ပြည်ပကို ပင်လယ်ရေကြောင်းက နှမ်းတင်ပို့မှုမှာ ယခင်သီတင်းပတ်များထက် သိသိသာသာ လျော့ကျလာပါတယ်။ ယခင် တစ်ပတ်ကစပြီး တန်ချိန် ၄၆၀ သာလျော့ကျတင်ပို့ခဲ့ပြီး ယခုတစ်ပတ် (ဖေဖော်ဝါရီ ၂၀-၂၄ ရက်) အတွင်းမှာလည်း တန်ချိန် ၃၆၀ ကျော်သာ တင်ပို့နိုင်တာတွေ့ရပါတယ်။ ယခုတစ်ပတ် တင်ပို့တဲ့ နိုင်ငံတွေကတော့ တရုတ်၊ ကိုရီးယားနဲ့ မလေးရှားကို ဖြစ်ပါတယ်။ ဖေဖော်ဝါရီလ တစ်လလုံး ရန်ကုန် ၤဥြ ဈေးကွက်မှာ နှမ်းအရောင်းအဝယ် ဖြစ်မှုဟာ တန်ချိန် ၂၀၀ ခန့်သာရှိတာတွေ့ရပါတယ်။ ရန်ကုန် FOB ဈေးမှာ ပြောင်းလဲခြင်းမရှိ ကြောင်း သိရပါတယ်။                                          MIRT - MAPT

    ဆောင်းမြေပဲဆန်များကို ကံမဘက်မှ ရေလမ်းနဲ့ ပြည်ဈေးကွက်ကို တစ်နေ့ အိတ် ၁၅၀၀ ခန့်ဝင်ရောက်လာပြီး၊ ရန်ကုန်ဝယ်လက်များနဲ့ ပြည် စက်သမားများက အဝယ်ရှိလို့ မြေပဲဆံဈေးမှာ ဖေဖော်ဝါရီလအတွင်း တစ်ပတ်ထက်တစ်ပတ် ဈေးမြင့် လာတာတွေ့ရပါတယ်။

    ယခုတစ်ပတ်အတွင်း ပြည်ပကို နှမ်းတင်ပို့မှု လျော့ကျတာတွေ့ရပါတယ်။ ယခင်သီတင်းပတ်က နှမ်းရောင်စုံတန်ချိန် ၇၀၀ ကျော်တင်ပို့ခဲ့ရာမှ ယခုတစ်ပတ် (ဖေဖော်ဝါရီလ ၁၃-၁၇ )အတွင်းမှာ တန်ချိန် ၄၆၀ ကျော်သာ လျော့ကျတင်ပို့ခဲ့ပါ တယ်။ ယခုတစ်ပတ် တင်ပို့တဲ့ နိုင်ငံတွေကတော့ ဂျပန်၊ တောင်ကိုရီးယား၊ စင်ကာ ပူနဲ့ ဗီယက်နမ်တို့ဖြစ်ပါတယ်။    နှမ်းရောင်စုံကို ပုံမှန်အားဖြင့်   Exporter များကို ကိုယ်တိုင်နယ်ဈေးကွက် အသီးသီးမှာ ဝယ်ယူလျက်ရှိပြီး ယခုတစ်ပတ်မှာတော့ ရန်ကုန် FOB  ဈေးကွက်မှာ နှမ်းတန်ချိန် ၁၀၀ ကျော် အရောင်းအဝယ်ရှိခဲ့ကြောင်း သိရပါတယ်။ ရန်ကုန် FOB  ဈေးမှာ ပြောင်းလဲမှုမရှိကြောင်း သိရပါတယ်။             MIRT - MAPT

