Background
သယ်ယူစရိတ်နဲ့ မကိုက်လို့ နယ်စပ်အပို့လျော မတ်လ ၂ ရက်မှ ၈ ရက်ထိ ကာလအတွင်း စစ်ကိုင်းနဲ့ မန္တလေးတိုင်းဒေသကြီးထွက် ပဲတီစိမ်း ၁၁၂၆ တန်ကျော်၊ ကန်ဒေါ်လာ ၁ ဒသမ ၁၅၅၈ သန်းဖိုး မူဆယ်နယ်စပ်မှ တင်ပို့နိုင်ခဲ့ပါတယ်။ယခင်အပတ်ကထက် တန်ချိန် ၉၉ဝ ကျော်လျော့ နည်းတင်ပို့ခဲ့ပါတယ်။ပဲရာသီချိန်ဖြစ်ပြီး တရုတ်ဝယ်လိုအားရှိနေသော်လည်း ကုန်သယ်ယူစရိတ်များမြင့်မား နေတဲ့အတွက် အကျိုး အမြတ်နည်းပါးခြင်း၊ တစ်ဖက်နိုင်ငံဝယ်ဈေးနှုန်းသည် ကုန်ကျစရိတ်ကာမိအောင်ဈေးမရခြင်းတို့ကြောင့် တင်ပို့မှု လျော့နည်း နေခြင်းဖြစ်ပါတယ်။သယ်ယူပို့ဆောင် ကုန်ကျစရိတ် ယခုထက်ပိုမိုသက်သာနိုင်ပါက နယ်စပ်မှ ပဲတီစိမ်း ပိုမိုတင်ပို့လာ နိုင်တယ်လို့ နယ်စပ်မှ ပဲပို့သူများက သုံးသပ်နေကြပါတယ်။ပဲဝယ်ယူစုဆောင်းမှုနည်းပါးနေတဲ့အတွက် ယခုအပတ်မှာ ပြည်တွင်း ဈေးကျဆင်းလျက်ရှိပြီး တစ်ဖက်နိုင်ငံဈေးလည်း အနည်းငယ်လျော့နည်းလျက်ရှိပါတယ်။ မိမိဘက်နဲ့ တစ်ဘက်နိုင်ငံ ပေါက် ဈေးများကို နှိုင်းယှဉ်ဖော်ပြပေးလိုက်ရပါတယ် - မိမိဘက်(ကျပ်/တန်) တစ်ဘက်နိုင်ငံ(ဒေါ်လာ/တန်) ယခု ယခင် ပြောင်းလဲမှု % ယခု ယခင် ပြောင်းလဲမှု %ပဲတီစိမ်း ၁၁၄၁ဝ၈ဝ ၁၁၄၅၇၃ဝ ၅၆၅ဝ ဝ .၅ဝ ၁၃၅၁ ၁၃၆၆ ၁၅ ၁ MIRT (DOBT)
ပဲတီစိမ်းတင်ပို့မှု အားကောင်းဆဲ ပင်လယ်ရေကြောင်းက ပဲမျိုးစုံ တင်ပို့မှုမှာ ထိပ်ဆုံးကပြေးနေတဲ့ ပဲတီစိမ်းက ယခုသီတင်းပတ်မှာလည်း တန်ချိန် ၈ဝဝဝ နီးပါးတင်ပို့နိုင်ပါတယ်။ အဓိက တရုတ်ဝယ်လက်များ ဝယ်ယူမှုများကြောင်း သိရပါတယ်။ ပြည်တွင်းဈေးကွက်တွေမှာ လည်း နယ်စပ်ဘက်က တရုတ်အဆွဲရှိလို့ အရောင်းအဝယ်ကောင်းပြီး ဈေးမာနေတာတွေ့ရပါတယ်။ ပြည်ပအရောင်း အဝယ်သွက်ပေမဲ့ ရန်ကုန် FOB ကတော့ ယခုတစ်ပတ်အတွင်း ငြိမ်နေတာတွေ့ရပါတယ်။ မတ်လ ၁၁ ရက် ရန်ကုန် FOB ဈေးအနေနဲ့ ပဲတီစိမ်း FAQ (အညာ) တစ်တန် ကန်ဒေါ်လာ ၁၁၆ဝ-၁၁၈ဝ၊ ၤFAQ (ပခုက္ကူ) တစ်တန်ကို ကန်ဒေါ်လာ ၁၁ဝဝ-၁၁၂ဝ နဲ့ ရွှေဝါအသေးတစ်တန်ကို ကန်ဒေါ်လာ ၁၅၃ဝ-၁၅၅ဝ ဖြစ်ကြောင်း သိရပါတယ်။ MIRT - MAPT
