ဒီတစ်ပတ်တော့ အောင်ပန်းဈေးကွက်မှာ ချင်းအဝင်များလာပါတယ်။ အရင်အပတ်ကတော့ သြင်္ကန်ပြီး ကာစ အချိန်ဖြစ်တာကြောင့် အဝင်လည်းနည်း ပါတယ်။ အခုတစ်ပတ်တော့ သြင်္ကန်ပြီး၊ အလှူပွဲပြီး၊ တောင်သူတွေ လည်း လုပ်ငန်း ခွင်ကို ပုံမှန်ပြန်ပြီးဝင်လာပြီ။ တောင်သူတွေမှာတော့ ချင်းလက်ကျန်သိပ်မရှိတော့ဘူး လို့ သိရပါတယ်။ ဒါပေမယ့် ချင်းဈေးကွက်မှာတော့ လှောင်လက်တွေက ထုတ် ရောင်းနေလို့ အဝင်များနေပြီး၊ အရောင်းကလည်း သွက်နေပါတယ်။ ဒီတစ်ပတ်မှာ နယ်စပ်လမ်းကြောင်းကနေ စီးဆင်းမှုတွေများလာပါတယ်။ စစ်တွေမှတစ်ဆင့် ဘင်္ဂလားဒေ့ရှ်၊ တမူးကတစ်ဆင့် အိန္ဒိယကို သွားနေပြီး၊ တစ်ပတ်အတွင်း တန်ချိန် ၃၀၀ တင်ပို့ ခဲ့ရတယ်လို့ သိရပါတယ်။ ချင်း(စို) ဈေးကတော့ ပယ်ချင်းဆိုရင် ၂၅၀ ကျပ် - ၃၀၀ ကျပ်၊ မြေဖြူချင်းက ၅၇၀ ကျပ် - ၆၀၀ ကျပ်၊ မြေဝါချင်းက ၆၀၀ ကျပ် - ၆၂၀ ကျပ်၊ မြေနီချင်းက ၆၃၀ ကျပ် - ၆၅၀ ကျပ်ဈေးနှုန်းရှိ ပါတယ်။ ပြည်ပဝယ်လက် တွေ အဝယ်များနေသလို ပြည်တွင်းသုံးစွဲမှုလည်းများနေတယ်လို့ သိရှိရပါတယ်။

ချင်းခြောက်လည်းအရောင်းအဝယ်ကောင်းနေပြီး၊ ပြည်တွင်းဝယ်လက် တွေက အဓိကဝယ်ယူနေကြ ပါတယ်။ ရန်ကုန်၊ မန္တလေးစတဲ့မြို့ကြီးတွေအပါအဝင် ဒေသစုံက ဝယ်ယူနေတာကြောင့် တစ်ပတ်အတွင်း တန် ၂၀၀ အရောင်းအဝယ် ဖြစ်ခဲ့ပါတယ်။ ချင်းခြောက်ပေါက်ဈေးကတော့ အရည်အသွေးပေါ်မူတည်ပြီး တစ်ပိဿာ ၇၅၀ ကျပ်မှ ၁၂၇၅ ကျပ်ဈေးထိရှိတယ်လို့ အောင်ပန်းချင်းပွဲရုံတွေက သိရှိရပါတယ်။ဧဧခိုင် - တောင်ကြီး
 

ယခုတစ်ပတ်ပြည်ပဲဈေးကွက်မှာမတ်ပဲ၊ပဲစင်းငုံ၊ ကုလားပဲ ဈေးနှုန်းများ ဈေးပြန်လျော့သွားခဲ့ပြီး၊ ပဲကြီးဈေးနှုန်း ကတော့ သိသာစွာမြင့်တက်လာခဲ့သလို ထောပတ်ပဲ၊ ပဲနီပြားဈေးများ လည်း အနည်းငယ်မြင့်ခဲ့ပါတယ်။ ပဲပုပ်ဈေး ကတော့ ဈေးငြိမ် လျက်အရောင်းအဝယ်ဖြစ်ခဲ့ပါတယ်။ မတ်ပဲဈေးမှာ သြင်္ကန် ပြီးကာလစစချင်း ဈေးမြင့်ခဲ့ပေမယ့် ယခု တစ်ပတ်မှာတော့ တစ်တင်း ၁၇၅၀၀ ကျပ်နဲ့သာ တစ်နေ့အိတ် ၃၀၀ ခန့် ရန်ကုန်ဝယ်လက် ဝယ်ယူမှုရှိပြီး၊ ဈေး ကွက်အတွင်းကို ပေါင်း တလည်၊ ပေါက်ခေါင်း၊ ပန်းတောင်းဘက်မှ အဝင်အနည်းငယ် ရှိခဲ့ပါတယ်။

