော့ တန်ချိန် ၁၆၀ ခန့် တင်ပို့မှုရှိခဲ့ပါတယ်။ တင်ပို့တဲ့ နိုင်ငံတွေကတော့ ထိုင်း၊ ဗီယက်နမ်နဲ့ စင်ကာပူတို့ဖြစ်ပါတယ်။ လက်ရှိ ဘဏ္ဍာနှစ် နိုဝင်ဘာလ ၂၅ ရက်အထိ စုစုပေါင်း ပြည်ပတင်ပို့မှုမှာ တန်ချိန် ၁၆၇၀၀ ခန့်ရှိပြီး ဝင်ငွေအားဖြင့် ကန်ဒေါ်လာ ၁၅ သန်းကျော်ရရှိလို့ ယခင် ၂၀၁၀-၂၀၁၁ ဘဏ္ဍာနှစ် ကာလတူ အတွင်း တင်ပို့ခဲ့တဲ့ ပမာဏနဲ့ ကွာခြားမှု မရှိပေမဲ့ ဝင်ငွေမှာ ကန်ဒေါ်လာ ၁၄ သန်းသာရရှိခဲ့လို့ ယခုနှစ်မှာ ၁ သန်း ကျော်ပိုမိုခဲ့ပါတယ်။ ရန်ကုန် FOB ဈေးကွက်မှာ အရောင်းအဝယ်ဖြစ်မှုအနေနဲ့ ယခု တစ်ပတ်မှာ တန်ချိန် ၃၇၅ တန်ရှိခဲ့ပါတယ်။ နိုဝင်ဘာလ တစ်လလုံးအတွင်း အရောင်းအဝယ်စာချုပ်ချုပ်ဆိုမှု တန်ချိန် ၁၃၇၀ ခန့်ရှိတာ တွေ့ရပါတယ်။ရန်ကုန် FOB ဈေးအနေနဲ့ ယခင် သီတင်းပတ်ဈေးအတိုင်းပြောင်းလဲခြင်း မရှိဘဲ FAQ တစ်တန် ကန်ဒေါ်လာ ၇၉၀-၈၁၀ နဲ့ SQ တစ်တန် ကန် ဒေါ်လာ ၉၀၀-၉၂၀ ရှိကြောင်းသိရပါ တယ်။ MIRT(MAPT)
ယခုနှစ် မိုးဦးကာလမှာစိုက်ပျိုးခဲ့တဲ့ ပဲစင်းငုံများဟာ ပုံမှန်အတိုင်းပဲ ဒီဇင်ဘာ လ ပထမပတ်မှာ ဈေးကွက်ထဲကို ခပ်ပါးပါးစတင်ဝင်ရောက်နေပါပြီ ရေနံချောင်း၊ ကျောက်ပန်းတောင်းနယ်များမှ ပေါ်ခဲ့ပြီး ဈေးကတော့ တစ်တင်းကို ၁၃၀၀၀ိ/-မှ ၁၃၃၀၀ိ/- အတွင်း ဈေးပေါက်ပါတယ်။ ပဲစင်းငုံအဟောင်းများကတော့ ဒီဇင်ဘာ ၂ ရက် မနက်ပိုင်းမှာ တစ်တင်းကို ၁၂၈၀၀ိ/- ဈေးပေါက်ခဲ့ပြီး ညနေပိုင်းမှာတော့ ၁၂၉၀ဝိ-၁၃၀၀၀ိ/- အထိ ဈေးမာ လာတယ်လို့ သိရပါတယ်။ ဒီလိုဈေးမာလာရတဲ့ အကြောင်းရင်းကတော့ ရန်ကုန်က ကုန်သည် တစ်ဦးတိမ်းရှောင် ပြီးနောက်ပိုင်း နှုတ်ကတိနဲ့ ငွေပေးဝယ်ထားတဲ့ ကုန်သည်များက ပစ္စည်း လက်ဝယ်ရလိုမှုကြောင့် ပစ္စည်းလက် ရောက်နိုင်အောင် လိုက်လံဝယ်ယူကြ လို့ ပဲစင်းငုံအဟောင်းဈေးမာလာတာလို့ သိရကြောင်းပါ။ မောင်မောင်အေး