ပြည်ပဲလွန်းဖြူဈေး ခပ်အေးအေး ပြည်ပဲလွန်းဖြူဈေးကတော့ ယခင် တစ်ပတ်ထက် ဈေးအေးနေခဲ့ပြီး ပဲတစ်တင်းကို ၂ဝဝဝဝ ကျပ် သာရှိပါတယ်။ ဥသျှစ်ပင်၊ ပန်းတောင်း ဘက်မှ ပဲအိတ် ၃ဝ-၄ဝ ခန့်အဝင်ရှိ တယ်လို့ သိရပါတယ်။ ယခုတစ်ပတ် အတွင်း ပဲတင်ပို့မှု ကတော့ ပဲခူးတိုင်း ဒေသကြီးအနောက် မိုးညိုမြို့မှ ရန်ကုန်သို့ ပဲအိတ် ၃ဝဝ ခန့် တင်ပို့မှုရှိပါတယ်။ မိမိအေး
ပဲလွန်းဖြူ၊ ပဲလွန်းနီ တင်ပို့မှု စံချိန်တင် မြင့်တက် အခြား ပဲအုပ်စုတွေထဲမှာ တစ်ပတ်ထက်တစ်ပတ် တိုးတက်တင်ပို့လာ နိုင်တာကတော့ ပဲလွန်းဖြူနဲ့ ပဲလွန်းနီ တို့ပဲဖြစ်ပါတယ်။ ယခင်သီတင်းပတ် ကလည်း ၂ မျိုးပေါင်း တန် ၁၂ဝဝ ခန့် အထိ တင်ပို့နိုင်ခဲ့သလို ဒီတစ်ပတ် မတ်လ ၃ ရက်မှ ၉ ရက်အတွင်းမှာလည်း ပဲလွန်းဖြူ တန် ၈ဝဝ ခန့်နဲ့ ပဲလွန်းနီ တန် ၆ဝဝ စုစုပေါင်း တန် ၁၄ဝဝ ခန့်အထိ စံချိန်တင် တိုးတက်ခဲ့ ပါတယ်။ ပြည်တွင်းဒေသစုံက ဈေးကွက်တွေကို ဝင်လာနေသလို အိန္ဒိယ၊ အင်ဒိုနီးရှာ၊ ကိုရီးယား၊ ဖိလစ်ပိုင်၊ စင်ကာပူနဲ့ သီရိလင်္ကာစတဲ့ နိုင်ငံစုံက ဝယ်လိုအားကောင်းလို့ တင်ပို့မှု တက်လာတာဖြစ်ပါတယ်။ ဒါပေမဲ့ ရန်ကုန် FOB ဈေးကတော့ ယခင်တစ်ပတ်ဈေး လိုပဲ မတ်လ ၁၁ ရက်မှာလည်း FAQ တစ်တန်ကို ကန်ဒေါ်လာ ၈၈ဝ-၉ဝဝ နဲ့ SQ တစ်တန်ကို ကန်ဒေါ်လာ ၉၈ဝ- ၁ဝဝဝ အသီးသီးရှိတယ်လို့ သိရပါ တယ်။ MIRT - MAPT