ပဲစင်းငုံသီးနှံမှာ ပဲအဝင်မရှိတော့ဘဲ လက်ကျန်ပဲများသာ တစ်ခါတစ်ရံ ရန်ကုန် ဝယ်လက်ဝယ်ယူမှုရှိတဲ့ အတွက် အရောင်းအဝယ်ဖြစ်တဲ့ရက်များမှာ အိတ် ၂၅၀ ကျပ် - ၃၀၀ ကျပ်ကျော်ရောင်းချခဲ့ပြီး၊ ပဲဈေးမှာ တစ်တင်း ၂၁၀၀၀ ကျပ်နဲ့ ယခင်အပတ်ကထက် ဈေးလျော့ခဲ့ပါတယ်။ ကုလားပဲမှာ ပန်းတောင်းမြို့နယ်ဖက်မှ တစ်ရက်ကို အိတ် ၂၀၀ ကျော် နေ့စဉ် ဝင်ရောက်ခဲ့ပြီး၊ ဒေသတွင်းခွဲစက်သမားများ ပဲတစ် တင်းကို ၁၉၄၀၀ ကျပ်နဲ့ ဝယ်ယူမှုရှိပြီး ယခင်အပတ်ကထက် တစ်တင်း ၆၀၀ ကျပ်ခန့် ဈေးလျော့ခဲ့ပါတယ်။ ပဲကြီးဈေးမှာ သြင်္ကန်ပြီးချိန်မှစပြီး ပဲဈေးများ သိသိသာ သာမြင့်တက်လာခဲ့ကာ ယခုတစ်ပတ်မှာလည်း ပဲကြီး၊ ရွှေ ကျွန်းတစ်တင်း ၃၅၀၀၀ ကျပ်ထိ ဈေးကောင်းရလာသလို ပဲကြီး(ကမ်းနား)တစ်တင်း ၃၂၅၀၀ ကျပ်ထိ ဈေးမြင့်ခဲ့ ပါတယ်။ ပဲကြီးဈေးများမြင့်တက်လာတာကြောင့် လှောင် လက် အချို့ထုတ်ရောင်းချလာတဲ့အတွက် ရွှေတောင်၊ ကျီးသဲ၊ ပန်းတောင်းမြို့နယ်များမှ ပြည်ပဲဈေးကွက်ကို တစ်ရက်အိတ် ၂၅၀ ကျော်ထိ ဝင်ရောက်လာခဲ့ပါတယ်။ ရန်ကုန်ဝယ်လက် ဝယ်ယူမှုအေးသော်လည်း ပဲကြော်ဖိုလုပ်ငန်းသမားများ နေ့ တိုင်း အဝယ်ရှိတာကြောင့် အိတ် ၃၀၀ ကျော် အရောင်း အဝယ် ဖြစ်ခဲ့ပါတယ်။ ထောပတ်ပဲသီးနှံမှာရွှေတောင်၊ ကျီးသဲဘက်မှ ဝင်ရောက် မှုရှိပြီး၊ ဒေသတွင်း လက်လီသမားများ ဝယ်ယူကြတဲ့အတွက် တစ်ရက်အိတ် ၂၀ ကျော်အရောင်းအဝယ်ဖြစ်ခဲ့ကာ ပဲဈေးမှာ တစ်တင်း ၁၇၀၀၀ ကျပ်နဲ့ ယခင် အပတ်ကထက် ၁၀၀၀ ကျပ် ခန့် ဈေးပိုရခဲ့ပါတယ်။ ပဲပုပ်ဈေးမှာတော့ ယခင်အပတ်က အတိုင်း တစ်တင်း ၂၁၀၀၀ ကျပ်နဲ့ ဈေးငြိမ်နေခဲ့ပြီး၊ ပဲအဝင် မရှိဘဲ လက်ကျန်ပဲများသာ လက်လီသမားများ ဝယ်ယူကြ တယ်လို့ သိရပါတယ်။               ခင်ဆွေဝင်း - ပြည်
 

ရှမ်းပြည်နယ် (တောင်ပိုင်း) အောင်ပန်း ကုန်စည်ဒိုင်ရဲ့ ဧပြီနောက် ဆုံး ပတ်မှာ ပဲစင်းငုံ၊ ပဲရာဇာနဲ့ ပဲပုပ်ဈေး မြင့်တက်ခဲ့သလိုအရောင်းအဝယ်လည်း သွက်ခဲ့ပါတယ်။ ဧပြီလဆန်းမှာ ပဲစင်းငုံ တစ်ပိဿာ ၈၅၀ ကျပ် - ၉၅၀ ကျပ်၊ ပဲရာဇာ တစ်ပိဿာ ၁၁၅၀ ကျပ်၊ ပဲပုပ်စေ့ တစ်ပိဿာ ၁၁၀၀ ကျပ်သာ ဈေး ရှိခဲ့ပေမယ့် ဧပြီနောက်ဆုံး ပတ် မှာတော့ ပဲစင်းငုံတစ်ပိဿာ ၉၅၀ ကျပ် - ၁၁၀၀ ကျပ်၊ ပဲရာဇာတစ်ပိဿာ ၁၆၀၀ ကျပ်၊ ပဲပုပ်စေ့တစ်ပိဿာ ၁၃၀၀ ကျပ်အထိ ဈေးနှုန်းမြင့်တက်ခဲ့ကြပြီး၊ အခြားကုန်ပစ္စည်းဈေးနှုန်းများလည်း အနည်းငယ်ဈေးမာခဲ့ပါတယ်။