ပြည်ပဲစင်းငုံဈေးမှာ တစ်တင်းကို ၁၃၂၀၀ ကျပ်နဲ့ ၁၃၅၀၀ ကျပ်တွင် ဈေး အတက်အကျဖြစ်ကာ ဈေးမငြိမ် တာကို တွေ့ရပါတယ်။ ယခုနိုဝင်ဘာလမှာ ပြည်ဈေးကွက်ကို မကွေးတိုင်းဒေသကြီးဘက်မှ ပဲစင်းငုံနေ့စဉ် အဝင်မရှိဘဲ တစ်ပတ်ခြား၊ နှစ်ပတ်ခြား အဝင်အနည်းငယ်ရှိခဲ့ပါတယ်။ နိုဝင်ဘာလအတွင်းမှာမကွေးတိုင်းဒေသ ကြီးမှ အိတ် ၂၄၀၀ ကျော် အဝင်ရှိခဲ့ပြီး၊ ရန်ကုန်ကို အိတ် ၄၅၀ ခန့်သာ တင်ပို့နိုင်ခဲ့ ကြောင်း သိရပါတယ်။ ဒါ့အပြင် ပြည်ဈေးကွက်မှာ ဒေသတွင်း လက်ကျန်ပဲများ ကျန်ရှိနေသေးခြင်း၊ အခြားတိုင်းမှ အဝင်များကျန်ရှိနေခြင်းကြောင့် ပြည်ဈေးကွက် မှာ ပဲစင်းငုံလက်ကျန်များနေကြောင်း သိရပါတယ်။ ပဲစင်းငုံလက်ကျန်များနေသော် လည်း ဈေးကောင်းမရတဲ့အတွက် အရောင်းအဝယ်ပိုင်းမှာတော့ အေးနေခဲ့ပါတယ်။ ဆုမွန်ဆွေ
ရန်ကုန်တိုင်းဒေသကြီး ဘုရင့်နောင်ကုန်စည်ဒိုင် FOB ဈေးကွက်မှာ ယခင်တစ် ပတ်က အရောင်းအဝယ် သွက်ခဲ့ပေမဲ့ ယခုတစ်ပတ်မှာတော့ တန်ချိန် ၄၇၀၀ ကျော်သာ အရောင်းအဝယ်ဖြစ်ခဲ့ပါတယ်။ အိန္ဒိယပြည်တွင်း ဈေးကွက်တွေ မှာ ပဲစင်းငုံအသစ် အချို့ဝင်ရောက်လာပြီဖြစ်သလို ဝယ်လိုအားနည်းလို့ ဈေးကျလာ တာကြောင့် ရန်ကုန် ဈေးကွက်မှာလည်း အရောင်းအဝယ်နည်းသွားခြင်း ဖြစ်ပါတယ်။ ယခုရက်ပိုင်း အဝယ်သိပ်မလိုက်ပေမဲ့ပဲစင်းငုံ အသစ်ကိုတော့အိန္ဒိယ ဘက်က ဝယ်ယူဖို့ စိတ်ဝင်စားနေတယ်လို့ သိရပါတယ်။ ပဲစင်းငုံအရောင်းအဝယ်ဖြစ်တဲ့ ဈေးအနေနဲ့ ပြည်တွင်းဈေးအပြောင်းအလဲ နည်းသလို FOB ဈေးမှာလည်း ပြောင်းလဲမှု မများကြောင်း သိရပါတယ်။ ဒေါ်လာ/တန် ပဲစင်းငုံနီ ဖြူနီ ငုံနီ(အဟောင်း)၂-၁၂-၁၁ ၅၄၀-၅၆၀ ၄၄၀-၄၆၀ ၅၃၀-၅၅၀၂၅-၁၁-၁၁ ၅၄၀-၅၆၀ ၄၄၀-၄၆၀ ၄၄၀-၄၆၀MIRT(MAPT)