ပခုက္ကူခရိုင် ပဲစင်းငုံအထွက်နဲ့ ဈေးကွက် ယမန်နှစ် ၂ဝဝ၉-၂ဝ၁ဝ ပခုက္ကူခရိုင်မှာ ပဲစင်းငုံ ၁၄၇၆၁၅ ဧကစိုက်ပြီး တစ်ဧကကို ၁၅ တင်းနှုန်း နီးပါးထွက်ခဲ့လို့ အထွက်တန်ပေါင်း ၇ သောင်းကျော် တယ်လို့ သိရပြီး၊ ဒီနှစ် ၂ဝ၁ဝ-၂ဝ၁၁ မှာ ၁၄၇၈၁၃ ဧက စိုက်နိုင်ခဲ့တာ အထွက်နှုန်း က ၁၇ ဒသမ ၇၇ တင်းနှုန်းထိ ထွက်ခဲ့ပါတယ်။ အထွက်တန်ပေါင်းကလည်း တန်ချိန်ပေါင်း ၈၅ဝဝဝ ကျော်တယ်လို့ စာရင်းဇယားများအရ သိရပါတယ်။ ယမန်နှစ်က ပဲစင်းငုံဈေးများဆက်တိုက်ကျဆင်းမှု ကြောင့် ပဲကုန်သည် တွေရဲ့ လက်ထဲမှာ ပဲဟောင်းများ လည်း ကျန်ရှိကာ ပဲဟောင်းဈေးကွက် အဖြစ် အရောင်းအဝယ်ဖြစ်ကြတာတွေ့ရပါတယ်။ ပဲစင်းငုံနီအဟောင်းရဲ့ ဈေးကွက်က ပဲသစ်ဈေးရဲ့အောက်မှာ ၂၅ဝဝ ကျပ်မှ ၃ဝဝဝ ကျပ်အကွာမှာ ရှိတတ် ပါတယ်။ယခုအပတ်ထဲမှာတော့ ပဲစင်းငုံအသစ်ဈေးက တစ်တင်းကို ကျပ် ၂ဝ၁ဝဝ ကျသွားခဲ့ပြီးမှ ၂၁ဝဝဝ ကျပ်ကျော်အထိ ပြန်လည်ဦးမော့လာတာ တွေ့ရပါတယ်။ ပဲဟောင်းများလည်း ကျန်ရှိပြီး၊ ပဲအသစ်များလည်း အထွက်ပိုခဲ့တဲ့အတွက် စီးဆင်းမှု မြန်ဆန်သွက်လက်တဲ့ ဈေးကွက်ဖြစ်ပေါ်ဖို့ လိုအပ်နေကြောင်းပါ။ မောင်မောင်အေး
ဝယ်လိုအားကောင်းလို့ မန်းပဲစင်းငုံနီဈေးအနည်းငယ်မြင့်လာ မန်းဈေးကွက်အတွင်းသို့ ရွှေဘို၊ မုံရွာ၊ ထန်းတပင်၊ ဇီးကုန်းဒေသများမှ ထွက်ရှိသော ပဲစင်းငုံများအပြင် မန္တလေးတိုင်း ဒေသကြီးအတွင်းရှိ မြို့နယ်များမှ ထွက်ရှိသော ပဲစင်းငုံများလည်း ဈေးကွက်အတွင်းသို့ ဝင်ရောက် လျက်ရှိပါတယ်။ ယခင်တစ်ပတ်မှာ ရန်ကုန်ဝယ်လိုအားနည်းခဲ့ပြီး ဈေးအေးခဲ့သော်လည်း ယခုတစ်ပတ်မှာတော့ ရန်ကုန်ဝယ်လိုအား ကောင်းလာတာကြောင့် ဈေးမြင့်လာတာကို တွေ့ရပါတယ်။ ယခင်တစ်ပတ် ပဲစင်းငုံနီတစ်ပိဿာ ၁ဝ၂၅ ကျပ်၊ ငုံဖြူ တစ်ပိဿာ ၈ဝ၈ ကျပ်ဈေးရှိခဲ့ပြီး ယခုတစ်ပတ်မှာတော့ ပဲစင်းငုံနီ တစ်ပိဿာ ၁ဝ၄၂ ကျပ်၊ တစ်တန် ၆၃၈၁ဝဝ ကျပ်၊ ငုံဖြူ တစ်ပိဿာ ၈၁၇ ကျပ်၊ တစ်တန် ၅ဝဝ၃ဝဝ ကျပ်ဈေးတို့ဖြင့် အရောင်းအဝယ် ဖြစ်နေကြပါတယ်။ ယခုတစ်ပတ် မန်းဈေးကွက်အတွင်းမှာ ရန်ကုန်ဝယ်လက်ရှိနေသလို ပဲခွဲစက်လုပ်ငန်းရှင်များမှ လည်း ဝယ်လိုအားရှိနေတာကြောင့် ဈေးမာလာတာဖြစ်တယ်လို့ ကုန်သည်များထံမှ သိရပါတယ်။ ကျော်ကျော်မိုး