စားအုန်းဆီကြမ်းဈေးက အပြောင်းအလဲ အတက်အကျရှိလိမ့်မယ်၊ ဒါပေမယ့် စားသုံးမှု မြင့်တက်နေတာကြောင့် စားအုန်းဆီကြမ်းအတွက် ဝယ်လိုအားက ဆက် လက်ကြီးထွားနေမှာဖြစ်လို့ တစ်တန်ရင်းဂစ် ၃၀၀၀ (ကန်ဒေါ်လာ ၉၈၃)အောက်ကို မဆင်းနိုင်ဘူးလို့ မလေးရှား စားအုန်းဆီကောင်စီ (MPOC) မှ ဒုတိယအမှုဆောင် အရာရှိ Kalyana  Sundram  က ပြောကြားပါတယ်။ လူဦးရေ တိုးတက်နေတာ ကြောင့် စားအုန်းဆီဝယ်လိုအားက ရောင်းချမှုထက် ကျော်လွန်ဖွယ်ရှိတယ်လို့ ဆိုပါ တယ်။စားအုန်းဆီကြမ်းဈေး ဘယ်လိုရှိမယ်မသိပေမယ့် ကမ္ဘာ့ဆီနဲ့ အဆီဈေးကွက် မှာတော့ အတက်ဘက်ဦးတည်ဖွယ်ရှိတယ်လို့ Kalyana    က ဆိုပါတယ်။ ပထမနှစ် ဝက်အတွင်း စားအုန်းဆီကြမ်းဈေးလက်ရှိအတိုင်းရှိနေပေမယ့် ဒုတိယနှစ်ဝက်မှာ တရုတ်၊ အိန္ဒိယနဲ့ အရှေ့အလယ်ပိုင်းက ဆီပိုမိုလိုအပ်မှာဖြစ်လို့ ထုတ်လုပ်သူတွေ အနေနဲ့ သိပ်စိုးရိမ်ဖို့မလိုပါဘူးလို့ ဆိုပါတယ်။လေ့လာဆန်းစစ်သူအများစုက စားအုန်းဆီကြမ်းဈေး တစ်တန်ရင်းဂစ် ၂၈၀၀ (ကန်ဒေါ်လာ ၉၁၇) အောက်ကို ကျဆင်းဖို့အကြောင်းမရှိကြောင်း၊ ရင်းဂစ် ၃၀၀၀ (ကန်ဒေါ်လာ ၉၈၃) ဝန်းကျင်မှာရှိနေမယ်လို့ ခန့်မှန်းတဲ့အတိုင်း ၂၀၁၁ မှာ အဲဒီ ဈေးဝန်းကျင်မှာရှိနေခဲ့ပါတယ်။ ၂၀၁၂ မှာလည်း ဒီဈေးနှုန်း ဝန်းကျင်မှာ ဆက်ရှိနေ ဦးမယ်လို့လည်း ၎င်းင်းကခန့်မှန်းပြောကြားပါတယ်။မလေးရှားနိုင်ငံရဲ့ စားအုန်းဆီ ထုတ်လုပ်မှုဟာ ၂၀၁၁ ထက် ၂ ဒသမ ၁ ရာခိုင်နှုန်းပိုမိုပြီး၊ ၂၀၁၂ တန်ချိန် ၁၉ ဒသမ ၃ သန်းရှိမယ်လို့ ခန့်မှန်းထားပြီး၊ တင်ပို့မှုမှာလည်း တန်ချိန် ၁၁၂၀၀၀ တိုးတက်ပြီး၊ တန်ချိန် ၁၈ ဒသမ ၁ သန်း ရှိမယ်လို့ ခန့်မှန်းထားပါတယ်။ ကမ္ဘာ့အကြီးဆုံး စားအုန်းဆီ ထုတ်လုပ်တဲ့ အင်ဒိုနီး ရှားရဲ့ ခိုင်မာတဲ့ ယှဉ်ပြိုင်မှုကြောင့် မလေးရှား စားအုန်းဆီတင်ပို့မှုမှာ ဖိအားများနဲ့ ဆက်လက်ရင်ဆိုင်ရဖွယ်ရှိတယ်လို့လည်း ၎င်းင်းက ဆိုပါတယ်။ ၂၀၀၇ ခုနှစ်ကစပြီး အင်ဒိုနီးရှားနိုင်ငံရဲ့ စားအုန်းဆီထုတ်လုပ်မှုက မလေးရှားထက်ပိုမိုခဲ့ကာ ဈေးသက် သက်သာသာနဲ့ ရောင်းချခြင်းဖြင့် မလေးရှားဈေးကွက်ဝေစုများဖြစ်တဲ့ တရုတ်နဲ့ အိန္ဒိယတို့ကို ပိုမိုရယူခဲ့တာဖြစ်ပါတယ်။ အင်ဒိုနီးရှားရဲ့ အခွန်ပုံစံသစ်ကြောင့် ပြည် တွင်းမှ တင်ပို့မှုမှာ ပိုမိုယှဉ်ပြိုင်ခဲ့ရတဲ့အတွက် မလေးရှားအစိုးရက စားအုန်းဆီကြမ်း အတွက် တင်ပို့ခွန်နဲ့ပတ်သက်လို့ နည်းလမ်းအမျိုးမျိုးကို ရှာဖွေနေကြောင်း သိရပါ တယ်။မလေးရှားနိုင်ငံအနေနဲ့ အင်ဒိုနီးရှားကို သာလွန်နိုင်ဖို့ဆိုတာ လက်တွေ့ဆောင် ရွက်နေတဲ့အကန့်အသတ်တွေကြောင့် မလွယ်ကူနိုင်ဘူးလို့ ဆိုပါတယ်။ ဒါ့အပြင် မလေးရှားနိုင်ငံမှာ သစ်တောဧရိယာ ၅၀ ရာခိုင်နှုန်းထက် မနည်းရှိဖို့လည်း ချမှတ် ထားပါတယ်။ စားအုန်းဆီထုတ်လုပ်မှုမှာ အထွက်နှုန်းပိုမိုကောင်းမွန်ဖို့ ရည်ရွယ် လျက်ရှိပြီး၊ ထုတ်လုပ်မှုဧရိယာ ဟက်တာ ၄ ဒသမ ၉ သန်းခန့်ရှိပြီး၊ အထွက်နှုန်းမှာ ၁ ဟက်တာ ၄ ဒသမ ၃ တန်ရှိကြောင်း Kalyana    မှ ပြောကြားပါတယ်။    ယုဇန၊ Source: malaysiastar