အောင်ပန်းကုန်စည်ဒိုင်ရဲ့ ဧပြီ ၂၄ ရက်မှ ၃၀ ရက်အထိ သီးနှံအမျိုးအစား အလိုက် ဖြစ်ပေါ်ခဲ့တဲ့ ဈေးနှုန်း များနဲ့ အရောင်းအဝယ်ဖြစ်မှု အခြေအနေ များကတော့ ကြက်သွန်ဖြူတစ်ပိဿာ ၄၀၀ ကျပ် - ၁၆၀၀ ကျပ်နဲ့ ၁၄၉ တန်၊ အစေ့ထုတ်ပြောင်းတစ်ပိဿာ ၄၁၅ ကျပ်နဲ့ ၃၂ တန်၊ ပဲပုပ်စေ့တစ်ပိဿာ ၁၃၀၀ ကျပ်နဲ့ ၃၁ တန်၊ ပန်းနှမ်း တစ်ပိဿာ ၁၁၀၀ ကျပ်နဲ့ ၉ တန်၊ ချင်းအစိုတစ်ပိဿာ ၄၀၀ ကျပ် - ၆၀၀ ကျပ်နဲ့ ၃၁ တန်၊ ချင်းခြောက်တစ် ပိဿာ ၁၂၀၀ ကျပ်နဲ့ ၂၈ တန်၊ အာလူး တစ်ပိဿာ ၃၀၀ ကျပ် - ၆၅၀ ကျပ်နဲ့ ၁၆၈ တန်၊ ပဲစင်းငုံတစ်ပိဿာ ၉၅၀ ကျပ် - ၁၁၀၀ ကျပ်နဲ့ တန် ၂၀၊ ပဲရာဇာတစ်ပိဿာ ၁၆၀၀ ကျပ်နဲ့ ၁၆ တန်တို့ဖြစ်ကြပြီး၊ ဧပြီနောက်ဆုံးပတ်မှာ ကုန်တန်ချိန် စုစုပေါင်း ၆၁၈ တန် အရောင်းအဝယ်ဖြစ်ခဲ့ကြောင်း၊ အောင်ပန်း ကုန်စည်ဒိုင်ဈေးကွက် သတင်းအရသိရပါတယ်။မင်းအောင် - တောင်ကြီး
 

တောင်သာနယ် နပြင်းရွာမှထွက် သည့်မြန်မာချည်ထည် နပြင်းထည်မှာ ကုန်ကြမ်းချည်ဈေးကွက်ကြောင့် ဈေး အမြ င့်ဖြင့်ရောင်းနေရကြောင်း သိရ သည်။ နပြင်းရွာမှထွက်သည့် ချည်ဖြင့် ချုပ်လုပ်ရောင်းချသည့် နပြင်းချည် ထည်အင်္ကျီများမှာ တစ်ထည်လျှင် ၂၀၀၀၊ ၂၅၀၀ ကျပ်ဖြင့် ဝယ်ယူဝတ် ဆင်နိုင်နေရာမှ ယခုအခါ ဈေးမြင့်လာ ခြင်းဖြစ်ကြောင်း သိရသည်။

ယခုနှစ်တွင် မိုးခေါင်၍ချည်မျှင်  ရှည်အုပ်စုဝါများအထွက်ကောင်းပြီး ဈေးကောင်းခဲ့သည်။ ဝါဈေးကောင်း သောဝါ ချည်မျှင်ဈေးကွက်တွင် ကျပ် ၈၀၀၀၊ ၁၁၅၀၀၊ ၁၂၀၀၀ အထိဈေး မြင့်လျက်ရှိကြောင်း သိရသည်။ မြန်မာချည်ထည်ဖြစ်သော နပြင်း ချုပ်ထည်မှာ မြန်မာဝါချည်များနှင့် ဒီ ဇိုင်းအမျိုးမျိုးအကွက်ဆန်းဖြင့် လူကြိုက် များအောင်ထုတ်လုပ်လျက်ရှိသည်။ အထူးသဖြင့် ဝမ်းတွင်း၊ အမရပူရ စက် ရက်ကန်းများမှ အဆိုပါနပြင်းချည် ထည်များအား လူကြိုက်များအောင် တီထွင်ချုပ်လုပ်ခဲ့ခြင်းဖြစ်သည်။ ယခုအခါတွင် ဝါဈေးကောင်းပြီး ချည်မျှင်ပါမြင့်တက်ခဲ့သဖြင့် မြန်မာ ချည်မျှင်ထည်အင်္ကျီ ဈေးကွက် များဈေး မြင့်လာခြင်းဖြစ်သည်။   ခင်ဇာမွန်မြင့် (ဥပဒေ)