မုံရွာငုံနီဈေးကွက်အဝယ်သွက် အသယ်သွက် မုံရွာကုန်စည်ဒိုင် မတ်လပထမပတ်ပဲဈေးကွက်မှာ ပဲစင်းငုံနီ ရောင်းဝယ်မှု အေးအေးမှန်မှန်သာရှိခဲ့ပြီး ပေါက်ဈေးအားဖြင့် တစ်တင်း ၂ဝဝဝဝ ကျပ်-၂ဝ၅ဝဝ ကျပ်ကြားမှာ ဈေးငြိမ်နေတာကို တွေ့ပါတယ်။ ဝယ်လက်အနေနဲ့ ရန်ကုန်က အများဆုံးဆွဲယူနေသလို သယ်ယူခချိုသာတဲ့ မုံရွာ၊ မြင်းမူ၊ ရန်ကုန်၊ ကုန်းကြောင်း၊ ရေကြောင်း ဖက်စပ်ခရီးစဉ်နဲ့ အများဆုံးတင်ပို့ခဲ့ကြတာတွေ့ရပါတယ်။ ဒီရက်သတ္တပတ်မှာ မုံရွာကုန်စည်ဒိုင် ပဲစင်းငုံအရောင်းအဝယ်ဖြစ်မှုကတော့ တစ်ရက် ပျမ်းမျှအိတ် ၃ဝဝဝ ခန့် ရှိတယ်လို့ ဈေးကွက်ကဆိုပါတယ်။ နယ်ကပဲအဝင် ပုံမှန် ရှိခဲ့ပြီး မုံရွာကုန်စည်ဒိုင်နယ်မြေကနေ ပဲစင်းငုံထပ်ဆင့် တင်ပို့စီးဆင်းမှုအနေနဲ့ ပြီးခဲ့တဲ့ ဖေဖော်ဝါရီလ အတွင်းက မန္တလေးကို တင်း ၁၂ဝဝဝ ခန့် ရန်ကုန်ကို တင်း ၆၅ဝဝဝခန့်နဲ့ ပခုက္ကူကို တင်း ၁ဝဝဝဝ ခန့် ရှိခဲ့ပြီး မတ်လ ပထမပတ်တွင် မန္တလေး ကို တင်း ၁၂ဝဝ ကျော်၊ ရန်ကုန်ကို တင်း ၁၂ဝဝဝ ကျော်နဲ့ ပခုက္ကူကို တင်း ၈ဝဝ ကျော်ခန့်ရှိကြောင်း သိရပါတယ်။ ထွန်းလှိုင်
ပဲစင်းငုံတင်ပို့မှုလည်း အနည်းငယ်တက်လာ ယခုသီတင်းပတ် (မတ်လ ၃ ရက်မှ ၉ ရက်) အတွင်းမှာ ပင်လယ်ရေကြောင်း က ပဲစင်းငုံတင်ပို့မှုလည်း တန်ချိန် ၅၆ဝဝ ကျော်ကို တိုးတက်တင်ပို့နိုင်တာတွေ့ရပါတယ်။ အိန္ဒိယဈေးကွက်တွေမှာ ဈေးကျတယ်ဆိုပေမဲ့ ကုန်သည်အချင်းချင်း အရောင်းအဝယ်ဖြစ်သလို နိုင်ငံပိုင်အေဂျင်စီက ခေါ်ယူတဲ့ တင်ဒါအတွက်လည်း အဝယ်ရှိတာကြောင့် တင်ပို့မှုတက်လာတာဖြစ်ပါတယ်။ ယခုသီတင်းပတ်မှာလည်း ပြည်ပရောင်းချတဲ့ ပမာဏများတယ်လို့ သိရပါတယ်။ ပြည်တွင်းပဲစင်းငုံဈေးအနေနဲ့ မတ်ပဲ ဈေးတက်တာကြောင့် လိုက်ပါမြင့်တက်ပေမဲ့ ၤဥြ ဈေးကတော့ ယခင် သီတင်းပတ် အတိုင်း ငြိမ်နေတာတွေ့ရပါတယ်။ မတ်လ ၁၁ ရက် ရန်ကုန် FOB ဈေးအနေနဲ့ ပဲစင်းငုံနီ (FAQ)တစ်တန်ကို ကန်ဒေါ်လာ ၉ဝဝ-၉၂ဝ နဲ့ ပဲစင်းငုံဖြူနီနဲ့ အဖြူ တစ်တန်ကို ကန်ဒေါ်လာ ၇၆ဝ- ၇၈ဝ အသီးသီးဖြစ်တယ်လို့ သိရပါတယ်။MIRT - MAPT
ဟင်္သာတမတ်ပဲဈေး မြင့်တက်လာ ဟင်္သာတပဲဈေးကွက်ကို ယခုမတ်လ ဒုတိယပတ်မှာ မတ်ပဲသစ်များ ဝင်လာတာကိုတွေ့ရပါတယ်။ ဟင်္သာတ ခရိုင်အတွင်း အများဆုံးစိုက်ပျိုးတဲ့ မြို့နယ် များဖြစ်တဲ့ ဟင်္သာတနဲ့ ဇလွန်မြို့နယ်များမှာ မတ်ပဲသစ်များကို ရန်ကုန်ဈေးကွက်သို့ တစ်ပတ်အတွင်း အိတ် ၈၅ဝဝ ခန့် တင်ပို့နိုင်ခဲ့ကြောင်း သိရပါတယ်။ မတ်ပဲ တစ်တင်းဈေးမှာ ယခင်အပတ်က ၂၁၉ဝဝ ကျပ်ဖြစ်ပြီး ယခုအပတ်တွင် ပိဿာ ၂ဝ ဝင် တစ်တင်းကို ၂၂၄ဝဝ ကျပ်နဲ့ အရောင်းအဝယ် ဖြစ်ခဲ့ပြီး ရောင်းဝယ်မှု အနေနဲ့ ယခင်အပတ်ထက်ပိုများလာတယ်လို့ သိရပါတယ်။ အေးအေးခိုင်
ဘော်ဒါက တန်ချိန်အနည်းငယ်သာတင်ပို့ မတ်လ ၂ ရက်မှ ၈ ရက်ထိကာလအတွင်း မူဆယ် ၁ဝ၅ မိုင်ကုန်သွယ်ရေးဇုန်မှ ကန်ဒေါ်လာ ၃၇၁ဝဝ တန်ဖိုးရှိမတ်ပဲ ၃၈ တန် တင်ပို့နိုင်ခဲ့ပါတယ်။ယခင်အပတ်က ၇၃ တန် တင်ပို့ခဲ့တာတွေ့ရပါတယ်။၂ဝ၁ဝ-၂ဝ၁၁ ဘဏ္ဍာနှစ်ဧပြီလမှ ဖေဖော်ဝါရီ လကုန်ထိ နယ်စပ်မှမတ်ပဲ တန်ချိန် ၈၆ဝဝ ကျော်တင်ပို့ထားပြီး ဖြစ်ပါတယ်။ စစ်ကိုင်း၊ မန္တလေးနဲ့ ပဲခူးတိုင်းဒေသကြီးများက ထွက်ရှိတဲ့မတ်ပဲများကို မူဆယ် ၁ဝ၅ မိုင်မှတစ်ဆင့် တစ်ဖက်နိုင်ငံသို့တင်ပို့ခဲ့တာပါ။ ယခင်အပတ်ကထက် မိမိဘက် ဈေး ၁ တန်ကို ၁၁၂၅ဝ ကျပ်မြင့်တက်နေပေမဲ့ တစ်ဖက်နိုင်ငံ ပေါက်ဈေးများ ပြောင်းလဲမှုမရှိဘူးလို့ သိရပါတယ်။ တစ်ဖက်နိုင်ငံပေါက်ဈေးက ၁ တန် ဒေါ်လာ ၁ဝ၅ဝ ဖြစ်ပါတယ်။ MIRT (DOBT)