ပြည်ဈေးကွက်သို့ ဆောင်းမြေပဲအသစ်များကို မင်းတုံး၊ အောင်လံနဲ့ ရွှေတောင် ဘက်မှတစ်နေ့အိတ် ၉၀၀ ခန့် ဝင်ရောက်လာတာတွေ့ရပါတယ်။ မိုးမြေပဲ လက်ကျန် များ နည်းသွားပြီး ဆောင်းမြေပဲအသစ်များ ဈေးကွက်ဝင်ရောက်လာတာ ကြောင့် ဆီစက်သမားများမှ မြေပဲဆံအသစ်များကို ဆီကြိတ်ရန် အဝယ်လိုက် နေပေမဲ့ ဈေးမှာယခင်အပတ်အတိုင်း ငြိမ်နေတာတွေ့ရပါတယ်။ ဆီကြိတ်မြေပဲဆံ တစ်ပိဿာ ၁၄၂၅ ကျပ်၊လုံးဆံတစ်ပိဿာ ၁၆၅၀ ကျပ်ဈေးနဲ့ တစ်နေ့အိတ် ၉၀၀ ခန့် အရောင်း အဝယ်ဖြစ်တာ တွေ့ရပါတယ်။ ဝေေ၀မင်း

                   ပင်လယ်ရေကြောင်းက နှမ်းတင်ပို့မှုကတော့ မှန်မှန်ရှိနေပါတယ်။ ဇန်နဝါရီလ ၁၆ ရက်မှ ၂၀ ရက်အထိ ဂျပန်၊ ကိုရီးယားနဲ့ မလေးရှားကို နှမ်းတန်ချိန် ၇၀၀ ကျော် တင်ပို့ခဲ့လို့ ယခင်တစ်ပတ်ထက် အနည်းငယ်လျော့ကျခဲ့တာ တွေ့ရပါတယ်။ လက်ရှိဘဏ္ဍာနှစ် ဇန်နဝါရီလ ၂၀ ရက်နေ့အထိ နှမ်းပြည်ပတင်ပို့မှု စုစုပေါင်းမှာ တန်ချိန် တစ်သိန်းတစ်သောင်းကျော်ရှိပြီး ဝင်ငွေမှာ ကန်ဒေါ်လာ ၁၄၄ သန်း ကျော်ရှိပြီး ယခင်ဘဏ္ဍာနှစ် တစ်နှစ်လုံးမှာ တန်ချိန် ၈ သောင်းနီးပါးနဲ့ ဝင်ငွေမှာ ကန်ဒေါ်လာ ၁၁၄ သန်းကျော်ရရှိခဲ့လို့ ယခုနှစ် လက်ရှိအချိန်ထိ တင်ပို့မှုမှာ ပိုမို နေကြောင်း သိရပါတယ်။ ရန်ကုန် FOB ဈေးမှာ ယခင်ဈေးအတိုင်း ငြိမ်နေကြောင်း သိရပါတယ်။ MIRT - MAPT

                 ဟင်္သာတဈေးကွက် အတွင်းကို ပဲပုပ်အသစ်များ နေ့စဉ်ဝင်ရောက်ခဲ့ရာ ယခုတစ်ပတ် အိတ် ၄၀၀ကျော်-၅၀၀ အထိ အဝင်များလာပါတယ်။ ပဲပုပ် အသစ်များမှာ ဟင်္သာတမြို့အနီးရှိကျေးရွာများနဲ့ မြန်အောင်မြို့နယ်၊ အင်္ဂပူမြို့နယ်ရှိ ကျေးရွာများမှ ဝင်ရောက်ခဲ့တာဖြစ်ပါတယ်။ ပဲပုပ်ဈေးမှာ တစ်တင်းကို ယခင်အပတ်က ၁၃၀၀၀ ကျပ်နဲ့ အရောင်းအဝယ်ဖြစ်ခဲ့ပြီး၊ ယခု အပတ်မှာ တစ်တင်း ၁၃၄၀၀ ကျပ်နဲ့ ဈေးမာလာပြီး၊ စီးထွက်မှုအနေနဲ့ ရန်ကုန်ဈေးကွက်ကို နေ့စဉ်ပျမ်းမျှအိတ် ၄၀၀ ခန့် တင်ပို့နိုင်တယ်လို့ သိရပါ တယ။် အေးအေးခိုင်

    မန္တလေးမြို့ရဲ့ ပွဲစားကုန်သည်စက်ပိုင်များနဲ့ ကထိန်တော်အသင်းကြီးရဲ့ အရောင်းအဝယ်ဖြစ်မှုမှာ ဒီလအတွင်း နှမ်းဖြူဈေးအသင့်အတင့်ရှိခဲ့တာကြောင့် ရောင်းဝယ်တဲ့ ပွဲစားကုန်သည်လှောင်လက်နဲ့ ဝယ်လိုတဲ့ ကုန်သည်များရဲ့ လက်မှာ ရောင်းဝယ်မှုအသင့်အတင့် ဖြစ်ခဲ့တာကို တွေ့ရပါတယ်။